#مناجات_ماه_مبارک_رمضان## #ارسالی از سعادتی قم المقدس ## #سبک_احوالیمیز_یاماندی...## هر یرده حاضر الله رحمان و قادر الله اعمال خلقه سن سن هر یرده ناظرالله اغفرلنا یاالله ... جود و کرم سنوندی جرم و خطا بیزیمدی شایسته ی ثناسن ناقص دعا بیزیمدی سن مستجاب ایدن سن ورد و ثنا بیزیمدی ارض و سمایه سن سن اصل مصادر الله اغفرلنا یاالله ... بیزمستمند درگه لطف و عطا سنوندی محتاج و دردمندوک یا رب دوا سنوندی یکسر جهان فانی ذات بقا سنوندی یوخدور سنون شریکون سن سن فقط بیر الله اغفرلنا یاالله ... عصیانگرم عیاندور چوخدور گناهیم الله سندن صورا یوخومدور اوزگه پناهیم الله سن سن فقط جهاندا امیدگاهیم الله گچ بو خطالریمدن زهرایه خاطر الله اغفرلنا یاالله ... وار قدرتون مسلّم ایتسون اگر اراده شاه ایله سون گدانی خوار اولسا شاهزاده فوراً الین دوتارسان هر کس چاغیرسا داده سن سن ایدن طلوع هر صبح باقر الله اغفرلنا یاالله ... اعمال زشت و نیکو اولسا شهودی سن سن مغلوب ایدن رسوله قوم یهودی سن سن خاموش ایدن قیام عاد و ثمودی سن سن باطلدی محضرونده هر سِحر ساحر الله اغفرلنا یاالله ... نمرود اودون خلیله سن گلستان ایدوب سن موساایله عصادن معجرعیان ایدوب سن سن یونسی سمکده حفظ و نهان ایدوب سن ایوبی سن ایدوب سن اظهار و ناصرالله اغفرلنا یاالله ... ویرّوک قسم الهی شاهنشه حجازه گودالیده آلینموش اول قانلی دستمازه باش یاره سینه یاره آخر قیلان نمازه بیر ایله محنت ایلن اولموشدو شاکرالله اغفرلنا یاالله ... ویروک قسم حسینون شش ماهه اصغرینه پیغمبرون شبیهی دوغرانموش اکبرینه سقّای نینوانون دوغرانموش اللرینه دریای رحمتنونده قیل بیزی طاهر الله اغفرلنا یا الله ... #مژده گلر اللهی هر روز شب نوایه نوحه یازار عزیز زهرا و مصطفایه اولسا اگرچه لایق بو لطف و بو عطایه ایستر ئولونجه اولسون مولایه ذاکر الله اغفرلنا یاالله 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

شهادت مظلومانه امام جواد علیه السلام #سبک_احوالیمیز_یاماندی … 10 کربلایی رحیم شایان ارومیه (1) گل باشیم اوسته بیر دم حالیم یاماندی هادی جسمیم یانور عطشدن دل پارچالاندی هادی ئوز محرمیم ائویمده وئرمیش منه هلاهل هم تشنه هم غریبم بسدور منه بو نیسگل گل بیر گوروم جمالون آرام اولا یانان دل دور و بریم سراسر گور ال چالاندی هادی زهرا آنام دا گلمیش فریادیمه وئرور های آغلور بو حال زاره محنتلریمه یوخ سای سسلور آنام اورکدن ای وای جوادیم ایوای تئز گل گوزومی باغلا صبریم تالاندی هادی ال چالدی تا کنیزلر بو حال جان ستانه تز گلدی باشیم اوسته اول جعده زمانه یاندیم عطشدن ایتدی جامین یره روانه اود دوتدی بو جگرلر زهریله یاندی هادی نار فراقه یانام یوخ دردمین دواسی دوشموش خیاله اوغلوم ئوز جدمین عزاسی گئتمز نظردن اصلا غوغای کربلاسی گوز یاشلاریم بو غمده دایم رواندی هادی بو آخرین دقایق که حال رحلتیم وار بیلدیم حسن عمومه چوخلی شباهتیم وار جعده مثالی ائوده جانی بیر عورتیم وار ناله م بو ظلملردن عرشه دایاندی هادی نه سعدی زمانم نه منزوی نه انور نه تاج شاعرانم نه شاهی و نه مضطر تنها بونا خوشام من اولدوم قاپوزدا نوکر بو نوکرین سرشکی برگ اماندی هادی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

