‍ احوالات حضرت زینب(س) گل خوش رایحه باغ رسالت زینب دختر منتخب شاه ولایــــــت زینب سینه پرورده خـــاتون قــیامت زینب بانوان حـــرم عفته عــزت تاجیدی عصمتین گنجینه گـوهر حسنینه باجیدی اول گــوندن اوزون تابع تقـدیر ایلین بوینونا رشـتـــه حبــل اللهی زنجیر ایلین هاشمــیانه حـجاب آیــه سی تفسیر ایلین فاطمه سوگلی ، عفت گلی ، زینت شـــرفه نطق برنده سی آوازه سـالان هر طرفه فخر ائدن جلوه سیماسینه ارواح جــلی سینه سی سینه سینادن آلار باج بلی عالم ذرّیــده هم عهد حسین بن علی دانیشاندا دئیوسن سوزلری زهرا سوزودی یئرینده ائله بیل حضرت عــباس اوزودی گل رخسارینه تعظیم الیور باغ فدک ضحد و تقواسینه غبطه ایدور افاج ملک بسته دور گوزلرینون چرخشینه چرخ فلک نجه گون آیدان ایشیق آلماسا هر گون دایانار آلماسا نورینی زینبدن اگر گون دایانار شیره جان بتولیله دوتوب مایه سینی ایلیوب گوشینه گوشواره عفاف آیه سینی قولی باغلی تیتردوب سوزلری ستمون پایه سینی آتشین خطبه سیدور شامیده محشر یارادان آپاروب سایه شوم اموینی آرادان بیر سوزی روح ویرن مین جسد بی روحه بیر نگاهیله شفا بذل الین مجروحه دمبدم نوحه دین قانه بویانموش نوحه لوح دلده یازلان منزلت شوراسی بی کفن قارداشینون قصه عاشوراسی اورگدیب فاطمه عشقین بم و زیرین بالیا گرک عشق اهلی اولا عشق سوزون خردالیا حیطه صبریده ایوبی اوتوردوب دالیا صبریدن چخمادی صدیقه سیر واقعه ده صبر ئوزی زینبه احسن دیدی هر واقعه ده شیردن شیره نون شیر حقون شیر زنی آری مین مرده مقابل الیر شیر زنی یخدی تپراقه بیر آهی نچه شمشیر زنی عدنیده جدی پیمبر دیدی احسن زینب روح زهرای مطهر دیدی احسن زینب نه جلالیله گلوب کرب و بلایه بولوسوز (کاروان یتیشدی کربلایه رباب محملین پرده سین ویردی کناره چاغردی علی جان ، علی اکبر بورا هارادی؟ بویوردی بورا کربلادی پرده نی گیتردی یرینه باخدی آلتی آیلیق بالانین یوزونه اما ایستدیلر ناقه دن زینبی اندیره لر ابوالفضل آقا گلدی قاباقا باجی الین ویر الیمه الین ویردی ابوالفضل الینه دیدی زینب ایاقیوی قوی دیزیمه دوش یره خانم دوشدی یره قولارین آچدی ابوالفضل الله سنی زینبه چوخ گورمه سین ) نه جلالیله گلوب کرب و بلایه بولوسوز نجه جانین سپر ایلوبدی بلایه بولوسوز نه شرافت یارادوب اهل منایه بولوسوز قلم عاجزدی نگارش ایده شخصیتینی ساخلیوب دهریده پاینده حسین نهضتینی الغرض کربلا جوینی زینب بینوب نینوا دشتی نوا زمزمه سیلن بزنوب موکب آل علی عشق مناسینده انوب آلتی آی غصه لی یولاردا نفسلر یورولوب بیر چوخور یرده خانم زینبه خیمه گورولوب گونده بیر دفعه بنی هاشمین آزاده لری موقع عصریده سرشار الیور باده لری بیر یره دعوت ایدور عاشق و دلداده لری طرح ایدور زینب اوچون کنگره مشترکی زینبه عرض ارادت الیور تک به تکی (هر