در شهادت حضرت امام محمد باقر علیه السلام #سبک_زینبم_جان_اوستیم #سبک_یه_سوال_دارم_مگر_ما_دل_نداریم_ای_خدا حاج روح الله رمضانی میل ایدوب جام شهادت حضرت باقر بوگون اولدی عرش و فرشیده بزم عزا دایر بوگون روز ماتمدی بوگون گوزلر علقمدی بوگون بیزدن اولسون محضر اول شاه والایه سلام اولدی جور و ظلمیدن روشن گونی مانند شام بستر مرگه اونی ییخدی بو گون زهر هشام چاتدی مقصوده هشام بی حیا آخر بوگون گوردی بیر ایش اول پلید و پست و شوم و نابکار اولدی زین زهر داره حضرت باقر سوار ایتدی اول زهر جفا آثار مرگی آشکار زنده قالماقه او مولا اولمادی قادر بوگون اول شهی زهر جفا بی جرم و تقصیر ئولدوروب اوز وطنینده ایدوب محزون و دلگیر ئولدوروب مکریله روباهیلر یثربده بیر شیر ئولدوروب من نجه ای مدعی آیا اولوم صابر بوگون هر نه ایراد ایلسون ایت من دمادم آغلارام یول تاپوبدی بو دل ناشادیمه غم آغلارام چون بو گوندی ماسوایه روز ماتم آغلارام اولدی فرمان تباکا و بکا صادر بوگون ایلیوم آیا نجه من بو مصیبتده دوام آغلیور قان دار دنیادن گئدنلرده تمام ایلیور افغان اوکی ویردی پیمبردن سلام یعنی قبره ایچره ایدور آه و نوا جابر بوگون قانه دونسه گوز یاشی ای شیعه لر واردور یری علتی وار دانه اشکیم اولوب گوزده ایری حضرتین روز عزاسینده بقیعده یوخ بیری مکه ده چون حاجی لار اولسون گرک حاضر بوگون طبق گفتار ائمه ای عزاده آغلیان اهل جنتدی بیلورسوز آغلیان هم آغلادان آغلیانلارداندا چوخ بلکه عزیزدی نوحه خوان اولما ساکت سنده بو ماتمده اول ذاکر بوگون کیمدی بو صاحب قلم مولانی تعریف ایلیور دل آچوبدی عترت زهرانی تعریف ایلیور قطره ده اولماز ولی دریانی تعریف ایلیور لطف اولارداندی اگر ( خاکی ) اولوب شاعر بوگون 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

در شهادت حضرت امام محمد باقر علیه السلام #سبک_زینبم_جان_اوستیم #سبک_یه_سوال_دارم_مگر_ما_دل_نداریم_ای_خدا حاج روح الله رمضانی ارسالی از سعادتی قم المقدس میل ایدوب جام شهادت حضرت باقر بوگون اولدی عرش و فرشیده بزم عزا دایر بوگون روز ماتمدی بوگون گوزلر علقمدی بوگون بیزدن اولسون محضر اول شاه والایه سلام اولدی جور و ظلمیدن روشن گونی مانند شام بستر مرگه اونی ییخدی بو گون زهر هشام چاتدی مقصوده هشام بی حیا آخر بوگون گوردی بیر ایش اول پلید و پست و شوم و نابکار اولدی زین زهر داره حضرت باقر سوار ایتدی اول زهر جفا آثار مرگی آشکار زنده قالماقه او مولا اولمادی قادر بوگون اول شهی زهر جفا بی جرم و تقصیر ئولدوروب اوز وطنینده ایدوب محزون و دلگیر ئولدوروب مکریله روباهیلر یثربده بیر شیر ئولدوروب من نجه ای مدعی آیا اولوم صابر بوگون هر نه ایراد ایلسون ایت من دمادم آغلارام یول تاپوبدی بو دل ناشادیمه غم آغلارام چون بو گوندی ماسوایه روز ماتم آغلارام اولدی فرمان تباکا و بکا صادر بوگون ایلیوم آیا نجه من بو مصیبتده دوام آغلیور قان دار دنیادن گئدنلرده تمام ایلیور افغان اوکی ویردی پیمبردن سلام یعنی قبره ایچره ایدور آه و نوا جابر بوگون قانه دونسه گوز یاشی ای شیعه لر واردور یری علتی وار دانه اشکیم اولوب گوزده ایری حضرتین روز عزاسینده بقیعده یوخ بیری مکه ده چون حاجی لار اولسون گرک حاضر بوگون طبق گفتار ائمه ای عزاده آغلیان اهل جنتدی بیلورسوز آغلیان هم آغلادان آغلیانلارداندا چوخ بلکه عزیزدی نوحه خوان اولما ساکت سنده بو ماتمده اول ذاکر بوگون کیمدی بو صاحب قلم مولانی تعریف ایلیور دل آچوبدی عترت زهرانی تعریف ایلیور قطره ده اولماز ولی دریانی تعریف ایلیور لطف اولارداندی اگر ( خاکی ) اولوب شاعر بوگون #باقریه_شهادت 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