شهادت امام جواد علیه السلام مرتضی اسکندری (ساعد زنجانی) سم ویردیلر جواده یا ثامن الائمه سال بوغریبی یاده یا ثامن الائمه باد صبا خبر ویر سلطان بی نیازه سم ویردیلر عزیز پیغمبر حجازه بام اوسته قالدی اوچ گون بی سایبان جنازه گی قاره بو عزاده یا ثامن الائمه دشمنلره قوشولدی ئوز همسر لعینی مسموم ایدیبدور آخر آموزگار دینی بغداده چکدی آغلار پیغمبر امینی جان ویردی انزواده یا ثامن الائمه آزعمرینون چوخوندا زهرا آغلیاردی داغ مصیبتونده چوخ سینه داغلیاردی شال عزانی دائم باشینه باغلیاردی جان ویردی بوفضاده یا ثامن الائمه سکّیز یاشیندا مولا اولدی امام عالم هرنه سوال ایدوردی مولادن ابن اَکثَم بی شک و شبهه ویردی حضرت جواب محکم دشمن چاتوب مراده یا ثامن الائمه مسموم اولاندا مولا دیلدن فغان ایدوردی ملعون عیالی اما دردین نهان ایدوردی رقاصه لر یانوندا ظلمون عیان ایدوردی اوینوردولار آراده یا ثامن الائمه #سبک_احوالیمیز_یاماندی  (بیش از 10 سبک) 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

ورود ماه محرم #سبک_احوالیمیز_یاماندی … 10 سبک حاج محمدباقرعباسی (سائل زنجانی) یا فاطمه حسینون باشلاندی بزم یاسی آغلاتدی عرش و فرشی ایوای حسین صداسی آیلار دولاندی گلدی ماه محرم اولدی عرشه چکیلدی قاره اعلام ماتم اولدی کیم عاشق حسیندی ماتمله همدم اولدی اگنونده کی لباسی اولدی حسین قراسی بو آیدا ای عزیزان سیزلرده همت اولسون تبلیغ ائدون حسینی هر یرده صحبت اولسون قاره علملر آتدا بیر آیری قدرت اولسون سرمشق اولا گرکدی منشور کربلاسی جاندان حسین گئچوبدی دین اوسته وحدت اوسته نه اینکه کسب جاه و یا اینکه قدرت اوسته بلکه عقیده اوسته قرآن و عترت اوسته عالملره یایلدی مقتلده کی نداسی غم چهره سی دوتوبدور بو آیدا عرش طاقی تشکیل اولوب حسینه مقتلده عشق اطاقی یاندی سووین یانندا زهرا ئوپن دوداقی دلدن سالوب حسینی اوچ پر اوخون یاراسی لرزه دوشوب جهانه مانند گاهواره بیر ضربه گوردی سینه دوشدی یارا فشاره زهرانون اوندا ناگه قلبی دوتوب شراره آغلاتدی ممکناتی شام اهلینون جفاسی مخیمده گوردی زینب وضع زمانی بحران یعنی نظام عالم ایستور اولا پریشان بیر غرّش ائتدی زینب مانند شیر یزدان معناده سسلنوبدی احسن اونا آناسی بیر ناله نین صداسی گلدی یره هوادن بیر ناله ده اوجالدی یردن گویه منادن زینب سسی اوجالدی میدان کربلادن وای قارداشیم دیَنده آچدی گوزون رجاسی شمری گوروبدی ناگه الده قلنجی عریان ایستور سالا او ظالم دنیایه