پخش برنامه مسابقه دل گپ از شبکه پنج مازندران با حضور شاعر تبری سرای استان هادی اکبری وسطی کلایی https://eitaa.com/hadi9655

بِرو باهم تِلارِ ماهی بَوویم دِتایی دَم هاکِرده چایی بَوویم خانی تا دِشمِنون دل بترکه بِرو امشوره تا صوایی دَوویم #هادی_اکبری_وسطی_کلایی **** 95/11/11 https://eitaa.com/hadi9655

بالِ سرین کِمبه بِرو غزلِ زین کِمبه بِرو شلوار جین کِمبه بِرو تا ته نِ ایی بهار نِنه غِرصه ره دار کِمبه بِرو فرش قِطار کِمبه بِرو خِجیر کار کِمبه بِرو تا ته نِ ایی بهار نِنه بِرمه ره توم کِمبه بِرو دِلِ ته نوم کِمبه بِرو عسلِ شوم کِمبه بِرو تا تِه نِ ایی بهار نِنه گوره کِرِس کِمبه بِرو مَشتِ دِمِس کِمبه بِرو تِرشی کِنِس کِمبه بِرو تا نِ ایی بهار نِنه طارِم پِلا کِمبه بِرو ایوونه لا کِمبه بِرو ته وَر لالا کِمبه بِرو تا ته نِ ایی بهار نِنه هیمه ره تش کِمبه بِرو ستاره فرش کِمبه بِرو ته وِسّه غَش کِمبه بِرو تا ته نِ ایی بهار نِنه بِسونه شیرِمبه بِرو ته دَسِ گیرِمبه بِرو ته وِسّه میرِمبه بِرو تا ته نِ ایی بِهار نِنه #هادی_اکبری_وسطی_کلایی * 95/11/12 https://eitaa.com/hadi9655

تِره مِن کوهه اِندا دوس دارِمبه کِمبه اِندا وَر اِندا دوس دارِمبه قسم خِرمه آسمونه بِلندی تِره تا اون بِلِندا دوس دارمبه #هادی_اکبری_وسطی_کلایی *** https://eitaa.com/hadi9655

آخ چه بهاری داشتمی دلِ قراری داشتمی خشی امه ور دهیه چه روزگاری داشتمی تی تِک می تِک نکِردِمی چو و کِتِک نکردمی هه ای وِسّه میَردِمبی چه حال وکاری داشتمی #هادی_اکبری_وسطی_کلایی **** 95/11/13 https://eitaa.com/hadi9655

تِره بَیتِمه شه همراز هاکردمِه نَته حرفه تیجا هِمباز هاکردمه نخونِسِمه ته فکر وخیاله بیخِد شه مُشتِ ته وَر واز هاکردمه #هادی_اکبری_وسطی_کلایی **** 95/11/15 https://eitaa.com/hadi9655

ننایه لَوِه نون مه دِلِ وِنه پِلا با گو راغون مِه دِلِ وِنه هنیشه کوبِ سر کَلّه کی هاده همون بَخون بَخون مه دِلِ وِنه #هادی_اکبری_وسطی_کلایی **** 95/11/16 https://eitaa.com/hadi9655

#مثنوی به مناسبت ایام الله دهه فجر ******* زِمِسّون مه بِهار بونه ته بِ ایی خِشی شیسه دیار بونه ته بِ ایی وطِن رِ لاله بارون کِمبه تیسه همه جاره چراغون کِمبه تیسه ته سَرِ راهره ونوشه کارمبه ته نومه شه دِلِ گوشه یارمبه ته وِسّه چاربیداری سر گیرمبه اِزار داره ته خِنه در گیرمبه خِشحالی جا هِواره پر کشِمبه بَووی دِشمِنه سر به سر کِشِمبه ته وِسّه خامبه خون هادم تیناری وطنِ مِن سامون هادم تی واری مِه دل خانه میا بوره ته وِسّه سفید دَووِ سیا بوره شه وِسّه دل دلبر هه ایی ور بموندن شعر عاشقی ره از سر بخوندِن دِواره روز وماه شو نَووِ لس لس تیناری اعی نی یه مه ره نده دس وطن نو بواشه دل تازه بَووِ کِدورت مه خونِ جا سازه بَووِ ته بِمو اِنِسّه راهداری کِمبه تِمومِ مِلت رِ شه واری کمبه همیشِک گِمبه مه رهبر ته هسی چِشِ سو مه سایه ی سرته هسی ته که بِ ایی شه خِدرِ فِدا کِمبه صلوات دِمبه ته نومرِ صدا کِمبه ته مه رهبر ته مه آقا ته مه پِشت بِ رو تامهربونی هاکنی کِشت بِ رو وَلکه مه دل قِرار بهیره مه دل پاپلی ره شه یار بهیره #هادی_اکبری_وسطی_کلایی * 95/11/11 https://eitaa.com/hadi9655

پخش شعر حماسی به مناسبت دهه فجر از شبکه مازندران با اجرای هادی اکبری وسطی کلایی https://eitaa.com/hadi9655

میدونم میخونیش تقدیم به تو تِرِه دَس بَهیتِن میسه مِحاله ته دَسره بهیتِن میسه خیاله اگه اتا پِریک جان دَووِه مه تن ته وِسه بمردِن میسه حلاله #هادی_اکبری_وسطی_کلایی * https://eitaa.com/hadi9655

مَسسه جونِکاره بَیرِم بَروشم طِلا بَیرِم شه یاره تن دپوشم وِره بیارِم آ تِلواره دِله وِ هنیشه آ منگوره مِن بَدوشِم #هادی_اکبری_وسطی_کلایی **** https://eitaa.com/hadi9655