شهادت حضرت مسلم ابن عقیل (ع) مرحوم ذهنی تبریزی کوفه ده بیر محترم قائم مقام ئولدوردولر حقّ امامه عاقّ اولوب، نائب امام ئولدوردولر مسلمه بیعت الین اوّل ویروب خرد و کبار باغلیوب پیمان و عهد اول فرقه ی بی اعتبار حیف و صد افسوس او عهدی بی وفالر پوزدولار معنی پیمان و عهدی بالتّمام ئولدوردولر نصب اولوندی کوفه ده کفر و نفاقین بیرقی داندیلار علم الیقینی عالماً قوم شقی باشلیوب عصیانه، پاکوب ایتدیلر دین حقی دین مطلق نائبین قوم لئام ئولدوردولر اولدی تابع کفر محضه کوفیان بد شعار پیک دین ئولدورماقا باغلاندی بِللر استوار آدلاری اسلام اولانلار ایلدی اسلامی خوار محترم اسلامی چوخ بی احترام ئولدوردولر بی وفالر باخمادی مهمان اوچون وار احترام `اَکرِمُو الضَّیف” امر ایدوبدور حضرت خیرُ الانام سهلیدور مهمان کیم اولسون نائب خاصّ امام بو قوناقی امّت خیرالانام ئولدوردولر آلدی اوچ یوز بی مروّت بیر غریبین دوره سین ویرمدی فرصت یتورسون شاه بطحایه سسین توکدولر قانین او مظلوم وحید و بی کسین ظلمیله ناحق یره حقّ المرام ئولدوردولر ایتدیرلر چون مسلمی بام اوسته مقتول جفا آتدیلار نعشین یره، ایتموب بو ظلمه اکتفا ایپ سالوب یرده سوروردی کوفیان بی وفا حرمت و آداب شرع و دینی تام ئولدوردولر تاپدیلار جرات ز بس اول قوم طغیان ایتدیلر کربلاده عالمینون قلبینی قان ایتدیلر حقّه باطل آد قویوب بیر باطل عنوان ایتدیلر عاقبت پیغمبر اوغلون تشنه کام ئولدوردولر چون شهید ایتدی حسینی ظاهری قرآنیان ایتدیلر قرآن ناطق باشینی زیب سِنان قویدولار آد خارجی آل رسوله کوفیان دین پاک حقّینده ایلوب فکر خام ئولدوردولر کوفیه وارد اولاندا عترت شاه نجف کوچه لرده غرفه لرده اهل کوفه چکدی صف آل یاسین آغلادوقجا گولدی قوم بی شرف ننگ و نامی فرقه ی بی ننگ و نام ئولدوردولر «ذهنی» ذهنه گلسه بو مبحثده هر قدری کلام کوفیانین شرح ظلمی تاپماز هرگز اختتام جزء جزئیّاتی حاشا نظمیده تاپسون نظام چون نظام نظمی قوم بد نظام ئولدوردولر #سبک_زینبم_جان_اوستیم (4سبک) 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

ورود ماه محرم #سبک_زینبم_جان_اوستیم … 4 سبک هادی سلطان محمدی تبریزی اولموسان اسلام یولوندا ، دینه قربان یا حسین عزّت و آزادلیق ،سندن تاپیپجان یا حسین نهضتین سازنده دی عزتین پاینده دی گورسه نیب ماه عزا ، جنّ و ملک قان آغلاییب باشینا زینب بو آی ، شال عزاسین باغلاییب قدسیانین ناله سی ، دنیاده سینه داغلاییب اولموسان کرب و بلاده ، قانه غلطان یا حسین نهضتین سازنده دی عزتین پاینده دی یا حسین سن ایسته دین ، گنج حیا پیدا اولا سن دئدین جدّین پیمبر ، سیره سی احیا اولا منکری ترویج ائدن ، ظالم گرک رسوا اولا ائتمه سین بدعت گذار، دنیاده طغیان یا حسین نهضتین سازنده دی عزتین پاینده دی هاردا وار آزاده انسان ، درسینی سندن آلیب زاده ی سفیان ئوزی ، بونهضته حیران قالیب چون شرار نهضتین ، کاخ یزیده اود سالیب شامیده آباد اولان، قصر اولدی ویران یا حسین نهضتین سازنده دی عزتین پاینده دی اورگدیبسن شیعه یه هیهات و منّاالذّله نی قویماییبسان دنیادا ، سولسون جهادین