#غزل تبری
#غریبه یار
#شاعر::هادی اکبری وسطی کلایی
#تی مار تِره غریبه یار هِدائه
#می دلِّ بوته و زار زار هِدائه
#نخواسه که تره سِر سِر بَوینِم
#بَیته مهله ی جا فرار هِدائه
#ته می مِنزِل سَرِ خالِک مار بی
#غریبه منگوی جا مار هِدائه
#مگه دل داشتمه کنیز بَواشی
# اربابِ کارِسِّه پاکار هِدائه
#کی بَته بی گناه ره دار نزنه
#بَدیمه بی گناه ره دار هِدانه
#اَتّا اِفتابِ موندِسّی خِدائی
#ته هَنتا در نِموئی مار هِدائه
#الهی بمیره باعث و بانی
#تِره بَیته غریبه یار هِدائه
#هادی_اکبری_وسطی_کلایی ****
98/1/16
https://eitaa.com/hadi9655
#میرکا گیرمه اِلِمبه تِنه گِردِن
#تی گِردِن بَمونه تا وقتِ مِردِن
#الله گیرمه تی دِلِ سر هِنیشه
#تا که مه خواهونی بَزِنه ریشه
#ته مه بختی مه اقبالی مه شانسی
#ته مه مارِ عاروسی راسی راسی
#همه ره گِمبه ته می جانِ یاری
#شیرین هسی می سِرپیشِ اِناری
#هر کی خوانه تِره زِمِر هارِشه
#چِشِ نِه نی ره کور کِمبه دَواشه
#هر کی شه پیش خوانه تی نومّه بَووِه
#اَتا کاری کِمبه ایمونّه بَووِه
#هادی_اکبری_وسطی_کلایی ****
98/2/28
https://eitaa.com/hadi9655
#تقدیم به مردم خوب و با صفای بخش دشت سر آمل
******
#خوامبه بورِم دشت سر مهله ره دور هاکنم
#هر چی که غم دارمبه دِله جا یور هاکنم
#منطقه ی دشت سر تی سامونِ بلاره
#من ته و اون خونِشِ مردمونِ بلاره
#بورِم بوران خِش هادِم فوتبالیستِ ریکاره
#سِلوم هادِم پاشاکلا امام زاده یحیی ره
#بلیرون جنگلِ دور چشمه ی لاله زار
#زوارکِ مردِم دور سید و تاجِداره
#شهنه کلای کتلما کشتی لوچو بهیرم
#فیروز کلای سنگ پِله سر ره لو بهیرم
#نو آباد و تا کمدره جنگلونِ بلاره
#هندوکلا و شادمحل مردمونِ بلاره
#کمکلا و زیارو چه دلنشینه ولله
#اون شهرِ اِجبار کلا می دلِ وینه ولله
#آهنگر کلای مردم خونگرم و باصفانه
#خرمن کلایی دور که خله با وفانه
#بگردم بزمینانه خله قدیمی هَسه
#داود کلاره بوری کار تِنه رَعی هَسه
#قلعه کشِ تپه ره خوار وِنه دور هاکنم
#مزرسِ جنگلِ جا هیمه ره یور هاکِنم
#مهدیخلِ محله والیبالیستِ قِربون
#روستای میله ی دور ته نمره بیستِ قربون
#جاده قدیمِ آمل ته نظام آبادِ دور
#وسطی کلای مله تی شاخ شمشاد دور
#اتا کِچیک مله که وِنه نوم تمسکه
#کته پشتِ پِشتِ سر هفتا مله دَوِسه
#چنگ میانِ قِربون تی رودخونه خِرونه
#سرخ کلای شاعر هم حجت شعرِ خونه
#بِرو بوریم تا نوده اونجه خله خِجیره
#قلیان کلا نشو که پیاده خله دیره
#اره برار دشت سر چه روستاهایی دارنه
#هرجا بوری بهشته بَه چه صفایی دارنه
#هادی_اکبری_وسطی_کلایی ****
98/4/7
https://eitaa.com/hadi9655
#تقدیم به روح شهید شاخص سال 98 روستای وسطی کلای قائم شهر شهید#موسی سعیدی
*****************
#مثنوی::ماهه همسایه
#شاعر::#هادی _اکبری_وسطی کلایی****
#تِره وا و لله وا اِشناسِنه
#تِره طالب و نجما اِشناسِنه
#تِره ماه و ستاره اِشناسِنه
#هر کی دل دارنه پاره اِشناسِنه
#ته خواسّی اِفتابِ سایه بَواشی
#ته خواسّی ماهه هِمسایه بَواشی
#ته خواسّی دِلِ اَرمونّه بَوینی
#لیلی بَوّی شه مجنونّه بَوینی
#تی دل پاک و بی کینه بی یِه دومبه
