ورود محرم مرحوم حاج محمود رهبری گنه حسین آقامین غم عزاسی باشلاندی دیار کرب و بلا ماجراسی باشلاندی دوشوبد شیعه لرین یادینه سوسوز بالالار گلون فغانه حسین وای صداسی باشلاندی حسینه عاشق اولانلار قورون عزاخانه بو شور عشقین اولان ابتداسی باشلاندی چکوبله یر گویه قاره که راز عشقیدی بو محرمین آیونون محتواسی باشلاندی قرا علم لریوه یاحسین جانیم قربان حقیقی نهضتوون کربلاسی باشلاندی دونیدی قانه فراتین سویی او صحراده سو اوسته آل علینون نواسی باشلاندی سوسوزدان آل علی قلبی اود دوتوب یاندی شرارۀ عطشین ابتلاسی باشلاندی بنات فاطمه اوچ گون قالوب او چولده سوسوز او دردین اولموش هامی مبتلاسی باشلاندی آلاردی قیزلار اله بوش سو جامی آغلاردی خبر ایله بئله دی دل یاراسی باشلاندی فراتین اهل جفا باغلاموشدی سو یولونی یزید و آل یزید ادّعاسی باشلاندی صفالی گلشن طاها او چولده قالدی سوسوز سولوب سارالدیلا گل لر بلاسی باشلاندی او گل لر ایچره سوسوزدان یانوردی بیر غنچه او غنچۀ تره سولماق صفاسی باشلاندی رقیه چوخ دولاناردی او غنچه گل باشینا محبّت عالمینین ره گشاسی باشلاندی دیردی آغلاما گوز یاشیوه باجون قربان دیوم اوزوم سنه لایلای صداسی باشلاندی بالیق کیمی سوسوزوندان چالیقلاما قارداش گوزون فداسی دلیم مدّعاسی باشلاندی باجون فدا او گوزل گوزلره دوشوب چوخورا دیوم او گوزلریوون من فداسی باشلاندی سن آغلیاندا علی آغلوری بی بیم زینب ازل بو چولده اونون ماجراسی باشلاندی سودان خجلدی آنام لای لایا گمانی گلور هامی بولور که نوای آناسی باشلاندی علاجی یوخ آنامون سنکیمی سوسوزدی علی سوزوم قوتولماز اگر انتهاسی باشلاندی آنام ربابی خجیل ایلمه علی قارداش گورور که جان ویروری مه لقاسی باشلاندی علیّ اصغره یارب باغشلا #رهبرینی بو آیدا کرب و بلا ماجراسی باشلاندی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