گلشنی مظهر عزّت بیلر ، وارسته انسانلار سنی گئچمیسن عزّت یولوندا ، باشو جاندان یاحسین نهضتین سازنده دی عزتین پاینده دی شامیدن چون یثربه گلمیشدی فرمان یزید تنگ ائدوبدور یثربی آل اللّها قوم پلید بیعتی اخذ ائتمه یه ، اولدی مصمّم چون ولید اوستووه شمشیر چکیب مروان نادان یاحسین نهضتین سازنده دی عزتین پاینده دی ترک ائدیبسن یثربی ای سرور و میر حجاز سالمیسان اصحابیله ، خاک عراقه جا نماز قیلمیسان کرب و بلاده، ظهر وقتینده نماز اولدی معراجین سنین، بیر قانلی میدان یاحسین نهضتین سازنده دی عزتین پاینده دی چوخ تلاش ائتدی یزید ، اسلامیان گمراهاولا زاده ی شیر خدایه ، حکمران ، روباه اولا سن قیام ائتدین کی جدّین ، امتّی بیدار اولا کسدی اصغر حلقینی، بو یولدا پیکان یاحسین نهضتین سازنده دی عزتین پاینده دی سن قیام ائت دین جهاندا،شیعه اولسون سر فراز ائیله سینلر بنده لر ، خلّاقیله راز و نیاز خمس وئرسین شیعه لر ، دنیاده قیلسینلار نماز زنده قالسین دنیادا ، احکام قرآن یاحسین نهضتین سازنده دی عزتین پاینده دی یار و انصار ایله سن ، کر ب و بلایه گلمیسن گوز یاشیله غم غبارین، سن اوره کدن سیلمیسن عزّتیله ئولمه یی ، سن بیر سعادت بیلمیسن بو شعاری ائیله دین ، قانیلن اعلان یا حسین نهضتین سازنده دی عزتین پاینده دی سن بویاندین قانووا ، احکام دین سالم قالا قلب طاغوته جهاندا ، آه مظلوم اود سالا ظالمین حالین پوزوب ، آسایشین الدن آلا خنجره پیروز اولا، باشدان آخان قان یا حسین نهضتین سازنده دی عزتین پاینده دی عالمی حیران ائدیب ، بو انقلاب و نهضتین گون به گون افروز اولور، دنیاده شأن و شوکتین گون کیمین تابان اولوب ، کرب و بلاده تربتین تربت پاکیندا وار ، هر درده درمان یا حسین نهضتین سازنده دی عزتین پاینده دی بیر محرّم ده آنان زهرایه چوخ یالوارمیشام بی نوا «سلطانیم» اوندان ، من حاجت آلمیشام لیک قبر پاکووا ، ایللردی حسرت قالمیشام بیر برات کربلا سن ائیله احسان یا حسین نهضتین سازنده دی عزتین پاینده دی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

طفلان حضرت زینب (ع) عیسی ثاقب بخشایش زینبیم ای ایلین عالم‌لری حیران باجی گَل اولوب اوغلانلارین قربانی قرآن باجی ایتمیسن افغان باجی صبریوه قربان باجی زینبیم سن قهرمان صبریسن کوه وقار شرح صدرون وار بلا ایتمز سنی درده دچار گُل‌لرون پرپر ایدوبلر بو سپاه کین شعار لطف ایدر صابرلرین اجرین سنه جانان باجی سن‌ازل گونده بو سوداده شریک‌اولدون منه من شهید اولسام دوشرسن دام کین دشمنه جدّیمون دینی تیکوب الان‌گوزون منلن سنه تا وِراخ اسلامه بیز بیر عمر جاویدان باجی آفرین ای آفرینشده خدایه شاهکار مرحبا ای هر بلاده داغ مثالی استوار حَبَّذا ای زینت سلطان صاحب ذوالفقار تک نه من زهرا دیر احسن سنه هرآن باجی گَل که‌چوخ یورقون گلوب اوغلان‌لارون پیکاریدن ارثدی صولت بولاردا جعفر طیّاریدن هم علی المرتضی اول حیدر کرّاریدن تنگه چنگینده بولارون گلدیلر عدوان باجی هر آنا گورسه اوغول داغین ایدر دلدن فغان سن ولی بیرآهیده چکمورسن ای آتش به جان ایتموسن لیلایه خاطر اشکیوی گوزدن روان داغ طاقت سوزی دلده ایتموسن پنهان باجی #سبک_زینبم_جان_اوستیم (4 سبک) کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

