🌹ولادت حضرت علی اکبر( ع) ✍شاعر: لاادری قدم قویدی بو گون دنیایه اکبر ویرووب شور وصفا بطحایه اکبر نه اکبر که شبیه مصطفادی نه اکبر که عزیز مرتضادی حسینه درگه حقدن عطادی نشان دیر اکبر اعلایه اکبر علی جانم علی جانم علی جان اچیب بیر غنچه گل باغ وفاده که یوخ همتاسی بو دار فناده ملاحت وار نقدری بیر بالاده سالیب لیلالری صحرایه اکبر علی جانم علی جانم علی جان جمالی ایت حسن ازلدی گوزللردن جمالی چوخ گوزلدی رسول خاتمه ضرب المثلدی یوزوندن بنذوری طاهایه اکبر علی جانم علی جانم علی جان ویریب الله خانم لیلایه بیر پای جمالی جلوه ایلییور گوزده چون ای دیور هردم اونا شوقیله لایلای بزک دور گلشن زهرایه اکبر علی جانم علی جانم علی جان #اعیاد_شعبانیه #یازدهم_شعبان #ولادت_حضرت_علی_اکبر_علیه_السلام

میلادیه حضرت علی اکبر (ع) . ستار رزاقی تبریزی . اهل ولا شاد اولون . ماه دل آرا گلوب سویلیون عاشقلره . اکبر لیلا گلوب نوگل زیبا گلوب اکبر لیلا گلوب ۲ . . باخ بو گوزل دلبره ، بنزوری پیغمبره کیم گوره حسنون دئیر مظهر طاهاگلوب نوگل زیبا گلوب اکبر لیلا گلوب ۲ . . بیت شه کربلا تاپدی بو گلدن صفا هامی دیسون مرحبا چون گل رعناگلوب نوگل زیبا گلوب اکبر لیلا گلوب . . گل کیمی وار صورتی حیدریدور صولتی قامتی سرو روان گوزلری شهلا گلوب نوگل زیبا گلوب اکبر لیلا گلوب . . گل یوزی گون تک عیان لیلی یه آرام جان صاحب نطق وبیان شانیده یکتا گلوب نوگل زیبا گلوب اکبر لیلا گلوب . . تا گوز آچوب بوبالا یثربه ویردی صفا ایتماقا عاشقلرین واله و شیدا گلوب نو گل زیبا گلوب اکبر لیلا گلوب . . بو گلی ذات خدا ایتمیش حسینه عطا تا اولا بو سرورین قلبینه یارا گلوب نو گل زیبا گلوب اکبر لیلا گلوب . . وارث حیدر گلوب دینینه یاور گلوب یوم بلا بو جوان ایتماقا غوغا گلوب نو گل زیبا گلوب اکبر لیلا گلوب . . منبع لطف وعطا معدن جود وسخا عشقیده ایثاریده بذلیده دریا گلوب نوگل زیبا گلوب اکبر لیلا گلوب . . ای گل آل عبا ایله بوجمعه عطا چون سیزه بو مجلسی ایتماقا برپا گلوب نوگل زیبا گلوب اکبر لیلا گلوب ۲ . . مجلس جشنه آقا جمعیدی اهل ولا کربوبلا حکمونه آلماقا امضا گلوب یاعلی اکبر مدد یاعلی اکبر مدد #اعیاد_شعبانیه #یازدهم_شعبان #ولادت_حضرت_علی_اکبر_علیه_السلام