#سه_پنج_روزه_که_مه_دل_زنه_نالش #در_فراق_مادر_دلگویه_مازنی سه پنج روزه که مه دل زَنّه نالش دل زَنّه نالش و چِش وارنه وارش سه پنج روزه که مه دل بَیّه پرخون وَنگ وا کِمّه جان مارِ قرون خوامه زار بزنم شه دلِ درده مه دلخشی مه مار بِیّه بَمرده مه جان مار بِیه خَله صمیمی چتی نِنالم از دردِ یتیمی اونی که وِنه جان مار بَمرده وه دُونّه مار بَمیره چَنّه درده چی بِیّـه گلِ وَر خاردَنی بیبو چتی بِیّه غم مار دَنی بیبو جان مارکه شونه خِنِه سُو شونه خِنِه ی صفا و بِک و بو شونه جانِ مار مه دلخشی بِیّه بورده عزیزِ مار چَنّه خوار بِیّه بورده مه دل تنگ هَسّه دیگه خوارنبونه هیچ کسی که مه وِسّه مار نبونه الهی که خِنِه ی مـار نَمیره دلِ قراره مـار، قرار نَمیره مه جانِ مار عاشقِ زهرا بِیّه چَنّه شِه سینه بَـزو فاطمیّه مُحَرّم شه تَن سِیو جمه کِرده امام حسینِ وِسّه بِرمه کرده الهی به حقِ زینبِ کبری از مِه مار شفاعت هاکِنه زهرا پیـمبر بـا حـدیـثی بَـنوشته یقین «مداح» که مارِ جابهشته علی اکبراسفندیار«مداح»

‍ #سه_پنج_روزه_مه_دل_بی_قراره #در_فراق_مادر_دلگویه_مازنی 🏴😭🏴😭🏴😭🏴😭 سه پنج روزه مه دل ،بی قراره من دل تنگِ مه عزیزِ ماره خوامه بنالم دل، مَشتِ درده مه اون مهربونِ مار بمرده مه یاد در نشونه مارِ زحمت ونه سختی و رنج و مرارت شه جان مار قروون             مه درده بِیه درمون بُورده بَیمه سرگردون تمام زمستون، درازه شو مه گهره سر ته چش نَشیّه خو ته زار ره خومه شو، تاصوایی جانِ مار چنّه سخته جدایی تا نفس داشتی زحمت بَکشی ته که نفسِ راحت نَکشی شه جان مار قروون             مه درده بِیه درمون بُورده بَیمه سرگردون خِنه ته دَیی بِک و بوداشته ته صدا اِمو سِک و سوداشته خنه مار دَنیّه سو ندارنه چشمه ره مونه که او ندارنه لالا لالا لالا مـار بـاخسه خَسّه تن داشته و خوار باخسه شه جان مار قروون             مه درده بِیه درمون بُورده بَیمه سرگردون خِنه که شومه تِه صدا نِنِه باختی اینجه تاریکِ خِنه چیکار هاکنم دل، نَیرنه قرار خوامه بنالم تِسّه جان مار شب جمعه اِمه قبر کنار ناله زَمّـه تا اِفتاب بوره مار چَنّه ته غَمّه بناله «مداح» من از دوریِ ته بَکشم آه شه جان مار قروون             مه درده بِیه درمون بُورده بَیمه سرگردون 🏴😭🏴😭🏴😭🏴😭 #علی_اکبر_اسفندیار_مداح. #کانال_نوحه_یازینب_سلام_الله_علیها

