#گلی_تر_هاکنم_از_رود_کارون #شهدای_غواص_مازنی #شهید_شهادت_مازنی 🌴🥀🌴🥀🌴🥀🌴🥀 گَلی تَر هاکنم از رود کارون بخوندم از شه نازنین برارون بِرو پَر بَکشیم با بال احساس بُوریم تا مقتل یـاران غواص همون دشتی که مَشت لاله زاره از داغ مـه بـرارون داغـداره همون دشتی که غم درسینه دارنه بهارون در بهارون لاله کارنه یادش بخیرشهیدون پر احساس مدد گیتنه از حضرت عباس شهیدونی که زِنّه زِنّه در خاک نفس نفس بزونه بَینه هلاک شمه نفس نفس بزوعن دور شمه پَر از قفس بزوعن دور شمه قروون که پاک و باصفانی بمیرم که غریبی جان هدانی شِمه دسّه که تا دشمن دوسّه چتی بال بال بزونی تنِ خسّه؟ بمیـرم جـان دانـی ارونـدِ کنار نـا پِـر دیّـه نـا مار دیّـه نـا برار غریبی جان هدانی بین صحرا شمه سر ره شِه کَشه بَیته زهرا؟ شِمه وِر فاطمه مادری کِرده ولی شِمه مار از غصه بَمرده نماشون نماشون دل پُره نالش پسر پسر گِته هی دا نِواجش پسر تِه چَم هـدا می یه بلاره تِه خنده و تِـه گرمی یه بلاره تِه مـره مـادر شهید هاکردی پیش فاطمه رو سفید هاکردی اِسا دیگه بَعی مه سر فرازی خدا ایشاالله از ته باشه راضی تِـره خو بَـدیمه چفیه بدوشی لباس بسیجی شه تن دپوشی طلا ونگ سحر بُوردی نمویی مه قشنگ پسر بوردی نمویی دشمن ته تن ره گِلیله بَروشته تِـره کـه تیر بَـزو مـره بکوشته پسر مه پهلوون ته دور بگردم مه نازنین جِوون ته دور بگردم ته نعش ره تا بَدیمه تب هاکنّه همونجه یـادی از زینب هاکنّه مـره یـاد بمـوعه میون گودال تنِ بی سر بَـدیّه بُورده از حال حسین ره بَدیه شه سر ره روشته گته کـی تِـره اینجوری بَکوشته بـاور نکـردمه کـه سر نـداری تـره نشناسیمه کـه مه براری حسین جان چنه ته غم هسّه جانکاه الهـی تـه فـدا بهووه «مداح» 🌴🥀🌴🥀🌴🥀🌴🥀 #علی_اکبراسفندیار_مداح #کانال_نوحه_یازینب_سلام_الله_علیها

#شهید_شهادت_شهید_شیرودی #شهید_شهادت_مازنی 🌴🥀🌴🥀🌴🥀🌴🥀 نِیِستُون در نِیِستُون ناله دارمه شه دل داغ هزاران لاله دارمه دواره بَیــمه دلتـنگ شهــیدون یـاد شهیدونه مـه دردِ درمـون خوامه که بَگِردم سنگر به سنگر اونجه که شهیدون بَهینه پرپر یادش بخیر کـربلای شهیدون «بازی دراز» و «جزیره ی مجنون» یادش بخیر«شلمچه»,«فاو»و اروند چه قشنگ بِیّـه شهیدون لبخند کِنِسّه بَهووم شه دلِ درده قصه ی دلتنگیِ اَتـــا مَرده همون مردی که اهل آسمونه مــدال افتخـار مــازرونـه «اکبرِشیرودی» اون مرد عاشق که در «بازی دراز» بَیّه شقایق «شیرودی» شهید راه ولایت در آغوش بَهیته وِره شهادت تـا از «بازی دراز» پرواز هاکردی مـازندرونه سرفـراز هاکـردی تِه ره آسمون بــالا بَــزونـه بمیرم ته ره بی هوا بَزونه از اون روزی که ته بعی خدایی بنـالِسّمه از درد جـدایی تِه غیرت بَمونِسّـه یـادگاری تـا قـیامت تِـه اَمـه افتخاری تِه عکسه بَزومه شِه قابِ سینه اکبرجان ته وِسّه بی تابِ سینه خدا دونّه که مه دل تِسّه تنگه شب و روز اکبر،اکبر دلِ وَنگه بهار که بی تِه بِک و بو ندارنه مه اَبر چِش که دیگه او ندارنه به حقِ زینب وحسین بی سر همنشین بَوّیی با علیِّ اکبر به حقِ فاطمه عنایت هاکن قیامت«مداح»ره شفاعت هاکن 🌴🥀🌴🥀🌴🥀🌴🥀 #علی_اکبر_اسفندیار_مداح #کانال_نوحه_یازینب_سلام_الله_علیها