#مثنوی تبری #تقدیم به مردم خوب و باصفای ریکنده ی قائم شهر #شاعر_هادی_اکبری_وسطی کلایی ........................................ ریکنده ی شَکِر چه خِش خِراکه عاشقِ دل وِنسّه چاکه چاکه ریکنده ی شَکِر دِلِّ او کِنده ریکنده ی شَکِر مِشکِ بو کِنده ریکنده ی شَکِر دردِ دِوائه اینتا معجزه از لطفِ خِدائه ریکنده ی شَکِر چَنده شیرینه ریکنده ی شَکِر چه دل نِشینه ریکنده ی شَکِر دِلِّ بَوِرده اِفتابِ رنگِ دارنه زردِ زردِ ریکنده ی شَکِر عطر و گِلابِ بی همتا هَسّه و خالص و نابِ بِرو ریکنده ی شَکِر ره بَخِر بِرو عَسِلتوم بِتِّر ره بَخِر مِن وِنه اون لَلِه جاره بِلاره کَف و کِترا و کِلواره بِلاره کاسبِ دوش و بالِ دور بَگِردِم وِنه خِجیره حالِ دور بَگِردِم بورِم لَله جار و لیلی بَخوندِم اَتی نجما و کتولی بَخوندِم ریکنده مِن تی خاکِ دور بَگِردِم ته شهیدونِ پاکِ دور بَگِردِم تا دِنیا دِنیائه ریکنده دَوِّه وِنه مَردِمونِ تِک خنده دَوِّه #هادی_اکبری_وسطی_کلایی **** 97/9/27 ✅کانال وسطی کلای قائمشهر @vostakola_Ghaemshar

#تقدیم به همه ی خیرین نیکوکار #مثنوی_خِجیرِ نوم #شاعر _هادی_اکبری_وسطی کلایی *********************** اگِر خوانی خِجیرِ نوم داری خِنه تا آسِمونِ بوم داری تی نوم وِردِ زِوونِ روزگار بو نمیره تا قیامت برقرار بو تی روبرو خِدا دَوِّه هِنیشه نسوزه خشک نَهیره تِنه ریشه خوانی صوائیِ روجا بَواشی هر کِجه که بَرِسّی جا بَواشی دِتا یتیم دِتا فقیر ره هارِش خَله که بالا بوردی زیر ره هارش بِنه بَخِردِ بالّ ره بَیر دِلِ وِس تا که صراطِ سر لینگ نَهووِه سِس هِدار هاکن همونتا نَشی را ره بَکِن و دل نَوِن تنِ قِواره مبادا که تِره بی خیر بَهووِن کاری هاکن تِره خَیّر بَهووِن #هادی_اکبری_وسطی_کلایی **** 97/11/10 https://eitaa.com/hadi9655

#غزل_تبری #تقدیم به تمام معلمین زحمت کش #شاعر::هادی اکبری وسطی کلایی ................................................... 📚می دِل خوانه معلم بَوِّم اَت کش 📚صاحابِ علم و قلم بَوِّم اَت کش 📙هِنیشِم پِشتِ میز کلاسِ اول 📙وَچونه جا اِتی چم بَوِّم اَت کش 📘بورِم خِشکِ کیله روش بَکِشم روش 📘سونِ وارِشِ نم نم بَوِّم اَت کش 📗گِتِنه پاپلی هَسّه معلم 📗پاپلیِ دورِ شَم بَوِّم اَت کش 📕وِنه دور بَگِردِم کعبه ی واری 📕وِنسّه اوی زم زم بَوِّم اَت کش 📒می زخمِ سینه ره دِوا بی یِه وِ 📒مِن وِنه زخم ملهم بَوِّم اَت کش 📚خوامبه سو بَواشِم تاریکِ راهره 📚همینسّه معلم بَوِّم اَت کش #هادی_اکبری_وسطی_کلایی **** 98/2/10 https://eitaa.com/hadi9655

#تقدیم به محضر استاد موسیقی مازندران #استاد ابولحسن خوشرو #شاعر_هادی_اکبری_وسطی کلایی ............................................... 🎻تی بِلاره که تی وَنگ کا دِنه مازرونِ خونِش 🎻تی بِلاره که تی وَنگ اَصری ایارنه اَمه چِش 🎻تی بِلاره مازرون دوش کَشنی خوشروی نوم 🎻تی بِلاره که تی وَنگ ایارنه بهاره پیغوم #مِن شه خوشروی گِره #مِن وِنه روی گِره 🎤ته وِنه بَخوندی تا بهاره بِلبِل نمیره 🎤ته وِنه بَخوندی تا ارمونه مه دل نمیره 🎤تِه وِنه بَخوندی تا یلاق و یِشلاق هاکنِم 🎤تِه وِنه بَخوندی تا شی دِلّ تِه باغ هاکنِم #مِن شه خوشروی گِره #مِن وِنه روی گِره ❤️دل خوانه دَوّی مِه وَر مِسّه لله وا بَزِنی ❤️دل خوانه شعر بَهووم ته هَیرا هَیرا بَزنی ❤️دل خوانه دَوّی مِه وَر هژبر سلطون بَخونی ❤️دل خوانه دَوّی مِه وَر صُب تا نماشون بَخونی #مِن شه خوشروی گِره #مِن وِنه روی گِره #هادی_اکبری_وسطی_کلایی **** 98/2/12 https://eitaa.com/hadi9655

