‍ زنجیر زنی وسینه زنی ای ساقی دشت بلا یا ابوفاضل آب آور کرب وبلا یا ابوفاضل عباس من عباس من یا ابوفاضل ▪️▪️▪️▪️▪️▪️▪️▪️ افتاده ای روی زمین ساقی عطشان بردست توبوسه زنم پاره قرآن عباس من عباس من یا ابوفاضل ▪️▪️▪️▪️▪️▪️▪️▪️ در موج خون بنشسته با وفا عباس پشت حسین بشکسته ای با وفا عباس عباس من عباس من یا ابوفاضل ▪️▪️▪️▪️▪️▪️▪️ دوست دارم بشم کفتر بومت یا ابوفاضل منو ببر بین الحرمین یا ابوفاضل عباس من عباس من یا ابوفاضل https://eitaa.com/kobradsg

توفیق جاودانه در لشگر حسین است چون حضرت ابوالفضل سرلشگر حسین است از عمق سینه هر کس یک یاحسین بگوید مانند عون و جعفر همسنگر حسین است بر پرچم سیاهش بوسه زند هر آنکس سرباز جان فدا و نام آور حسین است هر کس لباس مشکی در بزم او بپوشد در پادگان عزت او افسر حسین است ای لشگر حسینی ای یاوران زینب نام شما یکایک در دفتر حسین است ارباب تشنه ما ارباب عالمین است امنیت دوعالم زیر پر حسین است برتشنگان جنت از قول ما بگوئید تنها کلید جنت در محضر حسین است جنت بدون مولا سرمایه ای ندارد سیم وطلای جنت خاک در حسین است نور ستاره های آفاق بی کرانه از جلوه نگین انگشتر حسین است دانی چرا که ایران پیروز و سر بلند است این سرزمین غیرت چون کشور حسین است حاج فرهنگ خدایی https://eitaa.com/kobradsg

