#سلام_بابا_سلام_آسمون_ماه #دلگویه_مازنی_دختر_شهید #شهید_شهادت_دلگویه_مازنی 🇮🇷🌹🇮🇷🌹🇮🇷🌹🇮🇷🌹 سلام بـابـا سلام آسمون مـاه تِـه خَسّـه تـنِ دور بَرسی از راه مسافـر هرکه داره چش براهه ونه دل تنگ و سینه پُـر آهـه خسّه تنِ بلاره مرد جنگی بابا کی بَدیّه به این قشنگی؟ مه دل خوانه تِره هادم نِواجش مه دل که پاره بَیّه مـره هـارش سِیو ریشِ حِنا چَنّه قِشنگه چیکار هاکنم این دل تِسّه تنگه مه سینه تنگ و مه چِش مشت وارش شِه زانو سر تره دِمبه نواجش خوامه بَـوّم که بابای صمیمی نَدُونّی چَنّـه سخت هسه یتیمی تره تا بدیمه دل بَیّه پاره بابا ته خون آشی ریشِ بلاره بابا دونّی مه ور چی تازه بَیّه؟ غم خِرابـه و داغ رُقَــیّه من اینجه چون بِیمه شهیدکیجا همه مهربونی کردنه مِه جا اگرچه سخته ته مصیبت وداغ دیگه اینجه مره نَزُونه شلاق داغ جدایی مه دل ره بَزُو چنگ ته تابوت ره کسی نزوعه باسنگ مه وسّه اینجه دسّه گُل فراوون ولی اونجه رقیه جانِ دل خون نا مه تن کهو بَیّه نـا مه بازو رقیه زیر شلاق دس و پا زو اگر چه بابا جون مه دل کبابه ولی اینجه کجه شام خرابه؟ شهید اگه قراره سر نداره خدا هاکنه وه دتر نداره شب و روز بَیـّه مه کاربرمه زاری مره بکوشته ته چشم انتظاری اِسا که دِترِه شهید بَهیمه پیش رقیه رو سفید بَهیمه بابا جون ای فداییِ ولایت گوارای ته شربت شهادت مه دل تنگه بابا ازاین جدایی بابا یتیمی سخت هسه خدایی بـابــا دیـگه کـجه تره بَوینِم؟ گل ِ بُوسه ته دیم جا بچینم؟ ته که بُوردی مه همدم جان ماره اگــر چــه از غـم ته بیـقراره بــدور ازمـن همیشه برمه کِنّه تـه غـم وغصه ره شه سینه کِنّه. مِه دل از حرف مردم خَله گِیته گِـنّه شِـمه شهـید چَنّـه بَهـیته ؟ ته که بوردی اَما دارمی ولی ره خدا حفظ هاکنه «سید علی» ره من بابا نَدیمه به این صمیمی بَهـیـّه مَــرهم زخــم یتـیـمی بـابـاتـر ازبــابــاهـای نـمونه خـدا دونّــه کــه چَنّه مهربونه دعا کِمّه که به حقِ پیمبر خدا سلامتی هاده به رهبر مِه دردِ دِلّه«مداح» بَخونِسّه انگاری مِه حال و روزه دونِسّه 🇮🇷🌹🇮🇷🌹🇮🇷🌹🇮🇷🌹 #شعر_علی_اکبر_اسفندیار_مداح https://eitaa.com/khatmkhanimajma