#غزل_مازندرونی بمویی خوی دله دواره مجنون بهیمه دواره در به در مهله ی میون بهیمه لس لسک راه شی و من تی پشت سر دو گیتمه خو دله هم ته بدی ینه جا  مغمون بهیمه سر ره جر بشتی یواش سلوم هاکردی رد بعی دواره دچار اون درد بی درمون بهیمه خواسمه ات چی بووم غمیره راه نداهه ته دشی بی من دچار جان کندون بهیمه انده آه بکشیمه جیگر مه همراکت سوته بسوته مه تن و په و ولگ شندون بهیمه روز بنه بیته و من همینتی دَیمه زار زومه تِلای خونش جور تیسه غزل خون بهیمه چش وا نکردمه تا تره سِرسِر بَوینم بمویی خوی دله دواره مجنون بهیمه #هادی_اکبری_وسطی_کلایی **** ۱۴۰۳/۷/۲۵ https://eitaa.com/hadi9655