خلایقدن وجودی محترمدور حسین عشقینده کیم ثابت قدمدور هایاندا اُلسا زائردور حسینه یانان قلیبی او مولایه حرمدور تیکر حسرت گوزون شش گوشه قبره اونی حیران ادن قاره علمدور یوزی نودانیدور روحیه سی شاد اگر چه هر محرم غرق غمدور حسینسیز اعتنا ائتمز جنانه حسینیه اونا باغ ارمدور بو دنیا مالینا اویماز اونا چون حسینون عشقی ثروتدی درمدور دییر هر دم اورک دردین حسینه بیلر چون کی آقاسی ذُلکرمدور تفاوت ایله مز کیمدور گداسی اروپایی عرب یا کی عجمدور حسینه آغلیار سولر همیشه نقدری آغلاسام مولایه کمدور حسینه آغلیاندا سیلسه اشکین اگر دسمالیلن یوزدن ستمدور بو اشک ایلر اودی دوزخده خاموش بونون یانینده اقیانوس نمدور بو بیر گوهردی کی یوخدور نظیری بونون بیر قطره سی دوشسه جزایه شفاعت ایلیر اهل ولایه آخاندا گوزدن ایلر روحی تطهیر دوادور هر گناهه مبتلایه وروب الله اوزی بو جایگاهی حسینون روضه سینده بیر بکایه او مولا چون خدانین ساحتینده عبودیتده چاتدی منتهایه آناسی فاطمه مثلی خداده ائدوب عصمت عطا ائول مقتدایه تمام الدی وجودینده فضیلت سورا وردی اونی پای مرتضایه پیمبر تک چکوب معراجه جسمین جلالتده الوب تای مصطفایه چالب ام ابیها مثلی لای لای بشیکده جبرئیل ائول مه لقایه تاپوبدور پرورش حیدر ائوینده چکوب حسنی جناب مجتبایه کسا بزمین قوراندا ختم مرسل صفا وردی حسین بزم کسایه بیلوب شیعه اونی اوچمینجی رهبر اون اوج معصوم تک مظهر خدایه خدا امریله مخلوقین امیری خلایق حیف اولا ائول شهریارین سالوبلار جانینه ظلمین شرارین ائو ساعتدن کی نیت ائتدی حضرت قیلا حجه گوره ترک ائوز دیارین گوتوردی توشه باغلاندی اساسی اوزیلن همسفر اتدی تبارین حرملر اولدی آماده آلوبلار بنی هاشم جوانلاری کنارین سفر ایضادی بیر نوزاده اما گرک جبرآ اپارسون شیر خوارین چیکوب اهل قبوره باش زیارت ائدیب طاهاایلان زهرا مزارین ودائلاشدی قالانلاریلا سالدی جالالیلان یولا عترت قاطارین گدنلر بیر بیریلن یولداش الدی تاپوبدی کارواندا یار یارین حسینه غم شریکی زینبیدی گتورمیشدی ائوزیلن غمگسارین گدوردی کاروان بیت الحرامه زیارت شوقی آلمشدی قرارین نچه منزل گدوب یول ایلیوب درک او یرقون کاروان کعبه جوارین هامی تسبیح ادوب حی کبیری آلالار فیض قربانی منادن قوتارجاق حاجیلار صعی وصفادن حسین ابن علی ایستوردی اما آلا بو فیضی آیری بیر منادن گورب چون کی یزیدون حربه سیندن دولوب کعبه حریمی بی حیادن گلوبلر حجه اما ایستیولر امامه حمله ائتسونلر قفادن هامی حجه ادامه وردی اما حسین آیرلدی بیت کبریادن نه سر پیچی ادور فرمان حقدن نه ده پرواس وار اهل جفادن گوره بیلمز خلایق اشتباهین مبرادور او حضرت هر خطادن او حجی عمره اتدی کی مبادا آخا خلقین قاتی بیت خدادن گنه یولاندی یرقون کاروانی اورک چخمور ولی اوردا دعادن یول اوسته خطبه ایراد اتدی غرا بویوردی دویموشام دار فنادن توکل ائتدی آلاها آلوبدور مدد جد کبیری مصطفادن ادامه وردی کاروان مسیری اگر چه مقصدی کوفه ایدی اما اونا کرب و بلا اولدی محیا ازل حکمیله آخرده حسینون الوب اخیامی ائو ل صحراده برپا خلیل الله ائو گون کی ائوز بالاسین مناده ذبح ائدوردی حق یولوندا الیکی کسمگه ائتدی اراده کسردن دوشدی بیردن تیغ برا همان حقین یولوندا کربلاده حسین اولدی ولی ذبحآ عظیما منایه گتمدی محرم اولاندا منا اولدی اونا کرب و معلا وروب یتمیش ایکی قربان او چولده او قربانلاریلان دین اولدی احیا چخوب نهرین یانیندا تشنه جانی قالوب حسرت دوداغلارینا دریا فلک قان آغلادی بو ماجرادن معذا ائولدی اهل عرش اعلا نه تک شیعه گرک ترسا چکه آه ادر ناله بو غمده چون مسیحا ادن بیر بیله ظلمی ائول امامه نجه آدین مسلمان قویدی اما کی ائتدی هل عطانی غم اسیری حسنعلی بالایی https://eitaa.com/kobradsg

زینب کبرا ایدر شمریله عالی کشمکش تا گورر قارداشینی مدهوش ایدوب سوز عطش چشمۀ غمدن روانه ایلر آب سرخ وش ایلسون قارداشینی سیراب او ساعت جبرئیل . . یوز دوتار افلاکه عرض ایلر ایا ربّ جهان بو حسیندور سو کنارینده ویروب لب تشنه جان سرّ انّی جاعلُ فی الارضی ایلوبدی عیان ویرمیوب قالماقه مبهم چون رضایت جبرئیل . . قانی ثاراللهدی ، رخساری فروغ کبریا سجدۀ گودالیده ایلوبدی بیر بیع و شرا مستند دور سودینه یُعتیک ربّک بر ملا قویمیوب اولسون سر افکنده بو امّت جبرئیل . . آیۀ نوره یازوب معنا یارالی پیکری گلسِتانیده اولوب غارت ستمله گللری دوغرانوب اکبر، ایچوب قانین علی اصغری سینه سینده واردی چوخ تیر شماتت جبرئیل . . غرق اولوب بحر بلاده ذورق دین خدا غوطه وردی قاندا کشتی خدایه ناخدا قان ایچینده اوز نمازین تشنه لب ایتدی به پا قویمیوب اولسون نمازه تا اهانت جبرئیل . . بو حسیندی معنی اصل صراط المستقیم مخزن اسرار محبوب خداوند حکیم بو سببدن حیرته دوشدی بو صحراده کلیم چون گوروب بو یرده گوناگون علامت جبرئیل . . درگهونده «هادیِ» گمره بیر عاصی بنده دور خدمتی لایق دگول علّت اودی شرمنده دور بیر «جوانشیر» آدلی وار هر رتبده زیبنده دور ایلدی بو قطعه ده کسب شرافت جبرئیل https://eitaa.com/kobradsg

