گرچه باغریم اولدی غمدن قان حسین گلمیشم شامه سالام ‌طوفان حسین نیزه باشینده اوخی قرآن حسین زینبه وئر باخماقینلا جان حسین سنکیمی جانانه جان قربان حسین من ازلدن عشقیوه دلبسته یم تا نفس وار عهد و‌ پیمان اوسته یم رشته پیمان و مهره بسته یم باخ منه صبریم قوتاردی خسته یم وئر منه هر لحظه تازه جان حسین گلمیشم شاماتیده ایثار ائده م حقه کیم منکر اولوب انکار ائده م خوابیدن بو ملتی بیدار ائده م واردی برنامم یزیدی خوار ائدم چون ائدیب دیر ظلمیده طغیان حسین وار باشیمدا یدی قارداش قاره سی وار اورکده چوخ مصیبت یاره سی اولموشام پاک عشقیوین آواره سی زینبین یوخ الده ایری چاره سی ائلییم حقی گرک اعلان حسین دینیمه محکم سپردور معجریم خردا قیزلاردور بو یئرده لشکریم منطقیم اوخ سوز اهیم خنجریم یوخ غمیم گر یوخدی ایری یاوریم وار سوزوم ده منطق و برهان حسین همتیم وار قویمیام پرچم یاتا قویمارام ناحق اخان قانین باتا دشمنین حاشا که مقصوده چاتا گر چه ایستیر باطلی حقه قاتا حقی خلقه ائیلرم اعلان حسین شامیده درد و غمیم اولدی مزید رد ائدیر وحیلیه قرانی یزید ظلمیله ائتدی سنی قارداش شهید فخر ائدیر بو ظلمله اول مرد پلید بیلمیری کاخین ییخار بو قان حسین نیزه دن باخ موج ائدن طوفان لارا ویر ندا آگاه اولان انسانلارا نهضتی تاپشیر آییق وجدانلارا جام عزت وئر لبی عطشانلارا ائیله بحر لطفوی احسان حسین #مدهوش #محمد_هوشمند 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

#حسرت #انتظار غمخانه دور ثری و ثریا سن اولماسان ویرانه دیر بو غصه لی دنیا سن اولماسان پرده دالیندا قالما گل ای خلقتین گونی اولماز سحر بو لیله ی یلدا سن اولماسان سن عالمین گوزللیگی نین اعتباری سان اولماز بو کلمه عالمه معنا سن اولماسان گلمز عیاره بو دل ویران نه گنج دور عشقین بهاری گلمیاجاق تا سن اولماسان آغلار گوزوم گئجه گونوزون فرقی یوخ منه ای آفتاب مهر و تولا سن اولماسان ایللردی عشقیویله یاشار اهل دل ولی گلمز بیانه شوق و تمنا سن اولماسان رنگیم سولوب سارالدی یاغیشسیز چمن کیمین بیر کس ده یوخدی درده مداوا سن اولماسان سن قاف عزتین یولونون رهنماسی سان امکانی یوخ که یول تاپا عنقا سن اولماسان من سیز سنین جلالتیوه یئتمز هبچ خلل یوخ کیمیسه دادرس منه اما سن اولماسان کون و مکان وجودیوه خاطیردی خلق اولوب یوخ آیری گولده فیض تماشا سن اولماسان عشقین خیال عالمی مدهوش ائدیر منی من نیلورم بو عالمی ایا سن اولماسان #یلدا #مدهوش #محمد_هوشمند @hushmand 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

