#مازندرانی سرودولادت_پیمبر_ص_امام_صادق_ع پر هایته مه دل مدینه گنبد خضراء ره بوینه بوره مسجد پیمبر بهترین مکان زمینه گلِ باغ رسالت بموعه امین بر همه امت بموعه خور هاکنین خلق جهانره باعث همه نعمت بموعه موارک ِ رفقون موارک ۳ بعین یکصدا بهوویم ونه دین همراه دهوویم متحد بوویم همه تا مالک به دنیا بهوو یم دشمنِ دل ره پاره هاکنیم درد و غم ره کناره هاکنیم همه یکصدا بوئیم و یکدس دشمنون ره آواره هاکنیم موارک ِ رفقون موارک ۳ دنیا باصفا بهیعه مصطفی تا پیدا بهیعه رئیس مذهب بموعه عجب شوری بر پا بهیعه دتا جشن به همزمون موارک شما هم پیرو جوون موارک ندارمبی با هم اختلافی همهٔ مسلمانون موار گ موارک ِ رفقون موارک ۳ مکه چراغون بهیعه ربیع عید بارون بهیعه عطر نبوی بموعه دنیا هارش جوون بهیعه شمه قدم به دنیا موارک دسّه گلهای خدا موارک دتا گل از عرش راهی بعینه گنه (صفا )بر شما موارک موارک ِ رفقون موارک ۳ شاعر قاسم جناتیان قادیکلایی #میلاد_پیامبر_ص_و_امام_صادق_ع 🌸✨🌸✨🌸✨🌸✨

#مازندرانی امیری خوانی شب ولادت حضرت رسول 🌹🌹🌹 اول بسم الله گمبه نومِ خداره با آل عبا برکت هدا اماره صلوات برسِن بهار بووه دباره دنیا بیارده محمد مصطفی ره گل خوشبوئی چون مصطفی ندیمه امینِ خلق و جان خدا ندیمه هیچ غاری مثل غار حرا ندیمه هیچ کس ونه واری با وفا ندیمه محمد بمو دنیا جوون بهیعه امیر همه پیغمبرون بهیعه (صفا) امِشو امیری خون بهیعه دشمن امِشو خوار و زبون بهیعه ای جانم ای جان ملک نقاره زنده خشحالی گمون چشمک ستاره زنده ندا بی یمو امین دنیا بموعه آمنه امشو غم ره کناره زنده به به هارِشین جمال مصطفی ره پر نور بوینین صورت باصفا ره معجز هداعه خدا وره به قر آن هادی بواشه هردم خلق خداره آقا بموعه وقتی عرب نادونه دتر بکشتن هسّه جهلِ نشونه محمد بمو جهل ره کنار بزنه بشکنه بت و این عادت ونشونه شادی هاکنین جشن مولا بموعه مصطفی امشو یارون دنیا بموعه اسلام ونه دین قرآن ونه کتابِ تبریک بعووین مشکل گشا بموعه هرکی عاشقه جانِ جه ترس ندارْنه مؤمن به حرام و رشوه دس ندارنه چون دونده خدا ناظر هر کرداره انه اون روزی که فریاد رس ندارْنه شاعر قاسم جناتیان قادیکلایی #میلاد_پیامبر_ص_و_امام_صادق_ع ✨🌸✨🌸✨🌸✨🌸 #کانال_مولودی_مجمع_الذاکرین