یارب گنهیم چوخدی خطاکارم و نادِم #مناجات #مصیبی_تبریزی  . محمد علی مُصَیّبی تبریزی . یارب گنهیم چوخدی خطاکارم و نادِم عرشه چاتوری سوز دل و آه نهادیم گل پوزشه یول باغلاما ای میر و مرادیم قویما یازیلا لوح گناهه منیم آدیم . ((ای خالق ِ منّان – العفو العفو بخشندۀ سبحان – العفو العفو)) . . درد اهلی بولر درد اولانین قلبی یارادی پوزقوندی گئجه گوندوزی دنیاسی قرادی هئچ بولموری سرمنزل مقصودی هارادی خوش دورگجه گوندوزچاغورابوگوزل آدی . . ای صاحب جود و کرم وبخشش و احسان نفسیم منی مغلوب ائدیب ای خالق سبحان بوکدی بئلیمی جرم وخطا باغریم اولوب قان گلد یم لَلِیَم درگهیوه قووما قاپوندان . . جان بسله میسن حیّ تعالی ، من زاره تکبیر دِیئم مُحرم اولام کوی نگاره امّا منی غفلت یوخوسی سالدی کناره گرداب ِ معاصی ده غریقم ، ائله چاره . . وئرّم سنی حیدر باشی نین قانینه سوگند ائتمه منی دام غضب و شهوته پابند سای سیز گنهیم واردی یوزوم قاره دی هرچند سن سن ولی عفویله کرم کانی خداوند . . امر ائتسن اگر اوتدا قالام قاللام الهی یا سال ئوزیوی مین مُحنه ساللام الهی دریای غمه قلبیوی چال چاللام الهی آخر ، نظر مرحمتون آللام الهی . . سیندیر قلمی اولما « مصیّب » بئله عاصی یوخدور بو جهانین سنه بیر ذرّه وفاسی حقدن بونی ایسته گئجه نصفی گون آراسی ظاهر اولا زهرانین او ایستکلی بالاسی . .