#شاعران_خوانساری شعر زیبای #وصال_خوانساری با موضوع کرونا به گویش خوانساری بَدّی چِطِیر گِردِش دنیا به هم گِنا دِربِسّه کاخ و مِجّت و دِیر و حرم گنا بدّی که دِر تِموم زمین شادی و نشاط یگ را بدَل به حسرت گِردِشت و غم گنا کم خا نَبِه غصه به بَشنِ وِطن که این ویروسه جی به حلق همه غم وِرَم گنا بدّی چطیر ری مُن یگ مِن که اِندیان با گَرتِ بی صدای ِ مریضی چه کم گنا ای اشک مُن بَتُر به وَر و بَشنِ دیمِ من تا بَشنِیو که پشت کرونّا چه خم گنا درد و بلا به مین وطن پشت هم تُرو وارون چهل پِسینو که هی نَم به نَم گنا والله به حلق و نای همه این مریضیَه وُس عید مِردمه بخدا مثل سَم گنا هرکاد بَدی که ویشتَرِژون قارت و قورتِ کِرت ویشتر مریض و خین به دل و گیج و لَم گنا اِمرو اِگ از زمین و زِمون اِدوُزو بلا این سنگ خوم گِنو که به تُنگ خوچَم گنا بدّی که بیخ حلق فقیر و غِنیژ بَگِفت بدّی به جنگ غول ،چه تیری علم گنا دسِّ وصال و دومَنِد ای کالا اِسپیده دنیا پر از قضا و بلا .درد و غم گنا #وصال_خوانساری @Khansaronline