🌺 جوانلیق 🌺 هِچ بیلمَدیم الله بو جَوانلیق هارا گئتدی بیرقوش مَثَلی گلدی وَلیکَن صورا گئتدی اول قامَت موزونَ و سَمَن بَر نِجَه اولدی سوزگون باخیشا گَلدی نَلَر آق قارا گئتدی بیر چال چاغیر اولدی اَزلینده ائله بیل که آرپا چاینون کورپیسی اوستن سارا گئتدی کونلوم قوشی ایندی گزور امّا تاپا بیلمور غَفلتده منی گوردی وِروب مین یارا گئتدی عُمرین ناقیلی اولسا خُلاصه دیَرم من کَهلیک کیمی آلاندی باشیلان قارا گئتدی اَفشار و همایونه سه گاهین یولی دوشسَه شور اوستَه چالان پَنجَه گورَرسن تارا گئتدی (نادر) بو حسینون قاپوسیندا قوجالانلار باتماز آدی هَر چند چوخی مَه پارا گئتدی

عشق حسینی حسینون عاشقی بو دهریدن وقار آپارار عزیز فاطمه دن ، لطف بی شمار آپارار حسینی دوز تانویان ذرّه کج یولا گئتمز طلای خالص اولار محشره عیار آپارار توکنده گوز یاشنی اخلاصیله مجالسده گلر ملک لر او گوز یاشلارین یغار آپارار دئمه لو گوز یاشی بیهوده دور من آغلامارام بوتون گناهیوی بیر قطره سی یووار آپارار ولی بو شرطیله که حقّ ناسی رد ایده سن تاپولسا مدّعی بیل الدن اختیار آپارار خدا اوزی بویوروب گئچمرم من حقّ الناس گلنده صاحب حق حقّینی آلا آپارار حسین آدی دل آچانّان دیلیمین از بریدی « ستوده » نوکر اولان رتبه صد هزار آپارار https://eitaa.com/kobradsg

