تی سنگ دل یک روز تو یارمبه تی چش ره کیله ی جور او یارمبه شی وسه یار گیرمبه چکه زمبه عروسی روز تی روبرو یارمبه ته گتی من فقیر یار نوومبه دواش بوین که یاره نو یارمبه مره طعنه زوئی خشک هایته چومه مهله ره من بهاره بو یارمبه دونسی شو بونه لمپا ندارمه شه تاریک خنه ره سو یارمبه گتی شعر میسه آب و نون نوونه همین شعر جا خدره لو یارمبه اونگدر تی چش اصری سر هایته تموم حرفها ره تی رو یارمبه #هادی_اکبری_وسطی_کلائی ۱۴۰۲/۵/۲۵ https://eitaa.com/hadi9655

گِتی اِمبه نموئی مه عمر تموم بّیُه بی ته مِجیک اِسپه بَهیه چش مه نِسّوم بَیّه بی ته ته ره دل دائه مِره سر بلی بوریا بی من تَخ تَخیه مردمون و خِل مه نوم بیه بی ته #هادی_اکبری_وسطی_کلایی ۱۴۰۱/۹/۲۳ https://eitaa.com/hadi9655

#مثنوی_مازندرانی #حدیث_کسا #تقدیم_به_ساحت_مقدس_حضرت_زهرا بِ بسم الله جا تا میمِ رحمان و رحیم من پناه ورمه خداره  شر شیطانِ رجیم هرچی که جابر بَته از گفته ی بنت رسول بنویسم کاغد کش قصه ی زهرای بتول بائوته حضرت زهرا اتا روز جان پی یر بموئه ناخشه حال باته مره جانِ دتر کسای یمانی ره دتر بیار مه سر دَکِش ماهه دیم داشته پی یر خدا وره کرده اِشش بدیمه حسن بمو بَته مره مه جان مار نکنه نبی بِمو اینجه دِنه بوی بهار بَتمه جان حسن نبی دره کسای بِن بورده خدمت رسول اذن دخول بَیته حسن بته ای جان حسن ته صاحب حوض منی بِرو این کسای بن کریم و دلسوز منی اتی وقت بورد و نَشی بدیمه نور عین بمو میوه ی باغ من و علی یعنی حسین بمو بته ای جان ننا اینجه بوی بهار اِنه بوی جد من نبی امه خنه هِدار انه بتمه جان حسین نبی دره کسای بن تِنه دم زنون بونه اونجه بوری سون حسن بته ای جان رسول دِنی مره اذن دخول شمه ور بی یم هنیشم بسون دسته ی گل بِرو این کسای بن ته شفیع مه امتی ته حسین هسی پسر هر دِ جهون ره حرمتی بدیمه ابولحسن شیر خدا خِنه بمو بهوته یا فاطمه خدا مگر بِنه بمو که امه گِلی خِنه چه بوی یاسمن اِنه بوی جان من نبی رسول عالمین دِنه بتمه جان علی تیسه فدا بو جان من که سه تا دسته ی گل دِرنّه اون کسای بن بته ای جان رسول جان ته زهرای بتول منمه وصی ته اذن مره هاکن قبول بدیمه صدا بمو بته علیه مرتضی ته همه جان منی بِرو که هسمی رضا دل قرار نَیته منم بوردمه خدمت رسول بتمه جان رسول منمه زهرای بتول بونه ای جان پی یر مرم ته هاکنی قبول سون پاپلی  بَوِم میون این دسته ی گل بته ای جان دتر احمد پاره تن ته ائی میون این یاسمن مه گل نسترن ته ایی بدیمه جان پی یر خداسّه دس تکون هدا بهوته قسم وره که مره گوشت و خون هدا هر کی بد داره شماره وِنه بدخواه منمه هر کی خِش داره شماره روشنه راه منمه وشون از من هسنه مه ایل و مه تبارنه هفتا آسمون بوری اونجه وشون دیارنه پس خدا بته که ای ملائکهای آسمون اگه من دیافریمه صدتا جهون و کهکشون که اگر آسمون و زمین سفره لا بَیّه پنج تن آل عباسه این خدا خدا بَیّه بته جبرئیل امین که ای رسول عالمین که خدای دل خشی درنه این کسای بن بونه که منم بی یم خدای دل خشی یه ور بونه سایه ی کسا دواشه جبرئیل سر بموئه کسای بن پیغوم وره جان خدا بته ای جان نبی خدا تره سلوم هدا که شرف دارنه کسا هر کی ونه بن دَرِنّه پنج تن آل عبا خدای دامن دَرِنّه هر کی خواهون وشونه رستگار بونه آخد شونه جنت میون وشون یار بونه آخد هر چی که حاجت دارن قسم به آل این کسا من خدا دمبه وشون ره هر چی که بوئه اِسا #هادی_اکبری_وسطی_کلایی ۱۴۰۱/۸/۲۵ https://eitaa.com/hadi9655

