مدح حضرت زهرا سلام الله علیها توکمه عذاره گوز یاشون ای شاه لافتا گوزدن آخان او گوز یاشیوا فاطمه فدا قربان اولوم اورکده غم بی حسابیوه نِی تک نوایه گلمه بیله، اِیلمه نوا قران تلاوت اِیله او لَحن حجازیله جانیم یتوب دوداقیمه ای میر مقتدا فکریم بودور که جانیمی جانانه تاپشیرام مدتدی که بو فعله مدام اِیلَرم دعا یِتدی دعام اِجابته درگاه حَقّیده روحیم قوشی عم اوغلی اولور جسمیدن جدا بیر آز زمان بو ایوده سَنون میهمانیوم حَقدن یِتوبدی فاطمیه اِرجِعی ندا آل باشیمی دیز اوستونه بیر خلوت ایلیاخ ای کشتی محبته عالمده ناخدا دوشمز اَله دوباره بو خلوت عم اوغلی جان بو خلوته گرکدی ویره فاطمه بها گَل نطقه بیر دانش منیله ای شه اَنام مَندن اورکده درد و غمون اِیلمه خفا بیر عالمین غمین یئمیسن روزگار یده هیهات، اهل دل غم اَلیندن اولا رها غمدن دئمه خلاص اِیلدی فاطمه اوزون دلدن سالوبدی فاطمه نی کاری بیر یارا قان آغلیوبدی سینه ده مسمار یاره سی هر دم که سَس چَکوب دئمیشم وا مصیبتا بو چَکدیقیم نَفسده داحی اینجیدیر منی جانیم یتوب دوداقیمه ای معدن سخا محسن نه یاخشی آچمادی دنیایه گوزلرین بولدی ممات شربتینی دردینه دوا قالسیدی گر قوجاقیمه گَلمزدی یا علی گورسِیدی سیندروب قولومی قنفذ دغا بیر رسمیدور آنا بالاسین باغرینا باسار عطرین آلار وگرنه اذیت چَکر آنا نیسکیلری گیدردی منیله مزاریمه اولدی مقدراته عجب وقتیده قضّا مدتدی که دورانمورام حتی ایاقیوه سینَم یاراسی جسمیده قویموب قالا قوا دیواره تکیه اِیلیورم یول گیدن زمان بس که سقیفه اهلی منه اِیلیوب جفا هر کیم گورور اینانموری دخت پیمبرم بیر حاله سالدیلار که، قالوب جسمیدن نما القصه که یِتیشدی منیم عمرومی باشا گوزدن او گوز یاشون کیمی زهرانی سال شَها پِی دَر دئمه علینی گَل آغلاتما فاطمه بو دودمانی اِیلمه دنیاده غم سرا توکمه عذاره گوز یاشون ابر بهار تک گوزلور بو دم منیم یولومی ختم الانبیا ایندی بوسن بو فاطمه نین دورت امانتی تاپشیردی فاطمه سنه ای فخر اولیا بیرده عنایت ایله اوزون غسل ویر منه اِیتمه بو قانلی کوینکیمی جسمیدن جدا ویردون که غسلومی گیجه تاپشیر مزاریمه درک اِیلیوم مزاری ایشخلانمامیش هوا خوشلامیرام گَلوب چَکَلر صف نمازیمه اول کَسلری که ظلمی منه بولدولر روا دفن اِیت منی گیجیله قائیت دودمانیوه درگاه با جلالتیوه چَک گیلن قرا یاز بیر غریبه دور اَل اوزوبدور حیاتیدن ساخلامیشوخ بو ایوده او مظلومیه عزا هیچ کیم یقین عزایه گلوب شرکت اِیلمز لازم دَگور او اوزگه سی ماتمده مطلقا بو دورت بالام کفایت اِیدر آغلاسا منه سَنده بالالاریملا عم اوغلی اول هم صدا آغلار گوزیله نظمه چکوب غم سوزون #عتیق بو نیتیله سَندن آلا دردینه دوا لطف اِیت بالاسینون سن اوزون ویر شفاسینی آغلار قالار وگر نه ایکی نازنین بالا ✍منکلام:استادحاج داود طهمورثی تبریزی متخلص به عتیق 🔴کانال رسمی عاشقان حضرت زینب«س» https://eitaa.com/hazratehzeynab

