#تقدیم به همه ی خیرین نیکوکار #مثنوی_خِجیرِ نوم #شاعر _هادی_اکبری_وسطی کلایی *********************** اگِر خوانی خِجیرِ نوم داری خِنه تا آسِمونِ بوم داری تی نوم وِردِ زِوونِ روزگار بو نمیره تا قیامت برقرار بو تی روبرو خِدا دَوِّه هِنیشه نسوزه خشک نَهیره تِنه ریشه خوانی صوائیِ روجا بَواشی هر کِجه که بَرِسّی جا بَواشی دِتا یتیم دِتا فقیر ره هارِش خَله که بالا بوردی زیر ره هارش بِنه بَخِردِ بالّ ره بَیر دِلِ وِس تا که صراطِ سر لینگ نَهووِه سِس هِدار هاکن همونتا نَشی را ره بَکِن و دل نَوِن تنِ قِواره مبادا که تِره بی خیر بَهووِن کاری هاکن تِره خَیّر بَهووِن #هادی_اکبری_وسطی_کلایی **** 97/11/10 https://eitaa.com/hadi9655

#غزل تبری #غریبه یار #شاعر::هادی اکبری وسطی کلایی #تی مار تِره غریبه یار هِدائه #می دلِّ بوته و زار زار هِدائه #نخواسه که تره سِر سِر بَوینِم #بَیته  مهله ی جا فرار هِدائه #ته می مِنزِل سَرِ خالِک مار بی #غریبه منگوی جا مار هِدائه #مگه دل داشتمه کنیز بَواشی # اربابِ کارِسِّه  پاکار هِدائه #کی بَته بی گناه ره  دار نزنه #بَدیمه بی گناه ره دار هِدانه #اَتّا اِفتابِ موندِسّی خِدائی #ته هَنتا در نِموئی مار هِدائه #الهی بمیره باعث و بانی #تِره بَیته غریبه یار هِدائه #هادی_اکبری_وسطی_کلایی **** 98/1/16 https://eitaa.com/hadi9655

#مثنوی ملمع #طنز #نام شعر::هم قسم #شاعر::هادی اکبری وسطی کلایی # یک روزی رفته بودم پشت خنه #تاببینم کرک ماکرد مرغنه #همینطی راه میرفتم دیفاره په #اتاچیز مرا غِلیز داد یک دفه #سر ره وَل کردم دیدم روی بنه #یک لیسک بود قَدِ یک غاز مرغنه #گفتم ای لیسک چه مِس مِس میکنی #گفت تو چرا خی واری فِس میکنی #گفتم ای لیسک ته دوندی من کیمه #گفت شه شاخ ره میزنم ته بتیمه #همینطری که إما داشتیم دعوا #اتاکنگلی اومد توی هوا #گفتمش وز وز نکن ای کنگلی #توفک فکردی مرانمیشه حالی #پُشتِ خونه ی  ما تو کردی کلی #العان آتیش میزنم من این کلی باکنگلی #گفت ای هادی کلی ام را آتیش نزن #گفتمش پس توهم مه ره نیش نزن #همونجه من ولیسک وکنگلی #گت قسم خوردیم به سبزانجیلی #که دیگه لیسک مه سر راه نیاد #یا وه ره لگدکردم نکشه داد #کنگلی هم گفت قسم به انجیلی #که دیگه ته چاچ بن نهیرم کلی #خلاصه إما سه تاشدیم رفق #خدابگیرد امه دشمن هق #هادی_اکبری_وسطی_کلایی **** تابستان 1377 https://eitaa.com/hadi9655

#غزل_تبری #تقدیم به تمام معلمین زحمت کش #شاعر::هادی اکبری وسطی کلایی ................................................... 📚می دِل خوانه معلم بَوِّم اَت کش 📚صاحابِ علم و قلم بَوِّم اَت کش 📙هِنیشِم پِشتِ میز کلاسِ اول 📙وَچونه جا اِتی چم بَوِّم اَت کش 📘بورِم خِشکِ کیله روش بَکِشم روش 📘سونِ وارِشِ نم نم بَوِّم اَت کش 📗گِتِنه پاپلی هَسّه معلم 📗پاپلیِ دورِ شَم بَوِّم اَت کش 📕وِنه دور بَگِردِم کعبه ی واری 📕وِنسّه اوی زم زم بَوِّم اَت کش 📒می زخمِ سینه ره دِوا بی یِه وِ 📒مِن وِنه زخم ملهم بَوِّم اَت کش 📚خوامبه سو بَواشِم تاریکِ راهره 📚همینسّه معلم بَوِّم اَت کش #هادی_اکبری_وسطی_کلایی **** 98/2/10 https://eitaa.com/hadi9655

