‍ ‍ #برو_بلال_اذان_بعو_مه_وسه #حضرت_زهرا_دلگویه_مازنی 🏴🥀🏴🥀🏴🥀🏴🥀 بـرو بلال اَذان بَعو مه وِسّه مِه دل تنگ هاییته جان پِرسّه اَذان بَعو خوامه نماز بَخونِّم الهی بعد ایـن نماز نَمونِّم شمرده شمرده مه وِسّه بَخون مدینه مِه دِلِّه دَکِردنه خون ته اذان بعو من بَوّم اقامه الهی که دیگه مه عمر تمامه بنال بلال بنال اَللّهُ اَکـبَر الهی بَـوِّه مِـه نـماز آخـر بلال جان اگه من بُوردمه ازهوش تِه اَذان بَعو تا بشنوعه مه گوش ته که خبر ندارنی از مدینه مِـره بَـزونـه بشکسّه مه سینه بلال دُومّه تِـره بـاور نبونه ولی مره علیِ پیش بَزونه سه ماه آزگار من کَتِه بِیمه علیِ وِسّـه دردسر بَهـیمه بلال جان بعد من علی غریبه اسـیر دست قـوم نـانجـیبه من شِه رز رزِ وَچون بلاره بَمیرم وِشونِ دل بَیّه پاره مِه دلِ درده«مداح»زار بَزوعه مِه مَظلومی ره هرجا جار بَزوعه 🏴🥀🏴🥀🏴🥀🏴🥀 علی اکبر اسفند یار. مداح #کانال_نوحه_یازینب_سلام_الله_علیها