حلول ماه محرم - ورود به زمین کربلا صبا   خبر    ویر   مریض   عشقه که  درد   عشقین   دواسی گلدی یتشدی   فصل      فغان   و  ناله آقام    حسینون   عزاسی   گلدی گنه      آچیلدی       قرا      علملر قورولدی    بزم     عزا     حسینه نه تک    بو  عالم    هامی   عوالم اولوبدی      ماتم   سرا     حسینه توکر   سرشکین   یوزه   ملک لر ایده لّه    بی حد     نوا     حسینه گورنده   عرش   برینه    بو    آی بساط     ماتم     اساسی   گلدی اوکس که روحی عجین اولوبدوی جهاندا        عشق           ولایتیله دولوبدی  باشدان  باشا   وجودی عزیز            زهرا           محبتیله دوتار   حسینه     عزا    بو     آیدا خلوص   و    عشق   و     ارادتیله حسینه    هاردا    دوتولدی   ماتم یقین    او    بزمه   آناسی   گلدی بو    آیدا   طور   وفا    و    عشقه کلیم    عشق   و    وفا     یتشدی صفای    عشقی     ویرن    حریم صفای    عشقه     صفا    یتشدی که    یعنی    هر   درد    بی دوایه دوا     یتشدی    شفا      یتشدی مریض  عشقه  دیون که  دردون دواسی  گلدی    شفاسی   گلدی اولار   که     قالو  بلا       گونونده بلای     عشقه       بلا       دیوبلر چکوبله    باشه    سبوی   عشقی خدای    عشقه      ثنا       دیوبلر اولوبلا     مست     می      ولایت حسینه    جانیم     فدا       دیوبلر آتوبلا   جاه   و   جلالی    باشدان گورنده  عشقین   صلاسی گلدی اولوبلا    محلق     امیر      عشقه رضا     ویروبله    رضای    عشقه وفا    ایدوبلر     ازل  کی    عهده دوشوبله     راه      منای    عشقه هوای     وصل     نگار        باشدا یتوبله     خلوت   سرای     عشقه نسیم    رحمت   اسوب    نگارین تفضّلات       صفاسی        گلدی امیر     عشق     و     وفا     یتنده حریم          خلوتگه            نیازه باخوبدی    چشم    عمیقیلن   بیر فضای     کوی        وصال     یاره چاغوردی    حیدر   مثال  آخاسین خطاب     گلدی      او      نامداره بو  یردی   خلوت  سرای   جانان که   روحیمه   خو  فضاسی گلدی بو  یردی   عرش  بریندن  افضل که عرشه  زینت  فزادی  قارداش سواد    اعظمدی     اهل    عشقه که   ماسوادن   سوادی   قارداش بیر    آدی     صحرای     قاضریّه بیر آدی    کرب و بلادی  قارداش حق     ایلینده    جهانی      ایجاد بو دشته   لطف  و صفاسی گلدی بو      یردی      گنجینة    خدایی بو     کنزه       گوهر      علی اکبر بو      یردی      گلزار      کبریایی بو    گلشنه    گول      علی  اصغر بو    یردی    نور   خدایه  مشکوه منم     ازلدن     او    نوره   مظهر او  نوره  حسرت  چکردی موسی که    لَن  ترانی    نداسی    گلدی بو    سرزمین    بلاده     قارداش صحابة    حق   ایده ّله     نهضت او     نهضتیله     سالالا        قلب جهان  کفر    و   نفاقه     وحشت سپاه      باطل       گیدر      فنایه حیات    تازه      تاپار      شریعت همیشه     ظلمت     گیدر     فنایه گورنده    مهرین   ضیاسی گلدی بو   یردی   جدّیم   خبر  ویرن یر بو   یردی   دلدن   قرار   آلان  یر بو   یردی  آهیم  گویه  چخان یر بو یردی   آتش   دله   سالان  یر بو    یردی     دللر      الولانان  یر بو یردی اصغر  سوسوز قالان یر بو یرده  بیر گون  گلوب گوررسن ربابون    ایوای   صداسی   گلدی دیر    بو     سوز     هوادن     الله بالامدا    یاندی  اوزومده   یاندیم نوا     و    داد    و    بکادن     الله بالامدا    یاندی  اوزومده   یاندیم شرار        اهل       جفادن     الله بالامدا    یاندی  اوزومده   یاندیم اورک   دایانمور    یانور    گورنده بو   طفل   زارین   نواسی  گلدی الهی    (( جابر ))     گناه     الینده گلوبدی  جانه    اولوبدی   مضطر ولی   سیچوبدور    عزیز      زهرا حسینی    عالملر    ایچره     دلبر وار     آرزوسی     اولا      حسینه آناسی     زهرا     پسند        نوکر حقیقی    نوکر    چیخاندا    جانی گورر     وفالی    آقاسی      گلدی حاج محمد تقی جابری https://eitaa.com/kobradsg

عشقي ده رتبه سي كل شهدادن اوجادي طاق ايوان حسين عرش خدادن اوجادي عشقي ده رتبه سي كل شهدادن اوجادي سيل كيمي رحمتي وار داغلار اونا سد اولماز اودي كي قبه سي آلتيندا دعا رد اولماز ده دي حسين كوفه كي  نام علي رايج دي ده ديلر بو اسرا خارجي دي شامي ده چون كي يهودي چوخ اولار ده ديلر آل پيغمبر دي بولار هارا گدوخ بيزه بهتان ده ديلر خلق بي عاطفه بيزه هزيان ديلر ولي آند اولسون حسين غيرتيوه جانيمي وقف ايله ديم نهضتيوه بير الم قوزاميشام ياتمياجاخ مطمئن اول كي قانون باتمياجاخ حافظ خون شهيدان كيمي دي(زينبدي) قورخودار جنگيده هر اورتي قان منظره سي قتليگاهي قانيدي؛ ميمنه و ميسره سي شادليغ ايليردي قوشون بير باش اليند،هره سي گوردي1000خنجر ايشين،بير فاطمه نين هنجره سي مكتب ديني ديريلدن كييمي دي؟(زيندي) آل سفياني كيچيلدن كيمي دي؟(زيندي) وارد اولدوم اموي درباره او معاويه قوران آثاره تكيه اوز تختينه ورميشدي يزيد خيزران الده اتورموشدي يزيد فكر ايليردي هامي دنياني آليپ! زينيدن شاه شهيداني ساليپ اولين ضربه كي وردي دوداغا ادامه 👇

