ولادت امام جواد علیه السلام و شاهزاده علی اصغر علیه السلام (ای صفای قلب زارم) جدید گُلشنِ آلِ عَباده گول آچوب باغِ رضاده طالبِ نورِ خدا سن سال نَظَر روی جواده رُخِ مَعبوده باخ خُدایِ جوده باخ امامِ اِنس و جان گوزَل مولوده باخ اَباجعفر مدد یارانیب لُطفِ خدادن لطفونی کَسمَز گَدادَن بو گجه آل عیدیانه حضرتِ موسی الرضادن گلوب آرامِ جان امامِ شیعیان یازانماز حُسنونی قَلَمده یوخ توان اَباجعفر مدد لُطف ایدَرسَن عالَمینه باخ اوزون بیر شور و شِینه نه اولار مولا بو جَمعی دعوت ایله کاظمینه اَیا شاهِ عَزیز کَسیلدی صَبریمیز زیارت ایستیروخ داریخدی قَلبیمیز اَباجعفر مدد دَهُمِ ماهِ رَجَبدی دیل پُر از شور و طَرَبدی ایکی شَهزاده آدیندان کامِ شیعه چون رُطَبدی سوزون یاز دلبَره شفیعِ مَحشره دخیل اول صدقیله قُماطِ اَصغره علی اصغر مدد غُنچه ی باغِ ولادی شیعیه آدی رَجادی بو سوزه واردی یقینیم اَللری مشکل گشادی حسینین بولبولی ربابین سویگولی گَل ای درده اولان آچار هَر مشکولی علی اصغر مدد ای آدی دیللرده رایج هر غَم و درده مُعالِج دَردیمین درمانین آللام سَندن ای بابَ الحوائج گَدا یِ رو سیاه سنه گَتدی پناه ئوزون یاز (بیکَسم) بَراتِ خیمه گاه علی اصغر مدد #ولادت_جوادالائمه_علیه_السلام #ولادت_حضرت_علی_اصغر #دهم_رجب التماس دعای فرج الاحقر مهدی عبادی

ولادت شاهزاده علی اصغر علیه السلام (با آهنگی متین و دلنشین) غُنچه ی گلشن ولا اصغر علی اصغر خسته اورکلره صفا اصغر علی اصغر عادتی احسان و عَطا اصغر علی اصغر ای آدی هر درده دوا اصغر علی اصغر ای هامی دردلره مُعالج چوخ آلمیشوخ سندن نتایج درده دوشنده سَسلروخ بیز دَخیلیوَم بابَ الحوائج ای آقامین گوزل گولی اصغر علی اصغر خانیم ربابه سویگولی اصغر علی اصغر زینتِ دامانِ رباب اصغر علی اصغر مُریدون هر شِیخیله شاب اصغر علی اصغر کوکَب آلِ بو تُراب اصغر علی اصغر سَنکیمی یوخدی دُرّ ِ ناب اصغر علی اصغر گول یوزی ای لَعلِ بَداَخشان عالَم اولوب حُسنووه حیران گهواره وه کیم یاپیشیبدی آلیبدی اوز دردینه درمان مستِ مِی و ساغریوَم اصغر علی اصغر عَبد و غلامِ دریوَم اصغر علی اصغر منکی نَمک پَروَریوَم اصغر علی اصغر نوکریوَم نوکریوَم اصغر علی اصغر حسینین ای گوزل بالاسی گوزلریوین اولوم فداسی آدوندا بولمورم نه واردی منی ایدیبدی مُبتَلاسی واردی اورکده چوخ سوزوم اصغر علی اصغر سَندن اولار کی اَل اوزوم اصغر علی اصغر قویما یره دوشه یوزوم اصغر علی اصغر آیریلیقا یوخدی دوزوم اصغر علی اصغر (بیکَسی) گَل ایله سَراَفراز مُرغِ دیلیم ایلدی پَرواز او خیرداجا اَللرینن گَل بو جَمعه بیر کرب و بلا یاز #غنچه_گلشن_ولا_اصغر_علی_اصغر #ولادت_جوادالائمه_علیه_السلام #ولادت_حضرت_علی_اصغر #دهم_رجب التماس دعای فرج الاحقر مهدی عبادی