گوردی طوفان بیر سینیه چخوبدور هر سمتیدن آتور قان باش کسمگه بیلوبدی یوخدی اونون اِباسی ال آتدی خنجریندن دوتدی به فوری زینب اهل اشاره اولسا بسدور اونا بو مطلب بارماقلاری کسیلدی قالدی نه حاله یارب بیلدیردی عالمینه عشقون ندور بهاسی سسلندی کسمه ظالم قارداشیمون بوغازین سجده ائدوردی حقّه قطع ایلدون نمازین قوی بیر آلوم قوجاقه درک ایلیوم نیازین گر چه سنی دوتوبدی ری ملکینون هواسی وئرمه تکان الینده شمشیره بی مروّت اَن سینه دن اشاقه وئرمه حسینه زحمت کسمه سوسوز بوغازین سالما جهانه وحشت وابسته دور حسینه بو عالمون بقاسی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

ورود ماه محرم #سبک_احوالیمیز_یاماندی … 10 سبک مرحوم حسینی سعدی زمان ارکان دین و ایمان ویران اولوب بو آیدا پیغمبر اوغلی قانه غلطان اولوب بو آیدا بو آی همان او آی دور عرشه چکیلدی قاره یِتمیش ایکی موحّد دوغراندی پاره پاره گلدی رسول اکرم جنّتده آه و زاره گوردی بتول عذرا گریان اولوب بو آیدا اولدی بو آیدا منزل دشت بلا حسینه افلاکیده قورولدی بزم عزا حسینه خرگاه ماتم اولدی عرش خدا حسینه گوگلر حسین غمینده نالان اولوب بو آیدا زهرا دیر اوغول وای بو آیدا حیدر آغلار ماتم دوتوب حسینه جدّی پیمبر آغلار آغلا حسینه شیعه عالم سراسر آغلار اشکی امام عصرین آلقان اولوب بو آیدا سو یولّارین کسوبلر بو آیدا قوم اعدا اللرده بوش سو جامی آغلار بنات زهرا ای کاش قان اولِیدی یکسر قنات دنیا ذرّیّه ی رسالت عطشان اولوب بو آیدا کرب و بلا چولنده برپا اولوبدی محشر لب تشنه دوغرانوبدور قطعه به قطعه اکبر پستان کیمی اَموبدور نوک خدنگی اصغر پیکان او شیرخواره پستان اولوب بو آیدا اوز سود اَمَر بالاسین گورجک چکوبدی بیر آه قالدی حسین نه حاله بُلدی او حالی الله دولدوردی قاندان اُوجین سَپدی سپهره اول شاه قانیله چرخ اطلس الوان اولوب بو آیدا اوچ شعبه لی خدنگه اصغر نشان اولاندا ظلمیله شاه دینون گُل غنچه سی سولاندا اصغر دیوب آناسی گیسولرین یولاندا اشک سکینه رشک عُمّان اولوب بو آیدا قاسم جوان ئولوبدور غمگین اولوب آناسی آغلار دیر بالامون قان اولدی طوی حناسی طوی گورمیوب جوانیم گِیموبدی طوی لباسی توپراقلاریله نعشی یکسان اولوب بو آیدا بزم نشاطی ایتسون بیت الحزن جوانلار ناکام ئولوب بو آیدا گُل پیرهن جوانلار دین اوسته دوغرانوبدور طوی گورمین جوانلار طویلار عزایه دونسون اعلان اولوب بو آیدا قان آغلادور جهانی عبّاس ماجراسی چیگنینده بیر سو مشکی آنّیندا اوخ یاراسی قول یوخ ولیک قویمور دوشسون یره لِواسی باخمور بدن نشانِ پیکان اولوب بو آیدا بو آی یر اوسته عطشان سلطان دین یخلدی کرب و بلاده فرشه عرش برین یخلدی اسلامیان امامی حِصن حَصین یخلدی زهرا عزیزی زیبِ میدان اولوب بو آیدا فریاد او وقتیدن شمر آغلاتدی مهر و ماهی ئولدوردی سو یانندا عطشان، یارالی شاهی آل علی سویولدی