آیه والشمس تا ائتدی تجلا شامیده جوهر آیات قران اولدی معنا شامیده نیزه اوسته سیر ائدیب حق کربلادن شامه تک نقش اولوب باطل لره مهر ذهوقا شامیده تا یئتیشدی شامه نیزه اوسته حق آیینه سی نشر اولوب قرانیدن فتحاً مبینا شامیده ال بیر اولموشدی شقاوتده مگر نمرودلر ائیله سین لر تا خلیل اللهی ایذا شامیده سامریلر ائیلدوقجا خلق ایچینده های و هو عشق فریاد ائیله دی انا فتحنا شامیده دار عشق اوسته یوخیدی گر چه عیسی پیکری یاره لی باش نیزه نی ائتمیش دی ماوا شامیده قصد ائدیبدیر پئیله سین حق ناقه سین ناحقّ لر روز روشن ائیله سین لر حقّی اخفا شامیده نور حق دن بهره سیز اولدی ندن خُفاش لر یوخ مگر بیر کس ده عقل و چشم بینا شامیده اقتدا ائتمیشدی خورشیده بیر عده اولدوز آی هر بیری کنز خَفی، سرّ سُویدا شامیده زینب کبری وئریب قارداشینه عشقین نشان تا اولا معنا تولّی و تبرّی شامیده کربلادن آل حیدر آیریلییب بو نیّیته ائیلسونلر تا شهیدلر قانین احیا شامیده شامین اهلی چیخدی پیشوازه گوروب لر نیزده بیر یارالی باش سالیب آفاقه غوغا شامیده اهل شامین کینۀ دیرینه سی اولدی عیان دوشدی گرداب بلایه آل طاها شامیده تیر غم هر سمتیدن آل اللهی ائتدی نشان اولمادی بیر کس ائده درده مداوا شامیده چیخدیلار پیشوازه شام اهلی ولی اللرده داش اولدی گویا اهلبیته حشر برپا شامیده اولدی شامین محنتی کرب بلادن ده چتین آلمیشدی دوره نی اهل تماشا شامیده باخدی بیر قارداشه زینب باخدی بیر شام اهلینه محنتی جوشه گلیب دیر مثل دریا شامیده باخ منه قارداش دئدی قلبیم داریخدی غصه دن گور نئجه جرات تاپیب بو قوم اعدا شامیده باخ جدادن زینبه باخ بو پریشان قیزلارا باغ عشقی لطفیله ائیله مصفا شامیده عاشقه یوخ فرقی کوفه کربلا یا شام اولا لیک شام اولدی منه بو دار دنیا شامیده باشیم اوسته سایه سال لطفون منه احسان ائله تا ائدیم بوینومدا کی تکلیفی اجرا شامیده گئتمرم سیندیرماسام بو ظاهری قدرت لری ائیلییم درد و بلادن شکوه حاشا شامیده لشگریم قیزلار، سلاحیم گوزیاشی، آهیم سپر گلمیشم قان آلماقا وار چوخلی اعدا شامیده آند اولا زهرایه قارداش غم یورانماز زینبی صبر قیلام هر قدر گلسه بلایا شامیده گرچی اولدی محنت ایامیدن قدیم کمان اگمرم باش فرقه ظلامه اصلا شامیده لحنیوه قربان اولا زینب بیز آز قرآن اوخی تا جلال و شوکتین اولسون هویدا شامیده مرحبا زینب دانیشیدی منطقیله حق سوزون خصمی ائتدی سرفکنده بی مهابا شامیده بیر خانمیدا گورمیوب بیله شهامت روزگار ائتدی قولباغلی یزیدی خوار و رسوا شامیده گرچه بزم فتح و شادیدی یزیدین مجلسی نطق زینب ائیلدی حقی هویدا شامیده یوسف زهرایه خاطر هر غمه اولدی رضا ایله دی تقدیرینی عشقیله امضا شامیده بیر بئله عاشق گورر بیرده مگر دونیا گوزی عشق صحراسین دولانسین کوفه ده یا شامیده شامیدن هر آن قلم ایستیر یازا قانیاش توکور کیم بیلیر واردور نه سر محنت افزا شامیده آه اودمدن خیرزان گورسندی مجلس ده گوزه تازه دن قانه باتیب طشت مطلا شامیده زینبین قلبین دوباره یاندیریب اول کینه جو کیم بیلر ایا نه چکدی دخت زهرا شامیده #راه_شام #هوشمند #مدهوش کانال اشعار ایینی محمد هوشمند(مدهوش تبریزی) 👇👇👇 @Hushmand 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

