من رقیه چمن آل علی بلبلویم اوچ یاشیم واردی حسین بن علی سویگلویم شرف وشوکتیم عالمده منیم والادی جدیم احمدی آنام فاطمه زهرادی آستانیمدن ایدن کسب شرف حورادی سینیم آزدی ولی دریای حیا وادبم من آنام فاطمه تک دهریده والا نسبم منی عالم تانیور شاه ولانون قیزیام اختر مهر ادب چرخ وفا اولدوزویام روضه لر سفره سینون هم دادیام هم دوزویام بیلون ای اهل ولا فاطمه ثانی منم گلشن آل علینون گل ریحانی منم قاپمی کیم چالا عالمده گرفتار اولماز بی حجابدان منه اعلان ایدورم یار اولماز حفظ دین حفظ حجاب اصلی ملالیمدی منیم ذکر تسبیح خدا دلده کلامیمدی منیم افتخاریم بودی من دخت شه ذوالکرمم زینب عمم کیمی هر ارسه ده سابت قدمم کوری چشم عدو صاحب صحن و حرمم اجنبی ایستوری خمپاره وورا بو حرمه یخارام ایولرینی آنداولا قانلی علمه قویمارام داعش و وهابینی من ئوز باشنا باشلارون خرد الیوب چالام حقیقت داشنا آهیمین وار کسری سودیلی الماس کیمی بیچه جک هرزه علف تک اولاری داس کیمی واردی غیرتلی عموم حضرت عباس کیمی ظلمه باش ایمه میشم چاتمشام عالی هدفه دشمنیم خار اولاجاخ آند اولا شاه نجفه https://eitaa.com/kobradsg

‍ یافاطمه حسینون باشلاندی بزم یاسی آغلاتدی عرش وفرشی ایوای حسین صداسی آیلاردولاندی گلدی ماه محرم اولدی عرشه چکیلدی قاره اعلام ماتم اولدی کیم عاشق حسیندی ماتمله همدم اولدی اگنونده کی لباسی اولدی حسین قراسی بوآیداای عزیزان سیزلرده همت اولسون تبلیغ ائدون حسینی هریرده صحبت اولسون قاره علملرآتدابیرآیری قدرت اولسون سرمشق اولاگرکدی منشورکربلاسی جاندان حسین گئچوبدی دین اوسته وحدت اوسته نه اینکه کسب جاه ویااینکه قدرت اوسته بلکه عقیده اوسته قرآن وعترت اوسته عالملره یایلدی مقتلده کی نداسی غم چهره سی دوتوبدوربوآیداعرش طاقی تشکیل اولوب حسینه مقتلده عشق اطاقی یاندی سووین یانندازهرائوپن دوداقی دلدن سالوب حسینی اوچ پراوخون یاراسی لرزه دوشوب جهانه مانندگاهواره بیرضربه گوردی سینه دوشدی یارافشاره زهرانون اونداناگه قلبی دوتوب شراره آغلاتدی ممکناتی شام اهلینون جفاسی مخیمده گوردی زینب وضع زمانی بحران یعنی نظام عالم ایستوراولا پریشان بیرغرّش ائتدی زینب مانندشیریزدان معناده سسلنوبدی احسن اوناآناسی بیرناله نین صداسی گلدی یره هوادن بیرناله ده اوجالدی یردن گویه منادن زینب سسی اوجالدی میدان کربلادن وای قارداشیم دیَنده آچدی گوزون رجاسی شمری گوروبدی ناگه الده قلنجی عریان ایستورسالااوظالم دنیایه گوردی طوفان بیرسینیه چخوبدورهرسمتیدن آتورقان باش کسمگه بیلوبدی یوخدی اونون اِباسی ال آتدی خنجریندن دوتدی به فوری زینب اهل اشاره اولسابسدوراونابومطلب بارماقلاری کسیلدی قالدی نه حاله یارب بیلدیردی عالمینه عشقون ندوربهاسی سسلندی کسمه ظالم قارداشیمون بوغازین سجده ائدوردی حقه قطع ایلدون نمازین قوی بیرآلوم قوجاقه درک ایلیوم نیازین گرچه سنی دوتوبدی ری ملکینون هواسی وئرمه تکان الینده شمشیره بی مروّت ان سینه دن اشاقه وئرمه حسینه زحمت کسمه سوسوزبوغازین سالماجهانه وحشت وابسته دورحسینه بوعالمون بقاسی https://eitaa.com/kobradsg

