شهادت امام سجاد علیه السلام مانند ابر پیش یتیمان گریسته مردی که پای غصه ی جانان گریسته هر لحظه زندگی خودش را حسین دید با این حساب از دل و از جان گریسته از داغ و غصه های اسارت درون شام با حال زار و موی پریشان گریسته قطعا به یاد نیزه ی غربت میان دشت او یا حسین گفته فراوان گریسته در تشت چوب بود وحروف مقطعه عمری برای قاری قرآن گریسته شاید برای دختر دردانه ی حسین وقتی که دید خار مغیلان گریسته قطعا درون زندگی اش سود می کند هرکس که پای عشق تو از جان گریسته یعقوب چشم خویش برای حسین داد کی او برای یوسف کنعان گریسته ✍منکلام: استادحاج علی اصغر یزدی ‍‍ 🔴کانال رسمی عاشقان حضرت زینب«س» https://eitaa.com/hazratehzeynab

خطبه امام سجاد علیه السلام در مسجد شام بو شام ذکرینه هر ذکر ایدن قیام ایلدی ولایت اهلینه نصف النهاری شام ایلدی حسینه هر نه بلا گلدی اولمیوبدی تمام گیدوب مصیبتینی شامیده تمام ایلدی جناب سید سجادی مسجده گتوروب اوزین بو بارده رسوای خاص و عام ایلدی چکیلدی جار گلوب مسجده یزید پلید توکولدی مسجده شام اهلی ازدحام ایلدی خطیب منبره چیخدی ایدوبدی حمد و ثنا دالینجا حضرت پیغمبره سلام ایلدی مزخرفات سوزیندن دیوبدی شیخینین مزخرفاتیله خلقی سماعه رام ایلدی امام سالدی خطیبه نفس دیلی دوتولوب او بیحیانی حسین اوغلی شین و لام ایلدی گلوبدی نالیه الله شیرینین شیری آلیشدی قلبی دوتوب اود قیزیشدی زنجیری خطاب ایدوبدی خطیب لعینه ایله حیا سنون مصاحبیوه بیله ناسزادی روا حیانی ترک ایلدون یوخدی هیچ حیا سنده بو ناسزالر اولور آل سخره زیبنده یزیده دوندی خطاب ایتدی حضرت سجاد واریمدی اذن دوروم خطبه ایلیوم انشاد یزید اولمادی امر امام عصره رضا ایدوبدی واهمه منبرده ایلسون رسوا دوروب مشایخ شام ایتدیلر هامی اصرار اجازه ویر بونا بیر جواندی اوزی بیمار یزید غیظیله شام اهلینه قیلوبدی نگاه ویروبدی سید سجاده اذن خواه نخواه امام عرشه منبرده چیخدی دوتدی قرار نجه که عرشیده احمد اولوب براقه سوار آچوبدی حمد خداونده دل لسان الله پیمبر آدی گلنده چکوبدی دلدن آه هامی مشایخ شام اختیار ایدوبله سکوت گوروندی عالم لاهوتیده او دم جبروت بویوردی کیم تانور هرکس ایشیدوری سوزیمی او کیمسه که تانیمونلار نشان ویریم اوزیمی منی گورنده دیورسوزگلوبدی شامه اسیر نجه اسیر اولی تأویل آیه تطهیر بو ماسوایه بو گون مالک الرقابم من سواد سوره حم والکتابم من نه نا سزادی دیورسن او شاهه ای کافر اونون حسامئیله پایه لندی بو منبر او ذوالفقاره طرف هر کس ایلینده نگاه