مدح حضرت فاطمه زهرا سلام الله علیها گوزل آدی درده دوا فاطمه دوا آختاران سسله یافاطمه گوزل آدینی سسله سن عشقیله آچار هر نه دردین اولا فاطمه ولایت باغیندان آچان شهپرین سپهر شرفده هما فاطمه خم زلفی بَدرُالدّجی شرحیدور گوزل وجهی شمس الضحی فاطمه ولا بزمینه ساقی عشقیدور ایچن سسلنر مرحبا فاطمه ازل گون آلوب مرتضی گویلونی او گوندن دیئرمرتضی فاطمه ائدوب حق عطا شانینه کوثری اولوب مظهرهل اتی فاطمه وفا کنزینه گوهر نابیدور نه گوهر کی تاج بقا فاطمه قیامت گونونده شفاعت ائدر اولا کیمسه دن گررضا فاطمه اگر واردی دردین#مصیب سنون ئورکدن دی ادرکنی یا فاطمه ✍منکلام:استادحاج محمد علی مصیبی تبریزی 🔴کانال رسمی عاشقان حضرت زینب«س» https://eitaa.com/hazratehzeynab

مدح حضرت زهرا سلام الله علیها قویاندا فاطمه نی قبره حیدر کرار نه گوردی ظاهر اولوب دست احمد مختار کرملی اَللره حسرتله تا اِیدوبدی نگاه اورکلَنوب اوجادان چَکدی ناله جانکاه سرشکینی اَلدی عارضه چو ابر بهار کمال حُزنیله سَسلندی یا رسول الله منه جهاندا سَنون چوخ یتوبدی احسانون دوباره اِیلدون احسان، ای ملک درگاه یتر خلایقه تا روز حشر احسانون جزاده ده ویرَسن خلق عالمینه پناه غریبه دمده علینون هراینه یِتدون فدا اولوم سنه ای سِرّ خلقیدن آگاه بو سن بو فاطمه آهسته آل امانتیوی بویادی قانینه ظلمیله فرقه گمراه وصیتون اَلیمی باغلامیشدی یا مولا وگرنه قانه باتاردی او فاعلین گناه ویرنده غسلونی الله بولور نه چَکدیم من یانوردی جان و دیلیم دم به دم چَکیردیم آه گورنده نیلی عذارین فغانه گلدیم تا حسن نوایه گَلوب سَسلدی معاذ الله سوال اِیتدیم حَسندن نَدور قضیّه اوغول دیدی جسارته اَل آچدی ثانی خود خواه ویراندا سیلی آنام سَسلدی یوزوم یاندی دِدیم ئولونجه منیم روزگاریم اولدی سیاه بو فعلی فاطمه مندن ولی نهان اِیلدی یوزون دوتاردی منه دائماً بو علیا جاه گیدوب گلوب سورشاردیم مدام احوالین دیردی غم یئمه زهرا غمینده سن ای شاه پیمبر امتین حَقّ چَکدی امتحانه اوزی مقدراته قضا اولدی یا ولی الله اراده اِیلسه هر فعله خالق منان اوزون که واقف اسراریسن تاپلماز راه سنه بو ایوده که من نچّه لحظه مهمانم سوال اِیلمه دردون نَدور، سَنی الله منیم یتوبدی باشا عمرومی بو دنیاده مسافرم سنه من اولمارام داخی همراه گوزون ایوینده اوزون ساخلا گول بالالاریمی گتیر بالالاریدا قبریم اوستونه گه گاه گیدنده کرب و بلایه یولون بقییعدن سال دوشوری فکریمه پِی دَر او صحنه، خواه نخواه گیداخ او چولده یاناخ آغلیاخ دیاخ ای وای آخاندا ظلمیله توپراقلار اوسته ثار الله او لحظه شور قیامت اولار به پا بولورم قیامتین اوزونه بنزیر او قربانگاه هراینه چاغیرار زینبیم چوخور یرده اوزونی اِیلمیشم من بو سِرّیدن آگاه اوزون که واقف اسرار خلق عالمسن بو سوزلریمده سنه لازمه دگور که گواه اِیله سیزلدیاجاخدور او نی کیمی بالالار اچاندا غارته ال دشت کربلاده سپاه #عتیق اورکده غمیم دوشسه هر کسین دیلینه وجودینی اَریدر شمع تک ایدر چون کاه ✍منکلام:استادحاج داود طهمورثی تبریزی متخلص به عتیق ‍‍ 🔴کانال رسمی عاشقان حضرت زینب«س» https://eitaa.com/hazratehzeynab