عطری گلور  محرّمین   هر  یره   قاره چکدیلر فاطمه  نوحه   باشلادی گویلره   قاره چکدیلر یااباعبدالله حسین – یا اباعبدالله حسین گییدی  گنه حسینچی لر   پیرهن    عزالرین ابر   بهاری  تک   دولوب  گوزلری   آشنالرین شهرلری دولان  ائشیت  وای آنا وای نوالرین معرفت  اهلی  مسجد و  منبره    قاره  چکدیلر اهل ولایتین بو  آی  گولمیه  جاق  دوداقلاری دسته لرین سالوب  یولا  کوچه لرین اوشاقلاری کوی   شهادته   گلور  کرب و  بلا    قوناقلاری جنّت اولوبدی غم سرا،  سر دره  قاره چکدیلر اصغره خاطر  ایندیدن  ایلمیون   سو  صحبتی خالی  قدحلر   الده دی   ساقیه   وار   خجالتی فاطمه  مهریدور  فرات   اوغلونا  وئرمور  امّتی خیمه ده    گاهوارة     اصغره     قاره   چکدیلر سسلوری  صاحب الزمان   سینه  زنانِ  عالمی قاره   لباسوزی  گییون گلدی حسین  محرّمی وئردی نشان  ملکلره  فاطمه   قانلی  کوینگی آهیله   عرش   اعظم   و  اکبره    قاره  چکدیلر قانه  حسینی آز   قالور  اهل   ستم    بویاندیرا کوفه    رعیّتی   گلور   خیمة     شاهی   یاندیرا باشلاری   نیزیه  ویرا  سینه ده   آت  دولاندیرا گور  هامی کوی و برزنه یکسره  قاره چکدیلر آه او زماندان  ایستدی شمرکسه حسین  باشین تلّیده  زینب  آغلادی سسلدی داده قارداشین آچدی سکینه  باشینی توکدی  رقیّه  گوز  یاشین خیمه   سرای  عترتِ   حیدره    قاره   چکدیلر قاره یلاَسدی باتدی گون قدسیان الامان دئدی یرده حسین جنازه سی نیزده  باش اذان دئدی کوینگینی  آپاردیلار فاطمه  باخدی جان دئدی اهلِ    مدینه    مرقدِ    مادره     قاره   چکدیلر https://eitaa.com/kobradsg 👇

گوز تیکوبدور سنه قارداش دم خنجرده باشیم تز یتیش دادیمه قویما قالا اللرده باشیم دیمورم قارداشووام عرصه‌ده سرلشکروم یا الیمده عَلمیم واردی علم پروروم منده‌گر سلطنت عالَم اولا نوکروم خاکبوس اولمیوب اولماز در دیگرده باشیم سن بیلورسن سنه قارداش دئمدیم ئوز باشیما امر زهرادی که زحمت ویرورم قارداشما گل ایاقوندان ئوپوم قوی الون السیز باشما اولا تا آخر عمرینده نظر کرده باشیم گرچه ذبح اولماقا باشیم قاباقوندا تَلَسر خنجر قاتل اسنده اودا شوقنیدن اسر وار نه جلّادیده جرأت نَه‌دَه خنجرده کسر باخما السیزدی چتین ال وئره نامرده باشیم ای ابالفضل لباسین دئیشوب آل یزید جمع ایدوب‌سفرهٔ احسانیله‌باشینه مرید (منزوی)حق‌دانیشاندا ائلیور حمله شدید گوی چوگان تعدّی اولوب اللرده باشیم     مرحوم  منزوی اردبیلی https://eitaa.com/kobradsg