#در_فراق_مادر_دلگویه_مازنی سه پنج روزه مه دل بی قراره

‍ ‍ #مه_دل_تنگه_خوامه_زار_زار_بنالم #در_فراق_مادر_دلگویه_مازنی 🏴😭🏴😭🏴😭🏴😭🏴 مه دل تنگه خوامه زار زار بنالم از داغِ شه عـزیـزِ مـار بنـالم بَیمه مـارِ پرستار من بَمیرم جانِ مار نَهییه خوارمن بَمیرم شه مـارِ مریض تنِ بلاره جـان مار بَیّـه کفنِ بـلاره همه خو دَینه مه مارخونداشته وه مِه وِسّه که روز وشو نداشته اسا که بُوردی من دل دارمه ناخِش اِمه ته قبر سر دِمه نواجش چَنّه طول و دراز بَیّه تِه سفر نا شِه اِنی نا از ته اِنه خبر ته که بوردی مه کاربَیّه جان مار برمه واری بِیم تِه قبرِ کنار مارِ دعا بِیّه «مداح» خدایی که عاقبت بخیر بَوّیی الهی 🏴😭🏴😭🏴😭🏴😭🏴 #علی_اکبر_اسفندیار_مداح #کانال_نوحه_یازینب_سلام_الله_علیها

‍ ‍ #خوامه_بورم_بیابون_زار_بنالم #در_فراق_مادر_دلگویه_مازنی 🏴😭🏴😭🏴😭🏴😭 خوامه بُورم بیابون زار بنالم از داغِ شه عزیزِ مار بنالم بَیمه مارِ پرستار من بَمیرم جانِ مار نَهییه خوارمن بَمیرم ازاون ساعت که جان مار بَمرده مه تمومِ دلخشی ره بَورده من شه مـارِ خَسّه تنِ بلاره خَسّه تن بَیّـه کفنِ بلاره همه خو دَینه مه مارخونداشته وه مِه وِسّه که روز وشو نداشته اِسا تِه عکسِ گیرمه شِه دلِ سر هرشبِ جمعه اِمه تِه قبر سر ته چَنّه خَسّه تن داشتی جان مار هر چی صدا زَمّه نَبونی ویشار چَنّه طول و دراز بَیّه تِه سفر نا شِه اِنی نا از ته اِنه خبر ته که بوردی مه کاربَیّه جان مار برمه واری بِیم تِه قبرِ کنار مارِ دعا بِیّه «مداح» خدایی که عاقبت بخیر بَوّیی الهی 🏴😭🏴😭🏴😭🏴😭 #علی_اکبراسفندیار_مداح #کانال_نوحه_یازینب_سلام_الله_علیها

#در_فراق_مادر_دلگویه_مازنی خوامه بورم بیابون زاربنالم #کانال_نوحه_یازینب_سلام_الله_علیها

‍ #من_از_صبح_تا_نماشون_ناله... #در_فراق_مادر_دلگویه_مازنی #سبک_بیقرار 🏴😭🏴😭🏴😭🏴😭 من ازصبح تانماشون ناله دارمه بیابون دربیابون ناله دارمه شه جانِ مارِ قرون ناله دارمه وِنِه درد نَیّه درمون ناله دارمه شه عزیز مارِ قرون تن داشته تبدارِقرون اونی که بِیّه تَک مار بِیّه بُورده رفیقِ بی کلک مار بِیّه بُورده زندگی ره نمک مار بِیّه بورده مه دردِمشترک مار بِیّه بُورده وِنِه جور پیدانبونه مه دردِ دوا نبونه مه زحمت کَشِ ماربُورده خاکِ بِن قرارِ بی قرار بُورده خاکِ بِن وِه تن داشته نِخوار بُورده خاکِ بِن عاقبت نَیّه خوار بَورده خاکِ بِن مارخِنِه ی جاکه شونه وِنِه جور پیدا نَبونه جانِ مار بهارِخِش بِک وبوعه خِنِه مار دَنی باشه خرابوعه دَکوشته لَمپاره مُونّه بی سوعه مثالِ خَشک هایته چشمه بی اوعه شه مارِ قدره بَدونین تاکه درمونده نمونین جانِ مارمه سلام چه بی جوابه؟ تِوسّه جان مار مه دل کبابه تِه بُوردی خِنِه بَهییه خرابه دل تنگ هایته تِسّه بی صبروتابه دلِ درده بَوته«مداح» جای نفس کَشمه آه 🏴😭🏴😭🏴😭🏴😭 #علی_اکبراسفندیار_مداح #کانال_نوحه_یازینب_سلام_الله_علیها

#در_فراق_مادر_دلگویه_مازنی من ازصبح تانماشون ناله دارمه #کانال_نوحه_یازینب_سلام_الله_علیها