حضرت عبدالله ابن الحسن(ع) روح الله رمضانی گلمیشم امدادوه من ای غریب کربلا بوکمکسیزجانوه عبدلهین جانی فدا گلشن حریته سن باغبان من بیرگلم سن ایکی دنیاده سلطانسان سنه من سائلم گج یتیشدیم عفوائله قویموردی عمم تزگلم دوشمدیم من قارداشیم قاسمله حیف اولسون یولا یوخدی یانونده اگراکبرله قاسم غم یئمه بوقدربورحمسیزعدوانه (ینصرنی) دئمه قوی مقابیلده دوروم اوخلارساچیلسین سینمه راضیم قاسم کیمی جسمیم ایاق آلدا قالا اذن وئرسون حمله وراولام بوسایسیزلشگره واهمم یوخ آند اولا روح بلنداصغره ننگیدی من ئولممیش دشمن سنی تنهاگوره اورگنوب درس وفاسندن یتیم مجتبی گرچه سنیم آزدی اما معرفت دریاسیم گلشن مهرووفاده مجتبانون یاسیم بوبلادشتینده ایندی زینبون عباسیم دین یولوندا فخریدی تندن قولوم اولسا جدا #سبک_زینبم_جان_اوستیم  (بیش از 4 سبک) 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

زبانحال امام حسین (ع) به خواهرش زینب کبری (س) در شهادت حضرت ابوالفضل (ع) #سبک_زینبم_جان_اوستیم (4 سبک سینه و زنجیر تک ضرب ) مرحوم شانی تبریزی گل مصیبت عالمینده سخت اولوب کاریم باجی قارداشیم ئولدی پوزولدی ایمدی پرگاریم باجی گر چه ذلّت تاپماز اصلاً عزّ و جاه مطلقیم ظاهراً اما بو صحراده پوزولدی رونقیم ئولدی انصاریم قُشون سندی یخلدی بِیرَقیم قالدی قولسوز خاک و خون ایچره علمداریم باجی دوشمه میشدی قارداشیم عباس الیندن تا علم لشکرین بولمزدی فاتح ابن سعد بد شِیَم سالدیلار فرصت اله بوندان صورا اهل ستم هر نه گلسه فکره ایلر قوم خونخواریم باجی کوفه نین اول بی حیا خلقی ایله جرأت تاپار اون نفر آتلی یارالی سینم اوسته آت چاپار دیزلریم گلمیر اوزون گل اوخلانان مشگین آپاردی چکمسین سو انتظاری خوردا قیزلاریم باجی گرچه اوّلدن اولوب دام بلایه رام دل ایمدی الدن گیتدی اما تاب دل آرام دل نه گلور دیز نه گورور گوز نه اولور آرام دل نه دوتور دل نه قالوبدی نطق گفتاریم باجی گلمسون مطلب عجب وار حقی گوزلر گورمه سین هیچ اوغولسوز بیر آتا داغ برادر گورمه سین عصر اولاندا نعشینی ای کاش حرملر گورمه سین من گورن تک گورسه دوزمز آل اطهاریم باجی جان ویرنده اکبر اودلاندی جگر یاندی دلیم وار دئدوم عباس تک بیر مهربان آرخام ایلیم ایمدی ال اوزدوم حیاتیمدن داخی سئندی بلیم گوئیا گئتدی الیمدن جمله انصاریم باجی ایستدیم قربانگه حقده اوجالدام باشیمی راه حقده ویردیم اون یدّی جوان هاشمی اکبریم تک بیر اوغول عباس تک قارداشیمی یاره تقدیم ایلدیم اولسون رضا یاریم باجی جدّیم ابراهیم آپاردی گر منایه بیر اوغول حق عوض گوندردی فوراً اولماسین هاجر ملول لطفه باخ بیر گونده یتمش بیر نفر مندن قبول ایلدی منّت بو جانه قویدی دلداریم باجی قوّه حسّیمده بو مطلب بله احساس اولور نه جهاندا بیله بیر عالم نه بیله یاس اولور چوخ اولور ایستکلی قارداش لیک نه عباس اولور کیم اولور عباس تک محنت گونی یاریم باجی وار یری وئرسون اجازه روز و شب گوز یاشینه آغلاسون کلثوم بو کان وفا قارداشینه دور گتور بیر قاره معجر سال سکینه باشینه من عزادارم اولون سیزده عزاداریم باجی گلشن غمدن گتوردوم هر قدر غم یاسینی لیک آه و ناله دن منع ایتدیم آل یاسینی ایمدی رخصت وار دوتون بو نامدارون یاسینی من اوزومده آغلارام وار چشم خونباریم باجی یوخ آناسی کربلاده باجی چوخدور نسگیلی اوخشاسین عباسیمه وار هر کیمون ثَکلا دلی بیرده مشکل حل اولار آل عبانین مشکلی گئتدی الدن بیر امیدیم بیر هواداریم باجی گر چه نسگلدور یانیندا اولمادی امّ البنین لیک اولسیدی اولاردی چوخ اونا مطلب