#مثنوی_مازندرانی #حدیث_کسا #تقدیم_به_ساحت_مقدس_حضرت_زهرا بِ بسم الله جا تا میمِ رحمان و رحیم من پناه ورمه خداره  شر شیطانِ رجیم هرچی که جابر بَته از گفته ی بنت رسول بنویسم کاغد کش قصه ی زهرای بتول بائوته حضرت زهرا اتا روز جان پی یر بموئه ناخشه حال باته مره جانِ دتر کسای یمانی ره دتر بیار مه سر دَکِش ماهه دیم داشته پی یر خدا وره کرده اِشش بدیمه حسن بمو بَته مره مه جان مار نکنه نبی بِمو اینجه دِنه بوی بهار بَتمه جان حسن نبی دره کسای بِن بورده خدمت رسول اذن دخول بَیته حسن بته ای جان حسن ته صاحب حوض منی بِرو این کسای بن کریم و دلسوز منی اتی وقت بورد و نَشی بدیمه نور عین بمو میوه ی باغ من و علی یعنی حسین بمو بته ای جان ننا اینجه بوی بهار اِنه بوی جد من نبی امه خنه هِدار انه بتمه جان حسین نبی دره کسای بن تِنه دم زنون بونه اونجه بوری سون حسن بته ای جان رسول دِنی مره اذن دخول شمه ور بی یم هنیشم بسون دسته ی گل بِرو این کسای بن ته شفیع مه امتی ته حسین هسی پسر هر دِ جهون ره حرمتی بدیمه ابولحسن شیر خدا خِنه بمو بهوته یا فاطمه خدا مگر بِنه بمو که امه گِلی خِنه چه بوی یاسمن اِنه بوی جان من نبی رسول عالمین دِنه بتمه جان علی تیسه فدا بو جان من که سه تا دسته ی گل دِرنّه اون کسای بن بته ای جان رسول جان ته زهرای بتول منمه وصی ته اذن مره هاکن قبول بدیمه صدا بمو بته علیه مرتضی ته همه جان منی بِرو که هسمی رضا دل قرار نَیته منم بوردمه خدمت رسول بتمه جان رسول منمه زهرای بتول بونه ای جان پی یر مرم ته هاکنی قبول سون پاپلی  بَوِم میون این دسته ی گل بته ای جان دتر احمد پاره تن ته ائی میون این یاسمن مه گل نسترن ته ایی بدیمه جان پی یر خداسّه دس تکون هدا بهوته قسم وره که مره گوشت و خون هدا هر کی بد داره شماره وِنه بدخواه منمه هر کی خِش داره شماره روشنه راه منمه وشون از من هسنه مه ایل و مه تبارنه هفتا آسمون بوری اونجه وشون دیارنه پس خدا بته که ای ملائکهای آسمون اگه من دیافریمه صدتا جهون و کهکشون که اگر آسمون و زمین سفره لا بَیّه پنج تن آل عباسه این خدا خدا بَیّه بته جبرئیل امین که ای رسول عالمین که خدای دل خشی درنه این کسای بن بونه که منم بی یم خدای دل خشی یه ور بونه سایه ی کسا دواشه جبرئیل سر بموئه کسای بن پیغوم وره جان خدا بته ای جان نبی خدا تره سلوم هدا که شرف دارنه کسا هر کی ونه بن دَرِنّه پنج تن آل عبا خدای دامن دَرِنّه هر کی خواهون وشونه رستگار بونه آخد شونه جنت میون وشون یار بونه آخد هر چی که حاجت دارن قسم به آل این کسا من خدا دمبه وشون ره هر چی که بوئه اِسا #هادی_اکبری_وسطی_کلایی ۱۴۰۱/۸/۲۵ https://eitaa.com/hadi9655

