#مثنوی_تبری
#وارِش
#نَزِن وارِش مه اِقبالِّ او بَیته
#تِه تیم تیم مِه گلی سر ره لو بَیته
#نِرو وَسّه مه تیمجار ره بَوِردی
#عاروس و عاروسِ بار ره بَوِردی
#نزِن وارش تینارمه نَویندی
#مادِرمه ی بِهارمه نَویندی
#می سِفره سَرِ هفت سینّه کورِسّی
#بِبای خالی خِرجینّه کورِسّی
#مه ماره مِکنِاره ره جِرد بدائی
#داهون بَیتی مه یار ره قِرد بِدائی
#نَویندی آقا دار ره او بَوِرده
#مَله ی کدخدا ره خو بَوِرده
#قِرار بی یِه سالِ نوره بَوینِم
#ونوشه ی گِلِ رو ره بَوینِم
#بَعو اِسّا کریم تی دَمّه بَیره
#شِه چَمِ جا بی یِه تی چَمّه بَیره
#نزن وارش ایرونه حال خِرابه
#وِنه زخم دِوا نا ته شِلابه
#هادی_اکبری_وسطی_کلایی ****
98/1/6
https://eitaa.com/hadi9655
#تقدیم به روح شهید شاخص سال 98 روستای وسطی کلای قائم شهر شهید#موسی سعیدی
*****************
#مثنوی::ماهه همسایه
#شاعر::#هادی _اکبری_وسطی کلایی****
#تِره وا و لله وا اِشناسِنه
#تِره طالب و نجما اِشناسِنه
#تِره ماه و ستاره اِشناسِنه
#هر کی دل دارنه پاره اِشناسِنه
#ته خواسّی اِفتابِ سایه بَواشی
#ته خواسّی ماهه هِمسایه بَواشی
#ته خواسّی دِلِ اَرمونّه بَوینی
#لیلی بَوّی شه مجنونّه بَوینی
#تی دل پاک و بی کینه بی یِه دومبه
#زلال بی یِه آئینه بی یِه دومبه
#ندیمه پر هادی ته پاپلی ره
#خواسّی بَیری مه راه سَره تَلی ره
#دل نداشتی وطن ره لال بَوینی
#دیمه زرد و تن ره مِردال بَوینی
#وِنه خنده ی جا سو کِرده تی دل
#وِنه غرصه ی جا تو کِرده تی دل
#دل نداشتی وطن ره لو بَزِنِن
#وِره بَیرِن تِره سر کو بَزِنِن
#گِتی بورِم مه جانِ مار نا نَنه
#تینار بَوّه می جانِ یار نا نَنه
#گِتی که جان و مال فدای رهبر
#مِنا می سر تا بال فدای رهبر
#نِخواسی دشمن هی رَجِز بَخونده
#ایرونی ره ناپاک و دِز بَخونده
#نِخواسی ایرونیه دل غم دَوه
#اتا می خال تی رهبرِ کم بَوه
#بوردی آ من غِرصه ی بار بَهیمه
#دخیل وَنِ سقانفار بَهیمه
#مِره گِمون نَنه لله چی بورده
#همونتا که بی یِه همه چی بورده
#لله دیگه مِره سِما نیارنه
#خِشی مِه وِسّه رونِما نیارنه
#ته موسائی معجز نِما ته نومه
#هنتا مله صحبتِ ته پیغومه
#همه جاره اِشِمبه ته نِشونه
#هنتا ته خون بِنه ی سر دَشونه
#ته بوردی آ مهمونِ بی سر بَعی
#هم نشینِ ساقیه کوثر بَعی
#ته بوردی آ رفقِ اِفتاب بَعی
#خدای دَم زنون ره سر صاب بَعی
#اِسا بونه مه بالِ ماس بَواشی
#صراطِ سر رفقِ خاص بَواشی
#اون روزی که خدای سِرپیش شومه
#لرزنه مه لینگ و پس و پیش شومه
#وِنه مره شفیعِ محشر بَوی
#اونجه مِره وِنه تاجِ سر بَوی
#هادی_اکبری_وسطی_کلایی ****
98/3/14
https://eitaa.com/hadi9655