کربلا ای مهد عزت بحر عرفان کربلا کربلا ای جلوگاه نور یزدان کربلا سن جلالت ده خدا بیر توپراقی خلق ائتمییب حالیوه شامل دی الطاف فراوان کربلا حشره جک اهل ولانین کعبه آمالی سن دفن اولوب سینونده بیر مهر درخشان کربلا درک ائدنمز شانیوی بیر کس یاخیندان گورمه سه جذبه عشقونده وار چوخلی پریشان کربلا باخسا کیم عبرت گوزیله حقی باطل دن سئچر هر طرف ده واردی چوخ آیات و برهان کربلا مکتب آل اللهین عالمده دانشگاهی سن نشر اولور سندن جهانه نور قران کربلا سنده قانلی خطیله عشق اهلینین اسراری وار ائلییب عالملری مجذوب و حیران کربلا با وفا انسانلارا سن قبله گاه نورسن هر طرف دن قوزانیر انوار ایمان کربلا قتلگاهه کیم باخا بیر لحظه گر احساسیله حشره جک واردی یئری گر اولسا حیران کربلا بیر سو وار سنده آدی سو باطنی اوددان بتر ائیلییر عشق اهلینی معناده سوزان کربلا بیلمرم آیا ندن قان اولمادی نهر فرات ایچدی دشمن قالدی زهرا اوغلی عطشان کربلا سنده یئتمیش بیر گولی باغبان آلیب آغوشینه یوخدی هیچ یئرده بئله گوللی گولوستان کربلا سنده سو اوسته اولوب بیر جفت قول تندن قلم بر و بحری ائلییب تا حشر گریان کربلا اصغرین کسدی بوغازین زهریلی شمشیر تک درده سالدی عالمی اوچ شعبه پیکان کربلا باخدیلار بسمل قوشا میدان دا لشگر گولدولر اولمادی بیر کیمسده افسوس وجدان کربلا خیمگاهینده گوزوم آغلار بهارین ابری تک زینبین سنده تفاقی اولدی تالان کربلا یادیمه دوشدوقجا غملر داغلی قلبیم داغلانیر دوشموشم بیر درده که یوخ آیری درمان کربلا روز عاشورا نه یازدی منشی حق توپراقا شرحینه یوخ هیچ قلم ده ظرف و امکان کربلا قسمتیم اولسا زیارت خسته قلبیم دینجلر سنده وار جسمه دوا و روحه ریحان کربلا سنده جام صبریمی درد و مصیبت دولدورار هر طرف دن چشمه چشمه جوش ائدیر قان کربلا اربعین عاشقلره عشقین تجلیگاهیدور چون وئرور حق اهلینه هر ایل فراخوان کربلا دویماق اولماز تربتیندن آ زماندا نیلییم کاش اولام هر هفته بیر گون سنده مهمان کربلا هر نفس چکدوقجا قلبیم وای حسینیم وار دئیور خوشدو اولسا عمریمه بو یولدا پایان کربلا #محمد_هوشمند 1402 #مدهوش @hushmand 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

ای حسینیمین نازدانه سی غصه دن اولان باغریقان قیزیم ائیلمه وطن بو خرابه نی آچ گوزون اویان مهربان قیزیم دور قیزیم دونوب چرخ روزگار خوار اولوب یزید و یزیدیان نهضتین مرامی گلیب اله غالب اولدی شمشیر کینه قان ایستورم گئدم شامیدن اویان یوخ داخی قیزیم شمریله سنان یوخ ووران ، شماتت ائدن بیزه امن دیر زمین و زمان قیزیم سن گلنده شامه چوخ اینجیدین اهل کین سنی یولدا یوردولار دردیوی بیلن اولمادی بالا سن بابا دیین وقته ووردولار شام و کوفه ده چوخلی ظلم ائدیب اهل کین عناد اوسته دوردولار شمع تک اریتدی وجودوی ظلم و جور و زخم زبان قیزیم گلشن غمین خسته بلبلی قویما آرزو گوللری سولا وئرمیسن ندن سس بو بیکسه آزقالیر بی بین غصه مرگ اولا