🌹سرود میلاد امام رضا(ع) از کتاب افتخار طیبان 🎼با سبکی دلنشین و زیبا عالمین سلطانی گلدی فاطمه طرلانی گلدی سویلیون هر دردمنده دردلرین درمانی گلدی ضامن آهو رضاجان لاله ی خوشبو رضاجان جان رضا جانم رضاجان(۲) جان جانانم رضاجان (۲) بو امام انس و جاندی نوگل باغ جناندی مقتدای اهل عالم شیعیه آرام جاندی ضامن آهو رضاجان لاله ی خوشبو رضاجان جان رضا جانم رضاجان(۲) جان جانانم رضاجان (۲) گلدی زهرانین عزیزی گلدی طاهانین عزیزی گوز آچوب دنیایه بوگون اهل ایرانین عزیزی ضامن آهو رضاجان لاله ی خوشبو رضاجان جان رضا جانم رضاجان(۲) جان جانانم رضاجان (۲) چهره سی زیبا رضادی قامتی رعنا رضادی نور چشمان محمد شیعیه مولا رضادی ضامن آهو رضاجان لاله ی خوشبو رضاجان جان رضا جانم رضاجان(۲) جان جانانم رضاجان (۲) معدن ایمان گلوبدی ناطق قران گلوبدی کیم گورر عشقیله سویلر یوسف کنعان گلوبدی ضامن آهو رضاجان لاله ی خوشبو رضاجان جان رضا جانم رضاجان(۲) جان جانانم رضاجان (۲) عشقینه عاشقلر حیران آدینه عشاقی قربان چهره ی جذّابی واردور یر گویی ایلوبدی تابان ضامن آهو رضاجان لاله ی خوشبو رضاجان جان رضا جانم رضاجان(۲) جان جانانم رضاجان (۲) سسلیون مولا رضانی مشکلوز حل اولسون آنی حل ائدر مولامیز حتما مشکلات شیعیانی ضامن آهو رضاجان لاله ی خوشبو رضاجان جان رضا جانم رضاجان(۲) جان جانانم رضاجان (۲) #کربلایی_حسن_طیبان ‌‌‌‌‌‌‌‌‌‌‌‌‌‎‌‌‌‎‌‌‌‌‎‌‌‌‌‌‌‌‌‌‌‌‌‌‌‌

سرود میلاد امام باقر علیه السلام در آهنگ عجب رسمیه رسم زمونه 🌹 سیمای داور، دنیایه گلدی دلبند حیدر، دنیایه گلدی پنجمین اختر، فرزند سجاد حضرت باقر، دنیایه گلدی دنیایه گلدی، ماه درخشان آدینه قربان، آدینه قربان 🌹 دریای رحمت، دنیایه گلدی امام امت، دنیایه گلدی کل جهانی، ائتدی گلستان معنای عصمت، دنیایه گلدی دنیایه گلدی، ماه درخشان آدینه قربان، آدینه قربان 🌹 دنیا بوگجه، نورانی اولدی هوای یثرب، رضوانی اولدی عاشقلر یکسر، گلدی دیداره سجاد ائوینده، مهمانی اولدی دنیایه گلدی، ماه درخشان آدینه قربان، آدینه قربان 🌹 آدی محمد، ناطق قران بهبه بو گوزل، آدینه قربان پرگاه پاکی، قبله نمادی وار درگهینده، هر درده درمان دنیایه گلدی، ماه درخشان آدینه قربان، آدینه قربان 🌹 گلدی اسلامه، ارزنده رهبر هر مسلمانه، بیر عالی سرور عدل و عدالت، مظهریدور بو مانند حیدر، مانند حیدر دنیایه گلدی، ماه درخشان آدینه قربان، آدینه قربان 🌹 باقر آلِ عبادور آقام جلوهٔ نور خدادور آقام قربان اولوم بو جاه و مقامه نور چشمان زهرادور آقام دنیایه گلدی، ماه درخشان آدینه قربان، آدینه قربان #کربلایی_حسن_طیبان #اللهم_عجل_لولیڪ_الفرج 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