#تقدیم به مردم خوب و با صفای بخش دشت سر آمل ****** #خوامبه بورِم  دشت سر مهله ره دور هاکنم #هر چی که غم دارمبه دِله جا یور هاکنم #منطقه ی  دشت سر تی سامونِ بلاره #من ته و اون خونِشِ مردمونِ بلاره #بورِم بوران خِش هادِم فوتبالیستِ ریکاره #سِلوم هادِم پاشاکلا امام زاده یحیی ره #بلیرون جنگلِ دور چشمه ی لاله زار #زوارکِ مردِم دور سید و تاجِداره #شهنه کلای کتلما کشتی لوچو بهیرم #فیروز کلای سنگ پِله سر ره لو بهیرم #نو آباد و تا کمدره جنگلونِ بلاره #هندوکلا و شادمحل مردمونِ بلاره #کمکلا و زیارو چه دلنشینه ولله #اون شهرِ اِجبار کلا می دلِ وینه ولله #آهنگر کلای مردم خونگرم و باصفانه #خرمن کلایی دور که خله با وفانه #بگردم بزمینانه خله قدیمی هَسه #داود کلاره بوری کار تِنه رَعی هَسه #قلعه کشِ تپه ره خوار وِنه دور هاکنم #مزرسِ جنگلِ جا هیمه ره یور هاکِنم #مهدیخلِ محله والیبالیستِ قِربون #روستای میله ی دور ته نمره بیستِ قربون #جاده قدیمِ آمل ته نظام آبادِ دور #وسطی کلای مله تی شاخ شمشاد دور #اتا کِچیک مله که وِنه نوم تمسکه #کته پشتِ پِشتِ سر هفتا مله دَوِسه #چنگ میانِ قِربون تی رودخونه خِرونه #سرخ کلای شاعر هم حجت شعرِ خونه #بِرو بوریم تا نوده اونجه خله خِجیره #قلیان کلا نشو که پیاده خله دیره #اره برار دشت سر چه روستاهایی دارنه #هرجا بوری بهشته بَه چه صفایی دارنه #هادی_اکبری_وسطی_کلایی **** 98/4/7 https://eitaa.com/hadi9655

#تقدیم به روح شهید شاخص سال 98 روستای وسطی کلای قائم شهر شهید#موسی سعیدی ***************** #مثنوی::ماهه همسایه #شاعر::#هادی _اکبری_وسطی کلایی**** #تِره وا و لله وا اِشناسِنه #تِره طالب و نجما اِشناسِنه #تِره ماه و ستاره اِشناسِنه #هر کی دل دارنه پاره اِشناسِنه #ته خواسّی اِفتابِ سایه بَواشی #ته خواسّی ماهه هِمسایه بَواشی #ته خواسّی دِلِ اَرمونّه بَوینی #لیلی بَوّی شه مجنونّه بَوینی #تی دل پاک و بی کینه بی یِه دومبه #زلال بی یِه آئینه بی یِه دومبه #ندیمه پر هادی ته پاپلی ره #خواسّی بَیری مه راه سَره تَلی ره #دل نداشتی وطن ره لال بَوینی #دیمه زرد و تن ره مِردال بَوینی #وِنه خنده ی جا سو کِرده تی دل #وِنه غرصه ی جا تو کِرده تی دل #دل نداشتی وطن ره لو بَزِنِن #وِره بَیرِن تِره سر کو بَزِنِن #گِتی بورِم مه جانِ مار نا نَنه #تینار بَوّه می جانِ یار نا نَنه #گِتی که جان و مال فدای رهبر #مِنا می سر تا بال فدای رهبر #نِخواسی دشمن هی رَجِز بَخونده #ایرونی ره ناپاک و دِز بَخونده #نِخواسی ایرونیه دل غم دَوه #اتا می خال تی رهبرِ کم بَوه #بوردی آ من غِرصه ی بار بَهیمه #دخیل وَنِ سقانفار بَهیمه #مِره گِمون نَنه لله چی بورده #همونتا که بی یِه همه چی بورده #لله دیگه مِره سِما نیارنه #خِشی مِه وِسّه رونِما نیارنه #ته موسائی معجز نِما ته نومه #هنتا مله صحبتِ ته پیغومه #همه جاره اِشِمبه ته نِشونه #هنتا ته خون بِنه ی سر دَشونه #ته بوردی آ مهمونِ بی سر بَعی #هم نشینِ ساقیه کوثر بَعی #ته بوردی آ رفقِ اِفتاب بَعی #خدای دَم زنون ره سر صاب بَعی #اِسا بونه مه بالِ ماس بَواشی #صراطِ سر رفقِ خاص بَواشی #اون روزی که خدای سِرپیش شومه #لرزنه مه لینگ و پس و پیش شومه #وِنه مره شفیعِ محشر بَوی #اونجه مِره وِنه تاجِ سر بَوی #هادی_اکبری_وسطی_کلایی **** 98/3/14 https://eitaa.com/hadi9655