اودلاندی خیمه گاهی پیغمبرین جلالی تالان اولوب بو آیدا فصل خزان اولاندا وار سرّی بلبل آغلار گلزار دین سولوبدور بلبل یانار گل آغلار شیعه اولان بو آیدا باشه سَپَر کُل آغلار راس حسین کُل اوسته مهمان اولوب بو آیدا وار ای «حسینی» دردون ممکن دگل مداوا باخما علاج ایدنمور عاجز قالوب اطبّا یالوار حسینه آغلا نومید اولما اصلا چوخ درد بی دوایه درمان اولوب بو آیدا 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

زبانحال امام حسین (ع) به حضرت زینب (س) در شهادت حضرت علی اصغر (ع) #سبک_احوالیمیز_یاماندی … 10 سبک مختار وطن پرست (نگین تبریزی) گل زینبیم یوبانما بو طفلی قان آپاردی لاله کیمین بویاندی دلدن توان آپاردی اصغر غمی بویوکدی اوخشا باجی یان آغلا اوتلی اولان نفسدن کون و مکانی داغلا گل زینبیم دوباره بیر کاری یاره باغلا هر چند فکرِ مرهم هاردا گمان آپاردی قلبیم باجی داریخدی لب تشنه جان ویرنده فوراه تک سمایه حنجرده قان ویرنده اوت توتدی قلب زاریم حلقون نشان ویرنده تا من چکم او تیری بیر آز زمان آپاردی باجی چکنده تیری اللر قانا بویاندی باخدیم نه گوردوم اوندا یوز گوز تمامی قاندی سس چکدی او غمیمده گویده ملک ده یاندی بو غمده عالَمِينى درد گران آپاردی اوجومدا جمع قیلدیم آتدیم قانین هوایه چخدی یانان دلیمدن آهیم منیم سمایه قان آغلادی ملک لر یکسر باتوب عزایه مهمان ایدوب بالامی حور جنان آپاردی ثاراللهم اوزوم من اصغرده اوز قانیمدی بیر سرّدور بو مطلب قانیمدی هم جانیمدی جانان و جان اولوب بیر، بو راز پنهانیمدی فانی اولان بولر کی سرّ ِ نهان آپاردی گرچه گیدوب الیمدن یتمیش ایکی وفادار قانه باتوبدی گرچه پور رشید کّرار ایتدی اگرچه اکبر جانانه جانین ایثار اصغر غمی ولیکن صبری عیان آپاردی سل تک آخور گوزومدن قانیاش باجی عذاره دوشدوم عجب بو چولده محنتلی گیر و داره یاندیم بو غمده چوخ چوخ شاهدی شیرخواره دل یوخ دیسون او دردی گیتدی بیان آپاردی بولسه آناسی حالین اشگین عذاره باغلار اصغر غمینده یکسر قلب جهانی داغلار گونلر ایوینده سیزلار یاندیقجا باجی آغلار بیر گون گورر بو ایللر گوز یومدی جان آپاردی اولسیدی گر علمدار بو حاله قالمازیدیم فریاد و شور و دادی افلاکه سالمازیدیم سندن بو نوعی صبری بالمرّه آلمازیدیم نیلوم که یوخ ابوالفضل دشمن اَمان آپاردی بو گون خزان ایدوبلر گلزاریمی باجی جان بیر ایله گلستان کی گورمز اونی بو دوران بو گلستانین ایچره بیر غنچه اولدی خندان خندان گیدوبدی اما بیر گلستان آپاردی باجی چاغور آناسین آلسین بو دم بالاسین عرشه اوجاتسون هر دم فریاد و آه و واسین باشی آخور باجی جان آندیرما سن آناسین آگاه اولار ولیکن حلقین نشان آپاردی قویما یره الوندن غم چامه سین یاز آغلا مژگانی تیشه فرض ایت گوز داغنی قاز آغلا هرکیم دیسه بو غمده بسدور نگین آز آغلا سویله غموم اصغر مندن توان آپاردی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