‍ ‍ ‍ ورود ماه محرم -طشت گذاری با توسل به حضرت امام زمان رضا ماه پری زنجانی گنه یابن الحسن باشلاندی ماتم یاسه گلدوک سو توکدوک طشته گوزدن ماتم عباسه گلدوک چاغیروق داده یاری اوزون قولی نگاری مریدان ابوالفضل قورالار طشت گذاری ایدر دل نوا......گلر بو صدا ایاباب الحوائج 2 بیز عباس اللریندن آلموشوق درده دوانی هرایل عباس آدیلا باشلاروق  بزم عزانی اوخولار نوحه خوانلار ویرار سینه جوانلار گورنده طشت و مشکی گلر جوشه بو قانلار اورکلر یانار....یانار اودلانار ایاباب الحوائج 2 سنی زهرا ابوالفضل سالما بو جمعی نظردن باجون زینب مزارین گل ئوزون قوتار خطردن گلوب زینب نوایه سنی سسلیر هرایه دیر قارداش ابوالفضل دوشوب باشیم بلایه اورک داغلیدی.... یولوم باغلیدی ایاباب الحوائج 2 https://eitaa.com/kobradsg

💫احوالات حضرت ابوالفضل(ع)💫 نهریدن چیخدی اورکده غمی یوخ مشگی دولی علمی الده قلج الده سلامتدی قولی باخدی اطرافه برانداز ائلدی صاق و صولی انتخاب ایلدی مقصودینه نزدیک یولی دل تمنای حرمخانه دلدار ایلیور حمله ور اولدی او سایسیز نفره فرد رشید دفتر رزم و شهادتده آچوب فصل جدید ما و من اهلینی شمشیری ائدوبدور تهدید کوفیه ساری فرار ایلدی افراد پلید الحذر الحذر اول فرقه کفار ایلیور تیز حملیدی ئوزی مرکب رهواری برو گه وئروبدور آتا مهمیز گهی وئردی جلو ایلدیریم تک قشونون خرمنینه توکدی الو باشلاری داس اجل تک قلجی ائتدی درو روبرو هر کیم اولور فوری نگونسار ایلیور بشرون الدی خطر وقتی نگهبان گوزونه اللری اولسا مواظب اولار انسان گوزونه السیزه چاره ندور اوخ کچه پران گوزونه یاریلا باش یاراسیندان توکوله قان گوزونه سیلمه سه گوزلرینی باخماقی دشوار ایلیور لخته قانیله دولان گوز گورر آیا هارانی گوز دوتولموشدی قبول ایلدی هر بیر یارانی نه گلن نیزه اوخی گوردی نه یاره وورانی نه یانیندان گچنی گوردی نه یولدا دورانی دونور هر سمته هدف سینه سین اوخلار ایلیور باغلیوب ام بنینون یرینه قان گوزونی ایتیروبدور یولی میداندا ایتورمور ئوزونی گلدی بیر ظالم اونون تار ایلدی گوندوزونی دئمرم آهن عمودیله آچیق باش سوزونی صبر و طاقت او غمه هانسی عزادار ایلیور بیلمورم اولدی نه رفتار او قوی پیکریله اوجا قامت اوجا یردن یخیلوب لنگریله باشینون اوسته گلوبدور آناسی حیدریله فاطمه سیلدی گهی گوزلرینی معجریله گه سو تکلیفی اونا حیدر کرار ایلیور سسلنوب معرکه دن گل منی درک ائت شاهیم شاهسن سن منه شاهد بیر اولان اللهیم قورتاروب الده کی سرمایم اوجالمیش آهیم سر خونین تن خونین دی قالان تنخواهیم اونودا مقدموه نوکرون ایثار ایلیور 🌹مرحوم استاد حاج انور اردبیلی ره" ⚜☘⚜☘⚜☘⚜☘⚜ #حضرت_ابالفضل (ع) #متن_شجاعت_رجز روضه  سینه زن زنجیر زن    https://eitaa.com/kobradsg