دیردی اشهد ان لا الاه الاالله او ذوالفقار خراطیمِ کفردن ووردی یخوبدی لات و مناتی توکوبدی سیندوردی منیم بابامدی اولوبدور ولی امر الله دیموبدی شرک اولوب ناصرا لِدین الله منم او کیمسنون اوغلی چکوب ملائکه صف گیدنمدی او مقامه عروج ایدوب رفرف منم او کیمسنون اوغلی که اسم اعظمدور صفا و مروه و کعبه منا و زمزم دور منم او کیمسه نزول ایتدی هل اتی بیزده او تا نموسوز که یو خوزدور بو گون حیا سیزده منیم او جد کباریم دگول رسول خدا گلوب جلا لتینه قاب قوس او ادنی منم او کیمسه نون اوغلی ویروبدی نوحه نجات تاپار نجات اونا هر کیمسه گوندره صلوات رسول خاطرینه بیر زمان دوتون آرام خبر ویروم سیزه مطلب ندور مشایخ شام او مصطفی که براق استه عرشی سیر ایتدی یخیلدی مسجدی منزل عیالی دیر ایتدی او مصطفی قیزینین بس دگل قیزی زینب باخاردی حالینه آغلاردی عیسوی مذهب او مصطفی اوزی مدح ایلمزدی زهرانی بویور مازیدی اونا من اذا ها آذانی حسین دگلدی اونون اوغلی اوز حضورینده قویوبلا باشینی مطبخده کول تنورینده حسین سرور دل حضرت بتول دگل همان بتول مگر بضعه رسول دگل قسم کلام مجیده بیز اهل قرآنوخ بیزی فرنگی حساب ایتمیون مسلمانوخ قاریشدی خلق دوتوب اهل مسجدی غوغا بلند اولوب گوگه بانگ صدای واویلا او گیر داریده بیر پیر مرد ایاقه دوروب باخوب امامه اودم شدتیله باشه ووروب دونوب دیدی سیزه شام اهلی ننگ و عار اولسون پیمبرین نجه قویدوز عیالی خوار اولسون همان جوان دگی سالدوز یهودی کوچه سینه؟ یهودیلر یغوشوب اود توکوب عمامه سینه همان جوان دگی بو ای جماعت بی ننگ گلنده شامه دیردوز گلور اسیر فرنگ یزیدی واهمیه سالدی چوخ بو شور و فغان دوتوب موذنه یوز حکم ایدوب دیولسون اذان موذن ایلدی الله اکبره اقدام دیوب کبیر کبیرا امامین اوغلی امام دینده اشهد ان لا اله الا الله امام کلمه لفظ جلاله ویردی گواه گلنده اسم محمد دوروب بو یوردی امام رسول خاطرینه بیر دقیقه دوت آرام خطاب ایدوبدی یزیده نه ناله ساز ایلدون پیمبرین آدینی زینت نماز ایلدون او احمدی که موذن دیور آدین کیمدور سنون باباندی منیم یا جهاندا جدیمدور دیسن بابامدی منیم راه حقی کج گیدوسن منیم بابامدی ندن عترتین اسیر ایدوسن یزید اگر اولا حاضر او سید کونین ندورجواب خبر آلسا نیلمیشدی حسین بو ظلمی ها نسی مسلمان ایدوبدی ترسایه عیالینی نجه سیز یولادوز کلیسایه توجه ایله گلن #واقف دل افکاره اوزین دخیل سالوبدور امام بیماره ✍منکلام:مرحوم استاد واقف سرابی 🔴کانال رسمی عاشقان حضرت زینب«س» https://eitaa.com/hazratehzeynab