#تقدیم به روح شهید شاخص سال 98 روستای وسطی کلای قائم شهر شهید#موسی سعیدی ***************** #مثنوی::ماهه همسایه #شاعر::#هادی _اکبری_وسطی کلایی**** #تِره وا و لله وا اِشناسِنه #تِره طالب و نجما اِشناسِنه #تِره ماه و ستاره اِشناسِنه #هر کی دل دارنه پاره اِشناسِنه #ته خواسّی اِفتابِ سایه بَواشی #ته خواسّی ماهه هِمسایه بَواشی #ته خواسّی دِلِ اَرمونّه بَوینی #لیلی بَوّی شه مجنونّه بَوینی #تی دل پاک و بی کینه بی یِه دومبه #زلال بی یِه آئینه بی یِه دومبه #ندیمه پر هادی ته پاپلی ره #خواسّی بَیری مه راه سَره تَلی ره #دل نداشتی وطن ره لال بَوینی #دیمه زرد و تن ره مِردال بَوینی #وِنه خنده ی جا سو کِرده تی دل #وِنه غرصه ی جا تو کِرده تی دل #دل نداشتی وطن ره لو بَزِنِن #وِره بَیرِن تِره سر کو بَزِنِن #گِتی بورِم مه جانِ مار نا نَنه #تینار بَوّه می جانِ یار نا نَنه #گِتی که جان و مال فدای رهبر #مِنا می سر تا بال فدای رهبر #نِخواسی دشمن هی رَجِز بَخونده #ایرونی ره ناپاک و دِز بَخونده #نِخواسی ایرونیه دل غم دَوه #اتا می خال تی رهبرِ کم بَوه #بوردی آ من غِرصه ی بار بَهیمه #دخیل وَنِ سقانفار بَهیمه #مِره گِمون نَنه لله چی بورده #همونتا که بی یِه همه چی بورده #لله دیگه مِره سِما نیارنه #خِشی مِه وِسّه رونِما نیارنه #ته موسائی معجز نِما ته نومه #هنتا مله صحبتِ ته پیغومه #همه جاره اِشِمبه ته نِشونه #هنتا ته خون بِنه ی سر دَشونه #ته بوردی آ مهمونِ بی سر بَعی #هم نشینِ ساقیه کوثر بَعی #ته بوردی آ رفقِ اِفتاب بَعی #خدای دَم زنون ره سر صاب بَعی #اِسا بونه مه بالِ ماس بَواشی #صراطِ سر رفقِ خاص بَواشی #اون روزی که خدای سِرپیش شومه #لرزنه مه لینگ و پس و پیش شومه #وِنه مره شفیعِ محشر بَوی #اونجه مِره وِنه تاجِ سر بَوی #هادی_اکبری_وسطی_کلایی **** 98/3/14 https://eitaa.com/hadi9655

#ترانه_مازرونی #چِلّه_شو #ایشلره ************************ #شاعر::هادی اکبری وسطی کلایی ************************ دِواره چِلّه شو بِمو #ایشَّلَره پار بورده اَمِشو بِمو #ایشَّلَره خِردِنی نو به نو بِمو #ایشَّلَره سِفره ی رنگ و رو بِمو #ایشَّلَره ها بِرا زِمسّون در اِنه #ایشَّلَره وَرف تا مِه ایوون در اِنه #ایشَّلَره کِرسی ره بَیر جا هاکِن انگِشتِ سر لا هاکِن اَلوک بیار تَش کِله ره تَش سِری سِما هاکنِ *********************** اَعی سردی و سِرما اِنه #ایشَّلَره یَخ زَندی بِچا وا اِنه #ایشَّلَره ورف و وارش یَکجا اِنه #ایشَّلَره تَلِه دِکار تیکا اِنه #ایشَّلَره ها بِرا زِمسّون در اِنه #ایشَّلَره لِلیک به ناودون در اِنه #ایشَّلَره کِرسی ره بَیر جا هاکِن اَنگِشتِ سر لا هاکِن اَلوک بیار تَش کِله ره تش سَری سِما هاکِن *********************** اَعی دی و بهمن در اِنه #ایشَّلَره اِسپِه دار پیرَن در اِنه #ایشَّلَره لِلیک چاچِ بِن در اِنه #ایشَّلَره کلاه و کاپشِن در اِنه #ایشَّلَره ها برا زِمسّون در اِنه #ایشَّلَره شونیشت و مهمون در اِنه #ایشَّلَره کِرسی ره بَیر جا هاکِن انگِشتِ سر لا هاکِن اَلوک بیار تش کِله ره تَش وری سِما هاکِن *********************** #هادی_اکبری_وسطی_کلایی **** 98/9/22 https://eitaa.com/hadi9655

#مراسم گت چله شو (شب یلدا)1398 #سالن سلمان هراتی #اداره فرهنگ و ارشاد ساری #دِواره چله شو بِمو #خواننده:هادی اکبری وسطی کلایی #شاعر:هادی اکبری وسطی کلایی #نوازنده ضرب:مهرداد اکبری وسطی کلایی https://eitaa.com/hadi9655