عصر جوانان بنی هاشم گدردیلر خانم زینبین خیمه سینون قاباقندا خانما عرض ارادت الیردیلر دانشاردلار گولردیلر ) خیمه سیندن علی اکبر چوله هر لحظه باخار عمه سون گورمسه ناراحت اولار چوخ داریخار باخماسا زینبه قاسم اورگین غصه دوتار وجده ریحانه زهرا شرف الناس گلور هامیدان چوخ باجی دیدارینه عباس گلور (زینب چخور ابوالفضلین قاباقنا قارداش سنه زینب قربان ) دیور ای زهره جنوس ایله کناره ماهدان روحیمون مایه روحیه سی منزل گاهدا کاش یانیمده اولیدی بالام عبدالله دا خیمده مونس اولیدی غمی چوخ قارداشیوا گونده مین یول دولانیدوخ ایکیمیزده باشیوا فیض یاب اولماقا ایلور هره بیر یرده شتاب آقالار گیتدی خانملار الیوب قصد ثواب ایاقا دوردولا لیلا و سریه و رباب هربیری بیر تحفه شایان گوتوروب الرینه تا که تقدیم ایده اولیا ملکه محضرینه تاپدیلار محضر زینبده وقاریله حضور ایتدیلر سینه ده کی سوزلری شوقیله ظهور عرض ایدوبلر بیزه قرآن اوخی ای سوره نور سالماسون قلبیوه زنگار غم و غصه لکه بیز کنیزوک بو بیاباندا سنه سن ملکه روحی تحویج الیور شیوه گفتارلری هیجانه گتیروب زینبی رفتارلری یوز دوتوب قیلدی مخاطب او دل افکارلری بو محبتلر ایدور فکری پراکنده منی ایتمیون بوندا اضافه داخی شرمنده منی بو چوله وارد اولانان اله قلبیم بولانور گوزلریم علقمی رویت الینده سولانور دل دوداقیم گورویوب باشیمه دنیا دولانور یر اوزونده علی اولادی چخوب سیر السون نجه بیر سیریدی الله سحرین خیر السون دیسه هر یوزده یارا آنیده گوز یاشی گلر هر بلا گلسه بو چولده باجی قارداشه گلر بیر مثلدور کی دیر عقله گلن باشه گلر باشیمه فکر ایدورم گرد مصیبت یاغلا واریوخوم غارت اولا جاه و جلالیم داغلا #لعن_الله_قاتلیک_یا_فاطمة_الزهرا

‍ ✔️زبانحال به حضرت فاطمه زهرا (سلام الله) دور ای بهارین گل یاسمنی دور ای بلشن قانا پیرهنی کفن یاراشمور ننه قامتیوه فدا اولوم یاره لی صورتیوه گوزلرون آچ ننه جان ایلمه قلبیمی قان قوی ایاقوندان اوپوم بو گیجه یاتما اویان اسور وجودیم هریانی بو دردیمون یوخ درمانی گوزوندن آتما دنیانی بو نالانی دور ای پیمبر ریحانی ای جانانی گل پیمبر آی ننه عزیز حیدر آی ننه بابام ییغوب باشینه گللرینی ائله چالور بیربیره اللرینی منی قوجاقینده نوازش ایدور دیور ننون ملک بهشته گیدور آغلاما چوخ آناوین روحی نویه گلر بیرگون اولار منیلن کرب وبلایه گلر دینده سن ایوای ننه آنان دیر ایوای سنه یانار مثال پروانه بو ریحانه گلر غمونده افغانه بو ریحانه گل پیمبرآی ننه عزیز حیدر آی ننه #لعن_الله_قاتلیک_یا_فاطمة_الزهرا 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