#تقدیم به مردمان سرزمینم #مازندران #هادی _اکبری_وسطی کلایی**** #اَره مِن عاشقمه #عاشق ننای اون پیرهَنه لِمبر بی یه تا روش بَکِشه مه دیم سر ره  مِره بَوّه وَسّه وَسّه راس بواش مَمرز چِلّه راس بواش تا بَوِری اِفتاب دِل له #تِه وِنه راس بَواشی ویشه تی وِسّه تا صِوی بَزوئه چوک چوک ته وِنه راس بواشی جنگل شه دوش بهیری بَوِری تا خدای سِرپیش هِنیشی دَم بَزنی افتاب وِر #اَره مِن عاشقمه #عاشق بِبای اون لینگ تِراک وقتی که وِلیه اون دَروِنه کوبِّ پعییز گلام سر راه شی یه انگار وِنه خِش خِش ایمو مِه گوش #اَتّا خِش هم مه دِیمه سَر مِره گِته وَسّه وَسّه راس بواش ببای مِزیر ته وِنه راس بواشی هِمِند تی وِسّه بیقراره ویشه ره دَم کَفِنه وقتی وِره صِوی سَری لو گیرنی شونی وَسّه وَسّه راس بواش دوشه بال قِد #اَره مِن عاشقمه #عاشق اونتی خومه نا که شِه خِدّه  خو بزنم که مه مازرون بَیرِن مّه بتیم نون بَیرِن مه خزر ره اوره بَیرِن لَس لَسِک بی یِن ننای سر چارقَد وِنه  پیرهن وِنه اون درون کوبِ بِک و  بو ره مه جا بَیرِن #مازرون مه لیلی و من وِنه مجنون وِنه قِروون وِنه اون تیم تیم وارش اِرزنه صدتا بهشته #اَره مِن عاشقمه #عاشق مِلک و مِلامه عاشق دار گِلام و اغوز و بِچا پِلامه عاشق مازندرون وا و وارش و هوامه #اره من عاشق او بهشتیمه که دَری چپ چپ اِشنی خوانی وره جندم هاکنی اتا کار نکن تِره هیمه ی جَندِّم هاکِنم #هادی_اکبری_وسطی_کلایی **** 98/8/25 https://eitaa.com/hadi9655

#تقدیم به محضر شهردار جوان و دوست داشتنی قائمشهری شهر بلده نور مهندس محمدرضا نیازی خوشا بلده و مهر و وفایش خوشا بلده و  آب و هوایش همونجایی که لیلی یار باشد بساط دلخوشیها بار باشد بنازم من غذای خوش خوراکش که هر دم هر کی باشد سینه چاکش همان شهری که شهردارش نمونه است نیازی بی نیاز هست و یدونه است الهی بلده را پاسبان باش که خود حامی شهردار جوان باش #هادی_اکبری_وسطی_کلایی **** 99/6/21 https://eitaa.com/hadi9655

#به مناسبت سالگرد سردار دلها #تقدیم به روح ملکوتی #حاج_قاسم_سلیمانی ته مه جانی سلیمانی ته نوم دنیاجه در بورده تموم جنگل و کوه آ همند واجه در بورده ته جان دس گِلی بیه ته خون خواهی ره جار بزو ته تابوت دوش به دوش شی یه دل گوشه نفار بزو ته سرداری و شه سر ره فدای بی سر هاکردی حرم ره شه کشه داشتی عمر ره اینتی سر هاکردی حرم دَیه تاریک بی یه ته لمپاره سو هاکردی دواره سبزه نوج بزو نشاره ته نو هاکردی ته شه لیلای ارمون بی اسا ارمونه مجنونی ته خاهونه حرم بی و اسا ونه حرم بونی همونتا تره برمه دا ته وِسه برمه کر بَیّه ته خواسی آسمون بوری ته وسه بال و پر بَیّه بسازم من وضو از سر ته واری دل له کا هادم مرام مهروونی ره شه دل گوشه جا هادم وِنه اول شهید بوئم و سونِ ته شهید بّووِم ته واری گت مردیره بی یم یاره وحید بووم سلیمان حرم بورده ولی قاسم فراوونه حریم امن و حرم آروم ونه ضامن تِنه خونه #هادی_اکبری_وسطی_کلایی ۱۴۰۱/۱۰/۱۲ https://eitaa.com/hadi9655