تقدیم به پدرانی که آسمانی شدند #مثنوی ***************** نَدومبه اَعی بونه تِه دیمّه هارِشِم میسّه روجین بَوّی بِریمّه هارِشِم بونه دِواره اَعی وا دَکِنی لله تی هِمراکِت بی یِم یوره بالا مله تِه خوبیهاره تا یارِمبّه شِه نَظِر ویبمه دیگه مَله نَکِندی ته گِذِر وقتی اِشِمبه تا خواخره زاری ره اِشِمبه اینتری ماره تیناری ره غِرصه نَجوس مِره قِرد دِنه شه بِتیم کارِنِه دِلِ سَر تی غمّه تیم به تیم آخ که مه دل خوانه غِرصه فِرو بوره دِواره اَعی پی یِر سِرپیشّه لو بوره دِل خوانه اَعی بِبا وارش و وا بی یِه دِواره مه خِنه تی ونگ و وا بی یِه اَصری اِنه مه چِش کیله ره کِنده پِر مه چِشِ پیشِ جا پر بَزو مه پی یِر اِمبه تی قبرِ سر سونِ وارش بومبه کَتِه بومبه بِبا تیسّه ناخِش بومبه نیشتِمبّه قبرِ سر نالِمبه زارِ زار ته که دَنی دیگه زِمسّونه بهار قسم تِره خِدا به ماهه دَه و چار اَتّا کار هاکِنا بِرمه بوره کِنار اِفتابِ جور مه غم مار بوره دَر نی یِه اینتِری داغ خِدا هیشکی یِه سَر نی یِه #هادی_اکبری_وسطی_کلایی **** 96/10/19 https://eitaa.com/hadi9655

#مثنوی مِنا غِرصه هِه ایی جا دور دَهیمی اِسا لَس لَس هِه ایی جا جور بَهیمی دِتایی کارد و پَندیر بی می هَر دِ شِه وِسِّه او و تَندیر بی می هَر دِ چِه تی مِره لو ها ایی تِه نَدومبّه سونِ نارنِج او ها ایی تِه نَدومبّه بِمو بالا کِرِسی جا بَهیتِه نَعو نا که دِرِسی جا بَهیتِه اَنگورِ مَلِ جور مه دور دَپیتِه بیخوم بَعی چِه تی ناجور دَپیتِه بِمو می گوخِسِه گوخالِّ بَیتِه مالِ گِردِنِ زَنگِ تالِ بَیته مِن که دَخِتِ گورِه  لو نَزومه هیچکسِ تَش کِله ره او نَزومه مِنی کِه درد و غم مِه وَر نِموئِه غِرصه و چِشِ نَم مِه وَر نِموئِه اِسا درد مِه پِلا خِرِشی بَیّه وِنه دَیِّن مِنه دِل خِشی بَیّه بِمو مِه وَر هِنیشته بال بِگِردِن گِنه دَرمه تِه وَر تا روزِ مِردِن #هادی_اکبری_وسطی_کلایی **** 96/11/10 https://eitaa.com/hadi9655