✅ زبانحــال‌حضــرت‌زهــراۜ #ارسالی از سعادتی قم المقدس ## بالینیمه گل خسته و بیمارم عم اوغلی قاندور اورگیم دیده سی خونبار عم اوغلی دوقوّز ایل عم اوغلی سنیله اُلفَتیم اولدی هر آندا سنون حضرتوه خدمَتیم اولدی گوردوم کمکون یوخدی سنه نصرتیم اولدی گوردون که نِجَه یار و مددکارم عم اوغلی واقفسن اُوزون فاطمیم خیر نسایم صدیّقه اولان آینۀ صدق و صفایم باشدن ایاقا عاطفه ام مهر و وفایم حقّونده سنون خاصّه وفا دارم عم اوغلی جوهردی منه مهر و وفا بو دل وجاندا اوُز قانیمیله واردی همیشه جریاندا گر عاطفه بیر دایره فرض اولسا جهاندا بو دایره ده نقطۀ پَرگارم عم اوغلی زهرا یتورن مهر و وفاده یالان اولماز سیرینده ره صدق و صفادن قالان اولماز دردون منه دئ دردیوی من تک آلان اولماز منده اورگی دردیله سرشارم عم اوغلی گیدیم اوز آتامدان صورا قاره محنیله رنگ غمه باتدیم خُم محنتده سنیله باخ گوز یاشما همنفس اول سنده منیله بیر آغلاشاق آخر من عزادارم عم اوغلی سندیردی عدو گوهر دینی خزَف اوسته یاندیم یارالاندیم هدف اوسته شرف اوسته سن خانه نشین اولدون ایوینده هدف اوسته من قلبی سنق گوهر شهوارم عم اوغلی ای چهرۀ دین یوسف بازار عدالت بیلمزله سنون قیمتوی اهل ضلالت من جان جهانین قزی ویرّم سنه قیمت نقدینۀ جانیله خریدارم عم اوغلی سن تک اولا مظلوم ودل افکار تاپیلماز اغیار آلوب اطرافوی بیر یار تاپیلماز بیر خانه نشین سن سنه غمخوار تاپیلماز آلّام من اُوزوم دردیوی دلدارم عم اوغلی باطل دولانان لار سنون آلمازلا سلامون سن حقّسَن الله دی قرآندی مرامون فخر ائت بونا کیم زینت تاریخ دی نامون منده بو مباهاته سزاوارم عم اوغلی ✍مرحــوم‌نائب‌تبــریزی #لعن_الله_قاتلیک_یا_فاطمة_الزهرا 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

‍ روضه حضرت زهرا(س) گنجینیه مولا گجه یاقوت آپاریردی گلمیردی ایاقی اونی تابوت آپاریردی کعبه کیمی استار مصیبت بورونوردی تابوته یاپشمشدی ایاقی سورونوردی (ایلشیردی دیزلرین قوجاخلردی ایوده دیردی زهرا ئولجیم سنین دردون منی ئولدورر آی یارالی) کاش زخم درو دیوار یرین گورمیدیم کاش افسرده گلون خار یرین گورمیدیم کاش سینونده کی مسمار یرین گورمیدیم سن که اندوه مصیبتدن ئولوردون زهرا گوزوون یاشینی گیزلینجه الیردون زهرا منی گورجک اونی آهسته سیلیردین زهرا سوروشوردوم حالیوی سن کی گولوردون زهرا گولمگین دهری منه روضه رضوان ایتدی ئولمگین روضه رضوانیمی زندان ایتدی (علی که قورخی آدی گلمه میشدی هیچ بیرینه وروردی قبر بتول اوسته هی الین الینه دیردی دردیوه زهرا نه نوعی صبر ائدرم بالالاروی گتوروب من مدینه دن گیدرم) ایندی بولدوم نه سبب اولدی حسینی آتاسان توتگون آی تک چخوب اولدوز کیمی قبلی باتاسان قول قابرقان یاراسی قویمازمش سن یاتاسان دوزدی بلبل دل آچوب درد دیلین خاره دیمز دوزدی یار ئوز غمینی گیزلدر اغیاره دیمز قول قابرقاسی سنا یار مگر یاره دیمز؟ #لعن_الله_قاتلیک_یا_فاطمة_الزهرا 👇👇