ديلده يا فاطمه دوردوم اياغا ده دي من حاكم خلق عربم ده ديم ايلش يره من زين ابم ده دي من شاهم، امير الامرا ده ديم هزيان ده مه،يابن الطلقا او ده دي صاحب اجلاس منم من ده ديم خواهر عباس منم او ده دي فخر ايلمه قارداشووا من ده ديم كُل توكرم من باشووا او ده دي، قان توكرم قان آلارام من ده ديم سني تخت دن سالارام او ده دي زور و زريم؛چوخ دي منيم  من ده ديم خطبه لريم اوخدي منيم او آغاشش وردي منه قان آخدي من فقط باخديم؛اوشاخلار باخدي  https://eitaa.com/kobradsg

زبانحال ابی عبدالله (ع) به حضرت ابوالفضل (ع) (سبک : احوالیمیز یاماندی ...) دین خیمه سی تالاندی غم باده سی جالاندی قوللار کسیلدی قارداش باشیندا پارچالاندی ایوای ابالفضل ایوای ایوای سینان باش ایوای اوخ آنلیوی سوکوبدی قانین یئره توکوبدی قارداشیوین او بیر اوخ قارداش بئلین بوکوبدی ایوای ابالفضل ایوای ایوای سینان باش ایوای دنیا خیالون آتدون لب تشنه قانه باتدون آتدان یره دوشنده دینون باشین اوجاتدون ایوای ابالفضل ایوای ایوای سینان باش ایوای قوردون بساط محشر آلدون فراتی یکسر سو اوسته ایچمدون سو بیلدون سوسوزدی اصغر ایوای ابالفضل ایوای ایوای سینان باش ایوای گئچدون ایکی قولوندان هم ساق و هم صولوندان لوح امانی جیردون سن دونمَدون یولوندان ایوای ابالفضل ایوای ایوای سینان باش ایوای ای غملر آشناسی امّ البنین بالاسی هر کیم بلایه دوشسه آدون اونون دواسی ایوای ابالفضل ایوای ایوای سینان باش ایوای مستم رُخ ِ جلی دن اول قامت یلی دن سر خطّ درس عشقی آلدون بابام علی دن ایوای ابالفضل ایوای ایوای سینان باش ایوای شیر تهمتنیدون مین مارد افکنیدون ذکر اذان عشقین قد قامتی سنیدون ایوای ابالفضل ایوای ایوای سینان باش ایوای کنز مدارج اولدون درده معالج اولدون زهرا عنایت ائتدی باب الحوائج اولدون ایوای ابالفضل ایوای ایوای سینان باش ایوای ** محمدعلی مصیبی https://eitaa.com/kobradsg

یاحسین سن سن تمام چاره سزلرچاره سی من کیمی اولماز دیارعشقوون آواره سی 🌹🌹 آغ گیرقربان گونی حاجی جوارکعبه ده من اوگوندن بوینماساللّام مَحَرّم قاره سی 🌹🌹 کعبۀ گِلدن سنون عشقون مُقَدّسدورآقا قاشلاروندورقبلۀ جان، فاطمه مَهپاره سی 🌹🌹 واردی گراَستارزیبانَقشی بیت کعبه نون قاب عکس قامتوندورقلبیمون دیواره سی 🌹🌹 کعبه نون بیرعدّه حاجی تولانارگرباشنه کربلا زَوّاریدی یدّی گویون سیاره سی 🌹🌹 هریارا انسانه دگسه قابل درمان اولار بیرسنون عشقوندی درمان اولمیاندوریاره سی 🌹🌹 "سیفی ام"سرمایۀ عمرومدی بودیوانه لیک ویر مدد مولا اولوم آواره لر آواره سی 🌹🌹 استاد سیفی https://eitaa.com/kobradsg