#مراسم گت چله شو (شب یلدا)1398 #سالن سلمان هراتی #اداره فرهنگ و ارشاد ساری #خوامبه بورم زن مار سِره #خواننده:هادی اکبری وسطی کلایی #شاعر:هادی اکبری وسطی کلایی #نوازنده ضرب:مهرداد اکبری وسطی کلایی https://eitaa.com/hadi9655

#مراسم گت چله شو (شب یلدا)1398 #مدرسه شهید علیرضا بلباسی قائم شهر #خواننده:هادی اکبری وسطی کلایی #شاعر:هادی اکبری وسطی کلایی https://eitaa.com/hadi9655

#تقدیم_به_محضر_تمام_پرستاران #مثنوی #شاعر #هادی_اکبری_وسطی_کلایی ****************************** اِسپه لواس تی تن دره درده مِره دوا ته ائی تو بهیره اگر مِره  مه وِسّه بچا وا ته ائی اِنی مه وِسّه مار بونی مه دور و  ور دیار بونی اَصری اگر مه چش بی یه مه وِسّه بیقرار بونی شو که بونه یواش اِنی مه سر ره لا دِنی شونی صِوی سَری خنده ی جا مه دل له کا دِنی شونی اِسپه کوتر نا که نَعو فرشته ره ته موندنی چَکّه سِما کنده مه دل وقتی مه نومه خوندنی مه ناخشی ناخش بونه شیرین بونه تَله دِوا ته گوهری ته نجمایی دارنی  مغومه لله وا تره پرستار بَتنه تی دل خشی مه خواریه پَعییز و زرد و زاره دل تی وَر اِنه بهاریه زمستون وَرفِ واری اِسپه نشون دارنی شِه تن اَرمونه ماه ته تی یه که بی یه بَوه تی دَس اوشَن دومبه که ته هاکردی ره نَنشِنه جبران هاکنم خوامبه شِه خِدره تی واری فدای ایران هاکنم #هادی_اکبری_وسطی_کلایی**** ۱۴۰۰/۹/۱۹ https://eitaa.com/hadi9655

#غزل_مازرونی #وطن اتا کربلا عراق و اتا کربلا ایران ونه افتخار هاکنی کربلا دارنه وطن اگه هفتاد و دِ تن در کربلا بَینه شهید اینجه دون صدها شهید با خدا دارنه وطن سرزمین نینوا اتا روز عاشورا بی یه اینجه اما همه روزه عاشورا دارنه وطن اگه دشت کربلا دَیّه حبیب جانثار صف به صف اینجه حبیبِ با وفا دارنه وطن اگه اِرباً اِرِبا بَیه علی پی یره وَر اینجه سرباز رشید و اِرِبا دارنه وطن حرمله ی تیر هنیشته اصغر گلی یه سر پچک‌تابوت میون شش ما ریکا دارنه وطن سرزمین کربلا عباس علمدارش بی یه صدهزار پرچم‌به دوشِ جان فدا دارنه وطن اگه شمر بن العین حسین سر ره بَوریه سون مولامون حسین هم سرجدا دارنه وطن تل جا خواخر بَدیه خون دهیه روش گیته شمر نابکار نمرده قتلگا دارنه وطن تش بهیته خیمه گاه ره بی پِنا بَینه وچون هرچی موشک بزنن اعی خیمه گا دارنه وطن سر دَهیه نیزه ی سر بدیه جان دتر سون زهرا و علی شیر کیجا دارنه وطن ونه رسوا بَوه دشمن بمیره این ننگ جا که وما رَعَیت ِالا جَمیلا دارنه وطن امه آقای آقا مولا حسین هسه ولی امه دل گرم هسه که جان آقا دارنه وطن #شاعر #هادی_اکبری_وسطی_کلایی ۱۴۰۴/۳/۹ https://eitaa.com/hadi9655

#ترانه_مازنی #سبک گفتم که شیرین منی گفتی تو فرهادی مگر ******************************* گِتی که تی یار هَسمه گِتی که بی ته میرمه ته که دَنی ای  نازنین من در جوونی پیرمه گِتی که می دنیا ته ایی ای مه روی زیبای من من بی ته هیچ و پوچمه ای دلبر رویای من گِتی مره سَر نِل نَشو تیناری مِره کِشِِنه اِسا تی عکس دیوار کش دیاری مره اِشِنه گِتی قسم به موی ته که مه دل ارمون ته ایی معجز نما هسی عزیز مه دردهای درمون ته ایی گِتی که تی خاهونمه من تا ابد تی یارمه خنده هاکن ای نازنین تی غمه خریدارمه دلبر من اسا بوین مه حال و کار ره غم بموئه بَیته تِمومه سر تا پاره #شاعر #هادی_اکبری_وسطی_کلایی**** ۱۴۰۴/۵/۳ https://eitaa.com/hadi9655