استمداد حضرت ابوالفضل (ع) #سبک_احوالیمیز_یاماندی … 10 سبک مرحوم سعدی زمان گل ماه آل هاشم دوشدی خسوفه قارداش سرداروه اَل آچدی اشرار کوفه قارداش فریاده گل براد ر صاحب علم یخیلدی باش زخمین ایتدی خاک و احجار روفه قارداش ای شمس چرخ عزت ای نیّر امامت هرگز دیمم واریمدور جسمیمده چوخ جراحت مندن صورا تاپار بو دشمن سنه جسارت آی باتدی گون یاخوندور دوشسون کسوفه قارداش ای لشگری سنان شه درک ایله سرسپاهی سندن صورا بلورسن یوخدور امیدگاهی سن سن بو گون جهاندا عالم لرین پناهی لطف و عطاده مظهر حی رئوفه قارداش قلب سپاه کفره اولده لرزه سالدیم تا لشگری داغیتدیم نهر فراتی آلدیم اما الیم کسیلدی اشرار الینده قالدیم اولدی نیام جسمیم مین لر سیوفه قارداش یول آختاروردی روحیم راه صواب عشقه بیر حرف ساق قولومدان اولده باب عشقه بیر حرف صول قولومدان یازدیم کتاب عشقه قانه دونر سرشگون باخسان حروفه قارداش قولاریمی سالاندا بو پیروان باطل سو مشگیمه برادر ایتدیم قولومی حایل دورت بیر طرفدن از بس اوخ ووردی بو اراذل الفی گیچوب یتشدی زخمیم الوفه قارداش ال سیز منی گورنده ال قوم کافر آچدی عنقا تک اوخ یاراسی جسمیمده شهپر آچدی اوج وصال قدسه روحیم قوشی پر آچدی اشگیم کیمی سپولدی قانیم طفوفه قارداش جسمیمده زخم پیکان گلشن کیمی گل آچدی هر یاره شرح حاله بیر نوعیله دل آچدی عالمده مین رسائل تک بو مسائل آچدی کیم سجده گهده گورمیش آچسون شکوفه قارداش زخم سنان و پیکان گر چه بدنده چوخدی اما منه موثر نه نیزه دور نه اوخدی من سیز سنه بو چولده بیر جان نثار یوخدی باعث بو غمدی بئله داد و لهوفه قارداش آتدان دوشنده گوردوم ال یوخ ویرم قباقه دوشدوم یوزی اوسته آتدان چون پای بسته ناقه قادر اولانمادیم تا بیرده دورام ایاقه ایلوم دوباره حمله یاغی صفوفه قارداش آختارسان ای «حسینی» بو مشکلاته چاره عباسه قیل توسل گل نی تک آه و زاره اوز مطلع کلامون یاز مقطعه دوباره گل ماه آل هاشم دوشدی خسوفه قارداش 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

عاشورا خطاب به حضرت امام حسین در قتلگاه #سبک_احوالیمیز_یاماندی … 10 سبک … قان یاغدی کربلایه … اود یاپوشدی سینمه … از ما خطا یا الله … مرحوم میرزا عبدالوهاب حقیرخویی ای پاره پاره جسمی عریان قالان حسین وای ای خیمۀ جلالی تالان اولان حسین وای ای گوزلری فراته حسرت باخوب وئرن جان مولا او حالتیوه جانلار اولیدی قربان تشنه جگر یارالی گون ایسّی سینده عطشان یالقوز یارالی وئردون میداندا جان حسین وای اطرافون هر طرفدن قیلدی احاطه لشگر از بسکه ووردولار اوخ پیکاندان آچدی شهپر دولدی خدنگه جسمون اولدی بدن سراسر آماجگاه تیغ و تیر و سِنان حسین وای آخدوقجا قان اولوب ضعف مستولی اول جنابه خدّ یمینی اوسته قویدی یوزون ترابه گرد و غبار یردن اوج ائتدی نُه قبابه جوش و