#زلال بی یِه آئینه بی یِه دومبه
#ندیمه پر هادی ته پاپلی ره
#خواسّی بَیری مه راه سَره تَلی ره
#دل نداشتی وطن ره لال بَوینی
#دیمه زرد و تن ره مِردال بَوینی
#وِنه خنده ی جا سو کِرده تی دل
#وِنه غرصه ی جا تو کِرده تی دل
#دل نداشتی وطن ره لو بَزِنِن
#وِره بَیرِن تِره سر کو بَزِنِن
#گِتی بورِم مه جانِ مار نا نَنه
#تینار بَوّه می جانِ یار نا نَنه
#گِتی که جان و مال فدای رهبر
#مِنا می سر تا بال فدای رهبر
#نِخواسی دشمن هی رَجِز بَخونده
#ایرونی ره ناپاک و دِز بَخونده
#نِخواسی ایرونیه دل غم دَوه
#اتا می خال تی رهبرِ کم بَوه
#بوردی آ من غِرصه ی بار بَهیمه
#دخیل وَنِ سقانفار بَهیمه
#مِره گِمون نَنه لله چی بورده
#همونتا که بی یِه همه چی بورده
#لله دیگه مِره سِما نیارنه
#خِشی مِه وِسّه رونِما نیارنه
#ته موسائی معجز نِما ته نومه
#هنتا مله صحبتِ ته پیغومه
#همه جاره اِشِمبه ته نِشونه
#هنتا ته خون بِنه ی سر دَشونه
#ته بوردی آ مهمونِ بی سر بَعی
#هم نشینِ ساقیه کوثر بَعی
#ته بوردی آ رفقِ اِفتاب بَعی
#خدای دَم زنون ره سر صاب بَعی
#اِسا بونه مه بالِ ماس بَواشی
#صراطِ سر رفقِ خاص بَواشی
#اون روزی که خدای سِرپیش شومه
#لرزنه مه لینگ و پس و پیش شومه
#وِنه مره شفیعِ محشر بَوی
#اونجه مِره وِنه تاجِ سر بَوی
#هادی_اکبری_وسطی_کلایی ****
98/3/14
https://eitaa.com/hadi9655
#غزل_مازرونی
#درد_عشق
#اثری_از_هادی_اکبری_وسطی کلایی
**********************
#مِه تن مثقال به مثقال درد عشقه
#لینگِ پِشت تا دوشِ بال درد عشقه
#دِتا چش کور بَهیه اَصریه جا
#سَرِ می بَهیه زال درد عشقه
#دِلِ خَوِر نَعو که مِفتِلائه
#اَتّا گوشه بَیّه چال درد عشقه
#کِمین دِلوَر کمر دِلّا ره خوانه
#اینتری بَهیه دال درد عشقه
#لینگِ پِه شِل بَهیه لَس نِدائی
#تَتِنه تِنه دِمبال درد عشقه
#دیگه مِره اَعید آرزو بَیّه
#مِه وَر نِموئه نو سال درد عشقه
#مه خونِش یور شی یِه هفتا مله ره
#خفه بَهیما مِردال درد عشقه
#شه داشتی و نِداشتی ره هِدامه
#بَروتمه مال و تال درد عشقه
#پلنگ بی مِه ته باغِ وَر دَهیمه
#اِسا بَیمه پیرِ شال درد عشقه
#ته گِتی ته مه سِر پیشِ اِناری
#چه مِره بَچی کال کال درد عشقه
#تِره شِه ساقِ سر خو کِردمه یار
#کوئه اون خِجیره حال درد عشقه
#هادی_اکبری_وسطی_کلایی ****
98/5/18
https://eitaa.com/hadi9655
#نازنین
#سیو سیو چش دارنی نازنین
#آهویِ مِجِش دارنی نازنین
#چه هارِش هارِش دارنی نازنین
#اتا کشه خِش دارنی نازنین
#مِره با چه چی وَنگ هادِم تِره
#خوار خواره چی وَنگ هادِم تِره
#بَووشِم چَرچی وَنگ هادِم تِره
#چه نومه خوبِش دارنی نازنین
#جاده ی هراز مونّه ته گیسه
#نصفِ شوی راز مونّه ته گیسه
#طَیّار نماز مونّه ته گیسه
#کمونِ آرش دارنی نازنین
#خِده ماه ته تی هَسّه تِنه دیم
#اِفتابِّ نَدی هَسّه تِنه دیم
#گتِ مارِ می هَسّه تِنه دیم
#ارمونِ می خش دارنی نازنین
#هادی_اکبری_وسطی_کلایی ****
98/7/27
https://eitaa.com/hadi9655
#مثنوی_محیط_زیست
#خوانی تا صِوی سری اِفتاب همرا بواشی
#ویشه ره شاب بزنی جنگل ور جا بواشی
#خوانی تا شه دل وِس هِمِندی ره دور هاکنی
