#غزل تبری
#غریبه یار
#شاعر::هادی اکبری وسطی کلایی
#تی مار تِره غریبه یار هِدائه
#می دلِّ بوته و زار زار هِدائه
#نخواسه که تره سِر سِر بَوینِم
#بَیته مهله ی جا فرار هِدائه
#ته می مِنزِل سَرِ خالِک مار بی
#غریبه منگوی جا مار هِدائه
#مگه دل داشتمه کنیز بَواشی
# اربابِ کارِسِّه پاکار هِدائه
#کی بَته بی گناه ره دار نزنه
#بَدیمه بی گناه ره دار هِدانه
#اَتّا اِفتابِ موندِسّی خِدائی
#ته هَنتا در نِموئی مار هِدائه
#الهی بمیره باعث و بانی
#تِره بَیته غریبه یار هِدائه
#هادی_اکبری_وسطی_کلایی ****
98/1/16
https://eitaa.com/hadi9655
#غزل_گِرونی
#تِره اِزّال دَوِندِن ای گِرونی
#گِردنّه تال دَوِندن ای گِرونی
#تی کابِّ مِخ بَزنِن در نیارِن
#نِتاشی نال دَوِندِن ای گِرونی
#اونجه که سگ صاحاب ره نشناسنه
#با سگ و شال دَوِندِن ای گِرونی
#تی سر ره خاک دَکِنِن نوج نزنی
#میون چال دَوِندِن ای گِرونی
#بِنه هایری نَتونی پّر بّهیری
#تی دَس و بال دَوِندِن ای گِرونی
#ننای چادِر شوره مفت هِدامه
#تِره کِرچال دَوِندِن ای گِرونی
#هادی_اکبری_وسطی_کلایی ****
98/2/7
https://eitaa.com/hadi9655
#غزل_تبری
#کارگر
#به مناسبت روز کارگر تقدیم به تمام کارگران زحمتکش
#شاعر_هادی_اکبری_وسطی کلایی
..............................................
#تِه کارگر تی کارفرمایه قِربون
#تی جا صد جور وِ کِنده کایه قِربون
#تی سفره خالیه خِرِش نِدارنی
#وِشنا بِتیم تیسا پِلایه قِربون
#پینه بَزّه پیرَن لِمبِر دَبِلقِس
#تِه تنِ اون کهنه قِوایه قِربون
#صِوی سَری که اِفتاب در نِموئه
#تیساپه تَجِنی تِه رایه قِربون
#تی مِز امروز سِره مِنزِل نَشونه
#تی هشت سَر عائِله خِرایه قِربون
#تی دِتِر بی جِهاز کِنده عروسی
#تی اصری دیمِ سر رِهایه قِربون
#ندارنی دل خِشی چکه بَزِنی
#نَتوندی هاکِنی سِمایه قِربون
#هزار تا ناخِشی ره شِه وَر هایتی
#هیچکِدوم نَوونه دِوایه قِربون
#تِره تنگی نفس آخر کِشِنه
#کی دَره داره تی هِوایه قِربون
#گِمونِم مَلکِمیت هم نِنِه تی وَر
#چه بَمیری بی سَر صِدایه قِربون
#تِه کارگر گِره دارنه تِنه کار
#چه تی گِرِه نَوونه وایه قِربون
#هادی_اکبری_وسطی_کلایی ****
98/2/۱۱
https://eitaa.com/hadi9655
#میرکا گیرمه اِلِمبه تِنه گِردِن
#تی گِردِن بَمونه تا وقتِ مِردِن
#الله گیرمه تی دِلِ سر هِنیشه
#تا که مه خواهونی بَزِنه ریشه
#ته مه بختی مه اقبالی مه شانسی
#ته مه مارِ عاروسی راسی راسی
#همه ره گِمبه ته می جانِ یاری
#شیرین هسی می سِرپیشِ اِناری
#هر کی خوانه تِره زِمِر هارِشه
#چِشِ نِه نی ره کور کِمبه دَواشه
#هر کی شه پیش خوانه تی نومّه بَووِه
#اَتا کاری کِمبه ایمونّه بَووِه
#هادی_اکبری_وسطی_کلایی ****
98/2/28
https://eitaa.com/hadi9655
#تقدیم به روح شهید شاخص سال 98 روستای وسطی کلای قائم شهر شهید#موسی سعیدی
*****************
#مثنوی::ماهه همسایه
#شاعر::#هادی _اکبری_وسطی کلایی****
#تِره وا و لله وا اِشناسِنه
#تِره طالب و نجما اِشناسِنه
#تِره ماه و ستاره اِشناسِنه
#هر کی دل دارنه پاره اِشناسِنه
#ته خواسّی اِفتابِ سایه بَواشی
#ته خواسّی ماهه هِمسایه بَواشی
#ته خواسّی دِلِ اَرمونّه بَوینی
#لیلی بَوّی شه مجنونّه بَوینی
#تی دل پاک و بی کینه بی یِه دومبه
#زلال بی یِه آئینه بی یِه دومبه
#ندیمه پر هادی ته پاپلی ره
#خواسّی بَیری مه راه سَره تَلی ره
#دل نداشتی وطن ره لال بَوینی
#دیمه زرد و تن ره مِردال بَوینی
#وِنه خنده ی جا سو کِرده تی دل
#وِنه غرصه ی جا تو کِرده تی دل
#دل نداشتی وطن ره لو بَزِنِن
#وِره بَیرِن تِره سر کو بَزِنِن
#گِتی بورِم مه جانِ مار نا نَنه
#تینار بَوّه می جانِ یار نا نَنه
#گِتی که جان و مال فدای رهبر
#مِنا می سر تا بال فدای رهبر
#نِخواسی دشمن هی رَجِز بَخونده
#ایرونی ره ناپاک و دِز بَخونده
#نِخواسی ایرونیه دل غم دَوه
#اتا می خال تی رهبرِ کم بَوه
#بوردی آ من غِرصه ی بار بَهیمه
#دخیل وَنِ سقانفار بَهیمه
#مِره گِمون نَنه لله چی بورده
#همونتا که بی یِه همه چی بورده
#لله دیگه مِره سِما نیارنه
#خِشی مِه وِسّه رونِما نیارنه
#ته موسائی معجز نِما ته نومه
#هنتا مله صحبتِ ته پیغومه
#همه جاره اِشِمبه ته نِشونه
#هنتا ته خون بِنه ی سر دَشونه
#ته بوردی آ مهمونِ بی سر بَعی
#هم نشینِ ساقیه کوثر بَعی
#ته بوردی آ رفقِ اِفتاب بَعی
#خدای دَم زنون ره سر صاب بَعی
#اِسا بونه مه بالِ ماس بَواشی
#صراطِ سر رفقِ خاص بَواشی
#اون روزی که خدای سِرپیش شومه
#لرزنه مه لینگ و پس و پیش شومه
#وِنه مره شفیعِ محشر بَوی
#اونجه مِره وِنه تاجِ سر بَوی
#هادی_اکبری_وسطی_کلایی ****
98/3/14
https://eitaa.com/hadi9655