سینه‌زنی امام کاظم(ع) در سبک یافاطمه🍁 ⬛️ موسی بن جعفر جان وئرور گل داده زهرا سسلور بوگون اوغلون سنی امداده زهرا محبسدیم من _ قلبی شکسته جان اوستیم من _ گل باشیم اوسته ⬛️ زندانیده گل گورنجه حالیم یاماندی گوزدن آنا صبح و مسا اشکیم رواندی زهر جفادن پیکریم اود دوتدی یاندی سن اگنووه گِی قاره گل بغداده زهرا محبسدیم من _ قلبی شکسته جان اوستیم من _ گل باشیم اوسته ⬛️ من اون بیرایل زندانیم قرانه خاطر هر ظلمه صبر ائتدیم حقِ منّانه خاطر دَگدی منه سیلی ننه جانانه خاطر بیردا غریبم یوخ گلن فریاده زهرا محبسدیم من _ قلبی شکسته جان اوستیم من _ گل باشیم اوسته ⬛️ گل وئر صفا بو مجلس محنت فزایه جانیم چیخور تعجیل ایله تز گل هرایه ایکاش اولیدی قیزلاریم گلسون عزایه سن بینوا معصومه‌نی سال یاده زهرا محبسدیم من _ قلبی شکسته جان اوستیم من _ گل باشیم اوسته ⬛️ من شیعیان حیدره شاه و امیرم هارونه امّا اون بیرایلدی دستگیرم زنجیر و کونده واردی بوینومدا اسیرم کیم تاب ائدر آخر بئله بیداده زهرا محبسدیم من _ قلبی شکسته جان اوستیم من _ گل باشیم اوسته ⬛️ اهل و عیالیم گوزلری یوللاردا قالدی معصومه ی دلخسته‌نی کیم یاده سالدی موسی بن جعفر شهر غربتده قوجالدی من قالمیشام بیر غصّه‌لی بلواده زهرا محبسدیم من _ قلبی شکسته جان اوستیم من _ گل باشیم اوسته ⬛️ گلسون یقینا حالیمه دیل داغلیارسان سن ماتمیمده باشه قاره باغلیارسان یوخدور عزاداریم آنا سن آغلیارسان هئچ گورمدیم خوش گون فنا دنیاده زهرا محبسدیم من _ قلبی شکسته جان اوستیم من _ گل باشیم اوسته ⬛️ #کربلایی_حسن_طیبان 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

سرود میلاد امام زمان (عج) # #ارسالی از سعادتی قم المقدس # معرفت دریاسی گلدی شیعه‌نین مولاسی گلدی گلشن باغ علینون نوگل زیباسی گلدی دردلره درماندی والله صاحب دوراندی والله عالمه سلطان گلوبدی حافظ قران گلوبدی سوزلره اولسون بشارت دردلره درمان گلوبدی دردلره درماندی والله صاحب دوراندی والله بوگلن زهرایه جاندی حضرت طاهایه جاندی دلربا آدینه قربان شیعهٔ مولایه جاندی دردلره درماندی والله صاحب دوراندی والله عطرینی آلدی گلستان چهره‌لر اولدی چو خندان نرجس خاتون دیوردی مهدیه عشقیله جان جان دردلره درماندی والله صاحب دوراندی والله نوریله دولدی فلکلر اوینیور گویده ملکلر آدینه قرباندی عالم شاد و خنداندی ئورکلر دردلره درماندی والله صاحب دوراندی والله عالمی گلزار ائدوبدی گرمی بازار ائدوبدی دشمنان مرتضانین حالینی چوخ زار ائدوبدی دردلره درماندی والله صاحب دوراندی والله کیم گوروب حیران قالوبدور یوسفی گوزدن سالوبدور کیم تماشایه گلوبدی بیر باخیشدا جان آلوبدور دردلره درماندی والله صاحب دوراندی والله #کربلایی_حسن_طیبان   💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛ ‌‌‌‌‌‌‌‌‌‌‌‌‌‎‌‌‌‎‌‌‌‌‎‌‌‌‌‌‌‌‌‌‌‌‌‌‌‌