تقدیم به روح شهدای قراخیل و شهدای گمنام #مثنوی ************ شهیدونِّ شهیدون اِشناسِنّه وِشونِّ ماهه تابون اِشناسِنّه شهیدون انقلابِ ریشه بَینه پِر از فِکر و پِر از اندیشه بَینه هزارتا آرزو داشتِنه در دل پَرهایتِنه بِسونِ باغِ بِلبِل قِراخیل معدن جود وسخائِه 44 تا شهید ره جا هِدائِه بوردِنه حوضِ کوثر ره بَدینه اونجه شهیدِ بی سر ره بَدینه وطن و رهبرِ مدافع بَینِه پی یِر و ماره وِسّه شافع بَینه اَتّا اَتّایِ اسمِ دور بَگرِدِم وِشونِ راه و رسمِ دور بَگِردِم 5تا مفقودالاثر دارمی یارون رفقِ شاهه بی سر دارمی یارون چهار تا ره نِنا داماد نَدیه حجله نَوِسّه و دلشاد نَدیه اَتّا هم بی نِشون هَنتا نِموئه بلبلِ مازرون هَنتا نِموئه خَوِر بیاردِنه گمنام دَر اِنه نوم نِدارنه ولی خوشنام دَر اِنه ننا ذوق دارنه گِنه مِه ریکائه عاروس کوئه می پِسر نومزه مائه می پِسر بی پِلاکا مار بَمیره نِدارنه خالی ساکا مار بَمیره کِمینتای پِسِره نومّه دارنه کِمین شهیدجا پیغومّه دارنِه نَدومبه احمدِ یا صدر علیه خانگلیه یا پِسِر دوستعلیه نِنا اَصری به چِش بِموئه پیش واز پِسِرسّه کَشه ره هاکِرده واز پِسر جان بِموئی ته خِش بموئی بِسونِ نم نم وارِش بِموئی بِموئی خِشکِ چو سوز بَیّه میسّه تاریکِ شو بورده روز بَیّه میسّه بِرمه واره می چِشِ سوره بَیته دِواره مَله اَعی تِه بوره بَیته تی عکسِ دم دَروازه بَزومه تی خاطِر سِرپیشِّه سازه بَزومه تی جانمازّه پِسِر لا هاکِردمه نمازِ سَر خِدا خِدا هاکِردمه بَتِمه ای خِدا ای پروردِگار به حق ناله های زینِبِ زار حقِ فاطمه و ساقیِ کوثر به حقِ حسن و حسینِ بی سَر بَرِسِن مهدی ره دل بَیره آروم وَلکه بیاره می پِسِرِ پیغوم #هادی_اکبری_وسطی_کلایی **** 96/11/29 https://eitaa.com/hadi9655

به مناسبت هفتم اسفند روز وکیل تقدیم به همه ی وکلا وجامعه مشاورین حقوقی #مثنوی ******************* قلم تیسّه هِوایه تازه یارنه تی وِسّه مِهرِ بی اندازه دارنه وکیلی وقِضاوت ره ته ویندی دِلِ جا آسمون اِسّاره چیندی شه پیش گمبه ته قلم بلاره مهربونی و کَرمِ  بلاره ته توندی اسیره آزاد هاکنی شیرینه عاشق فرهاد هاکنی ته توندی چل چلایه ور بموندی مه دل له سه جان دلور بخوندی ته توندی افتاب اندازه باشی آسمونه میاهره سازه باشی ته خوانی که حق به حق داربرسه لیلی بوره کناریار برسه مه دل خوانه که ته سرزنده باشی همیشه هرزمون پاینده باشی #هادی_اکبری_وسطی_کلایی * 95/12/7 https://eitaa.com/hadi9655

#مثنوی تره نفرین نکمبه لال بمیری یا تیناری بوری کرچال بمیری دل ندارمه اصری به چش بمیری یاپیر سری بَوّی دَسِّش بمیری نخوامبه که ته روزه شو بوینم تی دتا چشمونِ بی خو بوینم فقط خوامبه مه جور عاشق بواشی مه جور تیناری ره لایق بواشی اتا نفر تی دل له لو بهیره تره نارنج واری او بهیره تابدونی مه دله درد دلبر بدونی چه بلا بیاردی مه سر #هادی_اکبری_وسطی_کلایی **** 97/2/28 https://eitaa.com/hadi9655