شهادت حضرت امام سجاد علیه السلام کثرت غمدن اولوب ماتمسرا عالم بوگون سید سجـاده زهرا ساخلیوب ماتم بوگون کوفه و شامی دولاندی بو وطن آواره‌سی اولمادی بیر دردینون امّا اولونجه چاره‌سی کربلا زنجیرینون بوینونـدا قالدی یاره‌سی حقّـی وار آغـلار او حالـه دیـدۀ عالم بوگون سیل اشگین صفحه رخساره دائم باغلادی سینه‌سیـن آه شـرر باریله یاندی داغلادی جان ویرنجه اوز آتاسین یاده سالدی آغلادی هر گوزه باخسان عزاسینده اولار پُر غم بوگون عمرینـی آغــلار گوزیلــه ایلـدی آخر تمام میل ایدوب نه بیر سرین سو نه دویونجه بیرطعام هاردا سو گورسیدی سویلردی سوسوز اُلدی بابام قلبیمی داغلار منیم بو محنت اعظم بوگون هر اسیرین باغلی ال هر چند قلبین داغلادی باخدی هر کیم قید و بند ظلمه یاندی آغلادی ناقـه‌ده امّـا بونـون دشمن ایاقین باغلادی بو مصیبت آرتـرور اهـل ولایـه غم بوگون اهل کوفه چکدی زنجیره تن تبداریله ایتدیلر بیمـاره حرمت زحمت و آزاریله کوفـه‌ده زندانه گتدی عترت اطهاریله اشگیله سالام او زخمین سوزینه مرهم بوگون آشنالـر یانــدی بــزم عامـده بیگانـه‌دن قتلینـه اقــدام اولانــدا زادۀ مرجــانه‌دن اولدی بیر سوزش نچه جاندان گچن پروانه‌دن زینبـون حالـی ایدر احوالیمی برهم بوگون اهل شامیـن قالموشام حیرتده ظلم فاشینه باخمیوبلر اول شهین گوزدن آخان گوز یاشینه توکدولـر گـه اودلی نی‌لر گاه تپراق باشینه بوجنایت فکری قالمور بیرکسه مبهم بوگون رسمـدور زنجیـر دائـم الفـت ایلـر شـریله سلم محض اولموشدی باشینده اولان تقدیریله بـزم شُـربه ایتدیلـر حاضـر غـل زنجیریله پایۀ احکام او حالتدن اولوب محکم بوگون دلـده یـوخ یارا اونون شرح ایلیم هر محنتین چوخ چکوب شامین یولوندا اهل بیتین زحمتین خاصّـه گُل یوزلـی رقیه آلدی دلدن طاقتین حالینی فکر ایلورم حالیم اولور برهم بوگون ویردی جان ویرانه یرده اولمادی دفن ایلین گوشه غربت قـوری یر نه گلن وار نه گیدن اولدی نه غساله نه قبرین قازان نه بیر کفن ایلیوب امّا بنای عشقی مستحکم بوگون بولمـورم نـه طرزیله تنظیمدی برنامه‌سی لوح تقدیره نه یازمیشدی مشیّت خامه‌سی اللـر باغلی باشینـدا اود دوتوب عمامه‌سی حقّـی وار یانسا او حاله عالم و آدم بوگون عشقـده از بس واریـدی قـدرت خلّاقه‌سی ریشه سالمیشدی نهادینده محبّت ساقه‌سی قبرینون اوستونده جان ویردی وفالی ناقه‌سی ناقـۀ فکریــم ایـدر بو غـم اَلنـدن رَم بوگون تک نـه منـدن پنجـۀ آلام آلار صبر و قرار بوردا سسلر وای حسین وای اهل دل بی‌اختیار ذوالجنـاح اوستـن دوشنـده قتلگاهه زخمدار عرض ایدوب یارب وفای عهدیدن شادم بوگون ایستدی چوخ روشن ایتسون اهل عشقه مطلبی خیمگاهـه گلــدی دلــده اَلظُّلیمــه مرکبی زلـف تـک آشفتـه حال ایتدی وفالی زینبی سرّی وار زینب آدیله غم اولوب مدغم بوگون چون او مرکب راکبیندن تاپدی شرمنده اوزین قیزلارین حالین گوروب اشگیله دولدوردی گوزین کاکلیندن اوپدی بیر قیز بیر بالا اوپدی یوزین خلـدده یـانمـاز نجـه پیغمبـر اکـرم بوگون ذوالجناحین تا سسین آلـدی حریـم اشگبار بولماقـا حالیـن سکینـه خیمدن اولدی کنار گوردی بی‌صاحبدی یال و کاکلیندن قان آخار صاحب عصرین اوقان ایلر سرشگین یَم بوگون سسلدی گل عمه بو آت گورنجه حسرت باخور قلب دنیانـی شـرار آهـی بیـر اود تک باخور حالی چوخ پوزقوندی گوزدن اشگی دریا تک آخور رشگ ایدر بو اشگِ چشمه چشمۀ زمزم بوگون بیـر نچـه مـدّت قاباق ای سرور عالی تبار یازموشام بو نوحه‌نی افسرده حال و اشگبار ایمدی دوز بیر نیم قرن اولدی الیمده خامه وار مـن فقیـرم لطفـوه نـه سائـل درهـم بوگون ✍منکلام:مرحوم استادحاج حیدر شبگرد متخلص به خوندل تبریزی ‍ 🔴کانال رسمی عاشقان حضرت زینب«س» https://eitaa.com/hazratehzeynab

