🔹بازگشت حجاج از سفر مکه🔹 گریز به احوالات حضرت زهرا ✍شاعر :علی عبدی خوش سیزین حالیزه کی اولدی عنایت حاجیلار اِیلدوز کعبه ی جانانی زیارت حاجیلار نئچه ائیل گوزله میشوزتا گوره سیز بوسفری آلمیشوز ئوز جانیزا بو سفر پر خطری گئیونوبسوز بدنه جامه ی اِحرامیلری وئرمیشوز اَل اَله تا خَلق اولا وحدت حاجیلار 🔹🔹🔹🔹🔹 وئرمگ اولماز ایکی دنیاده بها دوز حاجیا جسم وجانلار اولا دنیاده فدا دوز حاجیا الله ئوز جنّتینی اِیلر عطا دوز حاجیا دوزگون انسانه گنه کمدی بو جنت حاجیلار 🔹🔹🔹🔹🔹 قاف عشقه چاتار انسان نَفَسین پاک اِئلسه صَنَم نفسینی سیندیرسا ئوزون خاک اِئلسه دین اسلامه گوره سینه سینی چاک اِئلسه ئولسه بویولدا آلار فیض شهادت حاجیلار 🔹🔹🔹🔹🔹 نَقَدر شهر خدا بیت خدا گورملیدی مشعر و زمزم و هم مروه ، صفا گورملیدی حجرالاسودیله غار حرا گورملیدی اِیلیوبسوزه بیزه چون سیزلرحکایت حاجیلار 🔹🔹🔹🔹🔹 قبر پیغمبری درک اِیلدوز آیا نئجه سیز گئدّیز او خاک بقیعه گونوزی یا گئجه سیز گوزی یاشلی نه او یئرده اِیلدوز پچپچه سیز آغلیا آغلیا یاش اولدی او تربت حاجیلار 🔹🔹🔹🔹🔹 چوخلی شخصیت والا او گوزل یئرده یاتوب درود امامیله نئچه مادر افسرده یاتوب بعضی دنیاده دوشوب مین ورم ودرده یاتوب بعضیلر دلده یارا اِیلیوب هجرت حاجیلار 🔹🔹🔹🔹🔹 آنامیز اُم اَبیها گوزی قان ، سینه سی قان گوهر ناب علی دخت نبی سنده جوان یارالی جسمی اولوب خاک بقیع ایچره نهان قبرینون اوسته اونون یوخدی علامت حاجیلار 🔹🔹🔹🔹🔹 بیلمیرم من نئجه دفن اِئتدی اونی شیر خدا گئجه یاری کفنون باش طرفین آچدی آقا دیدی آچ گوزلریوی منله دانیش آی زهرا گوزیاشی قویمادی مولااِئده صحبت حاجیلار 🔹🔹🔹🔹🔹 خانمون پیکرینی قبره علی قویدی یاواش بیلمیرم باش طرفه قویدی وَیاقویمادی داش قبریدن آیریلوب او منزله گلدی گوزی یاش گوردی زینب اِیلیور ائوده قیامت حاجیلار 🔹🔹🔹🔹🔹 دیدی زینب بو یانان قلبیمی گل قان اِئلمه تیر محنتله اورک باشینی شان شان اِئلمه آلوب آغوشیوه ئوز دیزلرین افغان اِئلمه چونکه وئرمز بو غم و محنته طاقت حاجیلار #بازگشت حجاج 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