‍ #عمه_تره_خله_هاکنه_آزار #حضرت_رقیه_س #دلگویه_مازنی 🌹🏴🌹🏴🌹🏴🌹🏴 عمـه تِــره خَــلِه هــاکِــنّه آزار دیگه درمه شومه خدا نگهدار اسا که جانِ پِر بِمُوعه عمه وِنِسّه بَوتِمه شِه دله غَمّه اِسا که بمو مه آسمون ماه دیگه خوامه بورم بابای همراه عمه جان دیگه ازجان سیر بَهیمه بوین سه سالگی چه پیر بَهیمه سه ساله وَچِه ره کی زار بَدیّه راه که شونه دس به دیوار بَدیّه غم وغِصه مره هاکرده زنجیر خدادونه که نداشتمه تقصیر مه قسمت بِیه غریبی بمیرم مه تقدیره که اسیری بمیرم باباجان بمو دیگه مه دِمّال عمه جان دیگه مره هاکن حلال جان خواخر خداحافظ سکینه حلال هاکن مره ته غم مه سینه خداحافظ رباب و ام کلثوم دیگه نیه شمه همراه دهیبوم مه قسمت نییه کربلا بمیرم جان پره قبر ره کشه بهیرم مه قبر بالا سر روضه بخونین اینجه غریبمه مه پیش بمونین مه سرگذشت پرازداغ وغم هَسِّه دیگه«مداح»نخون مه غَمّه وَسّـه 🌹🏴🌹🏴🌹🏴🌹🏴 #علی_اکبر_اسفندیار_مداح #کانال_نوحه_یازینب_سلام_الله_علیها کانال اشعارآیینی فارسی،مازندرانی