#طنز شعر طنز انتخاباتی دِواره اَعی انتخابات بِموئه اَعی فصلِ اهدا اِ سیم کارت بِموئه شامه سفره دِواره اَعی لا بَیه پِچکه مردی الکی آقا بَیه اتا گِنه که من عَشّه کِشِمبه تَش اَلوک بَیره مِن تَشّه کِشِمبه اَنده شِمِه وِسّه مِن کار یارِمبه عزبِ وَچه یِه سه یار یارمبه اَتا گِنه که مِن گتِ مَردیمه شِمه مشکلاته شه چِش بَدیمه شِمه شهرِسه دانشگاه سازِمبه یتیمِ سه پرورشگاه سازمبه شه بی خِد هی دِنّه وعده و وعید اگر رای بیارم هر روز هسه عید اِما شعاره الکی نخوامبی حرفهای خاله زنکی نِخوامبی ته سیم کارتِ ایرانسل لهِ نِخوامبی الکی خِش کِندی دِل له نِخوامبی اِما شه وِسّه نِماینده خوامبی شهرِسه اِفتابِ تابنده خوامبی نماینده ای که بو اِ وِ دلسوز به قول وَچونا آنلاین و به روز اتا نماینده که باشه فعال هَمِش خَوِر بَهیره مردمِ حال اَمروز نَوِّه می محلی شریفه فِردا نَوِّه واجب مه دِتا جیفه اَمه خِشکه کیمه یه در ره نوجه بیچاره پاپلی یه پَر ره نوجه شِفا ندا نهیره کور نکنه اَمه تیسا پِلا ره شور نکنه مهم نی یه که پیره یا جِوونه مردمه حق ره بَیره از زمونه وِنه که مردِمِسّه کار هاکنه اِفتابِ بَهیره دیار هاکنه کاری هاکنه فِردایِ قیامت شهیدون هاکنن وِره شفاعت #هادی_اکبری_وسطی_کلایی **** 96/1/14 https://eitaa.com/hadi9655

#غزل #طنز غزل طنز مازندرانی نام شعر:::: خَجّه خاله .................................. خَجّه خاله ی سِره مِهمون دَره دَبیستا کفش نال بِنِ ایوون دَره خَجّه گِته که مِن فامیل نِدارمه اَتّا خدیجه کل ایرون دَره خَوِر خَوِر مِره حالی بَهیه اَمشو وِنه کَسِ شی کَسون دَره اَتی که تَن تِر بوردِمه بَدیمه ایوون خِنه کدخدا رمضون دَره مَگه خدیجه لینگِ درد نِداشته اِسا وِنه عصا چه بیرون دَره بَدیمه خَجّه خِنه جا دَر بِمو چارقدِ سر تا فرقِ میون دَره ذِلف کَفِن چه هامِج هامِج شونه اِنگاری که نون وِنه راغون دَره لَچِکِّ وا هاکِرده شه سَرِ جا اَنگوسِ دس مصناعی ناخن دَره نَکِنه خَجّه خوانه شی بَکِنه گِته مه شی دیگه قَورِستون دَره بَدیمه کَلّه ونگ هِدائه دِلّال خَجّه ی دیم اِنارِ جور خون دَره خَجّه خاله شی بَکِرده پیر سَری مِه جور مَله مِفلِسِ جِوون دَره بِنه بَخِره بَمیره می اِقبال نَوینده مِه دل خَله اَرمون دَره مَگه چه چی کم دارِمبّه آخِدا چه خَجّه  وِسِّه شی فِراوون دَره آ کَهو اِقبال تِره تَش بَهیره خَجّه وَر کدخدا رمضون دَره #هادی_اکبری_وسطی_کلایی **** 96/9/7 https://eitaa.com/hadi9655

#مثنوی ملمع #طنز #نام شعر::هم قسم #شاعر::هادی اکبری وسطی کلایی # یک روزی رفته بودم پشت خنه #تاببینم کرک ماکرد مرغنه #همینطی راه میرفتم دیفاره په #اتاچیز مرا غِلیز داد یک دفه #سر ره وَل کردم دیدم روی بنه #یک لیسک بود قَدِ یک غاز مرغنه #گفتم ای لیسک چه مِس مِس میکنی #گفت تو چرا خی واری فِس میکنی #گفتم ای لیسک ته دوندی من کیمه #گفت شه شاخ ره میزنم ته بتیمه #همینطری که إما داشتیم دعوا #اتاکنگلی اومد توی هوا #گفتمش وز وز نکن ای کنگلی #توفک فکردی مرانمیشه حالی #پُشتِ خونه ی  ما تو کردی کلی #العان آتیش میزنم من این کلی باکنگلی #گفت ای هادی کلی ام را آتیش نزن #گفتمش پس توهم مه ره نیش نزن #همونجه من ولیسک وکنگلی #گت قسم خوردیم به سبزانجیلی #که دیگه لیسک مه سر راه نیاد #یا وه ره لگدکردم نکشه داد #کنگلی هم گفت قسم به انجیلی #که دیگه ته چاچ بن نهیرم کلی #خلاصه إما سه تاشدیم رفق #خدابگیرد امه دشمن هق #هادی_اکبری_وسطی_کلایی **** تابستان 1377 https://eitaa.com/hadi9655