. مرحوم مضطر اردبیلی .🌹🌹🌹🌹🌹🌹🌹🌹🌹🌹🌹 منم جبریل دربانون حسین لایلای حسین لایلای سنون گهواره جنبانون حسین لایلای حسین لایلای حسین جانم …. . . باشون قوی شهپریم اوسته قیل آسایش پریم اوسته یرون وار گوزلریم اوسته حسین لایلای حسین لایلای . . منینوکر خطاب ایله شها لطف ائت ثواب ایله قنادیم اوسته خواب ایله حسین لایلای حسین لایلای . . مبادا اولما ناراحت قنادیم اوسته یات راحت دیوم هر لحظه و ساعت حسین لایلای حسین لایلای . . بو درگهده ادب تحصیل ائدوب من اولموشام تکمیل سنه نوکردی جبرائیل حسین لایلای حسین لایلای . . سنه چوخ مایلم شاها قاپوندا سائلم شاها لَلون جبرائیلم شاها حسین لایلای حسین لایلای . . اولار کیم منله همپایه یتر بو شأن عظمایه سنه من اولموشام دایه حسین لایلای حسین لایلای . . باباسی عالمه سرور آتاسی ساقی کوثر آناسی بنت پیغمبر حسین لایلای حسین لایلای . . گل باغ رسالت سن مه برج امامت سن منه شاه ولایت سن حسین لایلای حسین لایلای . . سویون وار سلسبیل آسا غلامون جبرئیل آسا بو درگهده دخیل آسا حسین لایلای حسین لایلای . .🌹🌹🌹🌹🌹🌹🌹🌹🌹 #حسینیه_میلادیه #حسینیه #منم_جبریل_دربانون #ترکی