چتین من گورن حالتده گورسیدی اوز اوغلون حشره دین آغلیوب یانسیدی حقّیدی وار اقراریم باجی سو گتورموشدی اله چوخ رنج و زحمتدن صورا زحمتی گئتدی هدر انجام خدمتدن صورا یعنی اوخلاندی سو مشگی بیله همّتدن صورا خیمه گاهیمدن گوز اورتدی تشنه سرداریم باجی رزمگهده هر قدر قان توکدی بو حیدر خواص شامه و کوفه لشگری بوندان صورا ایلر قصاص من ئوزومده ئولّم اولّام رنج دنیادن خلاص وای سنون احوالیوه ای یار و غمخواریم باجی شأنی چوخداندی دخیل اولموش سنه عباسیمه یالوارور گاهی سنه گه اکبره گه قاسمه حال یأسیله گلور الحق گلنده یاسیمه ایستوری اولسون منیم بیر وقفه زوّاریم باجی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

رجز #عاشورا_گونی #سبک_زینبم_جان_اوستیم … 4 سبک مرحوم سعدی زمان بو همان گوندور بو گون قان آغلادی عرش برین وای اوغول وای سسلدی باش آچدی ختم المرسلین بو گونون مثلینده ایتدی اهل کوفه هلهله بو گونون مثلینده دوشدی عرش و فرشه زلزله بو گونون مثلینده زهرا ساچلارین آلدى اله کربلایه باش آچوخ گلدی امیرالمؤمنین بو گون آگاه اولدی گوگلر کاف و ها معناسینه قاره پوش اولدی بو گون یرلر حسینون یاسینه دوندی بو گون کربلا میدانی قان دریاسینه قالدى گرداب بلاده کشتی دین مبین بیر طرفده فرقۀ کافر دوزولدی صف بصف بیر طرفده دوردی یتمیش بیر موحّد جان بکف سینه لر نوک خدنگ و تیغ خونریزه هدف گیچدیلر باشدان که اولسون سربلند اسلام و دین اولدی بیر محشر بو گون دشت بلاده بر ملا محشر کبری بو اصل کلّه بیر فرعی نما یار و انصار ئولدی یالقوز قالدی شاه کربلا ماسواللهین پناهی اولدی بی یار و معین هیکل توحید ربانی قالاندا بی مدد ظاهر اولدی سرّ لفظ قل هو اللهُ احد رهبر اسلام آدی ارکان اسلامه عمد ائتدی حمله دشمنه الده حسام آتشین ائتدی دعوا اولدی خسته دوشدی دلدن شاه عشق دوردی بیر یرده که وئرسون ئولماقی عشّاقه مشق آچدی سلطان حجازه ظلم الین اهل دمشق سجده گاهیندن دگوب بیر داش یارالاندی جبین سجده گهدن قان آخوب دوتدی جمال اللهی ثار سیلماقا قان لخته سین پیراهنین ایتدی کنار اولدی پیغمبر اوپن بیر قرص خور تک آشکار یعنی قلب عالمین قلبی مکان لامکین بزم وصل یاره آچدی ناگهان بیر اوخ یولی اوخ نه اوخ اوچ شعبه لی زهریله پیکانلا دولی کربلا مظلومینون قلبی سوسوز پیکان سولی اکبرین داغیله اولدی اودلی دلده هم نشین پیش رودن دگدی جوف سینه ده گیزلندی تیر پشت سرده زهرلی پیکانلار اولدی جای گیر اوخ دگن یردن چخاتسون اولمادی امکان پذیر مطلبی عرض ایلرم واضح قیریلمشدی وتین ائتدی خم قدّین آت اوسته حجت پروردگار زور وئردی کتفدن چکدی اوخی ائتدی کنار پیش رودن پشت سردن قان آخوب میزای وار عالم معناد زهرا باشلادی داد و انین نقطۀ توحید اوز عشقین ایسته دی اعلان وئره دوشدی دلدن دؤره سین آلدی قشون چون دایره گلدی عرشین گوشواری صاق یوزی اوسته یره سندی اسلامین ستونی تیتره دی عرش برین آه یا زهرا یرون بوش اوردا یابن العسکری بیر گوریدون نه جسارت ایتدی کوفه لشگری قصد غربتله گلن ووردی او یالقوز سروری شرحینه عذر ایستورم بیر سوزدی توضیحی چتین بیر نفر مقتول سانسیز قاتل اللرده سنان بیر طرفدن اوخ ورانلار گلدی اللرده کمان بیر طرفدن داش ورانلار آه یازهرا امان نه دیوم؟ نه ظلم لر ویردی بروزه اهل کین باش یارالی، یوز یارالی سینه ده بیر دسته اوخ اَنّی اوخلی سینه قانلی نیزه دن داش زخمی چوخ آغزی قانلی دل دوداق قانلی کمک بر کیمسه یوخ نحرى منحور ایسّی توپراق جسمی قاندان گل نشین اوخ اوخ اوستوندن دگوب خنجر یریندن تیغ تیز داش یریندن داش دگوب یوخ قدرتی ایتسون ستیز جبرئیل لای لای دیین پیکر اولوبدور ریز ریز باشینه توپراق سپوبدور عرشیده روح الامین قتلگاهی دولدوروب دریا کیمی موج ایتدی قان ایش دایاندی بیر یره رحم ایلدی یاره ووران شمر گلدی خنجر الده آه یا صاحب زمان خیمه دن عمَّن اوساعت چخدی محزون و حزین اللری باشینده بیر باش یوز قویوب دور مقتله دلده واغوثاه گوزی یاشلی اورکده ولوله گلدی گوردی ئولمیوبدور قارداشی صاقدور هله ایستوری اولسون مباشر قتلینه شمر لعین 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

نهضت حضرت اباعبدالله الحسین (ع) #سبک_زینبم_جان_اوستیم … 4 سبک مرحوم تائب تبریزی باشلادون حق اوسته بیر نهضت حبیبی یا حسین اجتماعه ایلدون خدمت حبیبی یا حسین گوردون اسلام عالمی ایله گیدوبدور غفلته دمبدم غفلت چکور سوی دیار ذلته ایستدون یتسون بو اسلام اهلی عالی عزته بو سوزاوسته ایلدون همت حبیبی یا حسین پرچم حریتی وردون بلا صحرا سینه وقف قیلدون جانوی نوع بشراحیاسینه ایلدون کشتی عمرین غرق قان دریاسینه ساحل امنه چاتا امت حبیبی یا حسین تحت پیمانه گتوردون صاحب ایمان لاری یعنی یتمیش بیر نفر کامل اولان انسان لاری باشلاری گتدی ولکن سنمادی پیمان لاری ایتدیلر عهد اوسته جدیت حبیبی یا حسین سندن الهام آلدی دنیا جاهینه دلسردلر قالدیلار دین قیدینه دین دردیوه همدردلر اگمیوب اعدایه باش باشدان گچوبلر مردلر اولدیلار دارای حیثیت حبیبی یا حسین نه جماعت تک به تک روشن ضمیرو جانفشان بعضی پیر سالخورده بعضی سی نورس جوان بعضی طفل شیر خواره تشنه لب غنچه دهان بعضی گل رو بعضی مه طلعت حبیبی یا حسین هامی حیرتده قالوب بو نهضت ممتازیوه بیر جهان تعظیم ایدر یتمیش ایکی جانبازیوه جان عالملر فدا بیر سود امر سربازیوه ایلیو دور دینه چوخ خدمت حبیبی یا حسین زینت تاریخدور بو اجتماعی خدمتون عالمه روحیه دور هم روح پرور نهضتون عالمین بوینو ندا واردی حق انسانیتون خلقدور مرهون بو منت حبیبی یا حسین تائبم بیر عمردور صادق عزادارم سنه وا حسین دلده آخار گوزدن سر شگیم دامنه حشرده آل سنده حقدن برگ آزادی منه صورت و معنای حریت حبیبی یا حسین 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

کوفه زبانحال حضرت زینب (س) مرحوم محمود توتونچی (بهار تبریزی) ای جمال اللهه مظهر کیم یوزون مستور ایدوب دوتقون آی تک نیزه داری نیزه نی مشهور ایدوب گورسنور مرآت رویونده حسین اوصاف حق دمبدم ایلر تجلی لمعۀ ربّ الفلق گورسه موسی نور وجهُ الله سالوب بیله شفق درک ایدر اوندا که سینانی بو نورون طور ایدوب وادی حیرتده من زینب آدینلی بیر تکم غم بساطین سیرین ایتماقلیقدا زهرا مسلکم بو بیانه شاهدیم بیر سن اوزون وارسان حکم گوندوزی غم گوزلریمده لیلۀ دیجور ایدوب دولدوروبدور سینمی درد و مصیبت مایه سی نقد جان تحلیل ایدر خسرانیمون یوخ پایه سی منشی کلک قضا زینب آدین غم دایه سی صفحۀ اوّلده گویا دفتره مسطور ایدوب کلمۀ اِنّی اَنَا الحق نیزه ده ایتموش ظهور کوکب دُرّ کمالون ایلیوب ظلماتی نور ای کلام الله ناطق سنده بو آیات نور حیطۀ ناسوتی بیر مشکات تک پرنور ایدوب یوخ بصیرت اهلی بو عشقه یتورسون معرفت صادقانه عشقیده تاپسون سنون تک عافیت بولمورم الّا اوزوم آردونجا بیر ثکلا صفت آغلارام