#میلاد امام حسین علیه السلام
#سدید_هریسی
🍃🌸🍃🌸🍃🌸🍃🌸🍃
.
نورٌ علی نور بو گون گؤر نئجه معنایه گلیب
بیر گؤنش ملک ولایت ده تجلایه گلیب
.
بوایشیق لی گؤنشین جاذبهٔ عشقینه باخ
آردیجا شوقیله بیرآی دااومأوایه گلیب
.
نورسیده بوقوناق کیمدیرعلی بیتینده
ائله بیل موسی عمراندی کی سینایه گلیب
.
بارالهی بوگؤزل یوسف پیغمبردیر؟
کی ملکلراونافوجیله تماشایه گلیب
.
یاکی عیسی دیرآلیب رجعته خالق دن ایذن
یدبیضاء ایله اعجازمسیحایه گلیب
.
نه بیلیم بلکه همان بت شکن ابراهیم دیر
کفرتندیسینی سیندیرماقادنیایه گلیب
.
یاخلیل الله ثانی دی ویاخضرنبی
یاهمان نوح پیمبردی تولایه گلیب
.
یوخ، «سدیدا» بو حسین ابن علی دیرکی بوگون
کربلا ده یارانان نهضت عظمایه گلیب
.
#حسینیه_میلادیه
#نور_علی_نور_بو_گون_گؤر_نئجه_معنایه_گلیب
#ترکی
#میلاد امام حسین علیه السلام
#سدید_هریسی
🌸🍃🌸🍃🌸🍃🌸🍃🌸
باشقا بیر گون یارادیب خالق سبحان بوگئجه
گوندوزه بنزر اولوب عالم امکان بوگئجه
.
بوگونون شعشعه سیندن قاماشیر گویده گونش ،
نورعلی نور اولوب عالمده نمایان بوگئجه
.
کائناتی بورویوب مهر ولایت ایشیقی ،
یائیلیب هرطرفه پرتو ایمان بوگئجه
.
آچیلیب عرش معلاده عنایت قاپوسی ،
ملکوت اهلی اولوب شادو خرامان بوگئجه
.
عرشیدن جاری اولوب سئل کیمی خیروبرکت ،
پایلانیب رحمت حق عالمه یکسان بوگئجه
.
مرج والبحرین یلتقیان آیه سینی ،
سانکی تفسیر ائله ئیب لؤلؤ مرجان بوگئجه
.
گتیریب روح الامین مژده رسول اللهه ،
کی گلیب جان ائوینه سئو گلی جانان بوگئجه
.
آلیب آغوشینه جانانی بوغازیندن اؤپوب ،
اهل معنانی ائدیب واله وحیران بوگئجه
.
شیعه لرگؤزلریز آیدین کی حسین ابن علی ،
طمطراقیله گلیب عالمه سلطان بوگئجه
.
جان نه قابلدی ،سدیدا،اونا قربان دئیسن ،
عالمین جانی اونون جانینه قربان بوگئجه
.
#حسینیه_میلادیه
#باشقا_بیر_گون_یارادیب_خالق_سبحان_بو_گئجه
#ترکی