به مناسبت بیست وشیش تیرماه و عید مردگان ................................... #مثنوی خوامبه بَخوندِم مه گلی وا نَنِه غِرصه مه دل پِرِ خِشی جا نَنِه خوامبه هِزار هِزار شِه دردِ بَووِم قصه ی زن قصه ی مردِ بَووِم همونا که اَمه میون دَعینه اَمه واری قَورِ بیرون دَعینه اَمه واری بِنه بالا مِتِنه با وِضو هم ذِکرِ خِدا گِتِنه اَمه واری کیله ره روش کَشینه صدتا مصیبت ره شِه دوش کَشینه نا روز آروم داشتنه نا شو خِراک خسته تن و بِرمه چِش و دل تِراک خواسِّنه که بِلندی ره لو بورِن بِن کو نَشی خواسِّنه سر کو بورِن آخ که هزار فکر وخیال داشتنه خستگی ره شه دوشِ بال داشتنه اِفتابِ جا بَسوته دیم داشتِنه نَخردی و وِشنا بِتیم داشتِنه هزار تا داغ هزارتا غم بَدینه وارشی روز بِنه ره نَم بَدینه اِسا هارِش خِراکِ مور بَهینه ماهی واری اسیره تور بَهینه مال و مِنالِ بِشتِنه و بوردِنه مَلکِمیت نَنه گتِ یا خوردِنه اَتا روز هم مِنا ته وِنه بوریم خالی کفن خالی بِنه لِه بوریم خِروار به خِروار گِل اَمه سر شونه عکس اَمه قاب دَکرد دم در شونه بمرده روز بِرمه خوامبی چیکار اصری بَووِه سِرمه ره خوامبی چیکار تا دَرِمبی هِه ایی غم خوار بوعیم بد نواشیم همدیگه جا خوار بوعیم هِمسایه ی سامونِ سر لو نَیریم مَردِم مرز بیل و بَلو نَیریم این و اونِ پِشتِ سر گپ نَزنیم مالِ یتیمِ نَیریم تَب نَزنیم کمک نَهیمی اَعی کورِک نواشیم تَنِ جِمه ره اَعی شورِک نواشیم فقط خوبی تِه وِسِّه پایدار بونه تِه پِشتی بون صاحِبِ دادار بونه اَتا کار هاکنیم که بَمِرده روز بَووِن خوار آدم بی یِه وِ دَعی روز بهشت بوره بالا نِشین بَواشه با رسول الله هم نِشین بواشه #هادی_اکبری_وسطی_کلایی **** 96/4/29 https://eitaa.com/hadi9655

#مثنوی #به مناسبت آغاز سال تحصیلی جدید --------------------------------------------------- بویه مهر ومهربونی بموئه ماه مهر وهم زوونی بموئه اعی دِواره مدرسه وابهیه تعطیلی توم بَیه رسوا بهیه اعی صوایی خوداره چش واننه قوج بَهی تن لایه جا سیواننه اعی وِنه دوش بهیرم کیف وکتاب اعی ونه پس هادیِم مشق وحساب آق مدیر اعی دِواره روش کشنه اتی مه غرصه ره شه دوش کشنه زنگ تفریح که بونه ناظم اِنه فراشه مدرسه مش کاظم اِنه عمو سرویسه ماشین اتا پِچیک وِ گِمون کِنده که هسمی چِلیک همه ره اِسپوجِنه ماشین دله نا تومبی دادبکشیم نا کِه گِله اون گِدِر که وقت امتحان بونه امه درس بخوندِسِن چنان بونه وقته کارنامه بَیتِن با ترس ولرز مه تجدیدی پِر کِندِه دیفاره درز دل خانه امرو معلم نداریم شیطونی هاکنیم اتی دِم داریم آخدا وارش بی یه تیل بواشه ورف بی یه مدرسه تعطیل بواشه ذوقه جا پر بکشم بورم سه ره ونگ هادم آننا جان من ته گِره گت هاکردی مه ره تا مرد بواشم دل خانه نِنا ته همدرد بواشم #هادی_اکبری_وسطی_کلایی **** ۱۳۹۷۷/۱ https://eitaa.com/hadi9655