#خروج_از_مدینهء_منوره_زبانحال_حضرت_حضرت_صغری_سلام_الله_علیها قارداش باجُون اوُزُون بُولُوسَن دِلشِکَستَه دِی بیمارِیدِی بُو بَسترِ مُحنتدَه خَسته دِی قارداش چَتِین عَلاقَه نِی تَندَن کَسَه باجُون مُرغِ دِلیم او طُرِّهء طَرّارَه بَسته دِی عَمّم آتام باجِیم اِئدُورِی عَزمِ کَربَلا تارِ اُمید هَر طَرَفِیمدَن گُسستَه دِی تَرکَ اِیلُورِی مَدِینَه نِی قُومِ قَبِیلَه مِیز بیر کِیمسَه قالَمُورِی هامی قارداش یُول اوُسته دِی گِئتسَن اَگر بُو شِیشِهء عُمرُوم سِینار علی عُمرُوم سَنُون حَیاتِیوَه واللّهی بَستَه دِی سَن اِیلَمَه سَفر گُوُروسَن بِینَوا باجُون بِیمارِی دُور بُو بَستَرِ غَمدَه نِشَستَه دِی وِئر بِیر بَراتِ کَرب و بَلا نُوحه خوانِیمَه بِیز اَهلِ بِیتَه #عاصی بُولُورسَن کِه بَستَه دِی قُویما اُورکدَه حَسرَتی قالسُون عِنایَت اِیت آخَر غُلامِ دَرگهِ شاهِ خُجَستَه دِی اِلتِماس دُعای فَرَج #زنده_یاد_عاصی_رحمة_الله_علیه https://eitaa.com/kobradsg

بسم الله الرحمن الرحیم ▪️شعر به مناسبت شروع محرم 🎼سبک : بزم عزاده گیمیشم قاره یا عباس ... 🎼سبک: ممد نبودی ببینی ... ✍بقلم ابراهیم تون خوش قلم میاندوآبی ای شیعه لر مولامیزون - یاسی باشلاندی یاسی باشلاندی قان آغلیون چون فاطمه - دیده گریاندی دیده گریاندی دیده لر پرنمدی       ماه محرمدی هر شهریده اسدی گینه - قاره پرچم لر قاره پرچم لر پیراهن ماتم گیوب - شیعیان یکسر شیعیان یکسر قاره گینلر عشقیلن - یا حسین سسلر یا حسین سسلر بو قاره کوینگ شیعیه - حکمِ ایماندی حکم ایماندی دیده لر پرنمدی        ماه محرمدی ماهِ محرمده اورک - داغلیار زهرا داغلیار زهرا ایوای حسینیم وای دیر - آغلیار زهرا آغلیار زهرا دلده نوا باشه قرا - باغلیار زهرا باغلیار زهرا نارِ محن نن سینه سی - اود دوتوب یاندی اود دوتوب یاندی دیده لر پرنمدی        ماه محرمدی ماه محرمده قانا - غرق اولار اکبر غرق اولار اکبر کرب و بلاده ، تشنه لب - اوخلانار اصغر اوخلانار اصغر آواره چوللرده قالار - عترَتِ حیدر عترَتِ حیدر زینب دیر یا ربَّنا - بو نه دوراندی بو نه دوراندی دیده لر پرنمدی        ماه محرمدی https://eitaa.com/kobradsg

حضرت ابوالفضل العباس علیه السلام (سبک : الهی ننمدن اوزولدی الیم) دور ای قان  ایچینده  یاتان قارداشیم فرات  اوسته  فیضه  چاتان  قارداشیم منیم  قهرمانیم قوی  پهلوانیم جوان  قارداشیم یارالی  باشوندان  آخور قان  یره یوز اوسته دوشوبسن آتوندان  یره مسلمانی   یخماز مسلمان  یره سنه  وئرمور  اعدا امان قارداشیم منه ناز ائدورسن الیمدن گئدورسن جوان  قارداشیم یارالی آتانماز قدم  بیر یانا دوشوب پیکرون غرق غم بیر یانا ایکی  قولدان آیری علم بیر یانا بهارون  اولوبدی خزان  قارداشیم دونوب قانه اشگون اولوب پاره مشگون جوان  قارداشیم رقیَّم  تیکوبدی  یولا  گوزلرین نئدیم بیلسه مشگ و علم سؤزلرین بالا قیزلاریم ئولدورر ئوزلرین حرملر قالوب ناگران قارداشیم غمه  دالدالانما سویون یوخ، اوتانما جوان قارداشیم گلاب اولدون ای بوترابین گولی صولان باغدا اسلام نابین گولی سوسوزدان  وئرور  جان  ربابین گولی اُوزوب  گولدن ال ، باغبان ، قارداشیم نئدور درده  چاره م یانور شیر خواره م جوان    قارداشیم https://eitaa.com/kobradsg

