🌹🌹🌹🌹 #شاه_شهدا #امام_حسین_(ع) ( شاه شهدا نیزه ده قرآن اوخیاندا/ کوفیلر هامی قالدیلار حیران اوخیاندا) گوردیلر اولور گوزلرینون قان یاشی جاری، هردم کی باخور قافله ی محنته ساری، ایستور گوره نیلور او بلاکش بالالاری، اطفاله نظر ایلدی هر آن اوخیاندا/ قالدی هامی اعجابیده کی ای حق سبحان، آیا یارالی باشدا اوخور نیزه ده قرآن، گه آیه ی قرآن اوخور ایلور گهی افغان، مخلوقی ائدور ناله سی بیجان اوخیاندا/ بو حالی او سرورده گوروب ملت ترسا، حیرتده قالوب ایلدیلر بیربیره نجوا، عیسادی بو موسادی بو یا حضرت یحیا، بو کیمدی کی بی روح اولور انسان اوخیاندا/ یوخ یوخ بو نه عیسادی نه موسی نه ده یحیا، یحیانون هاچان اولدی کسیلمیش باشی گویا، موسانی هاچان ئولدوروب اول قوم مسیحا، کیم گوردی اونون باشینی قرآن اوخیاندا/ کهف آیه سین ایلوبدی بو باش نیزه ده ازبر، قرآن اوخیور لحن حجازیله مکرر، گورسه او شهی رحمه گلر فرقه ی کافر، کافر اولو واللهی مسلمان اوخیاندا/ قرآن سسووه یاحسین عالم اولا قربان، یاندیردی جهانی غمون ای شاه شهیدان، آغلار گئجه گوندوز غمووه ((ذاکر)) نالان، فریاده گلر محنتون هر آن اوخیاندا/ مرحوم میرزا ستار ذاکر اردبیلی @gholch