#میلاد_ستارهء_درخشان_حضرت_علی_اصغر_علیه_السلام وِیروبدی وَعده اُوزی حَیّ کِردگاری حُسینون خزانه دونمیاجاق حَشره تَک بَهاری حُسینون جَهانی گُلشن اِیدوب عَطرِ زلفِ یاریلَه مُعطر اِیتدی اذَل نازنین نِگاری حُسینون بو گُلشنی بَزیوب رَنگ رَنگ گُللّریلَه بهشته طَعنه وِیرور باغ و لاله زاری حُسینون اُورگ گُوزیله باخوب کیم بو گُلشنِ عشقه دوشوبدی قُوش کیمی دامه اُولوب شکاری حُسینون وِِیروب بُو گُلشنه زینت صَفالی گُوللّریلَه مَباد خالی اُولا سَروندن کناری حُسینون سالوبدی آردیجا خورشیدِ عالم آرانین مهِ مُنیر اُولاسرادار و غَمگُساری حُسینون وِِیروبدی بیر اُوغول اَکبر آدینلی اَشجرعِ الناسِ صَفا وِیروب گُل و گُلزاره گُل عُزاری حُسینون اُونِ رَجبددَه بیرغُنچه گُل شِکُفته لَنوب اُولوب بَو غُنچه گُله لطفِ بیشماری حُسینون اُوپُوب بو غُنچه نی اِیلَردی باغبانِ وِلا بو غُنچه دی بَلی یِتمش بیرنجی یاری حُسینون هِزار شُکر اُولا پَروردگار یکتایه گَلوب بَو عالمه سَربازِ شیر خواری حُسینون علیّ اَصغر آدی اَکبریلَه قارداشدی علی آدیدی زِ بس قَلبنین قَراری حُسینون اُوچ اُوغلونون علی قظویدی آدین امامِ مُبین علیدی چون شَرف و بابِ تاجداری حُسینون شَهادَتین گُویونون پارلاق اُولدوزی اُولا جاق بُو سُود اَمر بالدی بیلدی جان نِثاری حُسینون رباب سینه سینه پُر بَها مدال اُولدی ستارهء سَحری دُرَِّ شاهواری حُسینون ربابی مَست و خُمار اِیلیوب وَلیکن اُوزی اِیچبدی بادهء عشقی اوُلوب خُماری حُسینون صَغیر سنیلَه اَکبر یُولون گُیدیبدی اُولوب بوُ سُود اَمر بالا سربازِ با وَقاری حُسینون دیارِِ کربو بَلا دَه سُوسُوز قالوب سارا لُوب گُوروب او حالی یانوب قَلبِِ داغداری حُسینون آلوب قوجاقینه خورشید اذیشقلی اُولدوزونی گُوزوندَه تیره و تار اُولدی روزگاری حُسینون نِگاره گُل آپارالاّر جَهاندا رَسمدی بو ولی بوغُنچه اُولوب هدیهء نِگاری حُسینون اگر چه نَهرِ فراتی حسینه باغلادیلار سرشگِ چشمِ جَهان اُولدی اَشگباری حُسینون آتا بالا بیر اُوخا ظلمیلَه نِشان اُولدی قارشدی خونِ علیّ اَصغریلَه قانی حُسینون باشین وِیروب وَلی باش اَیمدی یَزیده حسین شَهانِ عالم او دور اُُولدی ریزه خواری حُسینون بو جَمعیلُه سنه قسمت #پرند اُول سا اَگر شَفادی گُوزلریوه قَبرینین غُباری حُسینون التماس دعای فرج