#کوچ_از_قتلگاه 🏴🎤 اسیرم گر سپاه زاده ی مرجانیه قارداش ولی ئولسمده من یالوارمارام بیگانیه قارداش حسینیم دخت زهرایم عدودن ایتمرم پروا شهامت درسینی ویرمیش منه سرمشق آنام زهرا در و دیوار آراسیندا گوروردی هر قدر ایذا گوروردون سن که یالوارمازدی اصلا ثانیه قارداش بو رسم عشقیدور پروانه لازمدور یانا شمعه او بلبلسن سولوبدی گللرون گلمز سسون سمعه خلیل عشقسن سن، سرپرستم منده بو جمعه بو منصب بسدی زهرادن اولان ریحانیه قارداش سنون قارداش یولوندا هر بلا گلسه دایانّام من شرار عشقیوه پروانه تک شوقیله یانّام من دوشوب بیر باش باشون آردینجا شاماتی دولانّام من قوی اوخشاتسون سنون عشقون منی دیوانیه قارداش دولانّام هر دیاری ناقه اوسته حال زاریله سو ویرّم نخل دین حقّه چشم اشکباریله وورار آهیم علم هر یرده بو پوزقون قطاریله باخا هر کیم ایده لعنت یزید جانیه قارداش اگر دشمنلرین حالین پوزار حال پریشانیم ولی جان گیتسه ده گیتسین بو دینه وقفیدور جانیم تاپوبدور پرورش سر چشمه ی دیندن اَتیم قانیم باشیمدان آتمارام دین فکرینی بیر ثانیه قارداش حسینیم کاسه ی عشقیم اولوبدور شوریله لبریز مگر وار هانسی عاشقده بیله بیر عشق شورانگیز قیاس ایتمز منی شمعیم یقین پروانیه هرگز وفا سرمشقینی من ویرمیشم پروانیه قارداش اسنده تند یل گل سیندیرار سروین قدین اگمز حریم عصمت کبرای حقّه غیر الی دگمز جهاندا آل هاشم دشمنه باش اگمیوب اگمز باجون زینب ئولر عجز ایلمز بیگانیه قارداش اگر چه سن علیه کفر و ظلمه ایلدون نهضت بویاندون قانیوه هرگز یزیده ایتمدون بیعت ولی سندن صورا عشق اهلینه نه عید و نه عشرت ملالون دوندرر بو عالمی غمخانیه قارداش بو واضحدور مسافر سعی ایدر تیز منزله یتسون گیدور شامه باجون گلدی دولانسون باشیوه گیتسون ولیکن هر کسه لازمدی دیده بازدید ایتسون بو دیدین بازدیدین ساخلا سن ویرانیه قارداش گیچن گون خیمه دن عرشه او جالدی بانگ وا عبّاس اوشاقلار بوینی چیگنینده سنه مخفی دوتوبلار یاس گجه گوردوم نگهبان یوخ اوزوم اطفاله ویردیم پاس قنادسیز قوشلاری یغدیم یانان کاشانیه قارداش حسینیم نوکرون بو (اعظمی) ایلر مدام افسوس ایدر حسرت او ششگوشه مزاره بیر اولا پابوس او شهسن درگهوندن سائلی قیترمه سن مایوس گله هیهات سن تک شه بو دار فانیه قارداش #کانال_نوحه_یازینب_سلام_الله_علیها #مرحوم_اعظمی 🏴🏴🏴

#کوچ_از_قتلگاه بانوای #کربلایی_منوچهر_حسن_زاده شاعر:#کریمی_مراغه_ایی دور حسین  کرب  و  بلادن  گئدیرم چکورم  ال  شهدادن   گئدیرم یانمیشام  جور   و  جفادن   گئدیرم سنه  من   آغلامادیم  - یاراوی   باغلامادیم دور اذان وئر  یارالی- یول نشان وئر یارالی اورگیم    وحشت  و  غمدن    دولودی یولوم   آزار      و    اذیت       یولودی دور    دعا   ائت   سفريم   قورخولودي دور ه می دشمن آلوب - ایشیم اللهه قالوب دوراذان وئر یارالی- یول نشان وئر یارالی باجون ئولسون سینه می داغلادیلار یوم گوزون قولاریمی باغلاد یلار قمچی گورجک بالالار آغلاد یلار علی اکبر باجیسی _داددی قمچی آجیسی دور اذان وئر  یارالی- یول نشان وئر یارالی دور یولا سال باجووی یاتما حسین بو  قدرزینبی آغلاتما حسین منی بیگانه لره قاتما حسین سوزلییم قصه لییم - غملییم غصه لییم دوراذان وئر یارالی- یول نشان وئر یارالی قره گونلی باجووام گوگلومی آل کسیلن اللریوی بوینوما سال خدا حافظ گئدیرم ایله حلال بیرده مشگلدی گلم - قورخورام یولدا  ئولم دور اذان وئر  یارالی- یول نشان وئر یارالی بیزی بیر تاپشوراسان ساربانا بلکه انصاف  ائلیه بیر اوتانا قمچی سیندن بالالار گلدی  جانا رحم ائده قیزلاریوا- بو اغولسیز لاریوا دور اذان وئر یارالی- یول نشان وئر یارالی قوملاراوستونده قالوب گل بدنون هانی زهرا توخویان پیرهنون خس و خاشاک اولا جاقدور کفنون سنه من آغلامادیم - یاراوی باغلامادیم دور اذان وئر یارالی- یول نشان وئر یارالی یول اوزاق راحله یوخ مطلب آغیر هرطرفدن باشیما قمچی یاغیر کومکیم یوخدی ابوالفضلی چاغیر علمین آلسین اله - ناقصاتیم دوزه له