🏴در فراق پدر🏴 ✍شاعر : گربلایی علی عبدی زنجانی #بانوای_حاج_علی_سیفی_افشار 🎼#سبکی_متفاوت_از_سبکهای_قبلی ۱۴۰۳/۸/۳ ای منیم تاج سریم بال و پریم قربان سنه قبریده سن یات بابا بو گوزلریم قربان سنه قبره من سنی قویان وقته آتا چوخ آغلادیم شمعی تک یاندی منیم بو جگریم قربان سنه من نئجه طاقت وئریم بو دهریده هجرانیوه گور نئجه گوزدن آخور اَشکِ تریم قربان سنه حیف اولا قدرین بابا من زنده لیکده بیلمدیم گرچه ئولدین ئولمَقَن یوخ باوریم قربان سنه هر بلا ، مشکلده سن دایاقدین دالیمدا سن حیف اَلیندن اوزولوب بو اَللَریم قربان سنه خاطراتین یادیمه ساللام اورکدن آغلارام سن کیمی یوخ دهریده بیر یاوریم قربان سنه بیر گئجه لطف اِیله سن آتا منیم گل یوخوما وار سنه بو سینده چوخ سوزلریم قربان سنه کاش اولیدی باشیمه تپراق منیم سندن صورا سنله گئچدی دهریده خوش گونلریم قربان سنه