#هرچی غم و غرصه ره شه دلِ جا یور هاکنی
#بوری تا خدای سِرپیش دل له سازه بزنی
#لله ره دس بهیری نوای تازه بزنی
#آسوک آسوک هامجی ماه ره شه دوش سر بِلی
#کشه ره مشت هاکنی اساره ره شه ور بِلی
#بِرو بور مهله ی وَر مهله ته لینگِ رَج خوانه
#ونوشه دَسّه هاکن که دلخواه رَج به رَج خوانه
#مِن شه دومبه که تی دل می دلِ واری بَهیه
#تنگِ نِسّوم و خِریم تا اون دیاری بَهیه
#چَنده خواره هر گِذِر شِه وِسّه نونِوار بوئه
#لینگِ رَجِّ وِجِنی ککی ماری دیار بوئه
#مِره هوله که مَله قدیمه مَهله سر نَوِه
#لَچِری روش بَکِشه بی یِه تا نالِ سر دَوِه
#نَکِنه دارِ گِلامّه دارِ سر کِرم بَزِنه
#کور مِهاز مه دوشِ سر رقص هاکِنه دِم بَزِنه
#کَت کَته دیفارِ پِه شورِک دَوِنده ناگِمون
#چاچه پِه بَندِکِلی اورِک دَوِنده ناگِمون
#نَکِنه مارِ دوآج چَکّه سِما هاکِنه کک
#اَنده گندِ بو دَوِه مَهله نتونی بِلی چَک
#نَکِنه اِفتاب و ماه قهر بَکِنِن مهله ی جا
#دَس دَسی تمیزی ره در بَکِنِن مهله ی جا
#آخدا نی یار می وِسّه هِمِندی لَم بهیره
#پاپلی بمیره و مه دلِ سر غم بهیره
#ته ایی که پیش کَفِنی پِشتِ سَرِ سازه بَزِن
#انگورِ مَلِّ بَهیر بالای در وازه بَزِن
#چَنگِلی بَزن بَکِن شه لینگِ بِنه سگِ واش
#نی یِل تا اَشنیکه گل بی یِه تِره بَواشه باش
#اَتّا کار هاکِن تِره اِسّا کریم هادیه بیست
#بَوّه این مردی بی یِه حافظه شِه محیطِ زیست
#اونگِدِر هَسّه مه اَرمون ته هاکِردی کار بونه
#چِچلا سفر نشونه ته دوشِ برار بونه
#هادی_اکبری_وسطی_کلایی ****
98/8/10
https://eitaa.com/hadi9655
#تقدیم به مردمان سرزمینم #مازندران
#هادی _اکبری_وسطی کلایی****
#اَره مِن عاشقمه
#عاشق ننای اون پیرهَنه لِمبر بی یه تا روش بَکِشه مه دیم سر ره مِره بَوّه وَسّه وَسّه راس بواش مَمرز چِلّه راس بواش تا بَوِری اِفتاب دِل له
#تِه وِنه راس بَواشی ویشه تی وِسّه تا صِوی بَزوئه چوک چوک ته وِنه راس بواشی جنگل شه دوش بهیری بَوِری تا خدای سِرپیش هِنیشی دَم بَزنی افتاب وِر
#اَره مِن عاشقمه
#عاشق بِبای اون لینگ تِراک وقتی که وِلیه اون دَروِنه کوبِّ پعییز گلام سر راه شی یه انگار وِنه خِش خِش ایمو مِه گوش
#اَتّا خِش هم مه دِیمه سَر مِره گِته وَسّه وَسّه راس بواش ببای مِزیر ته وِنه راس بواشی هِمِند تی وِسّه بیقراره ویشه ره دَم کَفِنه وقتی وِره صِوی سَری لو گیرنی شونی وَسّه وَسّه راس بواش دوشه بال قِد
#اَره مِن عاشقمه
#عاشق اونتی خومه نا که شِه خِدّه خو بزنم که مه مازرون بَیرِن مّه بتیم نون بَیرِن مه خزر ره اوره بَیرِن لَس لَسِک بی یِن ننای سر چارقَد وِنه پیرهن وِنه اون درون کوبِ بِک و بو ره مه جا بَیرِن
#مازرون مه لیلی و من وِنه مجنون وِنه قِروون وِنه اون تیم تیم وارش اِرزنه صدتا بهشته
#اَره مِن عاشقمه
#عاشق مِلک و مِلامه عاشق دار گِلام و اغوز و بِچا پِلامه عاشق مازندرون وا و وارش و هوامه
#اره من عاشق او بهشتیمه که دَری چپ چپ اِشنی خوانی وره جندم هاکنی اتا کار نکن تِره هیمه ی جَندِّم هاکِنم
#هادی_اکبری_وسطی_کلایی ****
98/8/25
https://eitaa.com/hadi9655