آیریلیق زمانی یئتیب اویان کاروانی عزتله سال یولا قبرین اوسته گور گوزیاشین نئجه ائییلور حرم لر روان قیزیم شامیدن گئدیر خسته کاروان دشت کربلایه زیارته قسمت اولمادی سن گلنمدین عمه وی سالیبسان مصیبته گر سوروشسا مندن بابان سنی یوخ سوزوم او کان محبته من نئجه دئیوم درد و غصه دن اولدی شامیده باغریقان قیزیم دور قیزیم گتیردی بی بیون اله قانلی کوینگی ، گاهواره نی دور ایاقه آل صاحب اول اوزون غارته گئدن گوشوارنی وئر نشان طبابت ائدیم سنین باغلییم ایاقینده یاره نی دردیوه دوا تاپمادیم گلیر غملرین منه چوخ گران قیزیم سن حسینیمین انقلابینه شامیده قدر بیر سفیرسن آزدا اولسا سنین شفیعه سن بی بدیل سن بی نظیرسن اوچ یاشیندا باب الحوائجه مکتب ولاده کبیرسن کیم دخیل اولا آستانیوه حاجتین آلار بیگمان قیزیم درد و غصه دن راحت اولموسان حالیمی منیم بیلمیسن بالا چوخ چتین اولوبدی حرملره کاروانیده گلمیسن بالا خسته دل بو دنیادن آیریلیب توپراق آلتدا دینجلمیسن بالا نطقیدن نیه دوشموسن دانیش بیرمنیله شیرین بیان قیزیم سن منه بالا چوخ عزیزسن جان کیمی سوردی بی بین سنی غربت ایچره بو نوعی اولمگین واردی تا نفس یاندیرار منی یول گوزتلیور تای توشون سنون مسکن ائیلمه بو خرابه نی تاراولوب گوزموده ایشقلی گون تنگ اولوب منه بو جهان قیزیم وار نقدری عمروم یانام کرگ گوینگون سنه ائیله دیم کفن اوز الیمله دفن ائیلدیم سنی من بو غصه دن اولمدیم ندن آیریلیم نئجه بو مزاریدن یاتمیسان بو قبر ایچره خسته سن غم یئمه بی بیون دیدوه گلر اولسا گر اجلدن امان قیزیم #شام #هوشمند #مدهوش

ای پادشاه حُسن ببین وضع شام را بنگر من و غریبی و این ازدحام را زینب کجا و شام و اسارت کجا، اخا بنگر جفای مردم بی ننگ و نام را صف بسته اند بهر تماشا و هلهله بر ما زنند طعنه و زخم مدام را شادی کنند و جشن که پیروز گشته اند تا بشکنند همت اهل قیام را تا زنده ام اجازه ی طغیان نمی دهم بر هم زنم به عشق تو این فکر خام را خورشید من به نیزه خودت را نشان بده صبحی نما به جلوه ی حق شامِ شام را آیینه ی شکسته من دیده باز کن روشن نما چو ماه شب تیره فام را قران بخوان بصوت حجازی به روی نی آگاه کن به واقعه قوم‌ لئام‌ را ای شاه بی سپاه برایم نفس بده دارم به سر تفکر تسخیر شام را من با هوای کرب بلا آمدم به شام تا گیرم از سپاه عدو انتقام را با لشکر حیا و عفاف آمدم کنون رسوا کنم تظاهر اهل ظلام را دشمن مسلح است به سیم و سلاح اگر دارم سلاح منطق و تیغ کلام را در تنگنای کینه و جهل و غرور و مرگ باید به گوش خلق رسانم پیام را بی فتح شام شوم از اینجا نمی روم از حق طلب نموده ام حسن ختام را روزی رسد یقین که حسینی شود جهان پی ریختم عمارت عالی مقام را #محمد_هوشمند #مدهوش #شام 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