#مثنوی تبری #تقدیم به مردم خوب و باصفای ریکنده ی قائم شهر #شاعر_هادی_اکبری_وسطی کلایی ........................................ ریکنده ی شَکِر چه خِش خِراکه عاشقِ دل وِنسّه چاکه چاکه ریکنده ی شَکِر دِلِّ او کِنده ریکنده ی شَکِر مِشکِ بو کِنده ریکنده ی شَکِر دردِ دِوائه اینتا معجزه از لطفِ خِدائه ریکنده ی شَکِر چَنده شیرینه ریکنده ی شَکِر چه دل نِشینه ریکنده ی شَکِر دِلِّ بَوِرده اِفتابِ رنگِ دارنه زردِ زردِ ریکنده ی شَکِر عطر و گِلابِ بی همتا هَسّه و خالص و نابِ بِرو ریکنده ی شَکِر ره بَخِر بِرو عَسِلتوم بِتِّر ره بَخِر مِن وِنه اون لَلِه جاره بِلاره کَف و کِترا و کِلواره بِلاره کاسبِ دوش و بالِ دور بَگِردِم وِنه خِجیره حالِ دور بَگِردِم بورِم لَله جار و لیلی بَخوندِم اَتی نجما و کتولی بَخوندِم ریکنده مِن تی خاکِ دور بَگِردِم ته شهیدونِ پاکِ دور بَگِردِم تا دِنیا دِنیائه ریکنده دَوِّه وِنه مَردِمونِ تِک خنده دَوِّه #هادی_اکبری_وسطی_کلایی **** 97/9/27 ✅کانال وسطی کلای قائمشهر @vostakola_Ghaemshar

#مثنوی #درد عشق #غم نخور من خود خریدارت شوم #در پسِ بی یاوری یارت شوم #هر صباح بوسه بر آن چشمت زنم #مرهمی بر قلب پر زخمت زنم #چون غلامی نوکری ات میکنم #پیش من آئیی بَری ات میکنم #میزنم شانه بر آن گیسوی تو #در بغل گیرم تمامِ بوی تو #تو زری هستی و من زر نفروشم #خالی از مویت در این شهر نفروشم #از برایت عاشقِ دل خسته من #تو عقابی کفتر پر بسته من #تو تمام جان و جانان منی #چون تهی دستم تو نان منی #بنگر این قلب پریشان مرا #خود محک زن عشق و ایمان مرا #جانِ دل یک شب به خواب من بیا #سردِ سردم آفتابِ  من بیا #گاهگاهی را در آغوشم شوی #تا زنم بوسه تو بیهوشم شوی #هادی_اکبری_وسطی_کلایی **** 97/12/17 https://eitaa.com/hadi9655

#مثنوی ملمع #طنز #نام شعر::هم قسم #شاعر::هادی اکبری وسطی کلایی # یک روزی رفته بودم پشت خنه #تاببینم کرک ماکرد مرغنه #همینطی راه میرفتم دیفاره په #اتاچیز مرا غِلیز داد یک دفه #سر ره وَل کردم دیدم روی بنه #یک لیسک بود قَدِ یک غاز مرغنه #گفتم ای لیسک چه مِس مِس میکنی #گفت تو چرا خی واری فِس میکنی #گفتم ای لیسک ته دوندی من کیمه #گفت شه شاخ ره میزنم ته بتیمه #همینطری که إما داشتیم دعوا #اتاکنگلی اومد توی هوا #گفتمش وز وز نکن ای کنگلی #توفک فکردی مرانمیشه حالی #پُشتِ خونه ی  ما تو کردی کلی #العان آتیش میزنم من این کلی باکنگلی #گفت ای هادی کلی ام را آتیش نزن #گفتمش پس توهم مه ره نیش نزن #همونجه من ولیسک وکنگلی #گت قسم خوردیم به سبزانجیلی #که دیگه لیسک مه سر راه نیاد #یا وه ره لگدکردم نکشه داد #کنگلی هم گفت قسم به انجیلی #که دیگه ته چاچ بن نهیرم کلی #خلاصه إما سه تاشدیم رفق #خدابگیرد امه دشمن هق #هادی_اکبری_وسطی_کلایی **** تابستان 1377 https://eitaa.com/hadi9655

