#حالات اربعین حسینی## #ارسالی از سعادتی قم المقدس ﷼# یازاندا کلک حقیقت حقیقت عنوانی یازوبدی روز ازلدن فنا بو دنیانی بشر مواظب اول آلانما فانی دنیایه بقاسی یوخدی یقین ایله فانیدور فانی فنایه باغلاما دل ای گوزوم گر عاقلسن اورکده ساخلا فقط حبّ و عشق یبقانی بقانی فانیه ساتماز او کسکه عاقلدور بیلر که واردی بقانون فنایه رجحانی بودور چکیدۀ سوز کلّ من علیها فان صراحتاً بویوروبدی کتاب سبحانی گیدور بو قافلۀ عمر چوخ شتابیلن توقف ایلمگه یوخدی لحظه امکانی خوشا او کسلره که توشۀ سفر گوتوروب محالیدور گوره لر بو سفرده ایذانی خوشا او شخصه آپاردی مزاره قلبنده ولایت حبّنی تاپدی مقام والانی خوشا او شخصه ایشتدی حدیث ثقلینی دوتوب گرامی داخی عترتیله قرآنی بصیرتیله باخوب گوردی عترت قرآن مقام و مرتبه ده بیردی حدّ و میزانی قویاخ بو یردن سوزی اربعیندن دانشاخ بو بزم غمده ویراخ شرح غملی دستانی گوراخ نه نوعی گلوب کربلایه آل علی سالوب نه حالته غملر بنات طاهانی سارالموشیدی اولار کهربا مثالنده اولوبلا مدّتی ویران سراده زندانی نجه خرابه، نه زندان، بیانی مشکلدی بو محنت حشره کیمی یاندورار اخلّانی نه ایستیدن نه سویوقدان نه باد و باراندان یوخیدی سقفی ایده حفظ تا اسیرانی مثال گل ایله سولموشدولار حرارتدن سالوب او حاله فلک دختران زهرانی هره چکوبدی اودم بیر مزاری آغوشه شکایته دل آچوب دلده آه سوزانی بیری دیردی بابا چوخ ویروبلا قمچی منه سالوب مشقته گور شامیان بو نالانی کنار علقمه یوز قویدی قیزلارین بیریسی بیلوردی اوردا یاتوب غیرت و وفا کانی که یعنی حضرت عباس او صاحب صولت همان او یرده گوروب سهمناک طوفانی جناب فاطمه بنت الحسین او کان ادب مخاطب ایلدی آغلار گوزیله سقانی عمو گوزوندن ایراق شام مجلسنده منی کنیز ایستدی اول مرد شامی و جانی هرایه کاش گلیدون چتین زمانمده سالوبلا گورنه فشاره بو دیده گریانی حسینه دردینی اظهار ایدردی زینبده توکردی مرقد پاک اوسته اشک چشمانی دیردی ایندی بوگوز کاسه سینده سوگتدیم توکم مزاریوه ای دینون عالی قربانی اورک دولوسی سنه بیرده سوز واریم قارداش مجال اولا دیرم بیر به بیر قضایانی نه چکموشم که اوزاق یولاری گوزوندن ایراق گزن زماندا اخا شام و کوفه ویرانی شمادتیله گولوب ال چالاردی اهلی بیزه سالوب مشقته زخم زبان عزیزانی لزومی یوخدی حسین شرحنه ئوزون بیلوسن دانشسام آغلادارام برّ و بحر و صحرانی نقدر مشکل اولارموش حسین غم هجران بو قرخ گونون نقدر اولدی عمری طولانی قوتاردی قید اسارتدن آل پیغمبر مزارون اوسته گتوردوم هامی صبا یانی رقیه مون یری بوشدور ولی هزار افسوس سالوب کمنده اجل اوچوسی اونالانی بو باره ده خجلم من اونی گتور ممشم باغشلا زینبی ای تشنه لب چخان جانی بالامی غصه لر ئولدوری چون دگولدی مریض آلوبدی غملر الیمدن او دخت والانی یوخودا بیر گیجه گوردی سنی او غم دیده گوزون آچوبدی سمایه اوجالدی افغانی دیدی خرابیه گلمیشدی عمه ایندی بابام آخوردی یاره لریندن او سرورین قانی یزید قصرینه چاتدی گیجه او ناله سسی سالوبدی فکر کجه ناگهان او نادانی ویرون دیدی آتا باشین او طفله رام اولسون با شون خرابیه گلدی او لیل ظلمانی گورنده باشوی گوردون نه حاله قالدی بالام اوچوبدی روحی مکان ایتدی باغ رضوانی گوزل آدون ایدوب ازبر دلینده «غفاری» نشان عرض ارادتدی الده دیوانی منبع : رهروان عاشورا (چهارده معصوم علیهم السلام) #اربعین #اشعار‌_حاج‌اکبر_غفاری‌زنجانی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