زبانحال حضرت زینب (سلام الله) در شهادت حضرت رقیه (سلام الله)   گل قارداش حسین  گل  بو امانت قیزون اولدی قلبین غم اوخی ایتدی جراحت قیزون اولدی یاندیردی منیم  قلبیمی  بو قلب شکسته اولموشدی  ایکی خردا الی سینه سی اوسته   گل صورتینه اشکی آخوب  گوزبولاقیندان گوز یاشلی چیخوب دور بالامون جان دوداقیندان گل شامیده قارداش منه لطفون علن ایله ویرانه مکانی گل و باغ و چمن ایله اللرده ئولن دختریوی سن کفن ایله   عباسیمه دی اکبریلن تیز گله داده قالدی بو شیرین دیلّی قیزین نعشی اراده باخدوقجا منه قلبیمی محنتلن ازردی قوینوندا الی مسجد ویرانه گزردی هر محقی سوزی درک ایلیوب  فوری سزردی   اکبر آدی دیلده دونوب  اطرافه باخاردی گل صورتینه حسرتیلن اشکی آخاردی صبر ایتدی بالام هر غم و محنتلره دوزدی هر شام و سحر اشکینی گل صورته دوزدی بخت اولدوزومیدی بو بالام بو گیجه سوندی   بیر گوز وروم  آندا فلک محنته  باتدی یومدی گوزونی ذولفیمی بوغمده آغارتدی گل شامه حسین  ئولدی آجیندان بالا دختر غسلینی ویروب بوکدوم اونا بیر قارا معجر روحی بدنیندن چیخانجان دیدی اکبر   جان ویردی بالام حسرتیلن گوزلری یولدا آچمیوبلا هله بند و رسن باغلیدی قولدا درد و غمین دفترینه هر یازان آغلار اشکی قوروماز صبحیله ظهر و اذان آغلار بو خردا قیزون خردا مزارین قازان آغلار   قبرین بالامون بوردا اوزوم قازدیم حسینیم مظلومیّتین باش داشنا یازدیم حسینیم https://eitaa.com/kobradsg

زبانحال به حضرت رقیه (سلام الله)   نقدری دردو غمه ابتلاسی وار بالامون نه قارداشی نه ده بوردا باباسی وار بالامون   بونوعی باخماکه واردی بوطفلون اوچ یاشی باشینداسایسیزاولان چون بلاسی واربالامون   بو فکری ایلمه غساله واردی بیر مرضی یاواش چوور بدنینده یاراسی وار بالامون   اوزونده گر گورسن سیلینونده ردی قالوب ایاقلاریندا هله قان نماسی وار بالامون   کورکده الده بونون قمچینون نشانه سی وار بدنده صاف یری آیا هاراسی وار بالامون   یاتوب گچن گجه ده قانلی باش قوجاقینده یانور بو قلبیم عجب ماجراسی وار بالامون   اگر کفن یو خودی قاره معجریم کفنی گونی کیمون کفنینده قراسی وار بالامون   اوقدری ظلم وجفالر گوروبدی یورقوندی بو گوندن اما جفادن رهاسی وار بالامون   گیدور آتاسینا مهمان بو شام ویراندان خرابه ده گجه اما عزاسی وار بالامون     خوش نواز مرندی https://eitaa.com/kobradsg