درد دل عاشقانه با راس برادر تا شد دلم به شور تولایت آشنا در نای نی، به نغمه ی تو گشتم همنوا از محنت و جفا و ستم ناله کی کنم وقتی که بر صفای دلم کرده ای دعا چون سایه با تو می روم هر جا که می روی یک لحظه سایه ات نشود از سرم جدا چون شمع سوزم از غم و دم بر نیاورم کُشتند پیش چشم من ای با وفا ترا این راه شام و کوفه به پایان نمی رسد هر لحظه داغ می زند به دلم قوم اشقیا با لطف حق عدوی ترا خوار می کنم هر چند گشته قامتم از بار غم دوتا مرغ دلم هوای زیارت گرفته است از قید ظلم می شود اخر دلم رها .. شاید به اربعین نرسم بسکه در دلم گل کرده زخم طعنه و شمشیر و نیزه ها هر لحظه داغ محنت من تازه می شود از یاد کی رود غم و اندوه کربلا دیدم بچشم خویش ترا من به بروی خاک صد پاره بود پیکر و سر از بدن جدا دیدم چگونه گلشن زهرا گلاب شد تا روز حشر نالم از این ظلم اشقیا بر من کسی نگفت گناه حسین چیست کاو بود نور چشم فاطمه و جان مصطفی دیدم تمام حادثه ها را بچشم خویش دیدم خلیل من که به قران شدی فدا قدم اگر چه از غم و محنت کمان شده سر خم نمی کنم به عدو جان تو اخا با سعی خویش نام ترا زنده می کنم تا بر تو اهل عشق نمایند اقتدا دل را صفای عشق تو مدهوش می کند مستم ز جام چشم تو روحی لک الفدا #راه_شام #هوشمند #مدهوش کانال اشعار ایینی محمد هوشمند(مدهوش تبریزی) 👇👇👇 @Hushmand 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

#ارسالی از سعادتی قم المقدس ## بر مشامم می رسد امشب هوای کربلا می برد هوش از سرم شور و صفای کربلا تا که می افتد بیادم جلوه ی صحن و حرم می شوم دلتنگ آن صحن و سرای کربلا در دلم دارم غمی باید بگویم بر طبیب تا شوم بار دگر حاجت روای کربلا تا سلامی می دهم هر صبحدم بعد از نماز می شود آرام دل باروضه های کربلا دستبوس مادرم هستم که با دامان پاک خوب درسم داد و گشتم آشنای کربلا دوست دارم بار دیگر راهی دریا شوم تا بشویم چهره در آب بقای کربلا قطره ای هستم که دارم شوق دریا بر سرم اربعین خود را رسانم بر منای کربلا می شوم عاشق تر از پیش و پیاده ،دیده تر باز می گیرم بدست خود لوای کربلا لذتی دارد که باشی از حرم تا بر حرم همنوا با ناله و نای و نوای کربلا مکتب سرخ حسین ابن علی دانشگه است می رسد بر گوش جان آری صدای کربلا حضرت زهرای اطهر نوحه خوانی میکند می شود محشر بپا در نینوای کربلا ساربان با خود ببر این عاشق مدهوش را تا کنم جان را فدای جانفدای کربلا ✍️#هوشمند #مدهوش 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

نوحه ارادت به محضر اباعبدالله ع شهریار عالمین ای جان جانان یا حسین ای قویان عالملری عشقینده حیران یا حسین ای شه خوبان حسین.