زبانحال حضرت زینب کبری سلام ا... علیها در لحضات احتضار (مرحوم بسطامی) گَل قارداش بیمارون ، جان اوسته دی درد و غم یوروبدی ، چوخ خَسته دی اَللی بِش ایل عُمروم ، هر نَفَسی غَمدی منتظریم تِز گَل ، زینب ئولن دَمدی جان یتیشیبدی دوداقه حسین جان گَل یارالی من جان ویریم آسان جان اوستییَم۲ زینَبیوَم قارداش ۴ بِش یاشیمدان گوزوم آغلار قالیب اَلیمدن ثانی آنامی آلیب فکر ایلمه قارداش ،اوندا اوشاغیدیم چوخ گجه لر غَمدن ، منده اویاغیدیم هجر اودونا دیل داغلامیشام من سینه یاراسین باغلامیشام من جان اوستییَم۲ زینَبیوَم قارداش ۴ گوزومده دائماً واردی قانیاش زینبدن اَل چَکمَز غملر قارداش هر نه جفا گوردوم قومِ اَراذیلدن تشنه لب ئُولماقین سالدی منی دیلدن ای سو یانیندا تشنه ویرن جان گَل او گَلن یوللاریوا قربان جان اوستییَم۲ زینَبیوَم قارداش ۴ آغ زُلفی شانه ی هجران دارار جان اوسته باجی ،قارداش آختارار زینبی غربتده کیمسه یادا سالمیر یِدّی بَرادَردن هیچ بیریده قالمیر یوخدی دَوا بو نیسگیله قارداش یولدا گوزوم قالدی ایله قارداش جان اوستییَم۲ زینَبیوَم قارداش ۴ گَل منی قارداش قیبلیه دوندَر گَلمه سن باری عبّاسی گوندَر یوخ یوخ حسین قارداش، یوللاما عبّاسی زینبون ئولسون کاش ، یوللاما عبّاسی قوللاری تَندن دوشدی آرالی ایستَمورم گَلسین او یارالی جان اوستییَم۲ زینَبیوَم قارداش ۴ سِیلِ غم گَلدی باشیمدان آشدی زینَبم غُصّه منه یولداشدی من سنه آی قارداش ، خسته عزادارم شامِ بَلا ایچره (بیکَس) و بی یارم اولمادی بیر کَس اهلِ وطندن یوخدی رُبابیم آغلیه منلن جان اوستییَم۲ زینَبیوَم قارداش ۴ #گل_قارداش_بیمارون_جان_اوسته_دی #حضرت_زینب_س #عقیلة_العرب_س التماس دعای فرج الاحقر مهدی عبادی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

زبانحال عقیله ی بنی هاشم در لحظات آخر عمر شریف (با آهنگی آرام و دلنشین) لطف ایله تز گَل حسین جان،زینبه آخر نَفَسدی غربت ایچره تَنگه گَلدیم‌، بَندِ صبری غُصّه کَسدی گُلشن عُمروم سارالدی گَل گوزوم یوللاردا قالدی گل قارداش حسین حسین حسین بِش یاشیمدان چَکمیشم غم ،گَلمیشم آه و نوایه عاقبت دوندی دونَرگَم من گیدندن کربلایه چولقادی درد و مصیبت گورموشم من قتل و غارت گل قارداش حسین حسین حسین جان یتوب قارداش دوداقه ،قورتاریر بو زار و خسته صون نَفَسده انتظارم سایه وی سال باشیم اوسته من سَنیله سَرفَرازم قالماسین یرده جَنازه م گل قارداش حسین حسین حسین جسمیده یاره ن چوخیدی ، گَلمه سَن گَلمه حسینیم اکبری یوللا دمشقه ، اکبریمدی نورِ عینیم فکریم ایندی کربلاده اکبری گوردوم عَباده گل قارداش حسین حسین حسین بیر اِئلین سَرخِیلیدیم باخ ، ایندی امّا (بیکَسم) من یوخ ربابیم یوخ سَریّه م ،یوخ رقیّه م سَسله سَم من من مریضِ بی طبیبم یوخ منه هَمدم غریبم گل قارداش حسین حسین حسین #لطف_ایله_تز_گل_حسین_جان_زینبه_آخر_نفسدی #حضرت_زینب_س #عقیلة_العرب_س التماس دعای فرج الاحقر مهدی عبادی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

زبانحال عقیله بنی هاشم در لحظات پایانی عمر شریف (یارالی زهرا ،حاج مهدی رسولی جان ویریر غملی باجون،غربتده تز گَل دادیمه یدّی قارداشدان بیری ، گَلمیر نیه فریادیمه اَللی ایل قان اوتموشام ،چوخدی یانیخلی سوزلریم همزبان یوخ بیر نفر ، یولدا قالیبدی گوزلریم یارالی قارداش غملر الینده خَستییَم یارالی قارداش تز گل حسین جان اوستییَم حیف اولا بو حالیده ،یوخدی یانیمدا اِئللریم مونسیم یوخدی حسین،قبره گیدیر نیسگیللریم نه حسن وار نه حسین ، نه عون و فضل و جعفریم نه ابولفظلیم گَلیر ، نه قاسمیم نه اَکبریم من ِلوای آهیمی ، دشتِ بلاده ساچمیشام خیمه لردن قتلگاهه ، اَل باشیمدا قاشمیشام اُول چوخور یرده اوگون ،من خنجره اَل آتمیشام اَللریم قانین حسین ،من قانیویله قاتمیشام قانلی گوشواره حسین ، من قتل و غارت گورموشم قول قولا باغلانماغی ، رنجِ اَسارت گورموشم دامنین سوندورموشم ، آهیله اولدوزلاریوین یغمیشام چولدن چوخون،قورخوب قاچان قیزلاریوین کوفه اَهلی بولمه دی ،بیر رَسمِ مهمانی حسین آخدی اوردا تازه دن ،گول باشیوین قانی حسین یولدا جانه گلمیشم ، شامِ خرابی گورموشم کاش ئولییدیم من حسین ،بَزمِ شَرابی گورموشم کُنج ویرانه بیزه ، زندان اولوب گوردون اوزون اوردا قویدوم توپراقا ، رقیّه وین سولموش یوزون اَللی ایلدی آغلیرام ، یوخدی منه بیر آغلییَن بیر نفر یوخدی حسینیم ، گوزلریمی باغلییَ باغلادیم چوخ یاره لر ، گَل ایندی بیمارم حسین یوخدی مَرهَم دینجَله، قلبیمده کی یاره م حسین من غریب ،شهریم غریب ، هم دور و اَطرافیم غریب (بیکَس) و درماندییَم ، نه وار پرستار و طبیب #حضرت_زینب_س #عقیلة_العرب_س التماس دعای فرج الاحقر مهدی عبادی 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