#حسین_جان_مه_دم_ونفس... #اربعین_دلگویه_مازنی 🏴🥀🏴🥀🏴🥀🏴🥀 حسین جان مه دَم ونفس تِه قِرون بـرار خـواخر بِمو پِـرس تِـه قرون پِرس خواخر بِمو بـا ناگمونی بـرار تـِه قبر سر فاتِحه خونی ته قبرسر هِنیشتِن مِره دَرده برارجان دیگه اون زینب بَمِرده دیگه بشکسه برار مه پروبال دِواره مـه گـذر بَخِرده گودال برارجان نا که روز داشتمه نا شو مـره شمر لعین زخـم زبـون زو مِه دَم دَر بُورده تا اِینجه بِمُومِه بدون ته دیگه مـه عُمر تِمُومِه اَتا روز داشتمه من شش تا بِرار اِسـا بَهیـمه اسیر و گـرفـتار اَتا روزداشتمه غُرور و اِحساس اِسـا بَهیمه بی حسین وعباس اَمان از شام واز دروازه ساعات بــرار خَله بَکِشیمی مُکـافـات این چهل روز برارهرکِجِه شِیمه فقـط تِـه وَچـونِ نـازه کَشیمه برار مه دل پر از خون بَیّه نَپِرس هـر چی پِرسِنی از رقیـه نَپـرس رقیه بس شیرین زبونی کرده تِـه سر پیش دِق هاکرده بَمرده تِه شَرمندومه شرمنده بِمُومِه رقــیه بَــمرد و زِنّـــه بّـمُــومه تِه قَبرِ سَرخوامه حاجت بَهیرم دعـا هاکن کـه هَمینجه بَمیرم مه دل تنگ هَسّه تِه بلا مِه سینه تِـه کـه دَنـی چِتـی بُـورم مَـدینه؟ بَخُون«مداح» بَخُون مِه دِلِ دَرده بَخُون که دیگه اون زینب بَمرده 🏴🥀🏴🥀🏴🥀🏴🥀 #شعر_علی_اکبر_اسفندیار_مداح#کانال_نوحه_یازینب_سلام_الله_علیها