عالمه سلطان حسین ای گوزل آدی اولان هر چاره سیز درده دوا سن حبیب لم یزل سن شافع روز جزا کشتی امید سن عشاقه مصباح الهدا بحر عشقین ائیلوب دیللرده طوفان یا حسین كيم گليب درگاهیوه تاپدي جلال و اعتبار كوي عشقیندن گدالر اخذ ائدر عزّ و وقار سفره جودونده اولموش اهل عرفان ریزه خوار درگهین دارالکرم دی کوی احسان یا حسین اولماسا گر عشق، يول تاپماز سنه عقل و خرد کوکب اجلالیوی خامه ائده بیلمز رصد قالميشام حيران اليمدن دوت اوزون ائيله مدد مكتبونده اولموشام طفل دبستان يا حسين سن طریق عشقده هر سالکین منهاجی سن تاج خلقتسن قويوبسان باشه قاندان تاجي سن روز محشرده اولارسان اهل عشقه ناجی سن قویماسان قالسونلا محشرده پریشان یا حسین آدم و حواني چكدین ساحیله بحرانيدن جان عيساني قوتاردین فتنه دونانیدن كشتي نوحي آپاردين مقصده طوفانيدن سن خليله ائیله دین ناري گلستان يا حسين بحر صبرین داشمادی هر قدر موج ائتدی بلا عهدیوه ائتدین وفا چون البلاء للولا ائيله دین کرب و بلا توپراقيني خاك شفا تربت پاکوندی هر بیر درده درمان یاحسین حق یولوندا ائتمیسن ایثار، ثارالله سن سن حقیقت اهلینه هم رهنما هم راه سن کایناته حکم ائدن یالقیز یارالی شاه سن تحت امریندور سنون بو کون و امکان یا حسین قتلگهده ائیلدون معبودیله راز و نیاز قانلي محراب ايچره قیلدین شوقیله قانلی نماز سن شفاعت امرینه آلدون چوخور یئرده جواز بلکه سوزان ائتمسین عشاقی نیران یاحسین نیزیه چیخدی باشین حق اهلینه یول گوستره باشلادی قرآن يارالي ديللره تسكين وئره وئردی تاریخه ندا ذلت یاراشماز بیز لره آخدی قان ناحقّه چکدی خط بطلان یا حسین بیلمیرم محشر نمایان اولمادی آیا ندن اوندا کی کسدی جفاییله باشین قوم فتن قالدی اوچ گون پیکرین توپراق لار اوسته بی کفن تاپمادی زینب او چولده بیر مسلمان یا حسین اون بیرماه محرم گلدی زینب مقتله گوردی نعشین یئرده دی باشین دوشوب الدن اله آز قالیب دی خرمن صبرین خانیم وئرسین یئله سسلدی جانیم اولا بو جانه قوربان یا حسین جان زینب دین یولوندا تشنه قانه باتمیسان باش و جانیندن گئچیب الحق مرامه چاتمیسان وای منه گونلر قباقینده نه راحت یاتمیسان وار یئری ائتسم اولونجه داد و افغان یا حسین اولموشام #مدهوش شاها عشق پاکیندن مدام فخر قیلام شاهلارا اولسام بو درگهده غلام دوت الیمدن قیل کرم ای پادشاه ذوالکرام سائیله سیزدن اولار لطف فراوان یا حسین ای شفاعت ائیلیین قنداق ایچینده فطرسی قورتاران ظلمات دریادن جناب یونسی بیر اشاره یله قوتار محشر گونی بو بیکسی منده هر آن اولموشام عشقونده نالان یا حسین #محمد_هوشمند 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

ورود به مدینه یانان اورکده غم و ابتلا گتیردیم آنا شکسته نی کیمی دیلده نوا گتیردیم آنا اویان دئیوم باشیمین بیر به بیر بلالرینی کتاب عمریده چوخ ماجرا گتیردیم انا گوزوم باخا باخا قارداشلاریم بویاندی قانا گوزوم ده گوزیاشیمی برملا گتیردیم انا حسینیمین قانی ایسلاتدی کربلا چولونی صفالی تربتینی توتیا گتیردیم انا فراتین اوسته ابوالفضلیمین قولی دوشدی دیار ماریه دن بیر لوا گتیردیم انا علی اصغریمی اوخلادی سو اوسته عدو ربابی دیلده غم و آه و وا گتیردیم آنا علی اکبریمی قطعه قطعه دوغرادیلار نشانه قانه بلنمیش قبا