یانّام دولانّام هر قدر میسور ایدوب دوشموشم غم ششدرینده بیر بلالی محنته دوره می دوتموش مصیبت فوجی سالموش حیرته والهم قارداش داخی صبریم گیدوبدی غارته غم حصارینده خیالاتیم منی محصور ایدوب باغلانان زنجیریله مجنون نما لیلا منیم خوشدلم اهل حرمده هر نه وار ثکلا منیم اکبر و قاسم سنون بو نالۀ علیا منیم قوی دیسونلر باجی قارداش همنشینون جور ایدوب بیدق مهر و وفانی ایتمیم بیله فراز دولدورب دشت عراقی شوریله لحن حجاز غم قطارین ای همایون فر ایدوبسن پیشواز آفتابی طالعیم اوجی منی منصور ایدوب کوفه شهرینده حسین بو کشمکش بو هایهو بیر نفر یوخدور یگانم دوره می دوتموش عدو شمریدن هر ناقیه بیر ساربان کینه جو دختران مه جمالون وورماقا مامور ایدوب هر بلایه صابرم مشکل اولام کم حوصله لیک وار بیر خواهشیم سندن قبول ایت لطف ایله بیر دانیشدور بو بالاوی خاطری گلسون اله خاطر رنجورینی درد و غمی ناسور ایدوب گلشنیم سولدی داخی بولمم چمنده گل ندور نالۀ اطفالیله من دلخوشام بلبل ندور بو گجه مهمانیدون کول باشیمه بو کول ندور بی مروّت میزبانون گل یوزون مستور ایدوب باشه ویردون غفلتیله عمرون عالمده بهار معصیتده غرقسن باشوندا بولمورسن نه وار ناامید اولما حسینه اول گلن خدمتگذار حشریده زهرا گوررسن خدمتون منظور ایدوب #سبک_زینبم_جان_اوستیم (4 سبک سینه و زنجیر تک ضرب ) 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

حضرت امام سجاد علیه السلام مرحوم حاج حیدر خوندل کثرت غمدن اولوب ماتمسرا عالم بوگون سید سجاده زهرا ساخلیوب ماتم بو گون کوفه و شامی دولاندی بو وطن آواره سی اولمادی بیر دردینون امّا اولونجه چاره سی کربلا زنجیرینون بوینوندا قالدی یاره سی حقّی وار آغلار او حاله دیدۀ عالم بو گون سیل اشگین صفحه رخساره دائم باغلادی سینه سین آه شرر باریله یاندی داغلادی جان ویرنجه اوز آتاسین یاده سالدی آغلادی هر گوزه باخسان عزاسینده اولار پُر غم بو گون عمرینی آغلار گوزیله ایلدی آخر تمام میل ایدوب نه بیر سرین سو نه دویونجه بیرطعام هاردا سو گورسیدی سویلردی سوسوز اُلدی بابام قلبیمی داغلار منیم بو محنت اعظم بو گون هر اسیرین باغلی ال هر چند قلبین داغلادی باخدی هر کیم قید و بند ظلمه یاندی آغلادی ناقه ده امّا بونون دشمن ایاقین باغلادی بو مصیبت آرترور اهل ولایه غم بو گون اهل کوفه چکدی زنجیره تن تبداریله ایتدیلر بیماره حرمت زحمت و آزاریله کوفه ده زندانه گتدی عترت اطهاریله اشگیله سالام او زخمین سوزینه مرهم بو گون آشنالر یاندی بزم عامده بیگانه دن قتلینه اقدام اولاندا زادۀ مرجانه دن اولدی بیر سوزش نچه جاندان گچن پروانه دن زینبون حالی ایدر احوالیمی برهم بو گون اهل شامین قالموشام حیرتده ظلم فاشینه باخمیوبلر اول شهین گوزدن آخان گوز یاشینه توکدولر گه اودلی نی لر گاه تپراق باشینه بوجنایت فکری قالمور بیرکسه مبهم بو گون رسمدور زنجیر دائم الفت ایلر شریله سلم محض اولموشدی باشینده اولان تقدیریله بزم شُربه ایتدیلر حاضر غل زنجیریله پایۀ احکام او حالتدن اولوب محکم بو گون دلده یوخ یارا اونون شرح ایلیم هر محنتین چوخ چکوب شامین یولوندا اهل بیتین زحمتین خاصّه گُل یوزلی رقیه آلدی دلدن طاقتین حالینی فکر ایلورم حالیم اولور برهم بو گون ویردی جان ویرانه یرده اولمادی دفن ایلین گوشه غربت قوری یر نه گلن وار نه گیدن اولدی نه غساله نه قبرین قازان نه بیر کفن ایلیوب امّا بنای عشقی