#عیدی ماه اِنه و دل سوزه اِنه #مره یاد ته اون سر روضه اِنه #ته داغه جا مه تن آجیش کَفِنه #یاد سیاه دپوشی نومزه اِنه #هنتا تی جانماز لائه مه دَروِن #یاد ته نماز و ته روزه اِنه #تره ویمبه دری مه نال بِنِ سر #تا اون روپاپلی هر روزه اِنه #هادی_اکبری_وسطی_کلایی **** 98/4/27 https://eitaa.com/hadi9655

#پارسالِ روز که امه میون دَعی #اصری به چش از داغ جِوون دَعی #امسال جم تی جا خالیه دوندی #مه دل اِتی حال به حالیه دوندی #مره گتی گل بهار بمرده #می دس مره می اعتبار بمرده #داغ جوون آخر تره بکوشته #گِتی فلک می لمپاره دَکوشته #خیال راحات بهیه پر بزوئی #راسّه بَعو ریکاره سر بزوئی #پسرِ سّه گلابِ ناب بَوردی؟ #پیغوم که هدائه آفتاب  بَوردی؟ #بَتی که تی نناره قِد دَنیه #دیگه وِره صبر و طاقت دَنیه #فقط نَعو ننای دل کهوئه #روز و شوره ننا بی خِتا خوئه #بائو گهره ره هنتا ننا تو دِنه #هنتا خنه تِنه بِکا بو دِنه #هادی_اکبری_وسطی_کلایی **** 98/4/28 https://eitaa.com/hadi9655

پسر دارمه گلِ ونوشه هَسه بَرِسّی گندمِ سر خوشه هَسه هر کِجه دَواشه آخر عاقبِت وِنه مِنزل مه دلِ گوشه هَسه #هادی_اکبری_وسطی_کلایی **** 98/5/3 https://eitaa.com/hadi9655

#غزل چتی دنیا مره محکوم هاکرده ته بَدینِ جا مغموم هاکرده دونِسّه که ته مه خِرد و خِراکی وِشنای اَتا لاقمه شوم هاکرده تره ویندِسّمه جان کَته می تن هِرِسّایی لینگِ سر توم هاکرده اِسا بی ته نَوینده مه دِتا چش مِره مه محله دِله گم هاکرده قسم خِردِنه مردم مه نومِ سَر خارِک بَیته مره بدنوم هاکرده نتومبه بیارم تی نومّه شی تک دِرِسّی وِره لاک و موم هاکرده نا هردِ دِنیا ره دارمه نا تره نا زنگی نا رومیِ روم هاکرده الهی تش هایره می زندگانی به جرم خاهونی محکوم هاکرده #هادی_اکبری_وسطی_کلایی **** 98/5/11 https://eitaa.com/hadi9655

#غزل_مازرونی #درد_عشق #اثری_از_هادی_اکبری_وسطی کلایی ********************** #مِه تن مثقال به مثقال درد عشقه #لینگِ پِشت تا دوشِ بال درد عشقه #دِتا چش کور بَهیه اَصریه جا #سَرِ می بَهیه زال درد عشقه #دِلِ خَوِر نَعو که مِفتِلائه #اَتّا گوشه بَیّه چال درد عشقه #کِمین دِلوَر کمر دِلّا ره خوانه #اینتری بَهیه دال درد عشقه #لینگِ پِه شِل بَهیه لَس نِدائی #تَتِنه تِنه دِمبال درد عشقه #دیگه مِره اَعید آرزو بَیّه #مِه وَر نِموئه نو سال درد عشقه #مه خونِش یور شی یِه هفتا مله ره #خفه بَهیما مِردال درد عشقه #شه داشتی و نِداشتی ره هِدامه #بَروتمه مال و تال درد عشقه #پلنگ بی مِه ته باغِ وَر دَهیمه #اِسا بَیمه پیرِ شال درد عشقه #ته گِتی ته مه سِر پیشِ اِناری #چه مِره بَچی کال کال درد عشقه #تِره شِه ساقِ سر خو کِردمه یار #کوئه اون خِجیره حال درد عشقه #هادی_اکبری_وسطی_کلایی **** 98/5/18 https://eitaa.com/hadi9655

تی دَسِّ دونه پاچ دِلِّ تِکون دا چِکِلِ لِمبِرِ گِلِّ تِکون دا چِپاره که پاتی مِره گِمونه ورسک آهنی پِلِّ تِکون دا #هادی_اکبری_وسطی_کلایی **** 98/5/23 https://eitaa.com/hadi9655

که بعدِ من علی یارِ شِمائه همه چی و کس و کارِ شِمائه اگر غرصه شمه دلِّ هِپاجه علی مونس و غمخوارِ شِمائه #هادی_اکبری_وسطی_کلایی **** 98/5/28 https://eitaa.com/hadi9655

#یک روز به یاد ماندنی در میان شاعران تبری سرای استان روستای شپ کلای ساری به میزبانی دبیر قاسمعلی یعقوبی 98/6/4 https://eitaa.com/hadi9655

ته بوردی چِشِ باخِتِن بَمرده مه دِتا لینگِ هامِتِن بَمرده قلم چال بهیه مه دفتر ور گِمون کِمبه می شعر باتِن بَمرده #هادی_اکبری_وسطی_کلایی **** 98/7/18 https://eitaa.com/hadi9655

بِسونِ نم نمِ وارش بِسون خونِشِ گالش بِسونِ لله ی نالش هوای عاشقی دارمه هوای عاشقی دارمه به دل عشقِ ته تی دارمه ذوقِ تی تاپلی دارمه که بونه بَوینِم یار ره که بونه بَوینِم یار ره شه نازنین شه دلدار ره همون شِل دینه شلوار ره خدایا ای خداوندا خدایا ای خداوندا مه یارِ غم مِره بَندا وِنه بوردِن مِره زَندا اگه امشو تینار بَوِّم اگه امشو تینار بَوِّم بی نازنین بی یار بَوِّم به داغش داغدار بَوِّم می جانِّ بَی می جانِّ بَی #هادی_اکبری_وسطی_کلایی **** 98/7/22 https://eitaa.com/hadi9655

تره شه دوشِ سر دارمه خیاله بال و پر دارمه دیگر نَمبه شونی نِنی مه ور دری خَور دارمه مگر تومبه بی ته دَوِّم اَتی شومبی مله گِردِش میونه  نم نمه وارش شونه کَشِمبه ته می ره دِلِ وِس تره دِمبه خِش مگر تومبه بی ته دَوِّم #هادی_اکبری_وسطی_کلایی **** 98/7/18 ✅کانال وسطی کلای قائمشهر @vostakola_Ghaemshar

#نازنین #سیو سیو چش دارنی نازنین #آهویِ مِجِش دارنی نازنین #چه هارِش هارِش دارنی نازنین #اتا کشه خِش دارنی نازنین #مِره با چه چی وَنگ هادِم تِره #خوار خواره چی وَنگ هادِم تِره #بَووشِم چَرچی وَنگ هادِم تِره #چه نومه خوبِش دارنی نازنین #جاده ی هراز مونّه ته گیسه #نصفِ شوی راز مونّه ته گیسه #طَیّار نماز مونّه ته گیسه #کمونِ آرش دارنی نازنین #خِده ماه ته تی هَسّه تِنه دیم #اِفتابِّ نَدی هَسّه تِنه دیم #گتِ مارِ می هَسّه تِنه دیم #ارمونِ می خش دارنی نازنین #هادی_اکبری_وسطی_کلایی **** 98/7/27 https://eitaa.com/hadi9655