زبانحال ساده با آقا امام زمان(عج) اسوب خزان یلی باغ و گلشنه باخ گلشنده سولان گله گل آقا دوت الیمدن قویما دوشوم ایاقدان کرم قیل بو خسته دیله گل آقا باخ منه بیر آن آقا😭😭 قلبیم اولوب قان آقا😭😭 رحم ائت عاشقلرون بو گوزیاشینا هجرون سالوب شرر اورک باشینا ئولسم یازون سیز قبریمون داشینا هردن منی بیر یاد ائله گل آقا جان سنه قربان آقا😭😭 قلبیم اولوب قان آقا😭😭 گلم ائله آه و وایا گئجه لر غمیم گلمز سنسیز سایا گئجه لر دردی دل ائیلرم آیا گئجه لر یانوب دوندوم داخی کوله گل آقا گل بیزه مهمان آقا😭😭 قلبیم اولوب قان آقا😭😭 غم کاسه سی دولوب بوشالدی آقا چوخلی سوزوم اورکده قالدی آقا هجرونده عاشقون قوجالدی آقا یوخدی دوزوم بو نسگیله گل آقا حالیمه باخ یان آقا😭😭 قلبیم اولوب قان آقا😭😭 فراق اوتوندا نقدری من یانیم نقدری یولارا باخیم اوتلانیم گل ئولممیش باشیوا بیر دولانیم یولوی سال بو منزله گل آقا عالمه سلطان آقا😭😭 قلبیم اولوب قان آقا😭😭 باخ گوزومنن آخان اشک آلیمه نظر ائله اوزون یانان حالیمه فدا اولوم سنه یابن فاطیمه گلسون گلر اورک اله گل آقا چتیندی هجران آقا😭😭 قلبیم اولوب قان آقا😭😭 ✨ اَللّهُمَّ عَجِّل لِوَلیِّکَ الفَرَج✨💫 https://eitaa.com/kobradsg 👇

✔️ حضرت قاسم علیه السّلام گل عمو اماندی قالدیم قوم کوفیان الینده آلدی دوره می بو لشکر خنجر و سِنان الینده من یتیم مجتبایم قالمشام جلادالینده بیر یارالی آهو تک من یوز مین اوچیه شکارم قان آخوب گیدوب توانیم، بیر غزال زخمدارم گوزلریم قالوب یولوندا گل اماندی انتظارم قالدی بیر یارالی جانیم مین یارا ووران الینده هم یارالیم هم عطشان پیکریم تمام اوخدور یالقوزام اوزوم گورورسن دشمنیم علاوه چوخدور واضح امردور بو مطلب شرحه احتیاجی یوخدور دفعه اقتدار اولماز تشنه بیر جوان الینده اَندی تیغ باشیم اوسته دولدی گوزلریمه القان یتدی زخم قاشیم اوسته صورتیمی ایتدی الوان سن گلینجه باشیم اوسته جان ستانه ویرمرم جان خوشدی طالب وصالون اولسا نقد جان الینده جسمیمی ستمله اوراق ایتدیلر گل چمن تک قانیله بویاندی زلفوم دسته دسته یاسمن تک هانسی نوجوانون اولدی بو فنا جهاندا من تک حجله گاهی طوی اتاقی طوی حناسی قان الینده صاغ دگل آتام بولورسن چوخدی نسگلیم عموجان گَل او گُل جمالون آخِر بیر گوروب اُلوم عموجان دسته لر کسوب یولومی قویموری گلوم عموجان سن قبول زحمت ایله وار سنون توان الینده سسلمزدیم ای عمو گل نیلیوم کسیلدی چاره دوره می آلوبدی لشکر قویموری چخوم کناره ووردولار او قدر یاره جسمیم اولدی پاره پاره هر طرفدن اوخ آتانلار صف چکوب کمان الینده سن بو گون جوانلاریله یار حضورینه گیدنده ایستورم اولوم عم اوغلوم اکبرین یانندا منده آز دگل یارام بدنده افتخار ایله سنده خوشدی دسته قرمزی گل اولسا باغبان الینده #حضرت_قاسم ✍️ مرحوم شأنی تبریزی 📣 حاج حسین رضایی ⬇️⬇️ https://eitaa.com/kobradsg