خروشه گلدی کرّوبیان حسین وای مجروح قان ایچینده چون تیر خورده آهو ذکری ترانۀ حق ورد زبانی یاهو توحید حقّه گویا جسمینده هر سر و مو اعضا اولوب سراپا چشم و زبان حسین وای دورت مین یارا بدنده ایستر دورا نمازه قلب شریفی مشغول درگاه بی نیازه گوردی او نیک موقع اولماز سو دستمازه حلقون دم خدنگه وئردی نشان حسین وای ما ٕ زلال تک صاف جاری دم گلوسی خون گلودن هرچند تکمیل اولوب وضوسی قربانگه وفاده قالدی بیر آرزوسی هم دستمازی اولسون هم غسلی قان حسین وای تکبیریله صلاة ظهری ائدوب اقامه اما اوزونده طاقت یوخ حالت قیامه ذکر شهادتینی وصل ائتمه میش سلامه ناگه سِنان الینده یتدی سنان حسین وای باش سجده ده یوز اوسته دوشدی حبیب داور آیریلدی دسته لردن شمر الده قانلی خنجر آغوشین آچدی زهرا جان ای عزیز مادر دور بیر آتان گلوبدور آخر آنان حسین وای قوی باشیوی دیزیمه تا باغلیوم گوزیوی زینب هانی چوورسون تا قبلیه یوزوی مظلوم اوغول بو قومه بولدورمه دون اوزیوی شرم ائتمدی آتاندان بو کوفیان حسین وای بیر قانلی گوزلرینی آچدی امام مظلوم جان ای آنا نه یاخشی گلدون بو قوم مشیوم قویمور یانیما گلسون نه زینبیم نه کلثوم بی صاحب اهل بیتیم ایلر فغان حسین وای تفصیلیله«حقیرا»ذکر شهادت اولماز شرح ائتماقا بو سرّی دللرده طاقت اولماز قطعاً او گوندن آرتوق هول قیامت اولماز کیم کربلاده اولدی محشر عیان حسین وای 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

ورود ماه محرم #سبک_احوالیمیز_یاماندی … ## #ارسالی از سعادتی قم المقدس ## حاج محمدباقرعباسی (سائل زنجانی) یا فاطمه حسینون باشلاندی بزم یاسی آغلاتدی عرش و فرشی ایوای حسین صداسی آیلار دولاندی گلدی ماه محرم اولدی عرشه چکیلدی قاره اعلام ماتم اولدی کیم عاشق حسیندی ماتمله همدم اولدی اگنونده کی لباسی اولدی حسین قراسی بو آیدا ای عزیزان سیزلرده همت اولسون تبلیغ ائدون حسینی هر یرده صحبت اولسون قاره علملر آتدا بیر آیری قدرت اولسون سرمشق اولا گرکدی منشور کربلاسی جاندان حسین گئچوبدی دین اوسته وحدت اوسته نه اینکه کسب جاه و یا اینکه قدرت اوسته بلکه عقیده اوسته قرآن و عترت اوسته عالملره یایلدی مقتلده کی نداسی غم چهره سی دوتوبدور بو آیدا عرش طاقی تشکیل اولوب حسینه مقتلده عشق اطاقی یاندی سووین یانندا زهرا ئوپن دوداقی دلدن سالوب حسینی اوچ پر اوخون یاراسی لرزه دوشوب جهانه مانند گاهواره بیر ضربه گوردی سینه دوشدی یارا فشاره زهرانون اوندا ناگه قلبی دوتوب شراره آغلاتدی ممکناتی شام اهلینون جفاسی مخیمده گوردی زینب وضع زمانی بحران یعنی نظام عالم ایستور اولا پریشان بیر غرّش ائتدی زینب مانند شیر یزدان معناده سسلنوبدی احسن اونا آناسی بیر ناله نین صداسی گلدی یره هوادن بیر ناله ده اوجالدی یردن گویه منادن زینب سسی اوجالدی میدان کربلادن وای قارداشیم دیَنده آچدی گوزون رجاسی شمری گوروبدی ناگه