گتیردم آنا جوانلاریم هاموسی اولدی دیننه قربان نشانه باشدا بو گون قان حنا گتیردم انا نه لر بلالی باشیم چکدی بو سفرده منیم فشار غمدن الف قدی تا گتیردیم انا دیار شامه فلک چکدی کاروانمیزی یارالی قلبیده مین بیر یارا گتیردیم انا خرابه شامیده دفن ائیله دیم رقیه می من سنه اونون طرفین دن ثنا گتیردیم آنا قوتاردی قید اسارت آچیلدی بند طناب زیارت عشقینه شرح بکا گتیردیم انا دیار کرب و بلایه زیارته گئتدیم مریض عشقیمه خاک شفا گتیردیم انا اویان سنه دانیشیم باشیمین بلالرینی که اهلبیتوی هاردان هارا گتیردیم آنا الیمده قاره علم باشدا یدی قارداشین قاراسی جهانیانه پیام عزا گتیردیم آنا نقدری عمریم اولا آغلاسام بوشالماز اورک گوزوم یاشین غم هجره دوا گتیردیم بهمن 400 #محمد_هوشمند #مدهوش @hushmand 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

مادرانه ای قلبیمن قراری منیم صودامر بالام گل گور قالیب آنان نئجه سنسیز ملر بالام نه تئز ستاره مثلی آخیب باتمیسان بالا گوزدن ندن غریب آناوی اتمیسان بالا یانام شرار محنت و نار فراقیوه بیلسم یئرینی شوقیله گلم سراقیوه بیر لحظه ده خیالیوی من باشدان آتمارام گللم نوایه نالمی اما اوجاتمارام گورسم هایاندا طفل صغیر آغلیر آغلارام یا بیر آنا بالا یاراسین باغلیر آغلارام یانام اوغول که یاره وی من باغلیانمادیم هیچ بیر دویونجا ضجه چکیب آغلیانمادیم سالدیم سنی سوسوز یولا شرمندیم بالا اندوه و درد و غصه دن آکندیم بالا نیسگل اولوب که اوخ یاراسین گورمه دیم اوغول اوخ بیچدی حلقیوین هاراسین گورمه دیم اوغول گورسم هایاندا طفل زبان بسته آغلارام یا بیر قوشی گورم ییخیلیب خسته آغلارام گورسم قماطیده بیرین باغلیدیر الی ساللام سنی خیالیمه قان آغلارام علی گورسم آنا بالاسینی آلمیش قوجاقینه قان آغلارام یارالی بالامین فراقینه گورسم یارالییب گولی، گلشنده نیش خار حلقین دوشر خیالیمه بو قلبیم اودلانار گورسم سوسوزلارا بیری جام الده وئردی سو یانام منیم گوزل بالاما ووردی اوخ عدو گورسم قفس ده قمری ائدر ناله آغلارام گورسم دوشوب دی آی یوزونه هاله آغلارام گورسم قاناد چالیر یارالی بیر کبوتری سالام خیاله تیره نشان خردا حنجری گورسم کمان الینده بیر اوچی شکار ائده ر بیراوخ دگر ، یانان دلیمی زخمدار ائده ر سو حاضر ائیلیینده هاچان دستماز آلام جان وئرماقین دوشر یادا ای تشنه لب بالام گورسه م هایاندا مشک ده سو ، سینه داغلارام ساللام خیاله حضرت عباسی آغلارام عباسی یاد ائدیب توکرم قانلی گوزیاشی دوشدی قولی سو اوسته ستمله سینیب باشی دوشسه گوزوم اخار سویا ، دریایه آغلارام تا وار نفس شقاوت اعدایه آغلارام نشتر هاچان چمنده که گلبرگی یاره لر بو دردلی سینه ده دئشیلر کهنه یاره لر یانام گورنده کولگه دوشوب باصفا یئره دوشدی او چولده چون شه قل انما یئره گورسم بیری بیان ائلییور غم حکایتین سالام خیاله کرب بلانین مصیبتین اهل جفا او چولده غم ودردی چوخلادی عطشان بالامی حرمله سو اوسته اوخلادی یاتدان ئولونجه چیخمیاجاق کربلا غمی حاشا چیخا انا اورگیندن بالا غمی #هوشمند #مدهوش @hushmand 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

