ولادت حضرت امام جواد (ع) . ✍️ زبدة الاشعار ✍️ . . اکبر ستاری(قیزیل قلم) . یگانه دُرِّ گرانمایه دیر جوادالائمه جهانِ خلقته پیرایه دیر جوادالائمه وجودی ذاتِ حَقَه آیه دیر جوادالائمه نبیِّ اکرمه سرمایه دیر جوادالائمه باشیمدا مرحمتی سایه دیر جوادالائمه . . گلیب جهانه بو گون،نورِ پاکِ خالق یزدان اِئدیبدی نورِجمالیندن اهلِ عشقی غزلخوان اولوبدی صاحبِ فرزندِپاکْ،شاه خراسان دوتوبدی جشن ولادت بوگونده ملت ایران نسبده نسبتی زهرایه دیر جوادالائمه . . سخا،و،جوده نماینده دیربوماه درخشان آچیبدی دَهُّمِ ماهِ رجبده غنچهٔ خندان ولادتین سحری ذکرإئدیبدی آیهٔ قرآن گلیبدی بوگئجه بایراملیق آلدی زُمرهٔ ایمان کَرَمده شهرتی دریایه دیر جوادالائمه . . قورولدو،جشن ولادت او شهریارِ جهانه جهانه زینت اولوب جودِحقّه عمده نشانه نشانهٔ ادب و احترامِ فیضه بهانه بهانه دلده گزیر بولبولوم اِئدنده ترانه سرودِ جانیمه آرایه دیر جوادالائمه . . فدا اولوم آدینا مرتضایه نورِ بصردیر سخاده جدّینه بنزردی مصطفایه اثردیر نژادِهاشمه جود وسخاوتْ ارث پدردیر «قیزیل قلم»قاپیسیندائولونجه قالسانوکردیر امیرِ خیبره هم پایه دیرجوادالائمه . . #جوادیه_میلادیه #یگانه_در_گرانمایه_دیر_جوادالائمه #قیزیل_قلم #ترکی . ✍️ #زبدةالاشعار ✍️ . #ترکی #جوادیه_میلادیه #زبدةالاشعار #قیزیل_قلم #یگانه_در_گرانمایه_دیر_جوادالائمه اشعار مولودی اهلبیت علیهم السلام، جشن تکلیف وعروسی مذهبی فعالترین کانال مولودی (مطالب عالی ) ایتا لینک👇 @golchinmolodiarosimazhabi