الده قلنجی عریان ایستور سالا او ظالم دنیایه گوردی طوفان بیر سینیه چخوبدور هر سمتیدن آتور قان باش کسمگه بیلوبدی یوخدی اونون اِباسی ال آتدی خنجریندن دوتدی به فوری زینب اهل اشاره اولسا بسدور اونا بو مطلب بارماقلاری کسیلدی قالدی نه حاله یارب بیلدیردی عالمینه عشقون ندور بهاسی سسلندی کسمه ظالم قارداشیمون بوغازین سجده ائدوردی حقّه قطع ایلدون نمازین قوی بیر آلوم قوجاقه درک ایلیوم نیازین گر چه سنی دوتوبدی ری ملکینون هواسی وئرمه تکان الینده شمشیره بی مروّت اَن سینه دن اشاقه وئرمه حسینه زحمت کسمه سوسوز بوغازین سالما جهانه وحشت وابسته دور حسینه بو عالمون بقاسی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

ورود ماه محرم #سبک_احوالیمیز_یاماندی … ## #ارسالی از سعادتی قم المقدس ## حاج محمدباقرعباسی (سائل زنجانی) یا فاطمه حسینون باشلاندی بزم یاسی آغلاتدی عرش و فرشی ایوای حسین صداسی آیلار دولاندی گلدی ماه محرم اولدی عرشه چکیلدی قاره اعلام ماتم اولدی کیم عاشق حسیندی ماتمله همدم اولدی اگنونده کی لباسی اولدی حسین قراسی بو آیدا ای عزیزان سیزلرده همت اولسون تبلیغ ائدون حسینی هر یرده صحبت اولسون قاره علملر آتدا بیر آیری قدرت اولسون سرمشق اولا گرکدی منشور کربلاسی جاندان حسین گئچوبدی دین اوسته وحدت اوسته نه اینکه کسب جاه و یا اینکه قدرت اوسته بلکه عقیده اوسته قرآن و عترت اوسته عالملره یایلدی مقتلده کی نداسی غم چهره سی دوتوبدور بو آیدا عرش طاقی تشکیل اولوب حسینه مقتلده عشق اطاقی یاندی سووین یانندا زهرا ئوپن دوداقی دلدن سالوب حسینی اوچ پر اوخون یاراسی لرزه دوشوب جهانه مانند گاهواره بیر ضربه گوردی سینه دوشدی یارا فشاره زهرانون اوندا ناگه قلبی دوتوب شراره آغلاتدی ممکناتی شام اهلینون جفاسی مخیمده گوردی زینب وضع زمانی بحران یعنی نظام عالم ایستور اولا پریشان بیر غرّش ائتدی زینب مانند شیر یزدان معناده سسلنوبدی احسن اونا آناسی بیر ناله نین صداسی گلدی یره هوادن بیر ناله ده اوجالدی یردن گویه منادن زینب سسی اوجالدی میدان کربلادن وای قارداشیم دیَنده آچدی گوزون رجاسی شمری گوروبدی ناگه الده قلنجی عریان ایستور سالا او ظالم دنیایه گوردی طوفان بیر سینیه چخوبدور هر سمتیدن آتور قان باش کسمگه بیلوبدی یوخدی اونون اِباسی ال آتدی خنجریندن دوتدی به فوری زینب اهل اشاره اولسا بسدور اونا بو مطلب بارماقلاری کسیلدی قالدی نه حاله یارب بیلدیردی عالمینه عشقون ندور بهاسی سسلندی کسمه ظالم قارداشیمون بوغازین سجده ائدوردی حقّه قطع ایلدون نمازین قوی بیر آلوم قوجاقه درک ایلیوم نیازین گر چه سنی دوتوبدی ری ملکینون هواسی وئرمه تکان الینده شمشیره بی مروّت اَن سینه دن اشاقه وئرمه حسینه زحمت کسمه سوسوز بوغازین سالما جهانه وحشت وابسته دور حسینه بو عالمون بقاسی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