در بیان فضیلت زیارت امام رضا علیه السلام و گریز به شهادت آن حضرت #ارسالی از سعادتی قم المقدس ## به اذن حضرت پروردگار امام رضا کیمون نه حاجتی اولسا ایدر یقیناً عطا نه مطلبون اولا گیت ثامن الائمیه دی نه حاجتون اولا ایلر عطا او کان سخا محالیدور بیری صدقیله دامنینی دوتا قووا کرم قاپوسیندان اونی او مه سیما خوشا او کسلره که پای بوسنه یتشر خوش حالینه او کسین زائر او حضرت اولا زیارتنده اونون وار ثواب بی پایان بو مطلبی ئوزی ایتموش بیان او شمس هدا بویوردی بیرده که ئوز جدی حضرت خاتم بو مژده نی ایشده خوشدی جمله اهل ولا زیارت ایلسه غربتده کیم رضا بالامی بهشتی واجب ایدر زائرینه ذات خدا نظیر بو جملاتی بویوردی صادق امام که یعنی هر کس امام رضایه زائر اولا باغشلیار اوکسی لطفله خدای غفور قلم عفو چکر جرمنه حق یکتا فدا اولا هامی عالم مقام رفعتوه خوشا او شخصه گلر ایل به ایل زیارتوه بهشت ، خلق ایلیوبدی خدا خراساندا اورک اولار هامی غمدن رها خراساندا بهشتده نجه که غصه و ملال اولماز بلی بهشت کیمی وار صفا خراساندا جنانه ایتسه مباهات او شهر باجادی دوشوبدی چون گل آل عبا خراساندا هزار حیف ولی جان ویروب غریبانه یانوندا اولمادی بیر آشنا خراساندا گتوردی مکریله مأمون اونی بو ایرانه ایدوب امامه جفا اول دغا خراساندا ولایت عهدین ایدوبدی او حضرته تحمیل بو نوعیله ایده تبلیغ تا خراساندا ریاسته گوره گلمش دیه امام بورا امامه باغلیا بیر افترا خراساندا ایدردی ظاهراً حرمت امام والایه ولیک باطناً ایلر جفا خراساندا خصوصی بزمنه بیر گون امامی دعوت ایدوب ایدوبدی کینه سینی برملا خراساندا بیله بویورموش اباصلته اول امام رئوف قالوبدی آز چخا عرشه نوا خراساندا صباح اولار گیدرم من حضور مأمونه ایدر ستم منه اول بی حیا خراساندا ایلیکه باشمه گوردون عبا چکوب گلورم دانشدیران منی بیلمه روا خراساندا گیدوب او مجلسه اما ایدوب نجه رجعت دو شوبدی مشکله مشکل گشا خراساندا بو سوزناک سوزی نقل ایدن اباصلتدی روایت ایلیوب اول با وفا خراساندا دیور نه گوردوم او ساعت گلور عبا باشدا اونی کمنده سالوبدی قضا خراساندا سولوبدی گل کیمی رنگی گیدوب تواناسی اولوبدی درد و غمه مبتلا خراساندا دیدوم که کاش گلیدی باجیسی معصومه سالیدی باشنه غمدن قرا خراساندا گلیدی بیرده جواد اوغلی دیده سی گریان آلیدی باشینی آغوشه تا خراساندا آتا ئولنده اوغول باغلیا گوزون خوش اولار گلیدی کاش دوتیدی عزا خراساندا نه گوردوم اوندا آچلدی او باغلانان قاپولار گوزومه دگدی که بیر مه لقا خراساندا دیدیم قاپولاری من باغلاموشدوم ای مولا بویور گوروم ندی بو ماجرا خراساندا دیدی مدینه دن الله منی بورا گتوروب آچار قاپو یوزومه بر ملا خراساندا روا دگول که بابام جان ویره غریبانه اودور که گلدیم ایدم من نوا خراساندا آتا ئولنده گوزلدور اونون جوان اوغلی آلا قوجاقه باشین ایلیه فغان اوغلی هزار حیف ولی کربلا دیارینده قوجا آتا گلوب اوتدی بابا کنارینده یتشدی اکبرین آخر سلامی اخیامه بوکوبدی قد حسینی سالوبدی آلامه کمال سرعتیله اول امام عالمیان ئوزون یتردی جوان اوغلونا اورک دولی قان قالاندا یدّی قدم اکبره او وارسته سوروندی گلدی آلوب باشینی دیزی اوسته اورک قانینی ایدوب جاری قاتدی گوزیاشنا بویوردی سن سیز علی تپراق عالمون باشنا بالا نه حالیدی بو سنده رؤیت ایلیورم بو قاره گوزلریوه هرچه دقت ایلیورم گوزوی آچمیوسان ای جوان خوش خصلت و یا که نطقه گلوب منلن ایتموسن صحبت بو حال زاریمه علت ندور که یانمورسان نه خواب نازه گیدوبسن علی اویانمورسان ئولونجه وار یری «غفاری» آغلیا بو غمه قتیل اولوبسان علی تشنه قوم بد شیمه منبع : کتاب غوغای عاشورا #امام_رضا_علیه‌السلام #اشعار_حاج‌‌اکبر_غفاری‌زنجانی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

#نوحه به مناسبت شهادت امام رضا علیه السلام## #ارسالی از سعادتی قم المقدس ## ئولورم ایله سفر شهر خراسانه جواد گتوروب زهر جفا ایندی منی جانه جواد گل خراسانه جواد ملک ایرانه جواد ۲ بار گل اوغول غربت آرا گور نجه مظلوم ئولورم ستم اهلی ایلیوبدی منی مغموم ئولورم منی مأمون ایلیوب ظلمیله مسموم ئولورم دوندروب اهل جفا قلبیمی گور قانه جواد ئولورم گوزلریمی باغلیانیم یوخدی منیم آتش غمده ئورک داغلیانیم یوخدی منیم وطن آواره سیم آغلیانیم یوخدی منیم گورنجه جان ویرورم زار و غریبانه جواد ایللریمدن آرالی حسرتیله جان ویرورم منتظر حالیده بو عمریمه پایان ویرورم جانیمی دینمه جدیم کیمی قربان ویرورم جان عالم اولا قربان ایله قربانه جواد نه گوزلدور هر آتا نایل اولا بو امله جان ویرنده باشونون اوسته جوان اوغلی گله گلمگه ایندی ملاقاتیمه ایله عجله آز قالور طوسیده عمروم یته پایانه جواد خوش اولار بیر ده باجی آغلیا ئوز قارداشنا سالا باجادی بو غمده باجی قاره باشنا قاتا خون دلینی گوزدن آخان گوز یاشنا سالا شیون سسینی عالم امکانه جواد آغلورام عمه مون احوالینه ای کان وفا آغلیا قارداشینا قویمادولار اهل جفا قتلگاه ایچره قورا جدیمه بیر بزم عزا آغلورام منده او مظلومۀ دورانه جواد اولدولار مانع او گون سینه سینی داغلاماقا اوجادان قارداشینی اوخشاماقا ، آغلاماقا ممکن اولمادی یارالارین او گون باغلاماقا چون اسیریدی اوگون فرقۀ عدوانه جواد جسمدن اهل جفا رخت ستم سویمادولار نقدر ظلم ایلیوب ظلمدن هیچ دویمادولار باجی قارداشینه ماتم دوتا بیر قویمادولار دوندره گوزدن آخان اشکینی القانه جواد منبع :کتاب غوغای عاشورا #امام_رضا_علیه‌السلام #اشعار_حاج‌اکبر_غفاری‌زنجانی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