ـــــــــــــــــــــــــــــــــــــــــــــــــــــــــــــــــــــــــــ به نام خدا #محرم #زمزمه_سینه_زنی_ترکی #حضرت_رقیه_سلام_الله_علیها #گلواژه_های_اشعار_ترکی سبک:یارالی زهرا،،،گِئت سَنی تاپشوردم اللّها من گَــرَک سَـــنلَن قالِیدیم کربلاده قالــمادیم باشیـوی دشـــمـن اَلیندن من آلِیـــدیم آلمادیم قالموشام ویرانسراده هر گِئجَه قان آغلورام ئوز خیالیمده سَنون ، یاره وه مرهم باغلورام یارالی بابا /دؤزنمیرم سَن سیز آی بابا(۲) ┄┅═✼✵✿‍✵✼═┅┄ کربلا یُوللارینا ، دای من یورولدوم باخمارام نیسگیلون یادَه ســالوب ، هر آخشام اؤستی اوخشارام انتظارون چکمیشم چوخ،سن سفردن گلمدون گَلمدون بیر لحظه منلَن ،اَیلَشوب دینجَلمدون یارالی بابا /دؤزنمیرم سَن سیز آی بابا(۲) ┄┅═✼✵✿‍✵✼═┅┄ راضی ام حتی،یارالی باش قوناق اولسون منه باشین اؤستَه آغلیوم ، دیلدن دِییم لایلای سَنَه دویمادوم بابا قوجاقیندن سارالموش بیر گؤلَم بس کی گؤز یاش تؤکموشم دای اِیلِیَه بیلمَم گؤلَم یارالی بابا /دؤزنمیرم سَن سیز آی بابا(۲) شعر:رقیه سعیدی (کیمیا) ۱۴۰۰/۵/۱۹ ┄┅═✼✵✿‍✵✼═┅┄ http://eitaa.com/goLvazhehaye_asharetorki ┄┅═✼✵✿‍✵✼═┅┄ 📍«نشر بدون ذکر منبع ونام شاعرجایز نمیباشد.» [[ گلواژه های اشعار ترکی ]] ــــــــــــــــــــــــــــــــــــــــــــــــــــــــــــــــــــــــــــ

ـــــــــــــــــــــــــــــــــــــــــــــــــــــــــــــــــــــــــ به نام خدا #نوحه #امام_حسین_علیه_السلام #گلواژه_های_اشعار_ترکی ((حسینیم وای حسینیم وای)) ئورکده شوروشینیم وای امامیم وای امینیم وای سراج العالمینیم وای ((حسینیم وای حسینیم وای)) باش آچموش حیدر و طاها گلوبدور مقتله زهرا دیر مریم دیر سارا ((حسینیم وای حسینیم وای)) دیور اول مفخر نسوان حسین ای آیت سبحان سنه زهرا ننون قربان ((حسینیم وای حسینیم وای)) منیم ای شمس رخشانیم سنیدون راحت جانیم آخار گوزدن ئورک قانیم حسینیم وای حسینیم وای ایا شمع عزاخانه سنه عالمدی پروانه یایلدی عطرون هر یانه ((حسینیم وای حسینیم وای)) http://eitaa.com/goLvazhehaye_asharetorki ┄┅═✼✵✿‍✵✼═┅┄ 📍«نشر بدون ذکر منبع ونام شاعرجایز نمیباشد.» [[ گلواژه های اشعار ترکی ]] ــــــــــــــــــــــــــــــــــــــــــــــــــــــــــــــــــــــــــــ

ـــــــــــــــــــــــــــــــــــــــــــــــــــــــــــــــــــــــ به نام خدا #شب_هفتم_محرم #سینه_زنی_ترکی #گلواژه_هاے_اشعار_ترکی #سبک:ای کربلانین ساقی عطشانی قارداش ای کربلانین صؤداَمَر سربازی اصغر ای وای حسینین آحرین جانبازی اصغر ئولدی ربابین دیلبری/اُوخ ئوپدی نازک حنجری ای وای بالام وای /لایلای بالام وای(۲) ┄┅═✼✵✿‍✵✼═┅┄ سو حسرتینده اؤچ گِئجَه عطشان بالام وای یووم گؤزلَرون ، یات ، گؤزلَرون قوربان بالام وای ای وای اُولوبدی عازم میدان بالام وای سیراب اُولان ئوز قانیلَه غلطان بالام وای قانی چَکیلدی گؤیلَرَه / آدی دؤشؤبدی دیللره ای وای بالام وای /لایلای بالام وای(۲) ┄┅═✼✵✿‍✵✼═┅┄ دیلسیز اُولا، دیلسیز بالاما اُوخ وورانی عطشان قالا ، عطشان بالامی یاندیرانی گؤل لَری سُولسون ،گؤل بالامی سُولدورانی گؤن گؤرمَه سین ،شش ماهه سربازی یُورانی تشنه بالامی یُوردیلار / اؤچ پر اُوخیلان ووردیلار ای وای بالام وای /لایلای بالام وای(۲) ┄┅═✼✵✿‍✵✼═┅┄ لایلای چالیم ، داخی اصغریم آسوده یاتدی سو ایچمَدی ، قونداق ایچیندَه قانَه