گینه گتدیم گوزومون یاشینی بازاره حسین * ساتورام سن کیمی بیر خیبره خریداره حسین باشیمون اوستونه گل قبریمین اول گجه سی*****سنی آندا ورورم قولسوز علمداره حسین -------------------------------------------------------------- گلمیشم دیلده اولان دردیمی من یاره دیم **** یاریمه مشگولومی من اورگی یاره دیم من دخیلم اوجا بوی باب الحوائج آقاما ** گلمیشم دردیمی من قولسوز علمداره دیم --------------------------------------------------------------- ای حسینی غمیلن دردی قوجالدان عباس **** گلمیشم حاجتیمی تا منه بیچاره دیم دوت الیمنن سنی زهرا..آقالیق ایله آقا ** کمک ات مطلبیمی من سنه همواره دیم سن کی عالم قاپوا حاجت وامداده گلور *** نه روادی سوزومی من گدیب اغیاره دیم؟ ای اولان ام بنینین گولی انصافیدی گور؟ * گول قالا من گدیب ئوز مطلبیمی خاره دییم!! --------------------------------------------------------------------- سوروشیلار کیمه دیسن غمیلن مشگولوی؟ * دیورم دردیمی عباس وفاداره دیم!!! باشوا من دولان ایلمه شرمنده منی ** من کی هر یرده سنی دردلریمه چاره دییم آغلارام تا نقدر واردی جانیم محنتوه **** اگمیشم باشیمی دنیاده عظیم شوکتوه سنی اوچ پر سوون اوستونده خجالت اتدی **** آنون الآندا یانار نهریدکی خجلتوه ددون آلاه بالالار حالی پریشان قالدی **** وای جانیم وای صودامر اصغریم عطشان قالدی ------------------------------------------------------------------------ کربلا عشقینه یاردیم نچه ایلر باشیمی **** باشیمین قانیله درمان ایلدیم گوز یاشیمی بیزه بیگانه مرام اوسته ددی دیوانه ***** شور عشقی نه بیلورفاصد اولان بیگانه!! بیز عاشقه دیوانه ممتازه حسینوگ ******* ایراد المه بیزدره سرباز حسینوگ البته حسین عشقینه جانان کچروگ بیز ** باش یارماقینان قرمزی قانان کچروک بیز باش یارماقا ایراد المه بیل ندی مطلب ** محمیلده یاروب باشینی زهرا قیزی زینب یار باشوی اصغر یاریلان باشلارا خاطیر **** قان یاره سین اوستونده توکولمیش داشا خاطیر -------------------------------------------------------------------- آدون سر دفتره غیرت دی عباس * اوزن قولار سنه زینتدی عباس باجون زینب جانی یوخدور علاجیم **** ابالفضل سسدمگ عادتدی عباس -------------------------------------------------------- آقاجان حاجتیمیز واردی روا استیروگ **** دردیمیز چوخدی شه حکمه شفا استروگ دمورم مکه و میقات و منا استیروک **یوخ آقاجان.. آندولا زینبه بیز کرب بلا استیروگ ای اولان قولاری تنن قلم عباس دخیلوگ *باغلانیب قول قولا اهل حرم عباس دخیلوگ زینبون زولفی بویاندی قانا یا فاطیمه گل *********گدی قارداشلاریم الدن آنا یا فاطیمه گل ای دست دل رباسی مشگیل گشا ابالفضل ***** دست گره گشایه جانار فدا ابالفضل ای دردمند مسگین گل سنده گاه گاهی ****** اتسون سنه مداوا بو عالمون پناهی رزق گدا آزاتماز مجموع گنج شاهی **** کوه سخاوتینن کاهی دره کاهی رحمت یاغارسمادن اتسوز دعا ابالفضل ترکان آذریده بیر عده قلیلی *** یاد ایلر آند ایچنده بو ماه بی بدیلی اولسون قسم او شخصه معجزده ویردی سیلی ****** اعجازیلن چراغان اتدی او اردبیلی بیر بینوا دمیشدی صیدقیله یا ابالفضل خنجریم تیترمه تاب ایله بیر آز ********* باشیمون اوسته شتاب ایله بیرآز من سنی آلمیشام الماس آدینا ***** دیسن باشیمه عباس آدینا

