eitaa logo
کانال خبری چم‌مهر نیوز
1.5هزار دنبال‌کننده
5.8هزار عکس
1.9هزار ویدیو
26 فایل
چم مهر نیوز رسانه ایی فراگیر.... با محوریت پوشش اخبار چم مهر و شهرستان پلدختر عضویت چــم مهـــــر نیــوز درایــــتا👇 http://eitaa.com/chammehrnews ارتباط با مدیرکانال👇 https://eitaa.com/vahidmirahmadi
مشاهده در ایتا
دانلود
درود.. 🙏باتقدیم احترام خدمت مردم شریف روستاهای چم مهر.باباخوارزم.و مدیریت واعضای محترم کانال چم مهر نیوز.. شعر: ✍درود .. خدمتِ مردم ابادی شوتو وخیرو روزتو و شادی خوشی گُپ دِ گز بفته د گیرتو چندتا خاطره بونم وا هیر تو یایه وا هیرتو سال پنجاوهفت وا ۲۰لیتیِه مَنئِم دِ گِه نفت یایه وِ هیرتو کول وا خنه خن دش دِ صف روغه قرِه دِصف قن یایه وِ هیرتو هوشیارو بیدار دولت دَ وِتو سهمیه سیگار جواو وِم بئِه جهال و پیرتو سریال اوشین یایه وا هیرتو یایه وا هیرتو زحمت وا ضَمِه سلطان شعبان شویا پنجشمه کی ها وِ هیرش بلی و رنجه دادا سی بِئی گرت سرنجه کَلکِن وا سَلِه بوردی وِ لو آو گوته یه هفته میا بئسه دِ خاو دوره گِل اَنو یایه وِ هیرتو باوه خارز هم بیدی وِ پیرتو بیل بوئم سیتو دی رنج و ملال زنو درف شوشتن کل دِ لو گلال یایه وِهیرتو دَس یَر وِچَپ بی ابادی پُر دِ...پیایا.... گَپ بی.. یایه و هیرتو سال هشتادوپنج سیل گنه اوما کُل ونمو وِ رنج شوصو دِ زیه پُلن دَ و آو دِ زِ تا پیا همه زَن وِ باو یایه و هیرتو دَسَک و دوار غُماج مین داوت قِقاج و سوار یایه وِ هیرتو زنو دیک ریشتن کولیا اومانو کشتیان کُل لِیشتِن یایه و هیرتو کَل تریاک کاشته تیخِ شیر کرده تریاکی ناشته ترکتور نوی همش گاو جفت بی دور شو نشینی ئو گفت و لفط بی سرگرمی مردم کُل دال پلو بی ایزوگام نِوی دور بوگِلو بی یایه وا هیرتو کی هومساتو بی گوشت کَل و اشکار کاسمساتو بی شو اِول قهار کی ها وِ هیرش کی خرما بیشتر ایفتادِ گیرش دونه دهه شص دورونشو گن بی میان وعدِشو کل نون و قن بی روزیا گن رتن روزیامو خو بی نوشابه اوما جانشین دو بی یایه وِ هیرتو سال نودوهشت سِئل گنه اوما ئو ورق وِرگشت دِ نها بوئم دِ خاطرات گن همه ای سالیا سیمو بین و پَن دِ پیر و جهال همه گوش کنه ار گنه دیه وایک خوش کِنه خشال وِ روزِ گنی وریفتا هیچکس نَخَنِس ار بارِ ایفتا ار سی آبادی کاره اوما پیش نوئئِم وا مار و کُل بَزِنئِم نیش درخت دوسیمو هرگز نپوسه چمهرمو بوئه چی چَمهر اوسه شعر تقدیم وتو دِ زونه( کِوِر) چمهر هم بوئه چی چَمهر زیتر با آرزوی تندرستی . اتحاد و برادری برای همه مردم ایران عزیزم. .. ✍.(کِوِر) عضویت چم مهرنیوز در ایتا http://eitaa.com/chammehrnews