#تقدیم به روح شهید شاخص سال 98 روستای وسطی کلای قائم شهر شهید#موسی سعیدی ***************** #مثنوی::ماهه همسایه #شاعر::#هادی _اکبری_وسطی کلایی**** #تِره وا و لله وا اِشناسِنه #تِره طالب و نجما اِشناسِنه #تِره ماه و ستاره اِشناسِنه #هر کی دل دارنه پاره اِشناسِنه #ته خواسّی اِفتابِ سایه بَواشی #ته خواسّی ماهه هِمسایه بَواشی #ته خواسّی دِلِ اَرمونّه بَوینی #لیلی بَوّی شه مجنونّه بَوینی #تی دل پاک و بی کینه بی یِه دومبه #زلال بی یِه آئینه بی یِه دومبه #ندیمه پر هادی ته پاپلی ره #خواسّی بَیری مه راه سَره تَلی ره #دل نداشتی وطن ره لال بَوینی #دیمه زرد و تن ره مِردال بَوینی #وِنه خنده ی جا سو کِرده تی دل #وِنه غرصه ی جا تو کِرده تی دل #دل نداشتی وطن ره لو بَزِنِن #وِره بَیرِن تِره سر کو بَزِنِن #گِتی بورِم مه جانِ مار نا نَنه #تینار بَوّه می جانِ یار نا نَنه #گِتی که جان و مال فدای رهبر #مِنا می سر تا بال فدای رهبر #نِخواسی دشمن هی رَجِز بَخونده #ایرونی ره ناپاک و دِز بَخونده #نِخواسی ایرونیه دل غم دَوه #اتا می خال تی رهبرِ کم بَوه #بوردی آ من غِرصه ی بار بَهیمه #دخیل وَنِ سقانفار بَهیمه #مِره گِمون نَنه لله چی بورده #همونتا که بی یِه همه چی بورده #لله دیگه مِره سِما نیارنه #خِشی مِه وِسّه رونِما نیارنه #ته موسائی معجز نِما ته نومه #هنتا مله صحبتِ ته پیغومه #همه جاره اِشِمبه ته نِشونه #هنتا ته خون بِنه ی سر دَشونه #ته بوردی آ مهمونِ بی سر بَعی #هم نشینِ ساقیه کوثر بَعی #ته بوردی آ رفقِ اِفتاب بَعی #خدای دَم زنون ره سر صاب بَعی #اِسا بونه مه بالِ ماس بَواشی #صراطِ سر رفقِ خاص بَواشی #اون روزی که خدای سِرپیش شومه #لرزنه مه لینگ و پس و پیش شومه #وِنه مره شفیعِ محشر بَوی #اونجه مِره وِنه تاجِ سر بَوی #هادی_اکبری_وسطی_کلایی **** 98/3/14 https://eitaa.com/hadi9655

#تقدیم_به_محضر_تمام_پرستاران #مثنوی #شاعر #هادی_اکبری_وسطی_کلایی ****************************** اِسپه لواس تی تن دره درده مِره دوا ته ائی تو بهیره اگر مِره  مه وِسّه بچا وا ته ائی اِنی مه وِسّه مار بونی مه دور و  ور دیار بونی اَصری اگر مه چش بی یه مه وِسّه بیقرار بونی شو که بونه یواش اِنی مه سر ره لا دِنی شونی صِوی سَری خنده ی جا مه دل له کا دِنی شونی اِسپه کوتر نا که نَعو فرشته ره ته موندنی چَکّه سِما کنده مه دل وقتی مه نومه خوندنی مه ناخشی ناخش بونه شیرین بونه تَله دِوا ته گوهری ته نجمایی دارنی  مغومه لله وا تره پرستار بَتنه تی دل خشی مه خواریه پَعییز و زرد و زاره دل تی وَر اِنه بهاریه زمستون وَرفِ واری اِسپه نشون دارنی شِه تن اَرمونه ماه ته تی یه که بی یه بَوه تی دَس اوشَن دومبه که ته هاکردی ره نَنشِنه جبران هاکنم خوامبه شِه خِدره تی واری فدای ایران هاکنم #هادی_اکبری_وسطی_کلایی**** ۱۴۰۰/۹/۱۹ https://eitaa.com/hadi9655