حک ایلمیشم بو سوزی من لوح دل اوسته تا وار نفسیم نوکر دربار حسینم هچ یرده ریاست دالیجا گزممیشم من عشقیم بودی هیئتده عزادار حسینم هر صبح و مسا ذکریم حسین فکریم حسیندی شکر ایلیرم اللهه گرفتارحسینم سوز یوخ بونا هچ ایتده سایلمام بو عزاده عشقیم بودی کی گرمی ه بازار حسینم قاره وورولان یر من اوچون کرب و بلادی اوپسم او قرا پرچمی زوار حسینم سرتاسر ایلی من گدرم بزم عزایه اثبات ائدرم عالمه غمخوار حسینم بیگانه سوال ائتسه نیه فخر الیورسن فخریم دیرم نوکر سردار حسینم ایراد ائدنه ورمیشم اول بو جوابی یوم اغزیوی مدتی کی بیمار حسینم هر چند اثری یوخدی بو ناقص عملیمده اللهه توکل دیرم یار حسینم اول گون کی منی قویدولا تپراقلارین اتدا من عاصیم و عاشق دیدار حسینم https://eitaa.com/kobradsg

ورود محرم سبک : جان آقا (بنی فاطمه) دوشوب عشقون باشیما غصه دولوب گوز یاشیما بیلوسن گلمه میشم هیئتیوه ئوز باشیما حق منه عزت وئردی ، عشقیوی نعمت وئردی نوکریوه فاطمه ، نامه ی دعوت وئردی جان آقا- سنه قربان آقا- سیدالعطشان آقا- جان آقا گئجه لر در به درم بزم عزانی گزرم تاپوب آخرده سنی هر نه سوزوم وار دئیرم دردیمه درمان سنسن صاحب عنوان سنسن هر دهه ی محرم - دیلده کی طوفان سنسن جان آقا- سنه قربان آقا- سیدالعطشان آقا- جان آقا ئورگیم یاسه گلوب وادی احساسه گلوب آدی یازدیرماق اوچون لشکر عباسه گلوب قانلی صلاته قربان - راه نجاته قربان سینه سی یوز مین اوخلی- شاه فراته قربان جان عباس- سنه قربان عباس- ساقی طفلان عباس- جان عباس وئرخ آند اکبرینه رحمت ائده نوکرینه آدیمی ثبت ائلیه کرب و بلا دفترینه مدفنی ای شش گوشه - عاشقیوه وئر توشه کرببلائی لر تک - بیز ده آلاخ آغوشه کربلا- سنه جانلار فدا - بیر لقبی نینوا - کربلا ** امین اسماعیل زاده ماکویی https://eitaa.com/kobradsg

قبریمه ایتدیم وصیت غملی مطلب یازالار قبریمه ائتدیم وصیت غملی مطلب یازالار باش طرفده خط زیباءیله یارب یازالار کوینگیم تک قبریمون داشی گرک قاره اولا اوستونه اوچ آدی عشقیله مرتب یازالار ساق طرفده یا ابالفضل صول طرفده یا حسین بو ایکی آد آراسندا سورا زینب یازالار https://eitaa.com/kobradsg

