#غزل #وطن ته وِسه گِلی گِلی بومبه وطن بلبل وسه کِلی بومبه وطن پَرکشمبه تموم ملک ودیار خانی تیسه پاپلی بومبه وطن هر کی خانه ته ره چپ چپ هارشه دشمن چشِ تَلی بومبه وطن کینه ره شه دل جا کِمبه بیرون نوبومبه تیسه غَلی بومبه وطن یخ وسِرمای دله رُخ زمبه تا بهار وِسه هَلی بومبه وطن سونه چمران وبهشتی و رَجا ته یتیمونِ ولی بومبه وطن ته شهیدون هِدارِ په شومه همچو عباس علی بومبه وطن چفیه ره وَندِمبه گِردِنِ دور حامی سید علی بومبه وطن #هادی_اکبری_وسطی_کلایی **** 95/11/22 https://eitaa.com/hadi9655

#غزل_مازرونی #وطن اتا کربلا عراق و اتا کربلا ایران ونه افتخار هاکنی کربلا دارنه وطن اگه هفتاد و دِ تن در کربلا بَینه شهید اینجه دون صدها شهید با خدا دارنه وطن سرزمین نینوا اتا روز عاشورا بی یه اینجه اما همه روزه عاشورا دارنه وطن اگه دشت کربلا دَیّه حبیب جانثار صف به صف اینجه حبیبِ با وفا دارنه وطن اگه اِرباً اِرِبا بَیه علی پی یره وَر اینجه سرباز رشید و اِرِبا دارنه وطن حرمله ی تیر هنیشته اصغر گلی یه سر پچک‌تابوت میون شش ما ریکا دارنه وطن سرزمین کربلا عباس علمدارش بی یه صدهزار پرچم‌به دوشِ جان فدا دارنه وطن اگه شمر بن العین حسین سر ره بَوریه سون مولامون حسین هم سرجدا دارنه وطن تل جا خواخر بَدیه خون دهیه روش گیته شمر نابکار نمرده قتلگا دارنه وطن تش بهیته خیمه گاه ره بی پِنا بَینه وچون هرچی موشک بزنن اعی خیمه گا دارنه وطن سر دَهیه نیزه ی سر بدیه جان دتر سون زهرا و علی شیر کیجا دارنه وطن ونه رسوا بَوه دشمن بمیره این ننگ جا که وما رَعَیت ِالا جَمیلا دارنه وطن امه آقای آقا مولا حسین هسه ولی امه دل گرم هسه که جان آقا دارنه وطن #شاعر #هادی_اکبری_وسطی_کلایی ۱۴۰۴/۳/۹ https://eitaa.com/hadi9655