#مثنوی_مازندرانی #کعبه بَتمِه کعبه بِسات بَهی ته خاک جا  مه جور چه وِنه اِسپه دَپوشم بی یِم  چرخ هایرم ته دور مگه من اشرف مخلوقاته تی خالق نی مه مگه مهمون ته نی مه اینجه ره لایق نی مه مگه مه خاطر خدا ابلیس ملعون نهوته مگه آدم ره خدا حوای ارمون نهوته مگه جنت دله مه لینگ رج مال نی یه مگه اللهم لبیک مه زوون قال نی یه پس چه چی وسه  بی یم تی دور بگردم جان من مگه ته شک دارنی به اخلاص و به ایمان من بته کعبه آدمی اشرف مخلوقات ته ائی من شه دومبه جان من خدای دس بِسات ته ائی ته شه لینگ جا بمویی ونه دور دور هاکنی ونه ابلیس لعینه دل جا یور هاکنی اتا کش با دل برو هارش چه ها کِمبه ته وَر سیزده رجب واری خد ره وا کِمبه ته وَر تره شه دل میون جا دِمبه گِردمبه ته دور تا قیامت دَوّی مه وَر تره من نکمبه یور #هادی_اکبری_وسطی_کلایی ۱۴۰۲/۱/۲۶ https://eitaa.com/hadi9655

#مثنوی_مازندرانی #حدیث_کسا #تقدیم_به_ساحت_مقدس_حضرت_زهرا بِ بسم الله جا تا میمِ رحمان و رحیم من پناه ورمه خداره  شر شیطانِ رجیم هرچی که جابر بَته از گفته ی بنت رسول بنویسم کاغد کش قصه ی زهرای بتول بائوته حضرت زهرا اتا روز جان پی یر بموئه ناخشه حال باته مره جانِ دتر کسای یمانی ره دتر بیار مه سر دَکِش ماهه دیم داشته پی یر خدا وره کرده اِشش بدیمه حسن بمو بَته مره مه جان مار نکنه نبی بِمو اینجه دِنه بوی بهار بَتمه جان حسن نبی دره کسای بِن بورده خدمت رسول اذن دخول بَیته حسن بته ای جان حسن ته صاحب حوض منی بِرو این کسای بن کریم و دلسوز منی اتی وقت بورد و نَشی بدیمه نور عین بمو میوه ی باغ من و علی یعنی حسین بمو بته ای جان ننا اینجه بوی بهار اِنه بوی جد من نبی امه خنه هِدار انه بتمه جان حسین نبی دره کسای بن تِنه دم زنون بونه اونجه بوری سون حسن بته ای جان رسول دِنی مره اذن دخول شمه ور بی یم هنیشم بسون دسته ی گل بِرو این کسای بن ته شفیع مه امتی ته حسین هسی پسر هر دِ جهون ره حرمتی بدیمه ابولحسن شیر خدا خِنه بمو بهوته یا فاطمه خدا مگر بِنه بمو که امه گِلی خِنه چه بوی یاسمن اِنه بوی جان من نبی رسول عالمین دِنه بتمه جان علی تیسه فدا بو جان من که سه تا دسته ی گل دِرنّه اون کسای بن بته ای جان رسول جان ته زهرای بتول منمه وصی ته اذن مره هاکن قبول بدیمه صدا بمو بته علیه مرتضی ته همه جان منی بِرو که هسمی رضا دل قرار نَیته منم بوردمه خدمت رسول بتمه جان رسول منمه زهرای بتول بونه ای جان پی یر مرم ته هاکنی قبول سون پاپلی  بَوِم میون این دسته ی گل بته ای جان دتر احمد پاره تن ته ائی میون این یاسمن مه گل نسترن ته ایی بدیمه جان پی یر خداسّه دس تکون هدا بهوته قسم وره که مره گوشت و خون هدا هر کی بد داره شماره وِنه بدخواه منمه هر کی خِش داره شماره روشنه راه منمه وشون از من هسنه مه ایل و مه تبارنه هفتا آسمون بوری اونجه وشون دیارنه پس خدا بته که ای ملائکهای آسمون اگه من دیافریمه صدتا جهون و کهکشون که اگر آسمون و زمین سفره لا بَیّه پنج تن آل عباسه این خدا خدا بَیّه بته جبرئیل امین که ای رسول عالمین که خدای دل خشی درنه این کسای بن بونه که منم بی یم خدای دل خشی یه ور بونه سایه ی کسا دواشه جبرئیل سر بموئه کسای بن پیغوم وره جان خدا بته ای جان نبی خدا تره سلوم هدا که شرف دارنه کسا هر کی ونه بن دَرِنّه پنج تن آل عبا خدای دامن دَرِنّه هر کی خواهون وشونه رستگار بونه آخد شونه جنت میون وشون یار بونه آخد هر چی که حاجت دارن قسم به آل این کسا من خدا دمبه وشون ره هر چی که بوئه اِسا #هادی_اکبری_وسطی_کلایی ۱۴۰۱/۸/۲۵ https://eitaa.com/hadi9655