نوحه حضرت علی اکبر علیه السلام و یا او.خشاما آی جوان بالام لای لای قهرمان   بالام لای لای پیکری اولان پرپر مهربان بالام لای لای لیلینی آتان لای لای قانینه باتان لای لای باش قویوب تراب اوسته نازیله یاتان لای لای آندیوا  دگوب یاره قلبیمی ائدوب پاره یاتماقون بیله اوغلوم باشیمه سالوب قاره آچ گوزون بیله یاتما گوز یاشیم قانا قاتما سن بیل اصغرون جانی دور آناوی آغلاتما دوغرویوب سنی عدوان قالمشام  بیله  نالان سسلرم دمادم من گوزلریم سنه قربان آغلارام یانا یانه سس دوشر بیابانه آچ گوزون شهید اوغلوم باخ بو چشم گریانه وار یری گلم داده باشین اوسته فریاده یوخدی قارداشیم اوغلوم سسلیم من امداده پیکرون باتوب قانه تللرون دوشوب یانه ویر اجازه من اوغلوم باشیوه وروم  شانه آی کیمی اوغول باتدون گوزدن عالمی  آتدون باشین اوسته سن آخر اوز آتاوی  آغلاتدون قان حنا اله یاخدون غملی بیر اوزوک تاخدون جان ویرنده حسرتله خیمیه طرف یاخدون التماس دعا https://eitaa.com/kobradsg

ورود ماه محرم -(گلدی ماه محرم دوباره) **** ورود ماه محرم سبک : ای قلم ... مطهری ... جامه عشقیوی ... کربلایی موسی جوانی تبریزی گلدی ماه محرم دوباره اشگ چشمیم رواندور عذاره سسلرم قولسوز عباسین آدین دردمندم آلام بلکه چاره آغلارام ماتمونده ابوالفضل باشه ویرام غمونده ابوالفضل یا ابوالفضل ... سنده وارجمله دردین دواسی ای علینون اوجابوی بالاسی اولماراضی یانا درد اوتوندا هرکمین واردی سن تک آقاسی صاحب عز و اجلال ابوالفضل دردمنده نظـرسال ابوالفضل یا ابوالفضل ... چوخلارامراضه آلدی نتایج سندن ای آدی باب الحوائج قطع اولان اللرونله بوجمعین دردینه ایله مولا معالج ای اطبادن افضل ابوالفضل بو شفاخانیه گل ابوالفضل یا ابوالفضل ... یاندورب غملرون شیعیانی غرق محنت ائدوب ماسوانی آغلارهریرده آدون گلنده هرکمین اولسا درد گرانی سسلرعاشقلرون جان ابوالفضل دردلره ایله درمان ابوالفضل یا ابوالفضل ... ای اولان زینبین دلرباسی معرفت بزمینین کیمیاسی کربلاده دوشنده ترابه قیزلارین عرشه چخدی نواسی ملجا آل طـاها ابوالفضل قیزلارائتدی نوا یا ابوالفضل یا ابوالفضل ... پیکروندن آخان قانه قربان تپراق اوسته چخان جانه قربان نهری آلدون ولی ایچمدون سو شیعلرسن تک عطشانه قربان ای حسینه علمدارابوالفضل لشگردینه سردار ابوالفضل یا ابوالفضل ... جسموه چوخ دگوب تیروپیکان یارلردن آخاردی قیزیل قان آه او وقتدن یارالی قوم اوسته غملی شاهی چاغوردون لب عطشان گل دئدون ئولدی قارداش ابوالفضل گوزیاشون اولدی قانیاش ابوالفضل یا ابوالفضل ... آلدی قارداش سسین شاه خوبان مقتله ساری اولدی شتابان گوردی قولسوزترابه دوشوبدی سروباغ شه کون و امکان دیلده اولدی سوزی وای ابوالفضل بیرده گلمز سنه تای ابوالفضل یا ابوالفضل ... ای خدنگ جفایه نشانه دورحسینون گلوبدی فغانه آچ گوزون بیرمنه باخ ابوالفضل آهیم اوج ایلیور آسمانه ای آتام یادگاری ابوالفضل دین حق جان نثاری ابوالفضل یا ابوالفضل ... باشوه قاره باغلا « جوانی » ایله بو آیدا اعلان عزانی ورسالار هاردا عباسه پرچم سنده صدقیله اول نوحه خوانی آغلیاندا دنن جان ابوالفضل قبروه ایله مهمان ابوالفضل یا ابوالفضل ... https://eitaa.com/kobradsg

