#قِصّه_به_زبان_مازنی 💥بنوم جان خدا وَ وِنه حبیب ✍زِنا و مَردی تن تن  گسفن ره بکوشتنا   لاش آ و پوس هاکردنا سَر بیشتنا  دور پیج هاکردنا   خِشحالی جِه بوردنه شِه مهمان پیش هِنیشتنا مشغول خش آ بش بهینه 📌زنا اَتا معذرت خواهی هاکردا بورده غذا رِه سر بزنه بَدیه گتِ بِرار خوردِ برار  ره لِه بِدا وِنه گردن رِه دَره ورینده، 📌زنا اَتا شاب پشتی تن بورده بَدیه کار از کار بُگذشته مَردی ره وَنگ هاکردآ مردی بِمو  صحرای خون رِه بَدیه هَر دِتایِ چِشه خون بَزو بَیته  نا تونِسّه بِرمه بَکِنن نا تونِسته داد بَکِنن به احترام مهمان....... 📌مَردی گتتِر ریکا رِه پلق هایتا بهوته: ریکا چه اینکار هاکردی؟ 📌ریکا بَهوته تِه شِه اَتا گِسفِن رِه شِه عزیز مهمان وِسّه بَکوشتی اَنده خِشال بی، اِما هَم بَتِمی تِه مهمان وِسّه اَتا کدوم شِه خِدر رِه قربونی هاکنیم........... بلخره دِتایی تصمیم بَیتنه تِک ره میم بَزُننا تا مهمان دره هیچی نَووِن. 📌هنیشتنه نِماز ره بَخونستنا ناهار سفره ره بیشتنا غذا ره بَکشینه که مهمان دیتا وَچِه یِ خَوِرگیری هاکرده زنا مردی اَتی بهانه بیاردنا  تِه تِه پَه تِه دِماسینا 📌مهمان هم اِصرار هاکِرده که تا این دیتا وچه نِمونّه دَس به غذا نَزِمبه که مار یک دَفِه غِع ره سَر هدائه .... 📌مهمان این زنا مردی ره یواش یواش آروم هاکردا  بخواسه که داستان ره تعریف هاکنن 👈مردی بَتا بَتا بَتا... مهمان بِفرما وَچه کِجه دَره؟ مردی بهوته اونور خِنه مهمان ره وچه ی پلی بوردنا مهمان دَس به سوی آسمون هاکردا بهوته ای خدای کریم!  اَگه تِه حبیب هَسِّمِه این وچه ره به من ببخش 💥به امر خدا این وَچه زنده بونه و دِواره با خنده خِشالی همه تائی سفره سر هنیشتنا و غذا ره نوش جان هاکردنه 👇 اَره جان مگه بونه #رسولِ_خدا دعا هاکنه و خدا اجابت نکنه. 👇 عجب مهمانی داشته این خِنه اونم       ❤️🌹حبیب  خدا🌹❤️ #مبعث_پیامبر مهربانی همه تا ره مِوارک 📝محمدحسن خطی ─═༅𖣔❅ ⃟ ⃟ 📚 ⃟ ⃟ ❅𖣔༅═─ 💥#پژوهش_ادملاوند @edmolavand ﷽ #آوات_قلمܐܡܝܕ 📡✦‎‌‌‌࿐჻ᭂ🇮🇷࿐჻𖣔༅═─