باتدی بو بی وفا دنیانی اُوغلوم باشدان آتدی آلتی آیلیقیم ، گؤردؤز نه تِئز مقصودَه چاتدی قالدی حسین میداندا تک / اَللرده بیر قانلی بَلَک ای وای بالام وای /لایلای بالام وای(۲) ┄┅═✼✵✿‍✵✼═┅┄ اصغر قانی ، امضاء اِئدیب کرب و بلانی قان گؤرتدی صحرا و زمین و آسمانی حور و مَلَک ، سیراب اِئدیب عطشان بالانی سَندَن صُورا ، چیخدی ربابین خسته جانی قالدی سَنَه دیلده سؤزؤم / گهواره ده قالدی گؤزؤم ای وای بالام وای /لایلای بالام وای(۲) شعر:رقیه سعیدی(کیمیا) http://eitaa.com/goLvazhehaye_asharetorki ┄┅═✼✵✿‍✵✼═┅┄ 📍«نشر بدون ذکر منبع ونام شاعرجایز نمیباشد.» [[ گلواژه های اشعار ترکی ]] ــــــــــــــــــــــــــــــــــــــــــــــــــــــــــــــــــــــــــــ

ـــــــــــــــــــــــــــــــــــــــــــــــــــــــــــــــــــــــــ به نام خدا #محرم #جمعه #زمزمه_ترکی_روز_شیرخوارگان #گلواژه_های_اشعار_ترکی زبان حال حضرت رباب(ع)وحضرت زینب (س)درشام غریبان قان آغـــلاما رباب /یاندیـــرما قلبیمی قلبیم یارالـی دی / آرتیــــرما دردیمی ترپدمه بوش قالان /گـهواره نی رباب اُود وورما سینه مه / قلبیم اولوب کباب عرض ایله دی خانم/قوربان اولوم سنه دیلسیز بالامی دا/ چـوخ گؤردیلر منه سوو ایچمیشم گلیب/صؤد/قانلی سینه مه هــارداقالیـــب بالام/ گلــــمیر قوجاقیمه ای صؤد اَمَر بالام /گَل هاردا یاتموســان بی کس آناوی سَن/ تِئــزگؤزدَن آتموسان لایلای علـــــی بالام/لایلای علـــی بالام سَن لَن گِئچَن گــجَه / بیر دَم یاتانمادیم لب تشنه آغلادون / من سوو تامانمادیم سینه م یارالی دی / دیرناق یِرون قالوب بو نیسگیلون بالا،/ سینه مه اُود سالوب لایلای عــــلی بالام/لایــــلای علی بالام عمروم نقـدری وار/ قان آغـــلارام علی سَن سیز یاشامارام/چوخ قالمارام علی لایلای عـــلی بالام/لایـــلای علی بالام شعر:رقیه سعیدی(کیمیا) http://eitaa.com/goLvazhehaye_asharetorki ┄┅═✼✵✿‍✵✼═┅┄ 📍«نشر بدون ذکر منبع ونام شاعرجایز نمیباشد.» [[ گلواژه های اشعار ترکی ]] ــــــــــــــــــــــــــــــــــــــــــــــــــــــــــــــــــــــــــــ

‍ ـــــــــــــــــــــــــــــــــــــــــــــــــــــــــــــــــــــــــ #روضه #شهادٺ_حضرٺ_علی اصغرعلیه السلام اوتاندی رباب اصغره لای لای دیمه‌دی گوردی امام حسین آقا بالا اللرینین اوستونده آقا نه خیمه‌لره گله‌بیلور نه دشمن برابرینده دایانا بیلور یوزین دولاندیردی آلان یوخ بو قانلی قونداقی قوجاقیندن منه معلومیدور حالی ربابین اوز سیاقیندن یوزینن اوپوشم از بس آخور قانی دوداقیدن آقا یوزون دولاندیردی گوی عالمینه الله دشمنیم ال چالور منه ایستورم گیدم خیمه‌لره گلمور اوزوم گیدنمیرم حرمله هی باخور گولور صحنه‌ده تاب ائدنمورم قوی گنه خیمیه گئدوم حرمله‌نی گورنمیرم اوتانیرام گیدم خیمه‌لره بالا اللرونین اوستونده هردن یاد ائلیور آخی بو بالانی رباب منه وئردنده باشین یالموشدی آشاقا آخی رباب بونون یولون گوزلور گوردی گوی عالمیندن سس گلدی گلدی ندا که یا حسین گلمه نوایه آغلاما گوزده‌کی سیل اشکووی غملی عذاره باغلاما سینوی داغلیوبدی غم سن دل صبری داغلاما تشنه شهید اولان گلی گون قاباغیندا ساخلاما حسین یارالی بالانی آپار خیمه‌لره حسین اوخلانان بالاسینان گیتدی خیمه‌لره اوغلی قربانینی قیتردی دوباره حرمه سس‌له‌دی گل باجی دوشدون گینه بیر تازه غمه زینب گل بالام اولدی اصغریم اولدی آقا خیمه‌لره گیده بیلمه‌دی آی زینبه هم ناله اولوب نوحه دیینلر آی بی کفن ارلابه گوره قاره گیینلر ای کاش اولویدوز اوبیابان بلاده آواره قالان وقتده حسین قانلی مناده اولسیدوز اگر ناله‌زی آفاقه سالاردوز شاهین قوجاقیندان قوزی قربانی آلاردوز اوجا دینن یا حسین........ هامی رباب سکینه لیلا بالانین یولین گوزلیولر...... هامی منتظردیله اما گوردیلر امام حسین آقا گلوب بیر قانلی قونداقی باسوب باغرینا بجای اینکه گله خیمه‌لره آقا گلدی خیمه‌لرین دالینا حَفَره........ آقا شمشیریلن بیر بالاجا قبر قازدی علی اصغرین اوخلانان بوغازین او قنداقه‌سین قویدی توپراقلار آلتینا ایستی قومی قازدی که بیر آز یر درین اولسون عطشاندی بالام قبری اقلا سرین اولسون قویدی اوخ یاره‌سیی گورمگه‌حسرت آناسین تاپشوروب قبر ئوینه دوشلوگی قانلی بالاسین یری وار امام حسین آقادان سوال ائده‌لر آقا جان نیه علی‌اکبری قویدون قبره آقا جواب وئره قورخورام کوفه‌لیلر گوهریمه ال تاپالار قوخورام سینه‌سی ‌اوسته بالامین آت چاپالار ایستورم کوفه‌لیلر جبریده چوخ دورمیالار بوندان آرتوخ آناوین قلبینی یاندیرمیالار باشینی ذبح ائلیوب نیزه‌لره وئرمیالار نچه اوخشاما خانم ربابین دیلیجه اولماسا مانع حیا سس چکوب بیر آغلارام سوز دل آهیم له دل آل عبانی داغلارام اشکیله قانین یووب ذولفیمله زخمین باغلارام حسین باغلی قالوب اللرون پارچالانوب حنجرون گولمه‌دی بیر یول منه اوخا گولن لبرون حسین..... مداحی استادطالبی #روضه_حضرت_علی_اصغر_علیه_السلام ــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــ ‍به نام خدا #سینه_زنی #زنجیرزنی #حضرت_علی_اصغر_علیه_السلام زبانحال خانم رباب باعلی اصغرعلیه السلام دردی آناسین درده سالان اصغریم لای لای نیسگیل لری قلبینده قالان اصغریم لای لای گل قوجاغیمه نازلی بالام یات بیراز دینجه ل غونچه کیمی تئز پرپر اولان اصغریم لای لای منیم آرام جانیم گؤز آچ شیرین زبانیم(2)  سینه می اوغول ائیله میشم سنه گهواره ش حئیف اولا الیمده گؤزلیم یوخدی بیر چاره گؤردوم بوغازین یاره سینی قالدیم آواره ائی ظولم و جفا ده یورولان اصغریم لای لای منیم آرام جانیم گؤز آچ شیرین زبانیم(2) عفو ایله منی اللریوی باغلادیم اوغلوم بو گئچن گئجه صبحه کیمین آغلادیم اوغلوم غصه دن بو یورقون اورگی داغلادیم اوغلوم گور نئلر چکوب غملی آنان اصغریم لای لای منیم آرام جانیم گؤز آچ شیرین زبانیم(2) بونان بویانه بوش بشیگه چالارام لای لای قنداقیوی آلام سینمه دییرم ای وای یوخ دیلین دییم سوزلریوی منه بیر بیر سای یاندیرما منی دیل آچمیان اصغریم لای لای منیم آرام جانیم گؤز آچ شیرین زبانیم(2) آلتی آی سینم اوسته سنی بسلدیم اوغلوم قلبیم دارخاندا آدیوی سسلدیم اوغلوم حیف اولا اورک سوزلریوی بولمدیم اوغلوم ای سوزی اورگینده قالان اصغریم لای منیم آرام جانیم گؤز آچ شیرین زبانیم(2) قنداقیوی من گه آچارام بله رم اوغلوم بو گوز یاشیمی یاریوه من الرم اوغلوم سندن سورا عمر ایلمرم اولرم اوغلوم ای لاله کیمین پرپر اولان اصغریم لای لای منیم آرام جانیم گؤز آچ شیرین زبانیم(2) سینمی اوغول ایلمیشم سنه گهواره حیف اولا الیمده گوزلیم یوخدی بیر چاره گوردیم بوغازین یاره سینی قالدیم آواره ای ظلم و جفادن یورلان اصغریم لای لای منیم آرام جانیم گؤز آچ شیرین زبانیم(2) ــــــــــــــــــــــــــــــــــــــــــــــــــــــــــــــــــــــــــ