▪️مفاخره کربلا با کعبه ✍بقلم زنده یاد استاد یحیوی اردبیلی سسلندی کربلا ای کعبةُ الحرام گوندر حسینیمی من یاخشی ساخلارام شهزاده اکبرین ششماهه اصغرین سینم شکاف ائدوب جان تک قوجاقلارام مولا حسین حسین آقا حسین حسین مولا حسین حسین ____________________ کوه منا سنون میدانی وئر منه هاجرده صبر یوخ لیلانی وئر منه یتمیش ایکی سوسوز قربانی وئر منه توپراقیمه منیم آرتورسون احترام مولا حسین حسین آقا حسین حسین مولا حسین حسین وار زمزمون سنون منده فرات وار قلبیمده چشمۀ آبِ حیات وار وئر اصغری منه منده ثبات وار لایلای دیوب اونی راحت یاتوردارام مولا حسین حسین آقا حسین حسین مولا حسین حسین اُمُّ القُراء سن، اُمُّ المصائبم خاک شفا منم، هر درده غالبم خون خدائیله ، دائم مصاحبم حتی حسینیله جنتده من وارام مولا حسین حسین آقا حسین حسین مولا حسین حسین خلق ایلیوب منی چون حی و کردگار زهرانون اوغلونا مدفن ویروب قرار عرش معظّمه وار منده افتخار بو شأن و شوکتی الدن بوراخمارام مولا حسین حسین آقا حسین حسین مولا حسین حسین خاکیمدی کیمیا داشیم جواهرات منده مقام ائدر ، حَلّالِ مشکلات هر مشکله دوشن، منده تاپور نجات حق منده ایلیوب ئوز نعمتین تمام مولا حسین حسین آقا حسین حسین مولا حسین حسین اوچ گون قاپون آچوق تک اغنیالره سنده طوافه یوخ یول بینوالره فیضیم یتر منیم شاه و گدالره درگاه رحمتی من باغلی قویمارام مولا حسین حسین آقا حسین حسین مولا حسین حسین بیر قطره تربتیم طوفانی ساخلادی نوحه تلاطمِ دریانی ساخلادی سنده کسیلمدی قربانی ، ساخلادی الله فدالری منده ائدر خرام مولا حسین حسین آقا حسین حسین مولا حسین حسین مدّتدی گوزلرم شبه پیمبری تأخیره سالما چوخ قوی گلسون اکبری سرسون بو سینه مه زلف معنبری بیر تار مویینی دنیایه وئرمرم مولا حسین حسین آقا حسین حسین مولا حسین حسین عباسه وئرمیشم اطراف علقمی گلسون حسینون اول همراز و همدمی وورسون گرک ئوزی نهر اوسته پرچمی شاهون وزیریدور زحمتده قویمارام مولا حسین حسین آقا حسین حسین مولا حسین حسین شهزاده اصغرین ویرسه منه رباب بیر دایۀ کَمین، ائتسون منی حساب اول طفلون ایلرم گهوراه سین تراب من یاخشی آغلارام من یاخشی اوخشارام مولا حسین حسین آقا حسین حسین مولا حسین حسین لیلا آچاندا باش بیگانه گورمه سون تلّیم حجابدور میدانه، گورمه سون زینب ،حسین دوشوب طوفانه ، گورمه سون طوفان اشکیمی گوزدن قوتارمارام مولا حسین حسین آقا حسین حسین مولا حسین حسین بیر منزل ائتمیشم آماده قاسمه تا یادگار اولا دنیاده قاسمه طوی ایلسه حسین شهزاده قاسمه داماده من گرک طوی حجله سی قورام مولا حسین حسین آقا حسین حسین مولا حسین حسین https://eitaa.com/kobradsg