مدح حضرت فاطمه زهرا سلام الله علیها قلبیمی غملر آلاندا ذکر یا زهرا دئدیم غم منی درده سالاندا ذکر یا زهرا دئدیم جاده ی عشق و صفاده دشتیمیز فاطمه دی گئدیروخ راه علی سِرشتیمیز فاطمه دی ایکی دنیاده بیزیم بهشتیمیز فاطمه دی من بهشتی خوشلییاندا ذکر یا زهرا دئدیم گلشن عشق و وفانین گولونی دسلَمیشم عشق زهرانی اورکده تا ابد بسلَمیشم دوتولاندا اورگیم یا فاطمه سسلَمیشم فرقی یوخ اولسام هایاندا ذکر یا زهرا دئدیم عالمین جانی بوتون بو خانوما قرباناولوب نوکر درگهیده ابوذر و سلمان اولوب خانومین آدی منیم دردلریمه درمان اولوب آغلیوب گوزوم دولاندا ذکر یا زهرا دئدیم نوکر کوی بتولم ائلیوب خانم عنایت گئتمرم آیری مکانه منه سرمایدی هیئت عرصه یه محشرده حتماً ائلی یَر منه شفاعت چون که من ده هر زمان دا ذکر یا زهرا دئدیم عاشقی اللّه اوزی دلبره خاطر یارادیب دریانی دٌر و صدف و گوهره خاطر یارادیب حضرت فاطمه نی حیدره خاطر یارادیب دئدی حیدر هر مکان دا ذکر یا زهرا دئدیم سویلَدی علی ی حیدر گلمیوب منه برابر منه هئچ حریف اولانماز گله مین قوشون دلاور منم آن شیر خدا و منم آن فاتح خیبر در خیبری ییخاندا ذکر یا زهرا دئدیم من علی المرتضایم ساقی کوثر منم گویلَری سِیر ایلی یَن داماد پیغمبر منم من قاچیرتدیم مرحبی آری همان حیدر منم مر حبی آتدان سالاندا ذکر یا زهرا دئدیم عاشق اوز جانین همیشه یاره قربانی دئیوب آفرین اٌل عاشقه اوز شخص جانانی دئیوب فاطمه ذکرین هر آن قاسم سلیمانی دئیوب سویلَدی قاسم هر آندا ذکر یا زهرا دئدیم اسما نقل ائلیوری گوردی گوزوم شاهدیدیم حیدره سویلماقا چوخدی سوزوم شاهدیدیم سِقط اولاندا محسنی گوردوم اوزوم شاهدیدیم سینه سین مسمار یاراندا ذکر یا زهرا دئدیم طول عمرونده خانم بیر لحظه خوش گون گورمه دی حیف اولآ قدرین اونون اهل مدینه بیلمدی ثانی باعث اولدی که دنیایه محسن گلمَدی قلبیمی سوز یاندیراندا ذکر یا زهرا دئدیم مست عشقم روزو شب وابسته ی میخانه یم بیر کسیم یوخدور منیم سن باخماسان آواره یم شهرتیم#استجلودی چوخداندی که دیوانه یم قلبیمی غملر آلاندا ذکر یا زهرا دئدیم ✍منکلام:کربلایی اکبر استجلو زنجانی 🔴کانال رسمی عاشقان حضرت زینب«س» https://eitaa.com/hazratehzeynab

نوحه زبانحال حضرت علی علیه السلام دگوب سیلی سُولدی صورتون وای جوان ئولن زهرا منی قـوجـاتـدی مُصیبتون وای جوان ئولن زهرا (وای جوان ئولن زهرا وای جوان ئولن زهرا) آز عمر ایدوب چوخ بلا گورن ای وفالی دلـداریم گیدن قـبـره مین ملالیله وای یارالی غمخواریم الـیمـدن گئتدون بئلیم سیندی یوخ منیم هـواداریم منی آغـلار قویدی محنتون وای جوان ئولن زهرا ویرنده غُسلون ئوزیم گوردیم پیکـرونده وار یاره سنه باخديم غصّه دن یاندیم قلبیم اولـدی صدپاره ائلیکی سن آغ کفن گیردون عرشه چکدیلر قـاره یاراشمییدی غملی خلعتون وای جوان ئولن زهرا گیدورسن زهـرا ولی سنسیز زینبیم اورک داغــلار ویرر کـلـثومیـله سس سسه اوخشیار حسن آغلار حسینیم لب تشنه جان ویرسه گوزلرینی کیم باغـــلار منی یاندیردی شـهــادتون وای جوان ئولن زهـرا یئرون بوشدی ائوده زهـرا جان آی کیمی نیه باتدون هله سن چوخ چوخ جوانیدون قبریده نه تیز یاتـدون ئوزون گئتدون غملرون قالدی مرتـضـانی آغلاتدون یادیمـدان چیخماز مَحبَّتون وای جوان ئولن زهـرا غمونده زهـــرا یانور عالم غملیدی فلک لـرده ملالون دنیـانـی آغـلاتدی آغلاشور ملک لرده سنی سسلر مـــاخَلَق یکسر وار یرون اورک لرده منی قـوجـاتـدی مصيبتون وای جوان ئولن زهـرا 🔴کانال رسمی عاشقان حضرت زینب«س» https://eitaa.com/hazratehzeynab