مستحکم بو گون بولمورم نه طرزیله تنظیمدی برنامه سی لوح تقدیره نه یازمیشدی مشیّت خامه سی اللر باغلی باشیندا اود دوتوب عمامه سی حقّی وار یانسا او حاله عالم و آدم بو گون عشقده از بس واریدی قدرت خلّاقه سی ریشه سالمیشدی نهادینده محبّت ساقه سی قبرینون اوستونده جان ویردی وفالی ناقه سی ناقۀ فکریم ایدر بو غم اَلندن رَم بو گون تک نه مندن پنجۀ آلام آلار صبر و قرار بوردا سسلر وای حسین وای اهل دل بی اختیار ذوالجناح اوستن دوشنده قتلگاهه زخمدار عرض ایدوب یارب وفای عهدیدن شادم بو گون ایستدی چوخ روشن ایتسون اهل عشقه مطلبی خیمگاهه گلدی دلده اَلظُّلیمه مرکبی زلف تک آشفته حال ایتدی وفالی زینبی سرّی وار زینب آدیله غم اولوب مدغم بو گون چون او مرکب راکبیندن تاپدی شرمنده اوزین قیزلارین حالین گوروب اشگیله دولدوردی گوزین کاکلیندن اوپدی بیر قیز بیر بالا اوپدی یوزین خلدده یانماز نجه پیغمبر اکرم بو گون ذوالجناحین تا سسین آلدی حریم اشگبار بولماقا حالین سکینه خیمدن اولدی کنار گوردی بی صاحبدی یال و کاکلیندن قان آخار صاحب عصرین اوقان ایلر سرشگین یَم بو گون سسلدی گل عمه بو آت گورنجه حسرت باخور قلب دنیانی شرار آهی بیر اود تک باخور حالی چوخ پوزقوندی گوزدن اشگی دریا تک آخور رشگ ایدر بو اشگِ چشمه چشمۀ زمزم بو گون بیر نچه مدّت قاباق ای سرور عالی تبار یازموشام بو نوحه نی افسرده حال و اشگبار ایمدی دوز بیر نیم قرن اولدی الیمده خامه وار من فقیرم لطفوه نه سائلِ درهم بو گون #سبک_زینبم_جان_اوستیم … 4 سبک 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

ورود شام مرحوم مضطر اردبیلی اهل بیت مصطفانی چوخ مصیبتدن صورا گتدیلر دروازۀ شامه نه مدتدن صورا منزله یتجق عوض اینکه او جمع بی پناه استراحتلیق ائده یا قدری رفع رنج راه چخدی حکمی اول یزید بی حیانون آه آه شهره وارد ایلیون بیر نچه ساعتدن صورا چکدیلر اول شومون امرینه بو جاری شهرده هر محلات و عبور و رهگذرده شهرده باش آچوق بیر جمع یاغی وار کنار شهرده پیشواز ائتسون هامی شهر اهلی عشرتدن صورا سید سجاد گوردی ظلمی بو اندازه ده غرق دریای محن اولدی بو ظلم تازه ده قالدی اوچ ساعت تمام آل علی دروازه ده داخل شهر اولدیلار چوخ چوخ خجالتدن صورا نار طعنه یاندیرار آرتوق شرار ناردن ائتدیلر جویا أشد ظلمی چون بیماریدن سؤیلدی الشام ثم الشام بو تکراردن بس بویورموش بو سؤزی طعن و شمادتدن صورا غرفه و بامه دولوب اهل تماشا صف به صف مرد و زن اعلا و ادنا شهرین اهلی هر طرف عشرته مشغول چالورلار بعضیلر اللرده دف آچدیلار دیل طعنیه چوخ عیش و عشرتدن صورا گوردیلر جانانه بیر عاشق وئروب سرمایه سین محکم ایلوب نیزه ده عشقین حقیقت پایه سین گه باخار اهل و عیاله گه اوخور کهف آیه سین جاری ایلر اشک آلین هر تلاوتدن صورا گفتگو ایلردی زینب نیزه ده بیر باشیلن بیربیرینه کشف درد ایلردیلر گوزیاشیلن بیر عجوزه غرفه دن وردی او باشی داشیلن تا ئولونجن آغلادی زینب او ضربتدن صورا عرض ائدوب قارداش حسین ای سرور ملک حجاز شاهی استقبال ائدرلر با جلال و اعتزاز داشیلن اما سنی بو قوم ایلر پیشواز چوخ تعدی و جفای بی نهایتدن صورا من دئمم کند و ضعیف و یا قلمدن تیزسن قافیه نشناس یا استاد آتش ریز سن #مضطر اما سویلرم بی چیز سن بی چیز سن عقل بی ثروتده اولماز طول صحبتدن صورا #سبک_زینبم_جان_اوستیم … 4 سبک 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