غم مرثیه سی گینه یا رب اوجالیب گویلره غم مرثیه سی گینه باشلاندی کفنسیز آغامین تعزیه سی گینه گلزار حسینییده گوللر جمع اولوب یئتیشوب ماه محرم هامینون قلبی دولوب گینه اللر تلسور باشه قرا باغلاماغا گینه گوزلر داریخیبدی آغاما آغلاماغا گینه ده تیر بلا سینه ی آفاقی دلور گینه هر یئردن اباالفضل آغامین عطری گلور گینه ایوان غمه فرش محبت سالینور هارا گئتسن صود اَمَر اصغره لای لای چالینور گینه دنیایه وئریب نور عزا نقش و نما گینه گوشواره آلان چوخدی رقیه خانما قوی سوزی ساده یازیم مهر و وفا دفترینه آز قالیر زینبین آواره قالان وقت لرینه بولورم شمعین امیدی پر پروانه ده دی چوخ مریضین گوزی الآن بو شفاخانه ده دی چون بولور کی بو شفاخانه ده زهرا دولانیر اوخلانان مشکی سالیب چینینه سقا دولانیر قوشولوب حضرت پیغمبره حیدر ده گلیب قانلی عمامه سی الده علی اکبر ده گلیب بیر طرفده اوتوروب زینب صدّیقه مئاب بیر طرفده آلیب اوز اصغرین آغوشه رباب دییر اوغلوم نظر ایله قاپوا چوخدی گلن آچ کرم سفره سینی آی سوسوز اللرده ئولن یاده سال سن او زمانی کی اورک داغلاندی سنه میداندا اوغول چاره یولی باغلاندی https://eitaa.com/kobradsg

. اکبر قنبری تیکمه داش . ساربان گئتمه گول تک سولان وار ناقه ده ساچ آچیب باش یولان وار قوی گئدیم آختاریم بلکه تاپدیم خیرداجا قیزلاریمدان قالان وار . . هم آدامسیزدی هم ده پیاده کیمسه سی یوخ سالا ایندی یاده اوز قویوب ایندی توپراقلار اوسته سسلییر قوسوز عباسی داده آهیله عالمه اود سالان وار خیرداجا قیزلاریمدان قالان وار . . بیر کسیم یوخ بو صحراده نئیلیم گوز تیکیب بیر منه نور عینیم نیزه ده گئتمیری قانلی باشی ناگراندور بالامدان حسینیم غصه دن قلبینه قان دولان وار خیرداجا قیزلاریمدان قالان وار . . آغلیان وار اوغولسوزلاریمدان آی باتیب آخدی اولدوزلاریمدان ساربان ساخلا چکمه قطاری یولدا یورقون دوشوب قیزلاریمدان آت چاپیر نیزه بانلار تالان وار؟ خیرداجا قیزلاریمدان قالان وار . . بو حرم لر هر حاجتلریمدی شوکتیم شانیم عزتلریمدی یا حسین سسله نیب آغلیانلار قارداشیمدان امانتلریمدی یان بالام حالینه گر بالان وار خیرداجا قیزلاریمدان قالان وار . . تاپماسام گر او شیرین زبانی لنگه ساللام یقین کاروانی گر ائدم ناله بو غملی چولده لرزه یه ساللام ارض و سمانی چون دعامی اجابت قیلان وار خیرداجا قیزلاریمدان قالان وار . . جسمینه صدمه گر یئتسه نئیلر روحی پرواز ائدیب گئتسه نئیلر چاتسین امدادینه یوخدی بیر کس وحشیلر گر هلاک ائتسه نئیلر صبریمی نئیلیم الدن آلان وار خیرداجا قیزلاریمدان قالان وار . . قورخولی چولده اول ماه پاره ایندی حتما گزیر راه چاره آغلاییر سسلییر عمه عمه هم توکور گوز یاشین گول عذاره خیردا قلبینده درد کلان وار خیرداجا قیزلاریمدان قالان وار . . ایندی بیلمم او دخت سه ساله اول بیاباندا قالمیش نه حاله الله اولسون محافظ بالامدان گلمه سین تا بو چولده زواله ناگران و پریشان اولان وار خیرداجا قیزلاریمدان قالان وار . . ساربان قیل نطر بیر جدایه یاره لی باش گلیب آه و وایه رحم ائله گئتمه ساخلا قطاری آخر انصاف ائله باخ خدایه ریشه ظلمه تیشه چالان وار خیرداجا قیزلاریمدان قالان وار . . قنبری گلمه چوخ آه و زاره دردین ارجاع ائله هشت و چاره کیم سالیب یادیوه ائیله تکرار مطلع نوحه نی یاز دوباره ساربان گئتمه گول تک سولان وار خیرداجا قیزلاریمدان قالان وارم https://eitaa.com/kobradsg