بنام خدا
#نوحه_ترکی_شام
#سینه_زنی
#زبانحال_حضرت_رقیه_س
سبک(ای قلم سوزلرینده اثر یوخ)
◇◇◇◇🏴◇◇◇◇
سیر ائدیر یولاری غم قطاری
لشکر غم گئدیر شامه ساری
ٱوج ائدیر آسمانه خدایا
بیر‌سه ساله قیزین آه و زاری
آل طاها دوشوب قیل و قاله
بی نوالر قالوب آیری حاله
بار الها گلنمور رقیه
رحم ائله اول سه ساله غزاله
کاروان یولانوب غم سرایه
قوزانوب آه وافغان سمایه
آغلایور اوچ یاشیندا رقیه
یالوارور بحر غم ده خدایه
شور اکبر چیخانمور باشیندان
آیریلوبدی باجی‌قارداشیندان
قان ٱولور عالمین باغری یا رب
اول سه ساله قیزین گوز یاشیندان
هی باخور قانلی باشه قان آغلور
گوز یاشین غملی رخساره باغلور
سسلیور عمه سین داده هر دم
آه سوزانیله سینه داغلور
سویلیور عمه باغریم قان اولدی
آه و نالم بو صحرایه دولدی
من بو یولاردا اولام شهیده
عمه بو یول منه آیری یولدی
عمه جان ٱل ٱیاقیم قاباردی
روز روشن منه لیل تاردی
گلموشم جانه زجرین الیندن
داده چات عمه عمروم‌قوتاردی
گوزلریم عمه قانیله دولدی
گوشوارم منیم غارت اولدی
اوچ یاشیندا باشا چاتدی عمروم
گلستانیم بو صحراده سولدی
قولاریم باغلانوب دی طنابه
قلبیم عمه دوشوب پیچ وتابه
چوخ غمیم واردی سینمده اما
غملریم چاتماز اصلا ربابه
ساربان جانیمه اوت سالوب دی
قمچی ردی یوزومده قالوب دی
قاچموشام کاروانین دالیجا
قورخودان عمه قلبیم یاتوب دی
باخموشام نیزه ده آفتابه
دوشموشم بحر پر اضطرابه
گوزلرین قان توتوب‌دی بابامون
بآبا باخمور من دل کبابه
«فاخرا » بو سوزی بوردا قورتار
یازما نه حاله قالدی او غمخوار
ایسته آغلار گوزیله اورکدن
بیر گونی اولگیلان شامه زواز
تقدیم به عاشقان زهرای سه ساله حضرت رقیه (س)
🖋#مسلم_فرتوت_فاخر
۱۴۰۰/۶/۹
http://eitaa.com/golvajhehaye_ahlbeyt
°°°♡🏴🏴🏴♡°°°
2.2هزار دنبال‌کننده
1.5هزار عکس
788 ویدیو
85 فایل
🔰 #تولید_اشعار_آئینی
🔰 #تولید_استیکر_عکس_نوشته_مذهبی
💢 تنها کانال #نشر_اشعار_بروز از #شاعران_شاخص_کشور
کانال گلواژه هاے اهل‌بیت (؏) با حضور شاعران کشورے
با جدیدترین اشعار آئینی، مداحی و مولودی
مدیریت کانال: خادمةالزهرا(س)علیزاده
@maddah_1367
مشاهده در ایتا