مدح و منقبت و گریز به مصائب امام حسن مجتبی(ع) ##ارسالی از سعادتی قم المقدس ## #سبط_ختم_الانبیا_سالار_جنتدور_حسن سبط ختم الانبیا سالار جنتدور حسن مرتضانون اوغلودی کان شجاعتدور حسن کیم قالا مشکلده سسلر یا کریم اهل بیت اهل عالم چون بیلور کنز کرامتدور حسن گر اونی وئرسون قسم مظلوم حسینون جانینه دردیوه درمان ائدر چون باب حاجتدور حسن مرتضی چوخ جنگیده صاحب لوا ایلوب اونی سوئلیوب شیر اوغلیدی دریای قدرتدور حسن حضرت زهرانون اول اوغلیدور هم حیدرین قدسیان نازنین چکللر با فضیلتدور حسن هفتم میلادی قربانلیق کسوب ختم رسل نور عینیمدور دئدی فخررسالتدور حسن امتین جاهللیگی صلح ائتمگه مجبور ائدوب سازش ائتمز کفریلن چون باشهامتدور حسن هم حسینین هم ابوالفضلین بویوک قارداشیدور ظالمه اگمز باشین دریای غیرتدور حسن گوردی لشگر سست اولوب جنگ ایلمگ بیهوده دور لاجرم صلح ایلدی استاد حکمتدور حسن مرقدی گونلر قباقینده قالوب زهرا کیمین یعنی حیدردن صورا مظلوم عترتدور حسن گور کیمین اوخلاندی تابوتینده یورقون پیکری گوئیا بیلمیردیلر شمس امامتدور حسن گرعلی مظلوم اولوب دلخوشدی که زهراسی وار دلخوش اولسون گور کیمه غرق مصیبتدور حسن گورکیمه دردین دئسون ئوزهمسری مسموم ائدن واضحین شرح ایلسک آماج محنتدور حسن سسلدی گل داده زینب مجتبی الدن گدور فانی دنیادن قوتاردی مست رجعتدور حسن دور گتور بیر طشت باجی لبلریمنن قان دامور گلمسون الدن گدر در حال رحلتدور حسن ای بتولین یادگاری گل گوزیمی باغلا گئت قبلیه دوندر که در حین شهادتدور حسن سسله عباس و حسینی تا خداحافظ ائدک گورسون ئوز قارداشلارین تا که سلامتدور حسن کربلاده اولمارام امداد ائدم قارداشیمه قاسمی منن قبول ائتسون خجالتدور حسن سن شفاعت ایسته مولادن بو شعره «علیوی» روز محشر شافع اهل ولایتدور حسن #شاعر_علیوی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

نوحه شهادت امام موسی بن جعفر (ع) ائوین نن ناگران موسی بن جعفر وئرور زنداندا جان موسی بن جعفر نه بیر کس وار چاغیرسا داده گلسون بو غربت اولکه ده امداده گلسون دیور آلله بالام بغداده گلسون وئرور زنداندا جان موسی بن جعفر بوتون عالم بو بیر مظلومه آغلور امامِ کاظمِ مسمومه آغلور هامیدان چوخ ولی معصومه آغلور وئرور زنداندا جان موسی بن جعفر دیور ای عالمینون پادشاهی گجه دن چرپینور قلبیم الهی بابامین یوخدی زنداندا پناهی وئرور زنداندا جان موسی بن جعفر قفسده قالسا قوش باغری اولار قان بالیخ دوشسه تُورا مشکل وئرر جان ایاق چالماقه یوخ زندان دا امکان وئرور زنداندا جان موسی بن جعفر امامدور گرچه اعمالی متین دی ولی چوخلی بلالر عترتین دی قرانلوق یرده جان وئرمک چتین دی وئرور زنداندا جان موسی بن جعفر او غربت اولکه ده طاهانی سسلور یاناندا سینه سی زهرانی سسلور قولون زنجیر کسیر سقانی سسلور وئرور زنداندا جان موسی بن جعفر آتانین گوگلی ایستر جان وئرنده نقدری وار حله روحی بدنده بالالار دوره سین آلسین وطنده وئرور زنداندا جان موسی بن جعفر ولایت ملکینون سلطانی دور بو تمام دردلرین درمانی دور بو ولی ایللردی که زندانی دور بو وئرور زنداندا جان موسی بن جعفر علاقه اولیا باغلار حسینه چتین یرده اورک داغلار حسینه بو دا جان اوسته دور آغلار حسینه وئرور زنداندا جان موسی بن جعفر بو شعره علیوی دل داغلیوبدی یازاندا بند بندین آغلیوبدی اورک آل رسوله باغلیوبدی وئرور غربتده جان موسی بن جعفر #شاعر_علیوی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