#پی_یر روز پی یر بموئه شاه روزی دیگر بموئه روز قدر دونی یه مه سون قمر بموئه روز بابا بموئه خجیر و مونا بموئه روز دس بوسی اون خنه ی آقا بموئه با شعر و صدای #هادی_اکبری_وسطی_کلایی ۱۴۰۳/۱۰/۲۴ https://eitaa.com/hadi9655

#غزل_مازرونی یَک نفر دَره اگه دَنی بوئه میرِمبه اگه مه تن وِنه بی عطر و بوئه میرِمبه اگه خنده ننیشه وِنه خجیره دیم سر بَوینِم اِسپه ته تی نا کهوئه میرِمبه نَمِجه شه لینگِ سر محله ره بیم بور نکنه بِشتوئم لَرزنیک و مَشتِ توئِه میرِمبه دل وِنه هر روز و شو سر دَووشه مه ساق سر چش دَوِس اَتای وَر مَسّ خوئه میرِمبه دله ارمونه که وِ سو هاکنه مه خِنه ره مِه زِوون لال غریبِ چِشِ سوئِه میرِمبه دوس دارِمبه که مِه خواهونی ره بووِرهاکنه پیغوم هاده اَگِه بَوِه دِروئه میرِمبه کورِمبه مه دور و وَر محله مِلای آدما یَک‌ نفر دَره اگه دَنی بوئه میرمبه #هادی_اکبری_وسطی_کلایی ۱۴۰۳/۱۱/۲۲ https://eitaa.com/hadi9655

#چله_شو در چله شوی سال ۱۴۰۳ در کنار پدر عزیزتر از جانم بودم پدری که چله شوهای زیادی را پشت سر گذاشت تا من بتوانم بلندترین شبها و طولانی ترین روزها را با خیالی راحت سپری کنم او تمام جوانی اش را به پای من ریخت و من تمام جانم را نثارش میکنم انشاالله خداوند به تمام پدران و مادران طول عمر پربرکت و به پدر مهربانم سلامتی و به این حقیر توفیق خدمت به پدر را عطا نماید امشب هم به عشق پدر زحمت کشم براش شعر نوشتم و خوندم تا لذت در کنار هم بودن را داشته باشیم با احترام #هادی_اکبری_وسطی_کلائی چله شو بمو من تینار درمبه امشو پی یر ره کنار درمبه هر کی امشو دره شه یاره پلی منم درمبه شه بابای پلی های برو های نشو چله شو بمو پارسال بورده یار امشو بمو چله شو بمو من لله چی بیمه شه جان پی یر ره همه چی بیمه جان خدا مره ته یاری هاکن مه ره مه پی یره قراری هاکن های برو های نشو چله شو بمو پارسال بورده یار امشو بمو شمه چله شو موارک https://telegram.me/ksmkh

#غزل_مازرونی تقدیم به ساحت مقدس حضرت خدیجه(ص) میون مارونِ دنیا با وقار هسه خدیجه ونوشه ره موندنه گل بهار هسه خدیجه اون گدر خواسه محمد که لقب بَیره امین بته خلاق جهون نبی یار هسه خدیجه خواسه که بمونده اسلام  یار پشتی بون بوئه قبل حیدر احمد دوش برار هسه خدیجه تمومه داشت و نداشته مال دنیاره هِدا بانوی نیکو سِرِشته روزگار هسه خدیجه معجزه گر نی یه اما فخر زنهای عرب کوثر معجز نمای جان مار هسه خدیجه خواسه پیغمبر بووشه حضرت ختم رسول دشمنون کِر ره گیته ذولفقار هسه خدیجه پیغوم یارده جبرئیل هفت آسمونِ جا گِته هر در جَنِت بوری اونجه دیار هسه خدیجه روز محشر سون زهرا وِه شفیع امته بنده ی محبوب رب کردگار هسه خدیجه #هادی_اکبری_وسطی_کلایی ۱۴۰۳/۱۲/۸ https://eitaa.com/hadi9655

آئین نوروز خوانی در سالن کانون فرهنگی ۹ دی در شهرستان قائم شهر #نوروز_خوان #هادی_اکبری_وسطی_کلایی #سرنا #سید_مرتضی_موسوی #دف #زهرا_حقدوست ۱۴۰۳/۱۲/۱۱ https://eitaa.com/hadi9655

آئین نوروز خوانی در مجمع خیرین حمایت از بیماران سرطانی با حضور خیرین محترم در تالار پذیرایی پرهام قائمشهر با نوروز خوانی #هادی_اکبری_وسطی_کلایی ۱۴۰۳/۱۲/۱۳ https://eitaa.com/hadi9655

آئین نوروز خوانی در مجمع خیرین حمایت از بیماران سرطانی با حضور خیرین محترم در تالار پذیرایی پرهام قائمشهر و اهدای تندیس این مجمع با نوروز خوانی #هادی_اکبری_وسطی_کلایی ۱۴۰۳/۱۲/۱۳ https://eitaa.com/hadi9655