💢مجموعه مداحی های صوتی 💢از ذاکرین اهل بیت علیه السلام 🔳ویژه روز دوازدهم محرم 🔳 شهادت امام سجاد علیه السلام 🔴کانال رسمی عاشقان حضرت زینب«س» https://t.me/khazratehzeynab

🍁شهادت امام سجاد علیه‌السلام 🍁سیره حضرت امام زین العابدین علیه السلام 🎤سخنرانی بسیار دلنشین حجت الاسلام مومنی ‍ 🔴کانال رسمی عاشقان حضرت زینب«س» https://eitaa.com/hazratehzeynab

🍁خطبه امام سجاد علیه‌السلام 🎤نوای دلنشین سلطان الذاکرین استاد حاج سلیم موذن زاده اردبیلی ‍ 🔴کانال رسمی عاشقان حضرت زینب«س» https://eitaa.com/hazratehzeynab

🎤نوای دلنشین سلطان الذاکرین مرحوم استادحاج سلیم موذن زاده اردبیلی 🍁خطبه خوانی امام سجاد علیه السلام ‍ 🔴کانال رسمی عاشقان حضرت زینب«س» https://eitaa.com/hazratehzeynab

🍁شهادت امام سجاد علیه‌السلام 🎤نوای دلنشین حاج حجت پروین پر ‍ 🔴کانال رسمی عاشقان حضرت زینب«س» https://eitaa.com/hazratehzeynab

🍁شهادت امام سجاد علیه‌السلام 🍁خطبه امام سجاد علیه‌السلام 🍁ریشه نوگل اسلامه وروب تیشه یزید 🎤نوای دلنشین زینت الذاکرین استاد حاج محمدباقر تمدن ‍ 🔴کانال رسمی عاشقان حضرت زینب«س» https://eitaa.com/hazratehzeynab

🍁خطبه امام سجاد علیه‌السلام 🎤نوای دلنشین زینت الذاکرین استاد حاج محمد باقر تمدنی اردبیلی ‍ 🔴کانال رسمی عاشقان حضرت زینب«س» https://eitaa.com/hazratehzeynab

🍁شهادت امام سجاد علیه‌السلام 🍁تو این آتیش تاب و تب ای خدا 🍁چه خوبه باشه تشنه لب ای خدا 🎤نوای دلنشین حاج جواد مقدم 🍁بسیار دلنشین ‍ 🔴کانال رسمی عاشقان حضرت زینب«س» https://eitaa.com/hazratehzeynab

🎤نوای دلنشین نور الذاکرین استادحاج محمد باقر منصوری 🍁در مسجد کبود محله اوچدکان 🍁 شب شهادت امام سجاد علیه‌السلام ‍ 🔴کانال رسمی عاشقان حضرت زینب«س» https://eitaa.com/hazratehzeynab