ایخدا گوندر بو عصرين صاحبين حجت حق ليل قدرين صاحبين ایخدا آرام جانیم هاردادی مونسیم روح و روانیم هاردادی دوندی گونلر هفته لر آیلار ایله قالدی گوزلر یولدا یارب رحم ایله غصه دن خسته اورك دينجلمدي یوسف زهرای اطهر گلمدي جمعه جمعه عومروموز چاتدی باشا جام صبریم آز قالیر دگسین داشا هاردادیر اهل ولانین دلبری دین و قرآنین حقیقی رهبری بس هاچان باشه چاتار بو اینتظار قالمادی یارب اورکلرده قرار روز و شب ذکریم اولوبدور الامان هارداسان گل داده یا صاحب زمان آز قالیر اولسون گلستانلار خزان هارداسان اي باغ دينه باغبان هارداسان اي درده درمان هارداسان سن گلن يوللاره قربان هارداسان هارداسان هجرینده دیل لر قان اولوب بو جهان عاشقلره زندان اولوب قالمیب رحم و مروّتدن اثر یوخ داخی عشق و صداقتدن خبر یئر اوزی مکر و خیانتلن دولوب هاردا حق وار ظلمیله پامال اولوب دولدوروب ريب و ريا محفل لري حب دنیا مست ائدیب غافل لری دسترس ده اولدي اسباب گناه عمروموز اولدی گناهیله تباه آز قالیر تعطیل اولا احکام دین شیعه نی درک ائله ای حبل المتين پس هاچان باشه يئته ر غیبت آقا گل گتیر انسانلارا عزت آقا ابر غیبتده داخی اولما نهان گل صفا تاپسین جمالیندن جهان ای صراط حقه میزان هارداسان محيي احكام قران هارداسان هارداسان اي درده درمان هارداسان سن گلن يوللاره قربان هارداسان گل دولوب ظولميله دنياي دني سسلییور امداده مظلوم لار سني هارداسان ای داغلی دیللر مرهمی گل اوزون قورتار بلادن عالمی مدعی چوخدور ولی یوخدی محک حقیدن چوخ باطله واردیر کمک ظلمده طغیان ائدیر اهل جفا هر گون عاشورادی هر یئر کربلا اذن آل ای منتقم داداريدن آل حسينین قانيني اشراريدن وارث آل پیمبر هارداسان ای جمالی حقه مظهر هارداسان هارداسان اي درده درمان هارداسان سن گلن يوللاره قوربان هارداسان هارداسان ای اولیانین عزتی اهل ایمانین وقار و شوکتی تا جهان وار دولتین پاینده دی عالمین چشم امیدی سنده دی جان فدا اوچ یوز اون اوچ یولداشیوه گل بیزی ائیله تصدق باشیوه تشنه جام صداقت دیر جهان یول گوزتلیر منتظر لر ناگران عومروموز قورتاردی حسرتده آقا قالمیشوق صحرای غربتده اقا غرق اولوبدی شبهه ده اهل جهان گل اوزون وئر حق یولون خلقه نشان بحر غمده قالميشوخ آواره گل درد الیندن اولموشوخ بیچاره گل عالمین شور و صفاسی سنده دی هر چتین دردین دواسی سنده دی قالدي غربتده ولا اهلي آقا سن اوزون تعجیلیوه ائیله دعا اي ايشقلي ماه تابان هارداسان کشور عشقه سلیمان هارداسان هارداسان اي درده درمان هارداسان گل گلن يوللاره قوربان هارداسان #مدهوش #محمد_هوشمند #ترکی کانال اشعار @hushmand 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